TRAI Sim Rule: ਹੁਣ 20 ਰੁਪਏ 'ਚ 4 ਮਹੀਨੇ ਲਈ ਐਕਟਿਵ ਰਹੇਗਾ ਸਿਮ, Jio, Airtel, BSNL ਅਤੇ Vi ਯੂਜ਼ਰਸ ਦੀ ਟੈਨਸ਼ਨ ਖਤਮ

TRAI Sim Rule: ਜ਼ਿਆਦਾਤਰ ਮੋਬਾਈਲ ਯੂਜ਼ਰਸ ਦੋ ਸਿਮ ਕਾਰਡਾਂ ਦੀ ਵਰਤੋਂ ਕਰਦੇ ਹਨ। ਕਿਉਂਕਿ ਜੁਲਾਈ 2025 ਤੋਂ ਰੀਚਾਰਜ ਪਲਾਨ ਮਹਿੰਗੇ ਹੋ ਗਏ ਹਨ, ਇਸ ਲਈ ਕਈ ਵਾਰ ਦੋ ਨੰਬਰਾਂ ਨੂੰ ਰੀਚਾਰਜ ਕਰਨਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ।

TRAI Sim Rule

Source : ABPLIVE AI

TRAI Sim Rule: ਜ਼ਿਆਦਾਤਰ ਮੋਬਾਈਲ ਯੂਜ਼ਰਸ ਦੋ ਸਿਮ ਕਾਰਡਾਂ ਦੀ ਵਰਤੋਂ ਕਰਦੇ ਹਨ। ਕਿਉਂਕਿ ਜੁਲਾਈ 2025 ਤੋਂ ਰੀਚਾਰਜ ਪਲਾਨ ਮਹਿੰਗੇ ਹੋ ਗਏ ਹਨ, ਇਸ ਲਈ ਕਈ ਵਾਰ ਦੋ ਨੰਬਰਾਂ ਨੂੰ ਰੀਚਾਰਜ ਕਰਨਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ। ਭਾਵੇਂ ਹੀ ਅਸੀ ਇੱਕ ਸਿਮ ਕਾਰਡ ਦੀ ਜ਼ਿਆਦਾ ਵਰਤੋਂ ਕਰਦੇ ਹਾਂ, ਕਈ ਵਾਰ ਸਾਨੂੰ ਇਸ ਡਰ ਕਾਰਨ ਨੰਬਰ ਰੀਚਾਰਜ ਕਰਨਾ ਪੈਂਦਾ ਹੈ ਕਿ ਨੰਬਰ ਡੀਐਕਟੀਵੇਟ ਹੋ ਸਕਦਾ ਹੈ। ਜੇਕਰ ਤੁਹਾਨੂੰ ਵੀ ਇਹੀ ਡਰ ਹੈ ਤਾਂ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਤੁਸੀਂ ਨੰਬਰ ਰੀਚਾਰਜ ਕੀਤੇ ਬਿਨਾਂ ਵੀ ਕਈ ਮਹੀਨਿਆਂ ਤੱਕ ਸਿਮ ਨੂੰ ਐਕਟਿਵ ਰੱਖ ਸਕਦੇ ਹੋ।

ਲਗਾਤਾਰ ਰੀਚਾਰਜ ਕਰਾਵਉਣ ਤੋਂ ਮਿਲੀ ਰਾਹਤ

ਅਕਸਰ ਲੋਕ ਆਪਣੀਆਂ ਖਾਸ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਹੀ ਸੈਕੰਡਰੀ ਸਿਮ ਰੱਖਦੇ ਹਨ। ਇਸ ਲਈ, ਨੰਬਰ ਨੂੰ ਡਿਸਕਨੈਕਟ ਜਾਂ ਬੰਦ ਹੋਣ ਤੋਂ ਰੋਕਣ ਲਈ, ਇਸਨੂੰ ਰੀਚਾਰਜ ਕਰਦੇ ਕਰਵਾਉਂਦੇ ਹਨ। ਪਰ ਕਿਉਂਕਿ ਰੀਚਾਰਜ ਪਲਾਨ ਮਹਿੰਗੇ ਹੋ ਗਏ ਹਨ, ਇਸ ਲਈ ਸੈਕੰਡਰੀ ਸਿਮ 'ਤੇ ਪੈਸੇ ਖਰਚ ਕਰਨਾ ਥੋੜ੍ਹਾ ਮੁਸ਼ਕਲ ਹੋ ਗਿਆ ਹੈ। ਹਾਲਾਂਕਿ, ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ ਇੰਡੀਆ ਦੇ ਨਿਯਮਾਂ ਨੇ ਜੀਓ, ਏਅਰਟੈੱਲ, VI ਅਤੇ BSNL ਦੇ ਕਰੋੜਾਂ ਉਪਭੋਗਤਾਵਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਇਸ ਦੇ ਨਾਲ ਹੀ, TRAI ਦੇ ਨਿਯਮ ਨੇ ਮੋਬਾਈਲ ਉਪਭੋਗਤਾਵਾਂ ਨੂੰ ਲਗਾਤਾਰ ਮਹਿੰਗੇ ਰੀਚਾਰਜ ਕਰਨ ਦੀ ਪਰੇਸ਼ਾਨੀ ਤੋਂ ਵੀ ਮੁਕਤ ਕਰ ਦਿੱਤਾ ਹੈ।

TRAI ਦੇ ਨਿਯਮ ਨੇ ਦਿੱਤੀ ਵੱਡੀ ਰਾਹਤ

ਦਰਅਸਲ, ਬਹੁਤ ਸਾਰੇ ਲੋਕ ਆਪਣਾ ਰੀਚਾਰਜ ਪਲਾਨ ਖਤਮ ਹੁੰਦੇ ਹੀ ਇਸ ਡਰ ਨਾਲ ਆਪਣਾ ਨੰਬਰ ਰੀਚਾਰਜ ਕਰਦੇ ਹਨ ਕਿ ਉਨ੍ਹਾਂ ਦਾ ਨੰਬਰ ਡਿਸਕਨੈਕਟ ਹੋ ਸਕਦਾ ਹੈ ਅਤੇ ਉਹ ਨੰਬਰ ਕਿਸੇ ਹੋਰ ਨੂੰ ਟ੍ਰਾਂਸਫਰ ਹੋ ਸਕਦਾ ਹੈ। ਜੇਕਰ ਤੁਸੀਂ ਵੀ ਤੁਰੰਤ ਰੀਚਾਰਜ ਦੇ ਤਣਾਅ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਦੱਸ ਦੇਈਏ ਕਿ TRAI ਮੋਬਾਈਲ ਯੂਜ਼ਰਸ ਕੰਜ਼ਿਊਮਰ ਹੈਂਡਬੁੱਕ ਦੇ ਅਨੁਸਾਰ, ਰੀਚਾਰਜ ਖਤਮ ਹੋਣ ਤੋਂ ਬਾਅਦ, ਤੁਹਾਡਾ ਸਿਮ 90 ਦਿਨਾਂ ਤੱਕ ਐਕਟਿਵ ਰਹਿੰਦਾ ਹੈ। ਇਸਦਾ ਮਤਲਬ ਹੈ ਕਿ ਤੁਹਾਡਾ ਨੰਬਰ ਰੀਚਾਰਜ ਖਤਮ ਹੋਣ ਤੋਂ ਬਾਅਦ ਲਗਭਗ 3 ਮਹੀਨਿਆਂ ਤੱਕ ਐਕਟਿਵ ਰਹਿੰਦਾ ਹੈ।

20 ਰੁਪਏ ਖਰਚ ਕਰਕੇ ਸਿਮ 120 ਦਿਨਾਂ ਲਈ ਐਕਟਿਵ ਰਹੇਗਾ

TRAI ਦੇ ਨਿਯਮਾਂ ਅਨੁਸਾਰ, ਜੇਕਰ ਤੁਹਾਡਾ ਨੰਬਰ 90 ਦਿਨਾਂ ਤੱਕ ਐਕਟਿਵ ਰਹਿੰਦਾ ਹੈ ਅਤੇ ਇਸਦਾ ਪ੍ਰੀਪੇਡ ਬੈਲੇਂਸ 20 ਰੁਪਏ ਹੈ, ਤਾਂ ਕੰਪਨੀ ਉਨ੍ਹਾਂ 20 ਰੁਪਏ ਦੀ ਕਟੌਤੀ ਕਰੇਗੀ ਅਤੇ ਵੈਧਤਾ ਨੂੰ 30 ਦਿਨਾਂ ਲਈ ਵਧਾ ਦੇਵੇਗੀ। ਇਸਦਾ ਮਤਲਬ ਹੈ ਕਿ ਤੁਹਾਡਾ ਨੰਬਰ ਕੁੱਲ 120 ਦਿਨਾਂ ਲਈ ਐਕਟਿਵ ਰਹਿ ਸਕਦਾ ਹੈ। ਇਸ ਤਰ੍ਹਾਂ, ਜੇਕਰ ਤੁਸੀਂ ਸੈਕੰਡਰੀ ਸਿਮ ਰੱਖਦੇ ਹੋ, ਤਾਂ ਉਸ ਵਿੱਚ 20 ਰੁਪਏ ਦਾ ਬੈਲੇਂਸ ਰੱਖਣ ਤੋਂ ਬਾਅਦ, ਤੁਸੀਂ ਰੀਚਾਰਜ ਖਤਮ ਹੋਣ ਤੋਂ ਬਾਅਦ 120 ਦਿਨਾਂ ਤੱਕ ਸਿਮ ਕਾਰਡ ਨੂੰ ਐਕਟਿਵ ਰੱਖ ਸਕਦੇ ਹੋ।

15 ਦਿਨਾਂ ਦਾ ਸਮਾਂ ਉਪਲਬਧ 

TRAI ਦੇ ਅਨੁਸਾਰ, ਇਨ੍ਹਾਂ 120 ਦਿਨਾਂ ਤੋਂ ਬਾਅਦ, ਸਿਮ ਕਾਰਡ ਉਪਭੋਗਤਾਵਾਂ ਨੂੰ ਆਪਣਾ ਨੰਬਰ ਦੁਬਾਰਾ ਐਕਟੀਵੇਟ ਕਰਨ ਲਈ 15 ਦਿਨਾਂ ਦਾ ਸਮਾਂ ਦਿੱਤਾ ਜਾਂਦਾ ਹੈ। ਹਾਲਾਂਕਿ, ਜੇਕਰ ਕੋਈ ਉਪਭੋਗਤਾ ਇਨ੍ਹਾਂ 15 ਦਿਨਾਂ ਵਿੱਚ ਵੀ ਆਪਣਾ ਨੰਬਰ ਐਕਟੀਵੇਟ ਨਹੀਂ ਕਰਦਾ ਹੈ, ਤਾਂ ਉਸਦਾ ਨੰਬਰ ਪੂਰੀ ਤਰ੍ਹਾਂ ਅਯੋਗ ਕਰ ਦਿੱਤਾ ਜਾਵੇਗਾ ਅਤੇ ਫਿਰ ਉਹ ਨੰਬਰ ਕਿਸੇ ਹੋਰ ਨੂੰ ਟ੍ਰਾਂਸਫਰ ਕਰ ਦਿੱਤਾ ਜਾਵੇਗਾ।