Delhi Metro ‘ਚ ਡਾਂਸ ਕਰਦੀ ਕੁੜੀ ਦਾ ਵੀਡੀਓ ਵਾਇਰਲ, ਲੋਕਾਂ ਨੇ ਪੁੱਛਿਆ: ਇਹ ਕੀ ਹੋ ਰਿਹਾ ਹੈ....?
Delhi Metro Trending Video:ਇੱਕ ਵੀਡੀਓ ਸੋਸ਼ਲ 'ਤੇ ਵਾਇਰਲ ਹੋਇਆ ਹੈ, ਜਿਸ 'ਚ ਇੱਕ ਲੜਕੀ ਮੈਟਰੋ ਰੇਲ ਦੇ ਅੰਦਰ ਨੱਚਦੀ ਦਿਖਾਈ ਦੇ ਰਹੀ ਹੈ। ਡਾਂਸ ਵੀਡੀਓ 'ਤੇ ਲੋਕਾਂ ਦੇ ਕੁਮੈਂਟਸ ਵੀ ਆਏ ਹਨ।
Delhi Metro Trending Video: ਯਾਤਰੀਆਂ ਨੂੰ ਅਕਸਰ ਮੈਟਰੋ ਵਿੱਚ ਲੰਬਾ ਸਫ਼ਰ ਕਰਦੇ ਦੇਖਿਆ ਗਿਆ ਹੈ। ਕੁਝ ਲੋਕ ਆਪਣੀ ਮੈਟਰੋ ਯਾਤਰਾ ਨੂੰ ਬਿਲਕੁਲ ਵੀ ਬੋਰਿੰਗ ਨਹੀਂ ਬਣਾਉਣਾ ਚਾਹੁੰਦੇ, ਇਸ ਲਈ ਉਹ ਕਈ ਤਰੀਕੇ ਕੱਢ ਲੈਂਦੇ ਹਨ। ਇਸ ਦੌਰਾਨ ਉਹ ਸੰਗੀਤ ਸੁਣਦੇ, ਨਾਵਲ ਪੜ੍ਹਦੇ, ਮੋਬਾਈਲ ਦੀ ਵਰਤੋਂ ਕਰਦੇ ਹੋਏ ਜਾਂ ਸਮਾਂ ਲੰਘਾਉਣ ਲਈ ਨੀਂਦ ਦੀ ਝਪਕੀ ਲੈਂਦੇ ਹੋਏ ਵੇਖੇ ਜਾਂਦੇ ਹਨ ਅਤੇ ਕੁਝ ਤਾਂ ਨੱਚਣਾ ਵੀ ਸ਼ੁਰੂ ਕਰ ਦਿੰਦੇ ਹਨ।
ਅਜਿਹਾ ਹੀ ਇੱਕ ਵੀਡੀਓ ਸੋਸ਼ਲ 'ਤੇ ਵਾਇਰਲ ਹੋਇਆ ਹੈ, ਜਿਸ 'ਚ ਇੱਕ ਲੜਕੀ ਮੈਟਰੋ ਰੇਲ ਦੇ ਅੰਦਰ ਨੱਚਦੀ ਦਿਖਾਈ ਦੇ ਰਹੀ ਹੈ। ਮੇਜਰ ਡੀਪੀ ਸਿੰਘ ਨੇ ਇਸ ਡਾਂਸ ਕਲਿਪ ਨੂੰ ਟਵਿੱਟਰ 'ਤੇ ਪੋਸਟ ਕੀਤਾ ਹੈ, ਜਿਸ 'ਚ ਦੋ ਲੜਕੀਆਂ ਨੂੰ ਆਪਣੀ ਡਾਂਸ ਦੀ ਵੀਡੀਓ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਦਿਖਾਇਆ ਗਿਆ ਹੈ। ਵੀਡੀਓ ਦੀ ਸ਼ੁਰੂਆਤ ਵਿੱਚ, ਇੱਕ ਲੜਕੀ ਲੋਕਾਂ ਦੀ ਭੀੜ ਦੇ ਵਿਚਕਾਰ ਮੈਟਰੋ ਵਿੱਚ ਡਾਂਸ ਕਰਦੇ ਹੋਏ ਆਪਣੇ ਦੋਸਤ ਨੂੰ ਰਿਕਾਰਡ ਕਰਨ ਦੀ ਕੋਸ਼ਿਸ਼ ਕਰਦੀ ਦਿਖਾਈ ਦੇ ਰਹੀ ਹੈ। ਲੜਕੀ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਇਸ ਦੀ ਕਾਫੀ ਚਰਚਾ ਹੋ ਰਹੀ ਹੈ।
ਵੇਖੋ ਵੀਡੀਓ-
ਦਿੱਲੀ ਮੈਟਰੋ ਦੇ ਅੰਦਰ ਕੁੜੀ ਨੇ ਬਣਾਈ ਰੀਲ
ਵਾਇਰਲ ਵੀਡੀਓ 'ਚ ਤੁਸੀਂ ਦੇਖਿਆ ਕਿ ਸੰਤਰੀ ਰੰਗ ਦੇ ਕਰਾਪ ਟਾਪ 'ਚ ਇੱਕ ਲੜਕੀ ਦਿੱਲੀ ਮੈਟਰੋ ਦੇ ਕੋਚ ਦੇ ਅੰਦਰ ਡਾਂਸ ਕਰ ਰਹੀ ਹੈ, ਜਦਕਿ ਉਸ ਦੀ ਦੋਸਤ ਇਸ ਡਾਂਸ ਨੂੰ ਆਪਣੇ ਫੋਨ 'ਤੇ ਰਿਕਾਰਡ ਕਰ ਰਹੀ ਹੈ। ਵੀਡੀਓ ਨੂੰ ਟਵਿਟਰ 'ਤੇ ਸ਼ੇਅਰ ਕੀਤੇ ਜਾਣ ਤੋਂ ਬਾਅਦ ਇਸ ਵੀਡੀਓ ਨੂੰ ਹੁਣ ਤੱਕ 6 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਇਸ ਡਾਂਸ ਵੀਡੀਓ 'ਤੇ ਲੋਕਾਂ ਦੇ ਕਈ ਕੁਮੈਂਟਸ ਵੀ ਆਏ ਹਨ। ਇੱਕ ਯੂਜ਼ਰ ਨੇ ਲਿਖਿਆ ਹੈ ਕਿ, ''ਬਸ ਜ਼ਿੰਦਗੀ 'ਚ ਇੰਨਾ ਭਰੋਸਾ ਚਾਹੀਦਾ ਹੈ'' ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਹੈ, ''ਮੈਂ ਸ਼ਰਮ ਨਾਲ ਆਪਣਾ ਡਾਂਸ ਬੰਦ ਕਰ ਦਿੰਦੀ ਹਾਂ, ਜਦੋਂ ਮੇਰੀ ਮਾਂ ਕਮਰੇ ਵਿੱਚ ਆਉਂਦੀ ਹੈ। ਇੱਕ ਤੀਜੇ ਯੂਜ਼ਰ ਨੇ ਲਿਖਿਆ, "ਦਿੱਲੀ ਮੈਟਰੋ ਵਿੱਚ ਕੀ ਹੋ ਰਿਹਾ ਹੈ, ਹੁਣ ਸਿਰਫ਼ ਰੀਲਾਂ ਹੀ ਬਣਦੀਆਂ ਹਨ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
