Smartphone: ਮੋਬਾਈਲ ਫੋਨ ਬਣੇ ਬੈਕਟੀਰੀਆ ਦਾ ਗੜ੍ਹ! ਮਨੁੱਖਾਂ 'ਚ ਫੈਲਾ ਰਹੇ ਖਤਰਨਾਕ ਬਿਮਾਰੀਆਂ
How To Clean Smartphone: ਸਮਾਰਟਫੋਨ ਬਿਮਾਰੀਆਂ ਫੈਲਾ ਰਿਹਾ ਹੈ। ਮੋਬਾਈਲ ਫੋਨ 'ਤੇ ਜਮ੍ਹਾ ਗੰਦਗੀ ਤੇ ਬੈਕਟੀਰੀਆ ਸਿਹਤ ਲਈ ਬੇਹੱਦ ਖਤਰਨਾਕ ਹਨ। ਕਈ ਵਾਰ ਅਸੀਂ ਬਿਮਾਰੀ ਲਈ ਕਈ ਟੈਸਟ ਕਰਾਉਂਦੇ ਰਹਿੰਦੇ ਹਾਂ ਪਰ...
How To Clean Smartphone: ਸਮਾਰਟਫੋਨ ਬਿਮਾਰੀਆਂ ਫੈਲਾ ਰਿਹਾ ਹੈ। ਮੋਬਾਈਲ ਫੋਨ 'ਤੇ ਜਮ੍ਹਾ ਗੰਦਗੀ ਤੇ ਬੈਕਟੀਰੀਆ ਸਿਹਤ ਲਈ ਬੇਹੱਦ ਖਤਰਨਾਕ ਹਨ। ਕਈ ਵਾਰ ਅਸੀਂ ਬਿਮਾਰੀ ਲਈ ਕਈ ਟੈਸਟ ਕਰਾਉਂਦੇ ਰਹਿੰਦੇ ਹਾਂ ਪਰ ਅਸਲ ਵਜ੍ਹਾਂ ਸਾਡੇ ਮੋਬਾਈਲ ਫੋਨ ਉਪਰ ਜਮ੍ਹਾਂ ਹੋਏ ਬੈਕਟੀਰੀਆ ਵੀ ਹੋ ਸਕਦੇ ਹਨ। ਜੀ ਹਾਂ, ਹੁਣ ਤੱਕ ਦੀਆਂ ਅਨੇਕਾਂ ਖੋਜਾਂ ਵਿੱਚ ਸਾਹਮਣੇ ਆਇਆ ਹੈ ਕਿ ਖੂਬਸੂਰਤ ਦਿੱਸਣ ਵਾਲੇ ਮੋਬਾਈਲ ਫੋਨ ਬੈਕਟੀਰੀਆ ਦੇ ਗੜ੍ਹ ਹੁੰਦੇ ਹਨ।
ਦਰਅਸਲ ਅਸੀਂ ਆਪਣੇ ਫੋਨ ਨੂੰ ਦਿਨ ਵਿੱਚ ਕਈ ਵਾਰ ਛੂਹਦੇ ਹਾਂ। ਬਹੁਤ ਸਾਰੇ ਲੋਕ ਰਸੋਈ ਵਿੱਚ ਖਾਣਾ ਪਕਾਉਂਦੇ ਸਮੇਂ, ਡਾਇਨਿੰਗ ਟੇਬਲ 'ਤੇ ਜਾਂ ਜਿੰਮ ਵਿੱਚ ਵੀ ਫੋਨ ਦੀ ਵਰਤੋਂ ਕਰਦੇ ਹਨ। ਸਮਾਰਟਫੋਨ 'ਤੇ ਸੈਂਕੜੇ ਕਿਸਮਾਂ ਦੇ ਬੈਕਟੀਰੀਆ ਤੇ ਵਾਇਰਸ ਇਕੱਠੇ ਹੁੰਦੇ ਹਨ। ਇਹੀ ਬੈਕਟੀਰੀਆ ਬਿਮਾਰੀਆਂ ਦਾ ਕਾਰਨ ਬਣਦੇ ਹਨ। ਇਸ ਲਈ ਮੋਬਾਈਲ ਫੋਨ ਦੀ ਸਫਾਈ ਬੇਹੱਦ ਜ਼ਰੂਰੀ ਹੈ। ਇੱਥੇ ਅਸੀਂ ਤੁਹਾਨੂੰ ਸਮਾਰਟਫੋਨ ਨੂੰ ਸਾਫ਼ ਰੱਖਣ ਲਈ ਕੁਝ ਆਸਾਨ ਪਰ ਪ੍ਰਭਾਵਸ਼ਾਲੀ ਸੁਝਾਅ ਦੱਸਣ ਜਾ ਰਹੇ ਹਾਂ ਤਾਂ ਜੋ ਬੈਕਟੀਰੀਆ ਤੁਹਾਡੇ ਫੋਨ 'ਤੇ ਨਾ ਵਧਣ।
ਫੋਨ ਨੂੰ ਸਾਫ਼ ਰੱਖਣਾ ਕਿਉਂ ਜ਼ਰੂਰੀ ਹੈ?
ਸਮਾਰਟਫੋਨ ਨਾ ਸਿਰਫ਼ ਗੰਦਗੀ ਤੇ ਉਂਗਲੀਆਂ ਦੇ ਨਿਸ਼ਾਨਾਂ ਨਾਲ ਸਗੋਂ ਖਤਰਨਾਕ ਬੈਕਟੀਰੀਆ ਤੇ ਵਾਇਰਸਾਂ ਨਾਲ ਵੀ ਸੰਕਰਮਿਤ ਹੋ ਸਕਦਾ ਹੈ। ਤੁਸੀਂ ਇਸ ਨੂੰ ਖਾਂਦੇ ਸਮੇਂ ਛੂਹਦੇ ਹੋ। ਇਸ ਨੂੰ ਦੂਜੇ ਲੋਕਾਂ ਨੂੰ ਦਿੰਦੇ ਹੋ ਤੇ ਇਸ ਨੂੰ ਮੂੰਹ ਦੇ ਨੇੜੇ ਵੀ ਲਿਆਉਂਦੇ ਹੋ। ਇਸ ਲਈ ਸਫਾਈ ਨਾ ਸਿਰਫ਼ ਸੁੰਦਰਤਾ ਦੇ ਦ੍ਰਿਸ਼ਟੀਕੋਣ ਤੋਂ ਸਗੋਂ ਸਿਹਤ ਦੇ ਦ੍ਰਿਸ਼ਟੀਕੋਣ ਤੋਂ ਵੀ ਮਹੱਤਵਪੂਰਨ ਹੈ।
ਇਨ੍ਹਾਂ ਚੀਜ਼ਾਂ ਨਾਲ ਫ਼ੋਨ ਸਾਫ਼ ਨਾ ਕਰੋ
ਫ਼ੋਨ 'ਤੇ ਕਿਸੇ ਵੀ ਸਖ਼ਤ ਕਲੀਨਰ (ਜਿਵੇਂ ਬਲੀਚ, ਸਿਰਕਾ, ਹਾਈਡ੍ਰੋਜਨ ਪਰਆਕਸਾਈਡ, 70% ਤੋਂ ਵੱਧ ਅਲਕੋਹਲ, ਵਿੰਡੋ ਕਲੀਨਰ ਜਾਂ ਸੈਨੀਟਾਈਜ਼ਰ) ਦੀ ਵਰਤੋਂ ਨਾ ਕਰੋ। ਇਹ ਰਸਾਇਣ ਫ਼ੋਨ ਦੀ ਸਕਰੀਨ 'ਤੇ ਓਲੀਓਫੋਬਿਕ ਕੋਟਿੰਗ ਨੂੰ ਹਟਾ ਸਕਦੇ ਹਨ ਤੇ ਛੂਹਣ ਦੀ ਸੰਵੇਦਨਸ਼ੀਲਤਾ ਨੂੰ ਵਿਗਾੜ ਸਕਦੇ ਹਨ। ਇਸ ਦੇ ਨਾਲ ਹੀ ਉੱਚ-ਅਲਕੋਹਲ ਵਾਲੇ ਕਲੀਨਿੰਗ ਵਾਈਪਸ ਨਾਲ ਵਾਰ-ਵਾਰ ਸਾਫ਼ ਕਰਨ ਨਾਲ ਫ਼ੋਨ ਦੇ ਪਲਾਸਟਿਕ ਹਿੱਸੇ ਸੁੱਕ ਸਕਦੇ ਹਨ ਤੇ ਟੁੱਟ ਸਕਦੇ ਹਨ।
ਇਹ ਸਹੀ ਤਰੀਕਾ
ਫ਼ੋਨ ਸਾਫ਼ ਕਰਨ ਲਈ 70% ਆਈਸੋਪ੍ਰੋਪਾਈਲ ਅਲਕੋਹਲ ਵਾਲੇ ਵਾਈਪਸ ਦੀ ਵਰਤੋਂ ਕਰੋ। ਇਸ ਤੋਂ ਇਲਾਵਾ ਸਪੀਕਰ ਗਰਿੱਲ, ਚਾਰਜਿੰਗ ਪੋਰਟ ਤੇ ਕੋਨਿਆਂ ਨੂੰ ਨਰਮ ਮਾਈਕ੍ਰੋਫਾਈਬਰ ਕੱਪੜੇ ਤੇ ਐਂਟੀ-ਸਟੈਟਿਕ ਬੁਰਸ਼ (ਜਿਵੇਂ ਨਾਈਲੋਨ ਜਾਂ ਘੋੜੇ ਦੇ ਵਾਲਾਂ ਦਾ ਬੁਰਸ਼) ਨਾਲ ਸਾਫ਼ ਕਰੋ। ਸਫ਼ਾਈ ਕਰਨ ਤੋਂ ਪਹਿਲਾਂ ਫ਼ੋਨ ਨੂੰ ਅਨਪਲੱਗ ਕਰੋ, ਕਵਰ ਹਟਾਓ ਤੇ ਕਿਸੇ ਵੀ ਤਰ੍ਹਾਂ ਦੇ ਤਰਲ ਨੂੰ ਪੋਰਟਾਂ ਵਿੱਚ ਦਾਖਲ ਨਾ ਹੋਣ ਦਿਓ।
ਇਸ ਨਾਲ ਸਾਫ਼ ਨਾ ਕਰੋ
ਫ਼ੋਨ 'ਤੇ ਸਿੱਧੇ ਤੌਰ 'ਤੇ ਕਿਸੇ ਵੀ ਸਫ਼ਾਈ ਤਰਲ ਦਾ ਛਿੜਕਾਅ ਨਾ ਕਰੋ। ਫ਼ੋਨ ਨੂੰ ਕਿਸੇ ਵੀ ਸਫ਼ਾਈ ਘੋਲ ਵਿੱਚ ਨਾ ਡੁਬੋਓ, ਭਾਵੇਂ ਇਹ ਵਾਟਰਪ੍ਰੂਫ਼ ਹੋਵੇ। ਟਿਸ਼ੂ ਪੇਪਰ ਜਾਂ ਸਖ਼ਤ ਕੱਪੜੇ ਨਾਲ ਸਫਾਈ ਕਰਨ ਨਾਲ ਖੁਰਚ ਪੈ ਸਕਦੀ ਹੈ। ਜ਼ਿਆਦਾ ਰਗੜਨ ਨਾਲ ਫ਼ੋਨ ਦੀ ਪਰਤ ਹੌਲੀ-ਹੌਲੀ ਖਰਾਬ ਹੋ ਸਕਦੀ ਹੈ।
ਕਿੰਨੀ ਵਾਰ ਸਫ਼ਾਈ ਕਰਨੀ ਚਾਹੀਦੀ ਹੈ?
ਜੇਕਰ ਤੁਸੀਂ ਆਮ ਹਾਲਤਾਂ ਵਿੱਚ ਫ਼ੋਨ ਦੀ ਵਰਤੋਂ ਕਰਦੇ ਹੋ ਤਾਂ ਹਫ਼ਤੇ ਵਿੱਚ ਇੱਕ ਵਾਰ ਪੂਰੀ ਤਰ੍ਹਾਂ ਸਫ਼ਾਈ ਕਰਨਾ ਕਾਫ਼ੀ ਹੈ ਪਰ ਜੇਕਰ ਤੁਸੀਂ ਫ਼ੋਨ ਨੂੰ ਹਸਪਤਾਲ, ਜਿੰਮ, ਜਨਤਕ ਆਵਾਜਾਈ ਜਾਂ ਬਾਥਰੂਮ ਵਰਗੀਆਂ ਥਾਵਾਂ 'ਤੇ ਲੈ ਜਾਂਦੇ ਹੋ, ਤਾਂ ਇਸ ਨੂੰ ਹੋਰ ਨਿਯਮਿਤ ਤੌਰ 'ਤੇ ਸਾਫ਼ ਕਰੋ।
ਸਮਾਰਟਫੋਨ ਨੂੰ ਸਾਫ਼ ਰੱਖਣਾ ਆਸਾਨ
ਫ਼ੋਨ ਨੂੰ ਸਾਫ਼ ਕਰਨਾ ਬਹੁਤ ਮੁਸ਼ਕਲ ਜਾਂ ਮਹਿੰਗਾ ਨਹੀਂ। ਤੁਹਾਨੂੰ ਸਿਰਫ਼ ਸਹੀ ਜਾਣਕਾਰੀ ਅਤੇ ਸਾਵਧਾਨੀ ਦੀ ਲੋੜ ਹੈ। ਫ਼ੋਨ ਨੂੰ ਗਲਤ ਤਰੀਕੇ ਨਾਲ ਸਾਫ਼ ਕਰਨ ਨਾਲ ਹੌਲੀ-ਹੌਲੀ ਫ਼ੋਨ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ, ਪਰ ਜੇਕਰ ਤੁਸੀਂ ਸਹੀ ਤਰੀਕਾ ਅਪਣਾਉਂਦੇ ਹੋ, ਤਾਂ ਤੁਹਾਡਾ ਫ਼ੋਨ ਲੰਬੇ ਸਮੇਂ ਤੱਕ ਸਾਫ਼, ਸੁਰੱਖਿਅਤ ਤੇ ਚੰਗੀ ਹਾਲਤ ਵਿੱਚ ਰਹੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
