ਸ਼ੁਰੂ ਹੋਈ Poco ਦੇ ਇਸ ਧਾਕੜ ਫੋਨ ਦੀ ਸੇਲ, ਮਿਡਰੇਂਜ ਜਿੰਨੀ ਕੀਮਤ 'ਤੇ ਮਿਲਣਗੇ ਫਲੈਗਸ਼ਿਪ ਫ਼ੋਨ ਵਾਲੇ ਫੀਚਰ

ਐਕਸਚੇਂਜ ਆਫਰ ਦੇ ਨਾਲ ਫੋਨ ‘ਤੇ 2,000 ਰੁਪਏ ਦਾ ਵੱਖਰਾ ਡਿਸਕਾਊਂਟ ਵੀ ਲਿਆ ਜਾ ਸਕਦਾ ਹੈ। ਆਉ ਜਾਣਦੇ ਹਾਂ ਕਿਸ ਤਰ੍ਹਾਂ ਦੇ ਹਨ ਇਸ ਫੋਨ ਦੇ ਸਾਰੇ ਫੀਚਰਸ…

ਸ਼ੁਰੂ ਹੋਈ Poco ਦੇ ਇਸ ਧਾਕੜ ਫੋਨ ਦੀ ਸੇਲ, ਮਿਡਰੇਂਜ ਜਿੰਨੀ ਕੀਮਤ 'ਤੇ ਮਿਲਣਗੇ ਫਲੈਗਸ਼ਿਪ ਫ਼ੋਨ ਵਾਲੇ ਫੀਚਰ

ਫਲੈਗਸ਼ਿਪ ਕਿਲਰ ਫਰਾਂਡ Poco ਆਪਣੇ ਫੋਨ ਵਿੱਚ ਹਮੇਸ਼ਾ ਪ੍ਰੀਮੀਅਮ ਪ੍ਰੋਸੈਸਰ ਦਿੰਦਾ ਆਇਆ ਹੈ। ਬੀਤੇ ਹਫਤੇ Poco F6 5G ਨੂੰ ਭਾਰਤ ਵਿੱਚ ਲਾਂਚ ਕੀਤਾ ਗਿਆ ਸੀ ਅਤੇ ਅੱਜ ਇਸ ਨੂੰ ਪਹਿਲੀ ਵਾਰ ਸੇਲ ‘ਚ ਉਪਲੱਬਧ ਕਰਵਾਇਆ ਜਾ ਰਿਹਾ ਹੈ। ਅੱਜ ਸੇਲ ਦੁਪਹਿਰ 12 ਵਜੇ ਸ਼ੁਰੂ ਹੋ ਗਈ ਹੈ ਅਤੇ ਗਾਹਕ ਇਸ ਨੂੰ ਫਲਿੱਪਕਾਰਟ ਤੋਂ ਖਰੀਦ ਸਕਦੇ ਹਨ। ਸੇਲ ਬੈਨਰ ਤੋਂ ਪਤਾ ਲੱਗਾ ਹੈ ਕਿ ਗਾਹਕ Poco ਦੇ ਇਸ ਨਵੀਨਤਮ ਫੋਨ ਨੂੰ 25,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ਜਾਂ 2,166 ਰੁਪਏ ਪ੍ਰਤੀ ਮਹੀਨਾ ਦੀ EMI ‘ਤੇ ਖਰੀਦ ਸਕਦੇ ਹਨ।

ਇਹ ਡੀਲ ਬੈਂਕ ਆਫਰ ਨੂੰ ਜੋੜਨ ਤੋਂ ਬਾਅਦ ਹੋਈ ਹੈ। ਜੇ ਗਾਹਕ ਇਸ ਨੂੰ ਖਰੀਦਣ ਲਈ ICICI ਬੈਂਕ ਕਾਰਡ ਦੀ ਵਰਤੋਂ ਕਰਦੇ ਹਨ, ਤਾਂ ਤੁਹਾਨੂੰ 2,000 ਰੁਪਏ ਦੀ ਤੁਰਤ ਛੋਟ ਮਿਲੇਗੀ। ਐਕਸਚੇਂਜ ਆਫਰ ਦੇ ਨਾਲ ਫੋਨ ‘ਤੇ 2,000 ਰੁਪਏ ਦਾ ਵੱਖਰਾ ਡਿਸਕਾਊਂਟ ਵੀ ਲਿਆ ਜਾ ਸਕਦਾ ਹੈ। ਆਉ ਜਾਣਦੇ ਹਾਂ ਕਿਸ ਤਰ੍ਹਾਂ ਦੇ ਹਨ ਇਸ ਫੋਨ ਦੇ ਸਾਰੇ ਫੀਚਰਸ…

Poco ਦੇ ਇਸ ਨਵੇਂ ਫ਼ੋਨ ਵਿੱਚ 1.5K ਰੈਜ਼ੋਲਿਊਸ਼ਨ ਵਾਲੀ 6.67-ਇੰਚ ਦੀ AMOLED ਡਿਸਪਲੇਅ ਹੈ, ਜਿਸ ਵਿੱਚ 120Hz ਰਿਫ੍ਰੈਸ਼ ਰੇਟ ਅਤੇ 446 ppi ਪਿਕਸਲ ਡੈਂਸਿਟੀ ਹੈ।  ਡਿਸਪਲੇ HDR10+, Dolby Vision ਅਤੇ Widevine L1 ਨੂੰ ਸਪੋਰਟ ਕਰਦੀ ਹੈ। ਇਹ 2,400 nits ਦੀ ਪੀਕ ਬ੍ਰਾਈਟਨੈੱਸ ਦੇ ਨਾਲ ਆਉਂਦਾ ਹੈ ਅਤੇ ਇਸ ਵਿੱਚ ਇਸ ਉੱਤੇ ਸੁਰੱਖਿਆ ਲਈ ਕਾਰਨਿੰਗ ਗੋਰਿਲਾ ਗਲਾਸ ਵਿਕਟਸ ਲੱਗਾ ਹੋਇਆ ਹੈ।

ਇਹ 12GB ਤੱਕ LPPDDR5x ਰੈਮ ਦੇ ਨਾਲ ਇੱਕ ਆਕਟਾ-ਕੋਰ 4nm Snapdragon 8s Gen 3 ਚਿੱਪਸੈੱਟ ‘ਤੇ ਚੱਲਦਾ ਹੈ। Poco F6 5G ਭਾਰਤ ਵਿੱਚ ਪਹਿਲਾ ਸਮਾਰਟਫੋਨ ਹੈ ਜਿਸ ਵਿੱਚ Snapdragon 8s Gen 3 ਪ੍ਰੋਸੈਸਰ ਹੈ, ਜੋ ਗੇਮਿੰਗ ਅਤੇ ਮਲਟੀਟਾਸਕਿੰਗ ਲਈ ਹਾਈ ਪ੍ਰਫਾਰਮੈਂਸ ਨੂੰ ਯਕੀਨੀ ਬਣਾਉਂਦਾ ਹੈ। ਡਿਊਲ ਸਿਮ (ਨੈਨੋ) ਵਾਲਾ ਇਹ Poco F6 5G Android 14 ‘ਤੇ ਆਧਾਰਿਤ ਹਾਈਪਰ OS ਇੰਟਰਫੇਸ ‘ਤੇ ਕੰਮ ਕਰਦਾ ਹੈ। Poco ਫੋਨ ਲਈ ਤਿੰਨ ਪ੍ਰਮੁੱਖ ਐਂਡਰਾਇਡ ਅਪਡੇਟਸ ਅਤੇ ਚਾਰ ਸਾਲਾਂ ਦੇ ਸਕਿਓਰਿਟੀ ਪੈਚ ਪ੍ਰਦਾਨ ਕਰਨ ਦਾ ਵਾਅਦਾ ਕਰਦਾ ਹੈ।

ਫੋਨ ਦਾ ਕੈਮਰਾ ਦਮਦਾਰ 

ਕੈਮਰੇ ਦੀ ਗੱਲ ਕਰੀਏ ਤਾਂ Poco F6 5G ‘ਤੇ ਇੱਕ ਡਿਊਲ ਰੀਅਰ ਕੈਮਰਾ ਸੈੱਟਅਪ ਉਪਲਬਧ ਹੈ, ਜੋ ਕਿ 50-ਮੈਗਾਪਿਕਸਲ 1/1.9-ਇੰਚ ਦਾ Sony IMX882 ਸੈਂਸਰ ਹੈ ਜੋ ਆਪਟੀਕਲ ਇਮੇਜ ਸਟੈਬਲਾਈਜ਼ੇਸ਼ਨ (OIS), ਇਲੈਕਟ੍ਰਾਨਿਕ ਇਮੇਜ ਸਟੇਬਲਾਈਜ਼ੇਸ਼ਨ (EIS) ਅਤੇ f/1.59 ਅਪਰਚਰ ਸਪੋਰਟ ਦੇ ਨਾਲ ਆਉਂਦਾ ਹੈ।

ਇਸ ਵਿੱਚ ਇੱਕ 8-ਮੈਗਾਪਿਕਸਲ ਸੋਨੀ IMX355 ਅਲਟਰਾ-ਵਾਈਡ ਐਂਗਲ ਕੈਮਰਾ ਵੀ ਸ਼ਾਮਲ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 20 ਮੈਗਾਪਿਕਸਲ ਦਾ OV20B ਫਰੰਟ ਕੈਮਰਾ ਹੈ। ਨਵੇਂ ਫ਼ੋਨ ਵਿੱਚ ਥਰਮਲ ਮੈਨੇਜਮੈਂਟ ਲਈ Poco ਦੀ IceLoop ਕੂਲਿੰਗ ਤਕਨਾਲੋਜੀ ਸ਼ਾਮਲ ਹੈ।

Poco F6 5G ਵਿੱਚ 512GB UFS 4.0 ਸਟੋਰੇਜ ਹੈ। Poco ਨੇ Poco F6 5G ‘ਚ 90W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ 5,000mAh ਦੀ ਬੈਟਰੀ ਦਿੱਤੀ ਹੈ। ਕੰਪਨੀ ਨੇ ਬਾਕਸ ‘ਤੇ 120W ਅਡਾਪਟਰ ਨੂੰ ਬੰਡਲ ਕੀਤਾ ਹੈ।

Poco F6 5G Dolby Atmos ਸਪੋਰਟ ਅਤੇ Hi-Res ਸਰਟੀਫਿਕੇਸ਼ਨ ਦੇ ਨਾਲ ਹਾਈਬ੍ਰਿਡ ਡਿਊਲ ਸਟੀਰੀਓ ਸਪੀਕਰਾਂ ਦੇ ਨਾਲ ਆਉਂਦਾ ਹੈ। ਕਨੈਕਟੀਵਿਟੀ ਲਈ ਇਸ ਵਿੱਚ 5G, Wi-Fi 6, ਬਲੂਟੁੱਥ 5.4, GPS/AGPS, Galileo, GLONASS, Beidou ਅਤੇ ਇੱਕ USB Type-C ਪੋਰਟ ਸ਼ਾਮਲ ਹੈ।