Trending News: ਸਿਰਦਰਦ ਨੇ ਬਰਬਾਦ ਕੀਤਾ ਪੜ੍ਹਿਆ-ਲਿਖਿਆ ਨੌਜਵਾਨ; 3 ਜ਼ਿੱਦੀ ਆਤਮਾਵਾਂ ਨੇ ਉਡਾਏ ਲੱਖਾਂ ਰੁਪਏ!

Trending News: 34 ਸਾਲਾ ਰਾਜੇਸ਼ ਨਾਰਨ ਪਰਮਾਰ ਟੋਇਟਾ ਕੰਪਨੀ ਵਿੱਚ ਸਰਵਿਸ ਐਗਜ਼ੀਕਿਊਟਿਵ ਵਜੋਂ ਕੰਮ ਕਰਦਾ ਸੀ। ਉਹ ਪਿਛਲੇ ਕੁਝ ਸਮੇਂ ਤੋਂ ਡਿਪਰੈਸ਼ਨ ਤੋਂ ਪੀੜਤ ਸੀ ਤੇ ਤਣਾਅ ਕਾਰਨ ਉਹ ਅਕਸਰ ਸਿਰਦਰਦ ਦਾ ਸ਼ਿਕਾਰ ਰਹਿੰਦਾ ਸੀ।

ਸੰਕੇਤਕ ਤਸਵੀਰ

Trending News: ਦੇਸ਼ ਵਿੱਚ ਸਾਈਬਰ ਧੋਖਾਧੜੀ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ। ਲੋਕਾਂ ਤੋਂ ਪੈਸੇ ਹੜੱਪਣ ਲਈ ਠੱਗ ਨਵੇਂ-ਨਵੇਂ ਤਰੀਕੇ ਅਪਣਾ ਰਹੇ ਹਨ। ਬੇਸ਼ੱਕ ਲੋਕ ਵੀ ਸਾਵਧਾਨੀ ਵਰਤਣ ਤਾਂ ਜੋ ਉਹ ਇਨ੍ਹਾਂ ਠੱਗਾਂ ਦਾ ਸ਼ਿਕਾਰ ਨਾ ਹੋ ਜਾਣ। ਪਰ ਫਿਰ ਵੀ, ਕਿਸੇ ਨਾਂ ਕਿਸੇ ਤਰ੍ਹਾਂ, ਇਹ ਬਦਮਾਸ਼ ਠੱਗ ਲੋਕਾਂ ਨੂੰ ਲੁਭਾਉਂਦੇ ਹਨ ਅਤੇ ਉਨ੍ਹਾਂ ਨੂੰ ਲੁੱਟਦੇ ਹਨ। ਤਾਜ਼ਾ ਮਾਮਲਾ ਗੁਜਰਾਤ ਦੇ ਸੂਰਤ ਦਾ ਹੈ। ਇੱਥੇ ਉਜੈਨ ਦੇ ਇੱਕ ਸੇਵਾਦਾਰ ਨੂੰ ਇੱਕ ਤਾਂਤਰਿਕ ਨੇ ਲੱਖਾਂ ਦੀ ਠੱਗੀ ਮਾਰੀ ਹੈ।

ਜਾਣਕਾਰੀ ਮੁਤਾਬਕ 34 ਸਾਲਾ ਰਾਜੇਸ਼ ਨਾਰਨ ਪਰਮਾਰ ਟੋਇਟਾ ਕੰਪਨੀ ਵਿੱਚ ਸਰਵਿਸ ਐਗਜ਼ੀਕਿਊਟਿਵ ਵਜੋਂ ਕੰਮ ਕਰਦਾ ਸੀ। ਉਹ ਪਿਛਲੇ ਕੁਝ ਸਮੇਂ ਤੋਂ ਡਿਪਰੈਸ਼ਨ ਤੋਂ ਪੀੜਤ ਸੀ ਤੇ ਤਣਾਅ ਕਾਰਨ ਉਹ ਅਕਸਰ ਸਿਰਦਰਦ ਦਾ ਸ਼ਿਕਾਰ ਰਹਿੰਦਾ ਸੀ। ਇਸ ਕਾਰਨ ਉਹ ਸਾਲ 2022 ਵਿੱਚ ਆਪਣੀ ਪਿਛਲੀ ਨੌਕਰੀ ਵੀ ਗੁਆ ਬੈਠਾ।

ਹਾਲਾਂਕਿ, ਨਵੀਂ ਨੌਕਰੀ ਮਿਲਣ ਤੋਂ ਬਾਅਦ, ਉਸਨੂੰ ਭੈੜੇ ਸੁਪਨੇ ਆਉਣੇ ਸ਼ੁਰੂ ਹੋ ਗਏ। ਉਹ ਇਸ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦਾ ਸੀ। ਇਸ ਲਈ ਉਸ ਨੇ ਕਈ ਡਾਕਟਰਾਂ ਦੀ ਸਲਾਹ ਲਈ। ਪਰ ਇਸ ਨਾਲ ਕੋਈ ਫ਼ਰਕ ਨਹੀਂ ਪਿਆ। ਫਿਰ ਇਕ ਦਿਨ ਉਸ ਨੇ ਫੇਸਬੁੱਕ 'ਤੇ ਇਕ ਤਾਂਤਰਿਕ ਦੀ ਆਈ.ਡੀ. ਦੇਖੀ ਕਿਸ ਵਿੱਚ ਉਸਨੇ ਲਿਖ ਰੱਖਿਆ ਸੀ ਕਿ ਮੈਂ ਤਾਂਤਰਿਕ ਸ਼ਕਤੀਆਂ ਨਾਲ ਹਰ ਸਮੱਸਿਆ ਦਾ ਹੱਲ ਕਰ ਸਕਦਾ ਹਾਂ।

ਰਾਜੇਸ਼ ਨੇ ਤਾਂਤਰਿਕ ਨਾਲ ਸੰਪਰਕ ਕੀਤਾ ਤਾਂ ਉਸ ਨੇ ਆਪਣਾ ਨਾਮ ਮਨੀਸ਼ ਕੁਮਾਰ ਵਿਸ਼ਵਨਾਥ ਦੱਸਿਆ ਤੇ ਕਿਹਾ ਕਿ ਉਹ ਤਾਂਤਰਿਕ ਗਿਆਨ ਨੂੰ ਜਾਣਦਾ ਹੈ। ਰਾਜੇਸ਼ ਨੇ ਜਦੋਂ ਉਸ ਨੂੰ ਆਪਣੀ ਸਮੱਸਿਆ ਦੱਸੀ ਤਾਂ ਮਨੀਸ਼ ਨੇ ਕਿਹਾ ਕਿ ਉਸ ਦੇ ਘਰ ਆਤਮਾਵਾਂ ਦਾ ਵਾਸ ਹੈ। ਇਸ ਦੇ ਲਈ 3 ਬੱਕਰਿਆਂ ਦੀ ਵਿਸ਼ੇਸ਼ ਪੂਜਾ ਅਤੇ ਬਲੀ ਦੇਣੀ ਹੋਵੇਗੀ। ਜਿਸ 'ਤੇ 1 ਲੱਖ 26 ਹਜ਼ਾਰ ਰੁਪਏ ਖਰਚ ਹੋਣਗੇ।

108 ਬੱਕਰਿਆਂ ਦੀ ਬਲੀ

ਰਾਜੇਸ਼ ਨੇ ਤਾਂਤਰਿਕ ਦੀਆਂ ਗੱਲਾਂ ਤੋਂ ਪ੍ਰਭਾਵਿਤ ਹੋ ਕੇ ਉਸ ਨੂੰ ਪੈਸੇ ਟਰਾਂਸਫਰ ਕਰ ਦਿੱਤੇ। ਫਿਰ ਵੀ ਸਮੱਸਿਆ ਦੂਰ ਨਹੀਂ ਹੋਈ ਤਾਂ ਰਾਜੇਸ਼ ਨੇ ਫਿਰ ਤੋਂ ਤਾਂਤਰਿਕ ਮਨੀਸ਼ ਨਾਲ ਸੰਪਰਕ ਕੀਤਾ। ਉਸ ਨੇ ਕਿਹਾ ਕਿ ਮੇਰਾ ਸਿਰਦਰਦ ਅਜੇ ਵੀ ਦੂਰ ਨਹੀਂ ਹੋਇਆ ਅਤੇ ਨਾ ਹੀ ਮੈਂ ਭੈੜੇ ਸੁਪਨੇ ਆਉਣੇ ਬੰਦ ਹੋਏ ਹਨ। ਫਿਰ ਮਨੀਸ਼ ਨੇ ਕਿਹਾ ਕਿ ਮੈਂ ਬਾਕੀ ਦੀਆਂ ਰੂਹਾਂ ਨੂੰ ਬਾਹਰ ਕੱਢ ਦਿੱਤਾ ਹੈ, ਪਰ ਤਿੰਨ ਜ਼ਿੱਦੀ ਰੂਹਾਂ ਬਾਹਰ ਨਹੀਂ ਆ ਰਹੀਆਂ ਹਨ। ਇਸ ਲਈ 108 ਬੱਕਰਿਆਂ ਦੀ ਬਲੀ ਦੇਣੀ ਪਵੇਗੀ। ਇੱਕ ਵਾਰ ਫਿਰ ਰਾਜੇਸ਼ ਉਸ ਦੀਆਂ ਗੱਲਾਂ ਤੋਂ ਪ੍ਰਭਾਵਿਤ ਹੋ ਗਿਆ। ਉਸ ਨੇ ਆਪਣੀ ਭੈਣ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਦੇ ਖਾਤਿਆਂ 'ਚੋਂ ਹੋਰ ਪੈਸੇ ਮਨੀਸ਼ ਦੇ ਖਾਤੇ 'ਚ ਭੇਜ ਦਿੱਤੇ। ਮਨੀਸ਼ ਦੇ ਖਾਤੇ 'ਚ ਕੁੱਲ 15 ਲੱਖ 51 ਹਜ਼ਾਰ ਰੁਪਏ ਭੇਜੇ ਗਏ।

ਮਨੀਸ਼ ਨੇ ਕੁਝ ਦਿਨਾਂ ਬਾਅਦ ਕਿਹਾ ਕਿ ਤੁਹਾਡਾ ਕੰਮ ਹੋ ਗਿਆ ਹੈ। ਆਤਮਾਵਾਂ ਭੱਜ ਗਈਆਂ ਹਨ। ਪਰ ਰਾਜੇਸ਼ ਦੀਆਂ ਮੁਸੀਬਤਾਂ ਉਦੋਂ ਵੀ ਖਤਮ ਨਹੀਂ ਹੋਈਆਂ ਸਨ। ਜਦੋਂ ਉਸ ਨੇ ਤਾਂਤਰਿਕ ਨੂੰ ਮੁੜ ਫੋਨ ਕੀਤਾ ਤਾਂ ਕਿਸੇ ਹੋਰ ਵਿਅਕਤੀ ਨੇ ਉਸ ਦਾ ਫੋਨ ਚੁੱਕਿਆ ਤੇ ਉਸ ਨੇ ਦੱਸਿਆ ਕਿ ਮਨੀਸ਼ ਦਾ ਐਕਸੀਡੈਂਟ ਹੋ ਗਿਆ ਹੈ। ਇਸ ਤੋਂ ਬਾਅਦ ਉਸ ੲ ਫੋਨ ਬੰਦ ਰਹਿਣ ਲੱਗਿਆ। ਉਦੋਂ ਹੀ ਰਾਜੇਸ਼ ਨੂੰ ਅਹਿਸਾਸ ਹੋਇਆ ਕਿ ਉਸ ਨਾਲ ਧੋਖਾ ਹੋਇਆ ਹੈ। ਉਸ ਨੇ ਤੁਰੰਤ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਫਿਲਹਾਲ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।