iOS ਡਿਵਾਈਸਾਂ 'ਤੇ ਹੈਕਿੰਗ ਦਾ ਜ਼ਿਆਦਾ ਖ਼ਤਰਾ, Android ਨਾਲੋਂ ਜ਼ਿਆਦਾ ਬਣਾਇਆ ਜਾ ਰਿਹਾ ਨਿਸ਼ਾਨਾ, ਨਵੀਂ ਖੋਜ 'ਚ ਖ਼ੁਲਾਸਾ
ਲੁੱਕਆਉਟ ਦੁਆਰਾ ਕੀਤੇ ਗਏ ਇੱਕ ਅਧਿਐਨ ਤੋਂ ਪਤਾ ਚੱਲਿਆ ਹੈ ਕਿ ios ਡਿਵਾਈਸਾਂ ਨੂੰ ਐਂਡਰਾਇਡ ਤੋਂ ਵੱਧ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। Android ਦੇ ਮੁਕਾਬਲੇ iOS ਡਿਵਾਈਸਾਂ ਉੱਤੇ ਲਗਭਗ ਦੁੱਗਣੇ ਹਮਲਿਆਂ ਦਾ ਖ਼ਤਰਾ ਹੈ।
ਐਪਲ ਦੇ ਆਈਫੋਨ ਆਪਣੇ ਬੰਦ ਈਕੋਸਿਸਟਮ ਕਾਰਨ ਐਂਡਰਾਇਡ ਫੋਨਾਂ ਨਾਲੋਂ ਜ਼ਿਆਦਾ ਸੁਰੱਖਿਅਤ ਮੰਨੇ ਜਾਂਦੇ ਹਨ। ਹਾਲਾਂਕਿ, ਹਾਲ ਹੀ ਦੇ ਇੱਕ ਵਿਸ਼ਲੇਸ਼ਣ ਤੋਂ ਪਤਾ ਚੱਲਿਆ ਹੈ ਕਿ iOS ਨੂੰ ਐਂਡਰਾਇਡ ਤੋਂ ਵੱਧ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਹਾਲਾਂਕਿ ios ਵਧੇਰੇ ਸੁਰੱਖਿਅਤ ਹੈ, ਘੁਟਾਲੇਬਾਜ਼ਾਂ ਨੇ ਇਸ 'ਤੇ ਵੀ ਆਪਣੀ ਨਜ਼ਰ ਰੱਖੀ ਹੋਈ ਹੈ। ਬੋਸਟਨ-ਅਧਾਰਤ ਡੇਟਾ-ਸੈਂਟ੍ਰਿਕ ਕਲਾਉਡ ਸੁਰੱਖਿਆ ਕੰਪਨੀ, ਲੁਕਆਊਟ ਦੇ ਇੱਕ ਨਵੇਂ ਅਧਿਐਨ ਵਿੱਚ ਕਿਹਾ ਗਿਆ ਹੈ ਕਿ ios ਡਿਵਾਈਸ ਐਂਡਰੌਇਡ ਨਾਲੋਂ ਫਿਸ਼ਿੰਗ ਤੇ ਹੋਰ ਸਾਈਬਰ ਹਮਲਿਆਂ ਲਈ ਵਧੇਰੇ ਕਮਜ਼ੋਰ ਹਨ।
2024 ਦੀ ਤੀਜੀ ਤਿਮਾਹੀ ਵਿੱਚ ਕੀਤੇ ਗਏ ਇਸ ਅਧਿਐਨ ਵਿੱਚ ਲੱਖਾਂ Android ਤੇ iOS ਡਿਵਾਈਸਾਂ ਨੂੰ ਸ਼ਾਮਲ ਕੀਤਾ ਗਿਆ ਸੀ। ਇਸ ਨੇ ਖੁਲਾਸਾ ਕੀਤਾ ਕਿ 2024 ਦੀਆਂ ਪਹਿਲੀਆਂ ਤਿੰਨ ਤਿਮਾਹੀਆਂ ਦੌਰਾਨ, 19 ਪ੍ਰਤੀਸ਼ਤ ਐਂਟਰਪ੍ਰਾਈਜ਼ iOS ਡਿਵਾਈਸਾਂ ਨੇ ਘੱਟੋ-ਘੱਟ ਇੱਕ ਫਿਸ਼ਿੰਗ ਹਮਲੇ ਦਾ ਅਨੁਭਵ ਕੀਤਾ। ਇਸਦੇ ਮੁਕਾਬਲੇ, ਸਿਰਫ 10.9% ਐਂਟਰਪ੍ਰਾਈਜ਼ ਐਂਡਰਾਇਡ ਫਿਸ਼ਿੰਗ ਹਮਲਿਆਂ ਦੇ ਅਧੀਨ ਸਨ। ਇਹਨਾਂ ਵਿੱਚੋਂ ਜ਼ਿਆਦਾਤਰ ਫਿਸ਼ਿੰਗ ਹਮਲੇ ਈਮੇਲ ਰਾਹੀਂ ਹੋਏ ਹਨ।
ਹਾਲਾਂਕਿ ਫਿਸ਼ਿੰਗ ਹਮਲਿਆਂ 'ਚ ਓਪਰੇਟਿੰਗ ਸਿਸਟਮ ਜ਼ਿਆਦਾ ਭੂਮਿਕਾ ਨਹੀਂ ਨਿਭਾਉਂਦਾ, ਪਰ ਇਕ ਚਿੰਤਾਜਨਕ ਗੱਲ ਇਹ ਹੈ ਕਿ ਐਪਲ ਉਨ੍ਹਾਂ ਕੰਪਨੀਆਂ 'ਚ ਸਿਖਰ 'ਤੇ ਹੈ ਜੋ ਆਪਣੇ ਯੂਜ਼ਰਸ ਦਾ ਡਾਟਾ ਸਰਕਾਰਾਂ ਨਾਲ ਸ਼ੇਅਰ ਕਰਦੀਆਂ ਹਨ। ਯਾਨੀ ਐਪਲ ਸਰਕਾਰਾਂ ਨੂੰ ਯੂਜ਼ਰ ਡਾਟਾ ਦੇਣ 'ਚ ਸਭ ਤੋਂ ਅੱਗੇ ਹੈ।
ਲੁੱਕਆਊਟ ਨੇ ਕਿਹਾ ਕਿ ਮੋਬਾਈਲ 'ਤੇ ਧਮਕੀ ਦਾ ਖ਼ਤਰਾ ਲਗਾਤਾਰ ਵਧ ਰਿਹਾ ਹੈ। ਸਾਈਬਰ ਅਪਰਾਧੀ ਹੁਣ ਆਪਣੀ ਰਣਨੀਤੀ ਬਦਲ ਰਹੇ ਹਨ ਅਤੇ ਮੋਬਾਈਲ ਡਿਵਾਈਸਾਂ 'ਤੇ ਆਪਣੇ ਸ਼ੁਰੂਆਤੀ ਹਮਲੇ ਸ਼ੁਰੂ ਕਰ ਰਹੇ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ AI ਦੇ ਯੁੱਗ 'ਚ ਇਹ ਖ਼ਤਰਾ ਵਧਦਾ ਹੀ ਜਾਵੇਗਾ ਤੇ ਘੁਟਾਲੇਬਾਜ਼ ਉਨ੍ਹਾਂ ਲੋਕਾਂ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕਰਨਗੇ, ਜੋ ਤਕਨਾਲੋਜੀ ਤੋਂ ਜਾਣੂ ਨਹੀਂ ਹਨ।
ਫਿਸ਼ਿੰਗ ਹਮਲਿਆਂ ਤੋਂ ਆਪਣੇ ਆਪ ਨੂੰ ਕਿਵੇਂ ਬਚਾਇਆ ਜਾਵੇ
ਸਾਫਟਵੇਅਰ ਤੇ ਓਪਰੇਟਿੰਗ ਸਿਸਟਮ ਨੂੰ ਅਪਡੇਟ ਰੱਖੋ।
ਸ਼ੱਕੀ ਈਮੇਲਾਂ ਤੋਂ ਸਾਵਧਾਨ ਰਹੋ ਤੇ ਆਪਣੀ ਸੰਵੇਦਨਸ਼ੀਲ ਜਾਣਕਾਰੀ ਸਾਂਝੀ ਨਾ ਕਰੋ।
ਕਿਸੇ ਵੀ ਲੁਭਾਉਣ ਵਾਲੀ ਮੇਲ ਵਿੱਚ ਅਟੈਚਮੈਂਟ 'ਤੇ ਕਲਿੱਕ ਨਾ ਕਰੋ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
