Warning for Apple users: ਭਾਰਤ ਸਰਕਾਰ ਵੱਲੋਂ ਆਈਫੋਨ ਵਾਲਿਆਂ ਨੂੰ ਚੇਤਾਵਨੀ! ਵੱਡੇ ਹਮਲੇ ਦਾ ਖਤਰਾ
High risk warning for Apple users: ਭਾਰਤ ਸਰਕਾਰ ਨੇ ਐਪਲ ਉਪਭੋਗਤਾਵਾਂ ਲਈ ਹਾਈ ਰਿਸਕ ਦੀ ਚੇਤਾਵਨੀ ਜਾਰੀ ਕੀਤੀ ਹੈ। ਜੇਕਰ ਤੁਹਾਡੇ ਕੋਲ ਆਈਫੋਨ, ਆਈਪੈਡ, ਮੈਕਬੁੱਕ, ਐਪਲ ਟੀਵੀ ਜਾਂ ਐਪਲ ਵਿਜ਼ਨ ਪ੍ਰੋ ਵਰਗੇ ਡਿਵਾਈਸ
High risk warning for Apple users: ਭਾਰਤ ਸਰਕਾਰ ਨੇ ਐਪਲ ਉਪਭੋਗਤਾਵਾਂ ਲਈ ਹਾਈ ਰਿਸਕ ਦੀ ਚੇਤਾਵਨੀ ਜਾਰੀ ਕੀਤੀ ਹੈ। ਜੇਕਰ ਤੁਹਾਡੇ ਕੋਲ ਆਈਫੋਨ, ਆਈਪੈਡ, ਮੈਕਬੁੱਕ, ਐਪਲ ਟੀਵੀ ਜਾਂ ਐਪਲ ਵਿਜ਼ਨ ਪ੍ਰੋ ਵਰਗੇ ਡਿਵਾਈਸ ਹਨ ਤਾਂ ਸਾਵਧਾਨ ਹੋ ਜਾਓ। ਭਾਰਤ ਸਰਕਾਰ ਦੇ ਇਲੈਕਟ੍ਰਾਨਿਕਸ ਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਦੇ ਅਧੀਨ ਕੰਮ ਕਰਨ ਵਾਲੀ ਸੰਸਥਾ CERT-In (ਇੰਡੀਅਨ ਕੰਪਿਊਟਰ ਐਮਰਜੈਂਸੀ ਰਿਸਪਾਂਸ ਟੀਮ) ਨੇ ਐਪਲ ਉਪਭੋਗਤਾਵਾਂ ਲਈ ਇੱਕ ਹਾਈ ਰਿਸਕ ਵਾਲੀ ਸੁਰੱਖਿਆ ਚੇਤਾਵਨੀ ਜਾਰੀ ਕੀਤੀ ਹੈ।
ਇਸ ਚੇਤਾਵਨੀ ਦਾ ਕਾਰਨ ਐਪਲ ਡਿਵਾਈਸਾਂ ਵਿੱਚ ਪਾਈਆਂ ਜਾਣ ਵਾਲੀਆਂ ਕਈ ਖ਼ਤਰਨਾਕ ਸੁਰੱਖਿਆ ਖਾਮੀਆਂ ਹਨ। ਜੇਕਰ ਹੈਕਰਾਂ ਦੁਆਰਾ ਇਨ੍ਹਾਂ ਨੂੰ ਐਸਕਪੋਲਾਇਟ ਕਰ ਲਿਆ ਜਾਂਦਾ ਹੈ, ਤਾਂ ਉਹ ਤੁਹਾਡੀ ਡਿਵਾਈਸ 'ਤੇ ਪੂਰਾ ਕੰਟਰੋਲ ਹਾਸਲ ਕਰ ਸਕਦੇ ਹਨ, ਡੇਟਾ ਚੋਰੀ ਕਰ ਸਕਦੇ ਹਨ, ਜਾਂ ਸਿਸਟਮ ਨੂੰ ਪੂਰੀ ਤਰ੍ਹਾਂ ਕਰੈਸ਼ ਵੀ ਕਰ ਸਕਦੇ ਹਨ। ਇਸ ਲਈ ਸਰਕਾਰ ਨੇ ਅਲਰਟ ਜਾਰੀ ਕੀਤਾ ਹੈ।
CERT-In ਦੀ ਚੇਤਾਵਨੀ ਵਿੱਚ ਕੀ ਕਿਹਾ ਗਿਆ?
CERT-In ਦੀ ਐਡਵਾਈਜ਼ਰੀ CIVN-2025-0071 ਕਹਿੰਦੀ ਹੈ ਕਿ ਐਪਲ ਦੇ ਕਈ ਸਾਫਟਵੇਅਰ ਸੰਸਕਰਣਾਂ ਵਿੱਚ ਗੰਭੀਰ ਸੁਰੱਖਿਆ ਕਮਜ਼ੋਰੀਆਂ ਹਨ। ਇਨ੍ਹਾਂ ਕਮਜ਼ੋਰੀਆਂ ਦਾ ਫਾਇਦਾ ਉਠਾ ਕੇ ਸਾਈਬਰ ਅਪਰਾਧੀ ਸੰਵੇਦਨਸ਼ੀਲ ਡੇਟਾ ਤੱਕ ਪਹੁੰਚ ਕਰ ਸਕਦੇ ਹਨ, ਸਿਸਟਮ 'ਤੇ ਮਨਮਾਨੇ ਕੋਡਿੰਗ ਕਰ ਸਕਦੇ ਹਨ, ਸੁਰੱਖਿਆ ਨੂੰ ਬਾਈਪਾਸ ਕਰ ਸਕਦੇ ਹਨ, ਸਿਸਟਮ ਵਿਸ਼ੇਸ਼ ਅਧਿਕਾਰਾਂ 'ਤੇ ਕਬਜ਼ਾ ਕਰ ਸਕਦੇ ਹਨ, ਡੇਟਾ ਨਾਲ ਛੇੜਛਾੜ ਕਰ ਸਕਦੇ ਹਨ, ਡਿਵਾਈਸ ਨੂੰ ਪੂਰੀ ਤਰ੍ਹਾਂ ਅਯੋਗ ਕਰ ਸਕਦੇ ਹਨ ਤੇ ਇੱਥੋਂ ਤੱਕ ਕਿ ਸਪੂਫਿੰਗ ਜਾਂ ਸੇਵਾ ਤੋਂ ਇਨਕਾਰ (DoS) ਹਮਲੇ ਵੀ ਕਰ ਸਕਦੇ ਹਨ।
ਕਿਹੜੇ ਯੰਤਰ ਸਭ ਤੋਂ ਵੱਧ ਜੋਖਮ ਵਿੱਚ?
ਜੇਕਰ ਤੁਸੀਂ iOS, macOS, iPadOS, Safari ਬ੍ਰਾਊਜ਼ਰ, tvOS, visionOS, ਜਾਂ Xcode ਦੇ ਪੁਰਾਣੇ ਸੰਸਕਰਣ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਤੁਹਾਨੂੰ ਸਭ ਤੋਂ ਵੱਧ ਖ਼ਤਰਾ ਹੈ। ਇਹ ਡਿਵਾਈਸਾਂ ਇਸ ਸੂਚੀ ਵਿੱਚ ਸ਼ਾਮਲ ਹਨ-
ਆਈਫੋਨ
ਆਈਪੈਡ
ਮੈਕਬੁੱਕ
ਐਪਲ ਟੀ.ਵੀ.
ਐਪਲ ਵਿਜ਼ਨ ਪ੍ਰੋ
ਆਖ਼ਰਕਾਰ, ਇਹ ਖ਼ਤਰਾ ਕਿੰਨਾ ਵੱਡਾ?
CERT-In ਅਨੁਸਾਰ ਇਨ੍ਹਾਂ ਸੁਰੱਖਿਆ ਖਾਮੀਆਂ ਦੀ ਗੰਭੀਰਤਾ ਦਾ ਪੱਧਰ ਬਹੁਤ ਜ਼ਿਆਦਾ (High Severity) ਹੈ। ਜੇਕਰ ਸਮੇਂ ਸਿਰ ਅੱਪਡੇਟ ਨਾ ਕੀਤਾ ਜਾਵੇ ਤਾਂ ਹੈਕਰ ਤੁਹਾਡੀ ਡਿਵਾਈਸ ਦਾ ਪੂਰਾ ਕੰਟਰੋਲ ਆਪਣੇ ਕੋਲ ਲੈ ਸਕਦੇ ਹਨ ਜਾਂ ਤੁਹਾਡੀ ਜਾਣਕਾਰੀ ਤੋਂ ਬਿਨਾਂ ਤੁਹਾਡੇ ਨਿੱਜੀ ਤੇ ਵਿੱਤੀ ਡੇਟਾ ਤੱਕ ਪਹੁੰਚ ਕਰ ਸਕਦੇ ਹਨ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
