Mobile Tariff in 2022: ਨਵੇਂ ਸਾਲ 'ਚ ਲੱਗੇਗਾ ਝਟਕਾ, ਖਤਮ ਹੋਵੇਗਾ ਸਸਤੇ ਮੋਬਾਈਲ ਟੈਰਿਫ ਦਾ ਦੌਰ
ਭਾਰਤੀ ਏਅਰਟੈੱਲ ਨੇ ਕਾਰਪੋਰੇਟ ਉਪਭੋਗਤਾਵਾਂ ਲਈ ਪੋਸਟਪੇਡ ਟੈਰਿਫ ਵਿੱਚ ਵਾਧਾ ਕੀਤਾ ਸੀ। ਪੋਸਟਪੇਡ ਗਾਹਕਾਂ ਦੇ ਮਾਮਲੇ ਵਿੱਚ ਵੋਡਾਫੋਨ ਆਈਡੀਆ 43% ਮਾਰਕੀਟ ਹਿੱਸੇਦਾਰੀ ਦੇ ਨਾਲ ਪਹਿਲੇ ਨੰਬਰ 'ਤੇ ਹੈ।
Costly Mobile Tariff in 2022: ਸਸਤੇ ਮੋਬਾਈਲ ਟੈਰਿਫ ਦਾ ਯੁੱਗ ਸਾਲ 2022 ਵਿੱਚ ਖ਼ਤਮ ਹੋ ਸਕਦਾ ਹੈ। 2022 ਵਿੱਚ, ਦੂਰਸੰਚਾਰ ਸੇਵਾ ਕੰਪਨੀਆਂ ਦੇ ਪੋਸਟਪੇਡ ਗਾਹਕਾਂ ਨੂੰ ਮਹਿੰਗੇ ਮੋਬਾਈਲ ਬਿੱਲਾਂ ਦਾ ਝਟਕਾ ਲੱਗ ਸਕਦਾ ਹੈ। ਸਾਲ 2021 ਦੇ ਅੰਤ ਤੋਂ ਮਹਿਜ਼ ਇੱਕ ਮਹੀਨਾ ਪਹਿਲਾਂ ਪ੍ਰੀਪੇਡ ਮੋਬਾਈਲ ਟੈਰਿਫ ਵਿੱਚ 20 ਤੋਂ 25 ਫੀਸਦੀ ਦਾ ਵਾਧਾ ਕਰਨ ਤੋਂ ਬਾਅਦ ਟੈਲੀਕਾਮ ਕੰਪਨੀਆਂ ਹੁਣ ਪੋਸਟਪੇਡ ਮੋਬਾਈਲ ਟੈਰਿਫ ਨੂੰ ਵਧਾਉਣ ਦੀ ਤਿਆਰੀ ਕਰ ਰਹੀਆਂ ਹਨ।
ਮੰਨਿਆ ਜਾ ਰਿਹਾ ਹੈ ਕਿ 2022 'ਚ 5ਜੀ ਸੇਵਾ ਲਈ ਸਪੈਕਟਰਮ ਲਈ ਬੋਲੀ ਲਗਾਉਣ ਤੇ ਵਿੱਤੀ ਸਿਹਤ 'ਚ ਸੁਧਾਰ ਕਰਨ ਲਈ ਇਹ ਕੰਪਨੀਆਂ ਹੁਣ ਇਕ ਵਾਰ ਫਿਰ ਮੋਬਾਈਲ ਟੈਰਿਫ ਵਧਾ ਸਕਦੀਆਂ ਹਨ। ਇਸ ਵਾਰ ਅੱਖ ਪੋਸਟਪੇਡ ਮੋਬਾਈਲ ਟੈਰਿਫ ਤੇ ਡਾਟਾ ਰੇਟ 'ਤੇ ਹੈ।
ਪ੍ਰੀਪੇਡ ਤੋਂ ਬਾਅਦ ਮਹਿੰਗਾ ਹੋਵੇਗਾ ਪੋਸਟਪੇਡ ਟੈਰਿਫ!
ਦੂਰਸੰਚਾਰ ਮਾਹਰਾਂ ਦਾ ਮੰਨਣਾ ਹੈ ਕਿ ਪ੍ਰੀਪੇਡ ਟੈਰਿਫ ਵਧਾਉਣ ਦੇ ਫੈਸਲੇ ਤੋਂ ਬਾਅਦ ਟੈਲੀਕਾਮ ਕੰਪਨੀਆਂ ਨਵੇਂ ਸਾਲ 2022 'ਚ ਪੋਸਟਪੇਡ ਟੈਰਿਫ ਵਧਾ ਸਕਦੀਆਂ ਹਨ। ਟੈਲੀਕਾਮ ਕੰਪਨੀਆਂ ਵੱਲੋਂ ਪੋਸਟਪੇਡ ਟੈਰਿਫ ਵਧਾਏ ਜਾਣ 'ਤੇ ਵੀ ਇਸ ਦਾ ਉਨ੍ਹਾਂ ਦੀ ਸਿਹਤ 'ਤੇ ਕੋਈ ਅਸਰ ਨਹੀਂ ਪੈਂਦਾ ਕਿਉਂਕਿ ਗਾਹਕਾਂ ਨੂੰ ਗੁਆਉਣ ਦਾ ਕੋਈ ਡਰ ਨਹੀਂ। ਪੋਸਟਪੇਡ ਗਾਹਕ ਨੰਬਰ ਜਲਦੀ ਪੋਰਟ ਨਹੀਂ ਕਰਦੇ ਹਨ। ਪੋਸਟਪੇਡ ਗਾਹਕ ਉਨ੍ਹਾਂ ਕੰਪਨੀਆਂ ਵਿੱਚ ਪੋਸਟਪੇਡ ਕਨੈਕਸ਼ਨ ਰੱਖਦੇ ਹਨ ਜਿਨ੍ਹਾਂ ਦੀਆਂ ਸੇਵਾਵਾਂ 'ਤੇ ਉਹ ਭਰੋਸਾ ਕਰਦੇ ਹਨ। ਹਾਲਾਂਕਿ, ਇਸਦੇ ਮੁਕਾਬਲੇ, ਪ੍ਰੀਪੇਡ ਗਾਹਕ ਵੱਧ ਤੋਂ ਵੱਧ ਸੰਖਿਆ ਨੂੰ ਪੋਰਟ ਕਰਦੇ ਹਨ।
ਪੋਸਟਪੇਡ ਗਾਹਕ ਆਮਦਨ ਦੇ ਮਾਮਲੇ ਵਿੱਚ ਮਹੱਤਵਪੂਰਨ
ਟੈਲੀਕਾਮ ਕੰਪਨੀਆਂ ਦੇ ਮਾਲੀਏ ਦੇ ਲਿਹਾਜ਼ ਨਾਲ ਪੋਸਟਪੇਡ ਸੇਂਗਮੇਂਟ ਬਹੁਤ ਮਹੱਤਵਪੂਰਨ ਹੈ। ਪੋਸਟਪੇਡ ਗਾਹਕਾਂ ਦਾ ਹਿੱਸਾ ਲਗਭਗ 5 ਪ੍ਰਤੀਸ਼ਤ ਸਰਗਰਮ ਗਾਹਕਾਂ ਦਾ ਹੈ, ਜਦੋਂ ਕਿ ਟੈਲੀਕਾਮ ਕੰਪਨੀਆਂ ਨੂੰ 15 ਪ੍ਰਤੀਸ਼ਤ ਆਮਦਨ ਪੋਸਟਪੇਡ ਹਿੱਸੇ ਤੋਂ ਆਉਂਦੀ ਹੈ। ਲਗਪਗ 50-60 ਪ੍ਰਤੀਸ਼ਤ ਗਾਹਕ ਐਂਟਰਪ੍ਰਾਈਜ਼ ਗਾਹਕ ਹਨ ਤੇ ਪੋਸਟਪੇਡ ਗਾਹਕਾਂ ਵਿੱਚੋਂ 34 ਪ੍ਰਤੀਸ਼ਤ ਦੇਸ਼ ਦੇ ਤਿੰਨ ਮਹਾਨਗਰਾਂ ਤੋਂ ਅਤੇ 36 ਪ੍ਰਤੀਸ਼ਤ ਏ-ਸਰਕਲ ਤੋਂ ਆਉਂਦੇ ਹਨ।
ਇਸ ਤੋਂ ਪਹਿਲਾਂ, ਜੁਲਾਈ ਮਹੀਨੇ ਵਿੱਚ, ਭਾਰਤੀ ਏਅਰਟੈੱਲ ਨੇ ਕਾਰਪੋਰੇਟ ਉਪਭੋਗਤਾਵਾਂ ਲਈ ਪੋਸਟਪੇਡ ਟੈਰਿਫ ਵਿੱਚ ਵਾਧਾ ਕੀਤਾ ਸੀ। ਪੋਸਟਪੇਡ ਗਾਹਕਾਂ ਦੇ ਮਾਮਲੇ ਵਿੱਚ ਵੋਡਾਫੋਨ ਆਈਡੀਆ 43% ਮਾਰਕੀਟ ਹਿੱਸੇਦਾਰੀ ਦੇ ਨਾਲ ਪਹਿਲੇ ਨੰਬਰ 'ਤੇ ਹੈ। ਇਸ ਸੈਗਮੈਂਟ 'ਚ ਭਾਰਤੀ ਏਅਰਟੈੱਲ ਦੀ 28 ਫੀਸਦੀ ਹਿੱਸੇਦਾਰੀ ਹੈ।
ਭਾਰਤ ਵਿੱਚ ਟੈਰਿਫ ਸਭ ਤੋਂ ਸਸਤਾ
ਦਰਅਸਲ, ਸਖ਼ਤ ਮੁਕਾਬਲੇਬਾਜ਼ੀ ਕਾਰਨ ਭਾਰਤ ਵਿੱਚ ਮੋਬਾਈਲ ਟੈਰਿਫ ਸਭ ਤੋਂ ਸਸਤੇ ਹਨ, ਜਿਸ ਦਾ ਖਮਿਆਜ਼ਾ ਪੂਰੇ ਟੈਲੀਕਾਮ ਸੈਕਟਰ ਨੂੰ ਭੁਗਤਣਾ ਪੈ ਰਿਹਾ ਹੈ। ਇਸ ਕਾਰਨ ਸਰਕਾਰ ਨੂੰ ਟੈਲੀਕਾਮ ਕੰਪਨੀਆਂ ਨੂੰ ਬੇਲਆਊਟ ਪੈਕੇਜ ਵੀ ਦੇਣਾ ਪਿਆ ਹੈ। ਅਜਿਹੇ 'ਚ ਦੂਰਸੰਚਾਰ ਸੇਵਾ ਪ੍ਰਦਾਤਾ ਕਿਸੇ ਵੀ ਕੀਮਤ 'ਤੇ ਆਪਣੀ ਵਿੱਤੀ ਸਿਹਤ ਨੂੰ ਸੁਧਾਰਨਾ ਚਾਹੁੰਦੇ ਹਨ। ਇਹੀ ਕਾਰਨ ਹੈ ਕਿ ਪ੍ਰੀਪੇਡ ਟੈਰਿਫ ਵਧਣ ਤੋਂ ਬਾਅਦ ਹੁਣ ਪੋਸਟਪੇਡ ਟੈਰਿਫ ਵਧਣ ਦੀ ਸੰਭਾਵਨਾ ਵਧ ਗਈ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
