WhatsApp: ਤੁਹਾਡੇ WhatsApp ਦੀ ਜਾਸੂਸੀ ਤਾਂ ਨਹੀਂ ਹੋ ਰਹੀ? ਇਹੈ ਪਤਾ ਲਗਾਉਣ ਦਾ ਤਰੀਕਾ
WhatsApp Spying: ਮਸ਼ਹੂਰ ਮੈਸੇਜਿੰਗ ਐਪ WhatsApp 'ਤੇ ਜਾਸੂਸੀ ਲਈ Pegasus spyware ਸੁਰਖੀਆਂ 'ਚ ਆਇਆ ਸੀ ਅਤੇ ਹੁਣ ਇਸ ਦਾ ਪਤਾ ਲਗਾਉਣ ਦਾ ਆਸਾਨ ਤਰੀਕਾ ਸਾਹਮਣੇ ਆਇਆ ਹੈ। ਕੈਸਪਰਸਕੀ ਖੋਜਕਰਤਾਵਾਂ ਨੇ ਇਸ ਤਰੀਕੇ ਅਤੇ ਕੁਝ ਸਾਧਨਾਂ ਬਾਰੇ...
Pegasus Spyware: ਪ੍ਰਸਿੱਧ ਮੈਸੇਜਿੰਗ ਪਲੇਟਫਾਰਮ ਵਟਸਐਪ ਦੇ ਯੂਜ਼ਰਸ ਦੀ ਜਾਸੂਸੀ ਕਰਨ ਲਈ ਪੈਗਾਸਸ ਸਪਾਈਵੇਅਰ ਕਾਫੀ ਸਮੇਂ ਤੋਂ ਸੁਰਖੀਆਂ 'ਚ ਸੀ ਅਤੇ ਇਸ ਨਾਲ ਜੁੜਿਆ ਸਭ ਤੋਂ ਵੱਡਾ ਖ਼ਤਰਾ ਇਹ ਸੀ ਕਿ ਇਸ ਦਾ ਪਤਾ ਨਾ ਲੱਗ ਪਾਉਂਣਾ। ਇਹ ਸਪਾਈਵੇਅਰ ਡਿਵਾਈਸ 'ਚ ਲੁਕਿਆ ਰਹਿੰਦਾ ਸੀ ਅਤੇ ਇਸ ਦਾ ਪਤਾ ਨਹੀਂ ਲਗਾਇਆ ਜਾ ਸਕਦਾ ਸੀ ਪਰ ਹੁਣ ਕੈਸਪਰਸਕੀ ਨੇ ਯੂਜ਼ਰਸ ਲਈ ਕੰਮ ਆਸਾਨ ਕਰ ਦਿੱਤਾ ਹੈ।
ਆਈਫੋਨ ਵਿੱਚ ਪੈਗਾਸਸ ਸਪਾਈਵੇਅਰ ਦੀ ਮੌਜੂਦਗੀ ਦੇ ਮਾਮਲੇ ਵਿੱਚ, ਕੈਸਪਰਸਕੀ ਖੋਜਕਰਤਾਵਾਂ ਦੁਆਰਾ ਸੁਝਾਏ ਗਏ ਢੰਗ ਨਾਲ ਇਸਦਾ ਪਤਾ ਲਗਾਇਆ ਜਾ ਸਕਦਾ ਹੈ। ਕੈਸਪਰਸਕੀ ਦੀ ਗਲੋਬਲ ਖੋਜ ਅਤੇ ਵਿਸ਼ਲੇਸ਼ਣ ਟੀਮ (GReAT) ਨੇ ਨਾ ਸਿਰਫ਼ ਅਜਿਹੇ ਖਤਰਿਆਂ ਦਾ ਪਤਾ ਲਗਾਉਣ ਦਾ ਇੱਕ ਆਸਾਨ ਤਰੀਕਾ ਸੁਝਾਇਆ ਹੈ, ਸਗੋਂ ਉਪਭੋਗਤਾਵਾਂ ਲਈ ਇੱਕ ਸਵੈ-ਜਾਂਚ ਟੂਲ ਵੀ ਤਿਆਰ ਕੀਤਾ ਹੈ।
ਕੈਸਪਰਸਕੀ ਮਾਹਿਰਾਂ ਦੇ ਅਨੁਸਾਰ, ਪੈਗਾਸਸ ਇਨਫੈਕਸ਼ਨ ਦੇ ਮਾਮਲੇ ਵਿੱਚ, ਇਸਦੇ ਸੰਕੇਤ ਗੈਰ-ਰਵਾਇਤੀ ਸਿਸਟਮ ਲੌਗ Shutdown.log ਵਿੱਚ ਮਿਲਦੇ ਹਨ। iOS ਡਿਵਾਈਸਾਂ 'ਤੇ, ਇਸ ਲੌਗ ਨੂੰ sysdiagnose ਪੁਰਾਲੇਖ ਦਾ ਹਿੱਸਾ ਬਣਾਇਆ ਗਿਆ ਹੈ। ਇਹ ਆਰਕਾਈਵ ਹਰ ਰੀਬੂਟ ਤੋਂ ਡਾਟਾ ਸਟੋਰ ਕਰਦਾ ਹੈ, ਜਿੱਥੇ ਪੇਗਾਸਸ ਵਲੇਂ ਹੋਣ ਵਾਲੀ ਗਤੀਵਿਧੀ ਦੇ ਸੰਕੇਤ ਮਿਲਦੇ ਹਨ।
ਜੇਕਰ ਤੁਸੀਂ WhatsApp 'ਤੇ ਜਾਸੂਸੀ ਵਰਗੇ ਖਤਰਿਆਂ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਆਪਣੀ ਡਿਵਾਈਸ ਨੂੰ ਰੋਜ਼ਾਨਾ ਰੀਸਟਾਰਟ ਕਰਨਾ ਅਕਲਮੰਦੀ ਦੀ ਗੱਲ ਹੈ। ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਪੈਗਾਸਸ ਜ਼ੀਰੋ-ਕਲਿੱਕ ਹਮਲੇ ਕਰਦਾ ਹੈ, ਜੋ ਡਿਵਾਈਸ 'ਤੇ ਨਹੀਂ ਬਚਦਾ। ਅਜਿਹੀ ਸਥਿਤੀ ਵਿੱਚ, ਮੁੜ ਚਾਲੂ ਕਰਨਾ ਮਦਦ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ, ਆਈਓਐਸ ਦੇ ਉਪਭੋਗਤਾ ਲਾਕਡਾਊਨ ਮੋਡ ਦੀ ਵਰਤੋਂ ਕਰਕੇ ਵੀ ਜਾਸੂਸੀ ਤੋਂ ਬਚ ਸਕਦੇ ਹਨ।
ਇਹ ਵੀ ਪੜ੍ਹੋ: One Plus 12 Launch: OnePlus ਦਾ ਮੇਗਾ ਈਵੈਂਟ ਅੱਜ, ਜਾਣੋ ਕੀ ਹੋਵੇਗਾ ਲਾਂਚ, ਤੁਸੀਂ ਘਰ ਬੈਠੇ ਇਸ ਨੂੰ ਦੇਖ ਸਕੋਗੇ ਲਾਈਵ
ਤੁਸੀਂ ਆਪਣੀ ਡਿਵਾਈਸ ਨੂੰ ਨਵੀਨਤਮ ਸੰਸਕਰਣ 'ਤੇ ਅੱਪਡੇਟ ਰੱਖਣਾ, FaceTime ਅਤੇ iMessage ਨੂੰ ਬੰਦ ਕਰਨਾ, ਅਣਜਾਣ ਲਿੰਕਾਂ 'ਤੇ ਕਲਿੱਕ ਨਾ ਕਰਨਾ, ਬੈਕਅੱਪਾਂ ਦੀ ਜਾਂਚ ਕਰਨਾ ਆਦਿ ਵਰਗੇ ਕੰਮ ਕਰਕੇ ਆਪਣੇ ਆਪ ਨੂੰ ਸੁਰੱਖਿਅਤ ਰੱਖ ਸਕਦੇ ਹੋ। MVT ਅਤੇ Kaspersky ਟੂਲ ਇਸ ਲਈ ਵਰਤੇ ਜਾ ਸਕਦੇ ਹਨ।
ਇਹ ਵੀ ਪੜ੍ਹੋ: Ludhiana News: ਲੁਧਿਆਣਾ 'ਚ ਸੀਤ ਲਹਿਰ ਦਾ ਕਹਿਰ! ਠੰਢ ਨੇ ਤੋੜਿਆ 54 ਸਾਲਾਂ ਦਾ ਰਿਕਾਰਡ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
