16 ਡਿਗਰੀ ਤੋਂ ਹੇਠਾਂ ਤੇ 30 ਡਿਗਰੀ ਤੋਂ ਉੱਤੇ ਕਿਉਂ ਨਹੀਂ ਜਾਂਦਾ AC, ਜਾਣੋ ਇਸ ਦੇ ਪਿੱਛੇ ਦੀ ਵੱਡੀ ਵਜ੍ਹਾ
AC ਹੀ ਇਕ ਅਜਿਹਾ ਸਾਧਨ ਹੈ ਜੋ ਤੁਹਾਨੂੰ ਤੇਜ਼ ਗਰਮੀ ਤੋਂ ਰਾਹਤ ਦਿਵਾ ਸਕਦਾ ਹੈ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਤੁਹਾਡੇ AC ਦਾ ਤਾਪਮਾਨ ਸਿਰਫ 16 ਤੋਂ 30 ਡਿਗਰੀ ਦੇ ਵਿਚਕਾਰ ਹੀ ਕਿਉਂ ਹੈ? ਆਓ ਜਾਣਦੇ ਹਾਂ ਇਸ ਬਾਰੇ।
ਗਰਮੀ ਇੰਨੀ ਤੇਜ਼ੀ ਨਾਲ ਵੱਧ ਰਹੀ ਹੈ ਕਿ ਹੁਣ ਘਰਾਂ ਦੇ ਪੱਖੇ ਤੇ ਕੂਲਰਾਂ ਆਦਿ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ ਹੈ। ਆਉਣ ਵਾਲੇ ਸਮੇਂ 'ਚ ਤਾਪਮਾਨ 50 ਡਿਗਰੀ ਨੂੰ ਪਾਰ ਕਰਨ ਦਾ ਅਨੁਮਾਨ ਹੈ। ਅਜਿਹੇ 'ਚ ਰਾਹਤ ਲਈ ਕੁਝ ਉਪਾਅ ਕਰਨਾ ਜ਼ਰੂਰੀ ਹੋ ਜਾਂਦਾ ਹੈ।
ਅਜਿਹੀ ਸਥਿਤੀ 'ਚ AC ਹੀ ਇਕ ਅਜਿਹਾ ਸਾਧਨ ਹੈ ਜੋ ਤੁਹਾਨੂੰ ਤੇਜ਼ ਗਰਮੀ ਤੋਂ ਰਾਹਤ ਦਿਵਾ ਸਕਦਾ ਹੈ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਤੁਹਾਡੇ AC ਦਾ ਤਾਪਮਾਨ ਸਿਰਫ 16 ਤੋਂ 30 ਡਿਗਰੀ ਦੇ ਵਿਚਕਾਰ ਹੀ ਕਿਉਂ ਹੈ? ਆਓ ਜਾਣਦੇ ਹਾਂ ਇਸ ਬਾਰੇ।
16 ਡਿਗਰੀ ਦੀ ਲਿਮਟ ਦੇ ਪਿੱਛੇ ਦੀ ਸਾਇੰਸ
ਜਿਵੇਂ ਕਿ ਅਸੀਂ ਜਾਣਦੇ ਹਾਂ ਕਿ AC ਦਾ ਤਾਪਮਾਨ 16°C ਤੋਂ ਘੱਟ ਨਹੀਂ ਹੋ ਸਕਦਾ। ਤੁਹਾਨੂੰ ਦੱਸ ਦੇਈਏ ਕਿ ਗਰਮੀਆਂ 'ਚ ਆਲੇ-ਦੁਆਲੇ ਦੀ ਹਵਾ ਨੂੰ ਠੰਢਾ ਕਰਨ ਲਈ AC ਇਕ ਈਵੇਪੋਰੇਟਰ ਦੀ ਵਰਤੋਂ ਕਰਦਾ ਹੈ।
ਇਹ ਈਵੇਪੋਰੇਟਰ ਆਲੇ-ਦੁਆਲੇ ਦੀ ਹਵਾ ਤੋਂ ਗਰਮੀ ਨੂੰ ਜਜ਼ਬ ਕਰਨ ਤੇ ਇਸਨੂੰ ਠੰਢਾ ਕਰਨ ਲਈ ਫਰਿੱਜ ਦੀ ਵਰਤੋਂ ਕਰਦਾ ਹੈ।
ਜੇਕਰ AC ਦਾ ਤਾਪਮਾਨ 16 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਸੈੱਟ ਕੀਤਾ ਜਾਂਦਾ ਹੈ ਤਾਂ ਈਵੇਪੋਰੇਟਰ ਬਹੁਤ ਜ਼ਿਆਦਾ ਠੰਢਾ ਹੋ ਸਕਦਾ ਹੈ, ਜਿਸ ਨਾਲ ਆਲੇ-ਦੁਆਲੇ ਦੀ ਹਵਾ ਨਮੀ ਵਾਲੀ ਹੋ ਜਾਂਦੀ ਹੈ।
ਇਸ ਸਥਿਤੀ 'ਚ ਹਵਾ ਇੰਨੀ ਠੰਢੀ ਹੋ ਜਾਂਦੀ ਹੈ ਕਿ ਵਾਤਾਵਰਨ 'ਚ ਮੌਜੂਦ ਵਾਸ਼ਪ ਲਿਕਵਿਡ 'ਚ ਬਦਲ ਜਾਂਦੀ ਹੈ ਤੇ ਜੇ ਇਹ ਹੋਰ ਠੰਢਾ ਹੋਇਆ ਤਾਂ ਬਰਫ਼ ਦੇ ਛੋਟੇ ਕ੍ਰਿਸਟਲ ਬਣ ਸਕਦੇ ਹਨ, ਜੋ ਤੁਹਾਡੇ ਲਈ ਨੁਕਸਾਨਦੇਹ ਹੈ।
ਇਹ ਤੁਹਾਡੀ AC ਦੇ ਈਵੇਪੋਰੇਟਰ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ ਤੇ AC ਦੇ ਪ੍ਰਦਰਸ਼ਨ 'ਚ ਅੜਿੱਕਾ ਪਾ ਸਕਦਾ ਹੈ ਕਿਉਂਕਿ ਤੁਹਾਡੀ ਏਸੀ 'ਚ ਕਈ ਡੀਫ੍ਰਾਸਟਿੰਗ ਮੈਕੇਨਿਜ਼ਮ ਨਹੀਂ ਹੁੰਦਾ, ਅਜਿਹੇ ਵਿਚ ਇਹ ਕੰਮ ਕਰਨਾ ਬੰਦ ਕਰ ਸਕਦਾ ਹੈ।
30 ਡਿਗਰੀ ਸੈਲਸੀਅਸ ਤੋਂ ਵੱਧ ਕਿਉਂ ਨਹੀਂ ਹੁੰਦਾ ਟੈਂਪਰੇਚਰ ?
ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਏਸੀ ਦਾ ਹਾਈ ਟੈਂਪਰੇਚਰ 30 ਡਿਗਰੀ ਸੈਲਸੀਅਸ (86 ਡਿਗਰੀ ਫਾਰਨਹੀਟ) ਕਿਉਂ ਹੁੰਦਾ ਹੈ? ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਇਕ ਆਦਰਸ਼ ਤਾਪਮਾਨ ਨੂੰ 27 ਡਿਗਰੀ ਸੈਲਸੀਅਸ ਮੰਨਿਆ ਜਾਂਦਾ ਹੈ। ਅਜਿਹੀ ਸਥਿਤੀ 'ਚ 30 ਡਿਗਰੀ ਸੈਲਸੀਅਸ ਤੋਂ ਵੱਧ ਤਾਪਮਾਨ ਤੁਹਾਨੂੰ ਅਸਹਿਜ ਮਹਿਸੂਸ ਕਰਾ ਸਕਦਾ ਹੈ।
AC ਨੂੰ ਆਰਾਮਦਾਇਕ ਠੰਢਾ ਤਾਪਮਾਨ ਬਰਕਰਾਰ ਰੱਖਣ ਲਈ ਡਿਜ਼ਾਇਨ ਕੀਤਾ ਗਿਆ ਹੈ, ਨਾ ਕਿ ਤੁਹਾਡੇ ਘਰ 'ਚ ਭਿਆਨਕ ਗਰਮੀ ਦਾ ਅਹਿਸਾਸ ਕਰਵਾਉਣਾ ਹੈ। ਇਹੀ ਵਜ੍ਹਾ ਹੈ ਕਿ ਏਸੀ ਦਾ ਟੈਂਪਰੇਚਰ 16 ਤੋਂ 30 ਡਿਗਰੀ ਦੇ ਵਿਚਕਾਰ ਹੀ ਹੁੰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
