Xiaomi ਨੇ ਉਡਾਇਆ Apple ਦਾ ਮਜ਼ਾਕ, ਜਾਣੋ ਵਜ੍ਹਾ 

ਹਾਲ ਹੀ 'ਚ ਐਪਲ ਨੇ ਅਧਿਕਾਰਤ ਤੌਰ 'ਤੇ ਆਪਣੀ ਸਭ ਤੋਂ ਅਵੇਟਿਡ ਡਿਵਾਈਸ ਆਈਫੋਨ 12 ਨੂੰ ਬਾਜ਼ਾਰ 'ਚ ਲਾਂਚ ਕੀਤਾ ਹੈ। ਆਈਫੋਨ 12 ਦੇ ਲਾਂਚ ਹੁੰਦੇ ਹੀ ਸ਼ੀਓਮੀ ਨੇ ਸੋਸ਼ਲ ਮੀਡੀਆ 'ਤੇ ਐਪਲ ਦਾ ਮਜ਼ਾਕ ਉਡਾਇਆ ਹੈ।

ਨਵੀਂ ਦਿੱਲੀ: ਹਾਲ ਹੀ 'ਚ ਐਪਲ ਨੇ ਅਧਿਕਾਰਤ ਤੌਰ 'ਤੇ ਆਪਣੀ ਸਭ ਤੋਂ ਅਵੇਟਿਡ ਡਿਵਾਈਸ ਆਈਫੋਨ 12 ਨੂੰ ਬਾਜ਼ਾਰ 'ਚ ਲਾਂਚ ਕੀਤਾ ਹੈ। ਆਈਫੋਨ 12 ਦੇ ਲਾਂਚ ਹੁੰਦੇ ਹੀ ਸ਼ੀਓਮੀ ਨੇ ਸੋਸ਼ਲ ਮੀਡੀਆ 'ਤੇ ਐਪਲ ਦਾ ਮਜ਼ਾਕ ਉਡਾਇਆ ਹੈ। ਮਜ਼ਾਕ ਉਡਾਉਂਦੇ ਹੋਏ ਸ਼ੀਓਮੀ ਨੇ ਉਪਭੋਗਤਾਵਾਂ ਨੂੰ  Mi 10T Pro ਵਿੱਚ ਦਿੱਤੇ ਗਏ ਸਪੈਸ਼ਲ ਫੀਚਰਸ ਬਾਰੇ ਵੀ ਦੱਸਿਆ ਹੈ ਜੋ ਆਈਫੋਨ 12 ਵਿੱਚ ਗਾਇਬ ਹੈ। ਅਜਿਹੇ 'ਚ ਵਿੱਚ, ਸ਼ੀਓਮੀ ਨੇ ਇਸ ਫ਼ੀਚਰ ਬਾਰੇ ਤੰਜ ਕੱਸਿਆ।

ਐਪਲ ਨੇ ਹਾਲ ਹੀ ਵਿੱਚ ਆਈਫੋਨ 12 ਲਾਂਚ ਕੀਤਾ ਸੀ ਅਤੇ ਇਸ ਦੇ ਬਾਕਸ ਵਿੱਚ ਚਾਰਜਰ ਨਹੀਂ ਹੈ।  ਜਿਸ ਤੋਂ ਬਾਅਦ ਸ਼ੀਓਮੀ ਨੇ ਆਪਣੇ ਅਧਿਕਾਰਤ ਟਵਿੱਟਰ ਅਕਾਊਂਟ 'ਤੇ ਇਕ ਪੋਸਟ ਸ਼ੇਅਰ ਕੀਤੀ ਹੈ ਅਤੇ ਇਸ ਪੋਸਟ 'ਚ ਐਪਲ ਨੂੰ ਤਾਅਨੇ ਮਾਰਦਿਆਂ ਕਿਹਾ ਕਿ 'ਚਿੰਤਾ ਨਾ ਕਰੋ, ਅਸੀਂ ਸਭ ਕੁਝ # Mi10TPro' ਦੇ ਬਕਸੇ ਵਿੱਚ ਦੇ ਦਿੱਤਾ ਹੈ। ਹਾਲਾਂਕਿ, ਇਹ ਸਪੱਸ਼ਟ ਕਦ ਦੀਏ ਕਿ ਕੰਪਨੀ ਨੇ ਟਵੀਟ ਵਿੱਚ ਆਈਫੋਨ 12 ਦਾ ਨਾਮ ਨਹੀਂ ਲਿਆ ਹੈ। ਪਰ ਹਾਲ ਹੀ ਵਿੱਚ ਲਾਂਚ ਕੀਤੇ ਇਸ ਡਿਵਾਈਸ ਦੇ ਬਾਕਸ ਵਿੱਚ ਚਾਰਜਰ ਨਹੀਂ ਦਿੱਤਾ ਗਿਆ ਹੈ ਅਤੇ ਇਸ ਤੋਂ ਬਾਅਦ ਸ਼ੀਓਮੀ ਦੇ ਟਵੀਟ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਕੰਪਨੀ ਨੇ ਟਵੀਟ ਨਾਲ ਐਪਲ ਦਾ ਮਜ਼ਾਕ ਉਡਾਇਆ ਹੈ।

ਇਸ ਵਾਰ, ਯੂਜ਼ਰਸ ਨੂੰ ਆਈਫੋਨ 12 ਦੇ ਲਾਂਚ ਕੀਤੇ ਗਏ ਬਾਕਸ ਵਿੱਚ ਚਾਰਜਰ ਨਹੀਂ ਮਿਲੇਗਾ। ਇਸ ਦਾ ਅਰਥ ਹੈ ਕਿ ਯੂਜ਼ਰਸ ਨੂੰ ਵੱਖਰੇ ਤੌਰ ਤੇ ਚਾਰਜਰ ਲੈਣਾ ਪਏਗਾ। ਇੰਨਾ ਹੀ ਨਹੀਂ, ਹੈੱਡਫੋਨ ਵੀ ਇਸ ਬਾਰ ਬਾਕਸ 'ਚ ਨਹੀਂ ਮਿਲੇਗਾ। ਕੰਪਨੀ ਨੇ ਚਾਰਜਰ ਨੂੰ ਬਾਕਸ 'ਚ ਦੇਣ ਦੀ ਬਜਾਏ ਮੈਗਸੇਫ ਵਾਇਰਲੈੱਸ ਚਾਰਜਰ ਲਾਂਚ ਕਰ ਦਿੱਤਾ ਹੈ। ਜਿਸ ਦੀ ਕੀਮਤ $ 39 ਯਾਨੀ ਤਕਰੀਬਨ 2,860 ਰੁਪਏ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ