ਜੁਲਾਈ 'ਚ ਟੁੱਟ ਸਕਦੈ ਗਰਮੀ ਦਾ 100 ਸਾਲ ਪੁਰਾਣਾ ਰਿਕਾਰਡ, ਨਾਸਾ ਦੀ ਰਿਪੋਰਟ

ਅਲ-ਨੀਨੋ ਦਾ ਅਸਰ ਇਸ ਸਾਲ ਦੇ ਆਖਰੀ ਮਹੀਨਿਆਂ ਵਿੱਚ ਵਧੇਗਾ, climatologist schmidt ਨੇ ਕਿਹਾ ਕਿ ਮੌਜੂਦਾ ਸਮੇਂ ਵਿੱਚ ਅਲ-ਨੀਨੋ ਦਾ ਜਲਵਾਯੂ ਪਰਿਵਰਤਨ ਉੱਤੇ ਅਸਰ ਘੱਟ ਪਾ ਰਿਹਾ ਹੈ ਪਰ ਆਉਣ ਵਾਲੇ ਸਮੇਂ ਵਿੱਚ ਇਹ ਵੱਧ ਸਕਦੈ।

ਜੁਲਾਈ 'ਚ ਟੁੱਟ ਸਕਦੈ ਗਰਮੀ ਦਾ 100 ਸਾਲ ਪੁਰਾਣਾ ਰਿਕਾਰਡ

Al-Nino: ਭਾਵੇਂ ਪਿਛਲੇ ਕੁੱਝ ਹਫ਼ਤਿਆਂ ਤੋਂ ਦੇਸ਼ ਵਿੱਚ ਮੀਂਹ ਪੈ ਰਿਹਾ ਹੈ, ਪਰ ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਗਰਮੀ ਦੀ ਲਹਿਰ ਹੁਣ ਸਾਡੇ ਉੱਤੇ ਨਹੀਂ ਆਵੇਗੀ। ਇਸ ਸਬੰਧੀ ਨਾਸਾ ਦੀ ਰਿਪੋਰਟ ਤੁਹਾਡੇ ਹੋਸ਼ ਉਡਾ ਸਕਦੀ ਹੈ। ਰਿਪੋਰਟ ਮੁਤਾਬਕ ਨਾਸਾ ਦੇ ਚੋਟੀ ਦੇ ਜਲਵਾਯੂ ਵਿਗਿਆਨੀ ਗੇਵਿਨ ਸਮਿੱਟ ਦਾ ਕਹਿਣਾ ਹੈ ਕਿ ਇਸ ਵਾਰ ਜੁਲਾਈ 100 ਸਾਲਾਂ 'ਚ ਸਭ ਤੋਂ ਗਰਮ ਮਹੀਨਾ ਹੋ ਸਕਦਾ ਹੈ। ਜੁਲਾਈ 'ਚ ਹੁਣ ਤੱਕ ਹਰ ਰੋਜ਼ ਕਿਸੇ ਨਾ ਕਿਸੇ ਦੇਸ਼ 'ਚ ਗਰਮੀ ਦਾ ਰਿਕਾਰਡ ਟੁੱਟ ਰਿਹਾ ਹੈ। ਇਹ ਜਾਣਕਾਰੀ ਯੂਰਪੀਅਨ ਯੂਨੀਅਨ ਅਤੇ ਮੇਨ ਯੂਨੀਵਰਸਿਟੀ ਵਿੱਚ ਕੀਤੇ ਗਏ ਅਧਿਐਨ ਤੋਂ ਪ੍ਰਾਪਤ ਹੋਈ ਹੈ।
 
ਕਿਉਂ ਵੱਧ ਰਿਹੈ ਤਾਪਮਾਨ? 

ਇਸ ਦੌਰਾਨ ਜ਼ਮੀਨੀ ਅਤੇ ਸੈਟੇਲਾਈਟ ਡੇਟਾ ਦਾ ਅਧਿਐਨ ਕੀਤਾ ਗਿਆ। ਇਸ 'ਚ ਹੀਟਵੇਵ ਦਾ ਵਧਣਾ ਅਤੇ ਇਸ ਨਾਲ ਹੋਣ ਵਾਲੇ ਨੁਕਸਾਨ ਸਾਫ ਨਜ਼ਰ ਆ ਰਹੇ ਸਨ। ਜਲਵਾਯੂ ਵਿਗਿਆਨੀ ਗੇਵਿਨ ਸਮਿੱਟ ਨੇ ਕਿਹਾ, ਜਲਵਾਯੂ ਤਬਦੀਲੀ ਬਹੁਤ ਤੇਜ਼ੀ ਨਾਲ ਹੋ ਰਹੀ ਹੈ। ਅਮਰੀਕਾ, ਯੂਰਪ, ਚੀਨ ਵਰਗੇ ਦੇਸ਼ਾਂ ਵਿੱਚ ਗਰਮੀ ਦੀ ਲਹਿਰ ਕਾਰਨ ਹਾਲਾਤ ਵਿਗੜਦੇ ਜਾ ਰਹੇ ਹਨ। ਤਾਪਮਾਨ 40 ਡਿਗਰੀ ਸੈਲਸੀਅਸ ਤੋਂ ਉੱਪਰ ਪਹੁੰਚ ਗਿਆ ਹੈ। ਇਹ ਲਗਾਤਾਰ ਵਧ ਰਿਹਾ ਹੈ ਤੇ ਰਿਕਾਰਡ ਟੁੱਟ ਰਹੇ ਹਨ। ਇਹ ਸਾਰੀਆਂ ਵਿਗਾੜਾਂ ਐਲ ਨੀਨੋ ਕਾਰਨ ਹੋ ਰਹੀਆਂ ਹਨ।

ਕੀ ਹੈ ਅਲ-ਨੀਨੋ? 

ਐਲ-ਨੀਨੋ, ਜੋ ਹਰ ਕੁੱਝ ਸਾਲਾਂ ਵਿੱਚ ਇੱਕ ਵਾਰ ਹੁੰਦਾ ਹੈ, ਦੁਨੀਆ ਦੇ ਸਭ ਤੋਂ ਵੱਡੇ ਸਮੁੰਦਰ, ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਇੱਕ ਮੌਸਮ ਦਾ ਰੁਝਾਨ ਹੈ। ਇਸ ਵਿਚ ਪੂਰਬੀ ਪ੍ਰਸ਼ਾਂਤ ਮਹਾਸਾਗਰ ਦੇ ਪਾਣੀ ਦੀ ਉਪਰਲੀ ਪਰਤ ਗਰਮ ਹੋ ਜਾਂਦੀ ਹੈ। ਵਿਸ਼ਵ ਮੌਸਮ ਵਿਗਿਆਨ ਸੰਗਠਨ (ਡਬਲਯੂ.ਐੱਮ.ਓ.) ਨੇ ਦੱਸਿਆ ਕਿ ਖੇਤਰ ਦਾ ਔਸਤ ਤਾਪਮਾਨ ਫਰਵਰੀ ਦੇ 0.44 ਡਿਗਰੀ ਤੋਂ ਵਧ ਕੇ ਜੂਨ ਦੇ ਅੱਧ ਤੱਕ 0.9 ਡਿਗਰੀ ਹੋ ਗਿਆ ਹੈ।

 

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

ਇੱਥੇ ਪੜ੍ਹੋ ਪੰਜਾਬ ਅਤੇ ਦੇਸ਼ ਦੁਨਿਆ ਨਾਲ ਜੁੜੀਆਂ ਹੋਰ ਖ਼ਬਰਾਂ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :

Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ