Satellite Connectivity: ਨੈੱਟਵਰਕ ਨਾ ਹੋਣ 'ਤੇ ਵੀ ਭੇਜ ਸਕੋਗੇ Message! Google ਦੇਣ ਜਾ ਰਿਹੈ ਵੱਡਾ ਤੋਹਫਾ
Google Messages: ਇੱਥੇ ਜ਼ਿਕਰੇਖਾਸ ਹੈ ਕਿ, ਕਿਉਂਕਿ ਐਪਲ ਆਪਣੇ ਡਿਵਾਈਸ ਦੇ ਨਾਲ ਜੋ ਸੈਟੇਲਾਈਟ ਕਨੈਕਟੀਵਿਟੀ ਪ੍ਰਦਾਨ ਕਰਦਾ ਹੈ ਉਸ ਦੀ ਮਦਦ ਨਾਲ, ਤੁਸੀਂ ਕਿਸੇ ਨੂੰ ਮੈਸੇਜ ਜਾਂ ਕਾਲ ਨਹੀਂ ਕਰ ਸਕਦੇ ਹੋ।
ਸੈਟੇਲਾਈਟ ਕਨੈਕਟੀਵਿਟੀ ਬਾਰੇ ਚਰਚਾ ਉਦੋਂ ਸ਼ੁਰੂ ਹੋਈ ਜਦੋਂ ਐਪਲ ਨੇ ਇਸ ਨੂੰ ਆਈਫੋਨ 14 ਨਾਲ ਪੇਸ਼ ਕੀਤਾ। ਇਸ ਤੋਂ ਬਾਅਦ ਕਈ ਕੰਪਨੀਆਂ ਨੇ ਇਸ ਫੀਚਰ 'ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਹੁਣ ਗੂਗਲ ਸੈਟੇਲਾਈਟ ਕਨੈਕਟੀਵਿਟੀ 'ਤੇ ਵੀ ਗੰਭੀਰਤਾ ਨਾਲ ਕੰਮ ਕਰ ਰਿਹਾ ਹੈ। ਗੂਗਲ ਆਪਣੀ ਮੈਸੇਜਿੰਗ ਐਪ 'ਚ ਸੈਟੇਲਾਈਟ ਕਨੈਕਟੀਵਿਟੀ ਦਾ ਸਪੋਰਟ ਦੇਣ ਜਾ ਰਿਹਾ ਹੈ, ਜਿਸ ਤੋਂ ਬਾਅਦ ਯੂਜ਼ਰਸ ਨੈੱਟਵਰਕ ਦੀ ਅਣਹੋਂਦ 'ਚ ਵੀ ਕਿਸੇ ਨੂੰ ਵੀ ਮੈਸੇਜ ਕਰ ਸਕਣਗੇ।
ਪਿਛਲੇ ਹਫ਼ਤੇ ਹੀ ਇੱਕ ਰਿਪੋਰਟ ਆਈ ਸੀ ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ Google Messages ਐਪ ਵਿੱਚ ਸੈਟੇਲਾਈਟ ਕਨੈਕਟੀਵਿਟੀ ਦਾ ਸਪੋਰਟ ਮਿਲਣ ਵਾਲਾ ਹੈ। ਇਸ ਤੋਂ ਇਲਾਵਾ ਗੂਗਲ ਆਪਣੀ ਮੈਸੇਜਿੰਗ ਐਪ 'ਚ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ਚੈਟਬੋਟ Gemini ਦਾ ਵੀ ਸਪੋਰਟ ਦੇਣ ਜਾ ਰਿਹਾ ਹੈ।
ਸੈਟੇਲਾਈਟ ਕਨੈਕਟੀਵਿਟੀ ਬਾਰੇ ਸਭ ਤੋਂ ਪਹਿਲਾਂ 9to5Google ਨੇ ਜਾਣਕਾਰੀ ਦਿੱਤੀ ਸੀ। ਗੂਗਲ ਮੈਸੇਜ ਐਪ ਦੇ ਨਵੀਨਤਮ ਬੀਟਾ ਸੰਸਕਰਣ 20240329_01_RC00 ਵਿੱਚ ਸੈਟੇਲਾਈਟ ਕਨੈਕਟੀਵਿਟੀ ਦੇਖੀ ਗਈ ਹੈ। ਸੈਟੇਲਾਈਟ ਕਨੈਕਟੀਵਿਟੀ ਦੇ ਨਾਲ, ਉਪਭੋਗਤਾਵਾਂ ਨੂੰ ਇੱਕ ਨੋਟੀਫਿਕੇਸ਼ਨ ਵੀ ਮਿਲ ਰਿਹਾ ਹੈ, 'ਭੇਜਣ ਅਤੇ ਪ੍ਰਾਪਤ ਕਰਨ ਲਈ ਬਾਹਰ ਖੁੱਲ੍ਹੇ ਅਸਮਾਨ ਹੇਠਾਂ ਜਾਓ।'
ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਸੈਟੇਲਾਈਟ ਕਨੈਕਟੀਵਿਟੀ ਦੇ ਤਹਿਤ ਸਿਰਫ ਟੈਕਸਟ ਮੈਸੇਜ ਹੀ ਭੇਜੇ ਜਾ ਸਕਦੇ ਹਨ ਅਤੇ ਇਸ ਵਿੱਚ ਵੀ ਕੁਝ ਸਮਾਂ ਲੱਗੇਗਾ। ਇਸ ਤੋਂ ਇਲਾਵਾ ਤੁਸੀਂ ਫੋਟੋ ਅਤੇ ਵੀਡੀਓ ਨਹੀਂ ਭੇਜ ਸਕੋਗੇ। ਬੀਟਾ ਵਰਜ਼ਨ ਦੇ ਨਾਲ ਲਿਖਿਆ ਗਿਆ ਹੈ ਕਿ ਤੁਸੀਂ ਕਿਸੇ ਨੂੰ ਵੀ ਮੈਸੇਜ ਭੇਜ ਸਕਦੇ ਹੋ, ਯਾਨੀ ਤੁਸੀਂ ਸੈਟੇਲਾਈਟ ਕਨੈਕਟੀਵਿਟੀ ਦੀ ਮਦਦ ਨਾਲ ਉਨ੍ਹਾਂ ਲੋਕਾਂ ਨੂੰ ਮੈਸੇਜ ਭੇਜ ਸਕੋਗੇ ਜੋ ਤੁਹਾਡੀ ਸੰਪਰਕ ਸੂਚੀ ਵਿੱਚ ਹਨ, ਭਾਵੇਂ ਉਨ੍ਹਾਂ ਦਾ ਫ਼ੋਨ ਸੈਟੇਲਾਈਟ ਕਨੈਕਟੀਵਿਟੀ ਨੂੰ ਸਪੋਰਟ ਕਰਦਾ ਹੈ ਜਾਂ ਨਹੀਂ।
ਇੱਥੇ ਜ਼ਿਕਰੇਖਾਸ ਹੈ ਕਿ, ਕਿਉਂਕਿ ਐਪਲ ਆਪਣੇ ਡਿਵਾਈਸ ਦੇ ਨਾਲ ਜੋ ਸੈਟੇਲਾਈਟ ਕਨੈਕਟੀਵਿਟੀ ਪ੍ਰਦਾਨ ਕਰਦਾ ਹੈ ਉਸ ਦੀ ਮਦਦ ਨਾਲ, ਤੁਸੀਂ ਕਿਸੇ ਨੂੰ ਮੈਸੇਜ ਜਾਂ ਕਾਲ ਨਹੀਂ ਕਰ ਸਕਦੇ ਹੋ। ਸਿਰਫ ਐਮਰਜੈਂਸੀ ਸੇਵਾਵਾਂ ਜਿਵੇਂ ਐਂਬੂਲੈਂਸ, ਪੁਲਿਸ ਆਦਿ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
