Illegal Content On Phone : ਫੋਨ 'ਚ ਕਦੇ ਵੀ ਨਾ ਰੱਖੋ ਇਹ ਸਮੱਗਰੀ, ਨਹੀਂ ਤਾਂ ਪੁਲਿਸ ਕਰ ਸਕਦੀ ਹੈ ਗ੍ਰਿਫ਼ਤਾਰ
Illegal Content On Phone: ਗੈਰ-ਕਾਨੂੰਨੀ ਸਮੱਗਰੀ ਫੋਨ ਵਿੱਚ ਰੱਖਣਾ ਤੁਹਾਨੂੰ ਜੇਲ੍ਹ ਤੱਕ ਪਹੁੰਚਾ ਸਕਦਾ ਹੈ। ਹਾਲ ਹੀ ਵਿੱਚ ਦਿੱਲੀ ਪੁਲਿਸ ਨੇ 10 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ 'ਤੇ ਆਪਣੇ ਮੋਬਾਈਲ ਵਿੱਚ ਬੱਚਿਆਂ ਦੇ ਯੌਨ
Illegal Content On Phone: ਗੈਰ-ਕਾਨੂੰਨੀ ਸਮੱਗਰੀ ਫੋਨ ਵਿੱਚ ਰੱਖਣਾ ਤੁਹਾਨੂੰ ਜੇਲ੍ਹ ਤੱਕ ਪਹੁੰਚਾ ਸਕਦਾ ਹੈ। ਹਾਲ ਹੀ ਵਿੱਚ ਦਿੱਲੀ ਪੁਲਿਸ ਨੇ 10 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ 'ਤੇ ਆਪਣੇ ਮੋਬਾਈਲ ਵਿੱਚ ਬੱਚਿਆਂ ਦੇ ਯੌਨ ਸ਼ੋਸ਼ਣ ਨਾਲ ਸੰਬੰਧਿਤ ਸਮੱਗਰੀ (CSAM) ਸੰਭਾਲ ਕੇ ਰੱਖਣ ਅਤੇ ਹੋਰਨਾਂ ਨਾਲ ਸਾਂਝੀ ਕਰਨ ਦੇ ਦੋਸ਼ ਹਨ।
ਪੁਲਿਸ ਮੁਤਾਬਕ, ਇਹ ਲੋਕ ਗੈਰ-ਕਾਨੂੰਨੀ ਸਮੱਗਰੀ ਨੂੰ ਡਾਊਨਲੋਡ ਕਰਨ, ਸਟੋਰ ਕਰਨ ਅਤੇ ਫੈਲਾਉਣ ਲਈ ਕਲਾਉਡ ਸਟੋਰੇਜ, ਸੋਸ਼ਲ ਮੀਡੀਆ ਪਲੇਟਫਾਰਮ ਅਤੇ ਮੋਬਾਈਲ ਐਪਸ ਦੀ ਵਰਤੋਂ ਕਰ ਰਹੇ ਸਨ। ਇਹ ਮਾਮਲਾ ਗੂਗਲ ਦੇ ਡਿਟੈਕਸ਼ਨ ਸਿਸਟਮ ਰਾਹੀਂ ਸਾਹਮਣੇ ਆਇਆ, ਜਿਸ ਤੋਂ ਬਾਅਦ ਪੁਲਿਸ ਨੇ 5 ਦਿਨਾਂ ਦਾ ਆਪਰੇਸ਼ਨ ਚਲਾ ਕੇ ਕਾਰਵਾਈ ਕੀਤੀ।
ਗੂਗਲ ਨੂੰ ਇਸ ਸਮੱਗਰੀ ਦਾ ਕਿਵੇਂ ਪਤਾ ਲੱਗਦਾ ਹੈ?
ਗੂਗਲ ਆਪਣੀਆਂ ਸੇਵਾਵਾਂ 'ਤੇ ਚਾਈਲਡ ਸੈਕਸ਼ੁਅਲ ਅਬਿਊਜ਼ ਮਟੀਰੀਅਲ (CSAM) ਦੀ ਪਛਾਣ ਲਈ ਹੈਸ਼ ਮੈਚਿੰਗ ਅਤੇ ਆਰਟੀਫ਼ਿਸ਼ਲ ਇੰਟੈਲੀਜੈਂਸ (AI) ਦੀ ਵਰਤੋਂ ਕਰਦਾ ਹੈ। ਹੈਸ਼ ਮੈਚਿੰਗ ਵਿੱਚ ਹਰ ਤਸਵੀਰ ਜਾਂ ਵੀਡੀਓ ਦਾ ਇੱਕ ਵਿਲੱਖਣ ਡਿਜ਼ਿਟਲ ਫਿੰਗਰਪ੍ਰਿੰਟ (Hash) ਬਣਾਇਆ ਜਾਂਦਾ ਹੈ। ਜਦੋਂ ਕੋਈ ਫਾਈਲ ਗੂਗਲ ਦੇ ਸਰਵਰ 'ਤੇ ਅਪਲੋਡ ਹੁੰਦੀ ਹੈ, ਤਾਂ ਉਸਦਾ ਹੈਸ਼ ਪਹਿਲਾਂ ਤੋਂ ਮੌਜੂਦ CSAM ਡੇਟਾਬੇਸ ਨਾਲ ਮਿਲਾਇਆ ਜਾਂਦਾ ਹੈ।ਜੇਕਰ ਹੈਸ਼ ਮੇਲ ਖਾ ਜਾਂਦਾ ਹੈ, ਤਾਂ ਸਿਸਟਮ ਆਪਣੇ ਆਪ ਅਲਰਟ ਜਾਰੀ ਕਰ ਦਿੰਦਾ ਹੈ। ਇਸ ਲਈ ਫਾਈਲ ਨੂੰ ਖੋਲ੍ਹਣ ਦੀ ਲੋੜ ਨਹੀਂ ਪੈਂਦੀ। ਜੇ ਕੋਈ ਨਵੀਂ ਜਾਂ ਸੋਧੀ ਹੋਈ ਸਮੱਗਰੀ ਹੋਵੇ, ਤਾਂ AI ਉਸਦੇ ਪੈਟਰਨ ਦੀ ਪਛਾਣ ਕਰਕੇ ਵੀ ਉਸਨੂੰ ਡਿਟੈਕਟ ਕਰ ਸਕਦਾ ਹੈ।
ਗੂਗਲ ਤੋਂ ਜਾਣਕਾਰੀ ਪੁਲਿਸ ਤੱਕ ਕਿਵੇਂ ਪਹੁੰਚਦੀ ਹੈ?
ਜਦੋਂ ਗੂਗਲ ਨੂੰ ਅਜਿਹੀ ਗੈਰ-ਕਾਨੂੰਨੀ ਸਮੱਗਰੀ ਮਿਲਦੀ ਹੈ, ਤਾਂ ਉਹ ਇਸਨੂੰ ਹਟਾ ਕੇ ਇਸਦੀ ਰਿਪੋਰਟ ਅਮਰੀਕਾ ਸਥਿਤ National Center for Missing & Exploited Children (NCMEC) ਨੂੰ ਭੇਜਦਾ ਹੈ। ਰਿਪੋਰਟ ਵਿੱਚ ਸਮੱਗਰੀ ਨਾਲ ਜੁੜੇ ਵੇਰਵੇ, ਅਕਾਊਂਟ ਜਾਣਕਾਰੀ ਅਤੇ ਹੋਰ ਲੋੜੀਂਦਾ ਡਾਟਾ ਸ਼ਾਮਲ ਹੁੰਦਾ ਹੈ। ਇਸ ਤੋਂ ਬਾਅਦ NCMEC ਇਹ ਜਾਣਕਾਰੀ ਸੰਬੰਧਿਤ ਦੇਸ਼ ਦੀਆਂ ਕਾਨੂੰਨੀ ਏਜੰਸੀਆਂ ਨੂੰ ਭੇਜਦਾ ਹੈ, ਜੋ ਮਾਮਲੇ ਦੀ ਜਾਂਚ ਕਰਦੀਆਂ ਹਨ।
ਅਜਿਹੀ ਸਮੱਗਰੀ ਕਦੇ ਵੀ ਫੋਨ ਵਿੱਚ ਨਾ ਰੱਖੋ
ਭਾਰਤ ਵਿੱਚ ਬੱਚਿਆਂ ਨਾਲ ਸੰਬੰਧਿਤ ਅਸ਼ਲੀਲ ਸਮੱਗਰੀ (CSAM) ਨੂੰ ਡਾਊਨਲੋਡ ਕਰਨਾ, ਆਪਣੇ ਫੋਨ ਜਾਂ ਕਲਾਉਡ ਵਿੱਚ ਸੰਭਾਲ ਕੇ ਰੱਖਣਾ ਜਾਂ ਕਿਸੇ ਨਾਲ ਸਾਂਝਾ ਕਰਨਾ ਕਾਨੂੰਨੀ ਤੌਰ 'ਤੇ ਮਨਾਹੀ ਹੈ।
ਜੇ ਕੋਈ ਵਿਅਕਤੀ ਅਜਿਹਾ ਕਰਦਾ ਪਾਇਆ ਜਾਂਦਾ ਹੈ, ਤਾਂ ਉਸ ਖ਼ਿਲਾਫ਼ ਆਈਟੀ ਐਕਟ ਅਤੇ ਪੋਕਸੋ (POCSO) ਐਕਟ ਸਮੇਤ ਹੋਰ ਲਾਗੂ ਕਾਨੂੰਨਾਂ ਤਹਿਤ ਸਖ਼ਤ ਕਾਰਵਾਈ ਹੋ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
