TRENDING : ਤਾਨਿਆਂ ਤੋਂ ਤੰਗ ਵਿਅਕਤੀ ਨੇ ਕੀਤੀ ਵੱਡੀ ਗਲਤੀ, ਨਤੀਜਾ ਦੇਖ ਕੇ ਸਭ ਹੈਰਾਨ
TRENDING : ਅਕਸਰ ਪਤਲੇ ਲੋਕਾਂ ਨੂੰ ਲੋਕ “ਚੂਸਿਆ ਹੋਇਆ ਅੰਬ”, ਕੂਪੋਸ਼ਿਤ ਅਤੇ ਨਾ ਜਾਣੇ ਕੀ ਕੀ ਕਹਿ ਕੇ ਚਿੜਾਉਂਦੇ ਹਨ। ਇਨ੍ਹਾਂ ਹੀ ਕਾਰਨਾਂ ਕਰਕੇ ਕਈ ਵਾਰ ਸਾਹਮਣੇ ਵਾਲਾ ਵਿਅਕਤੀ ਅਜਿਹਾ ਕਦਮ ਚੁੱਕ ਲੈਂਦਾ ਹੈ ਜਿਸ ਦੀ ਉਸਨੂੰ ਭਾਰੀ ਕੀਮਤ ਚੁਕਾਉਣੀ ਪੈਂਦੀ ਹੈ
TRENDING : ਅਕਸਰ ਪਤਲੇ ਲੋਕਾਂ ਨੂੰ ਲੋਕ “ਚੂਸਿਆ ਹੋਇਆ ਅੰਬ”, ਕੂਪੋਸ਼ਿਤ ਅਤੇ ਨਾ ਜਾਣੇ ਕੀ ਕੀ ਕਹਿ ਕੇ ਚਿੜਾਉਂਦੇ ਹਨ। ਇਨ੍ਹਾਂ ਹੀ ਕਾਰਨਾਂ ਕਰਕੇ ਕਈ ਵਾਰ ਸਾਹਮਣੇ ਵਾਲਾ ਵਿਅਕਤੀ ਅਜਿਹਾ ਕਦਮ ਚੁੱਕ ਲੈਂਦਾ ਹੈ ਜਿਸ ਦੀ ਉਸਨੂੰ ਭਾਰੀ ਕੀਮਤ ਚੁਕਾਉਣੀ ਪੈਂਦੀ ਹੈ। ਅਜਿਹਾ ਹੀ ਇਕ ਮਾਮਲਾ ਚੀਨ ਤੋਂ ਸਾਹਮਣੇ ਆਇਆ ਹੈ ,ਜਿੱਥੇ ਇਕ ਵਿਅਕਤੀ ਲੋਕਾਂ ਦੇ ਤਾਨਿਆਂ ਤੋਂ ਇੰਨਾ ਪਰੇਸ਼ਾਨ ਹੋ ਗਿਆ ਕਿ ਉਸਨੇ ਇਕ ਇਨਫਲੂਐਂਸਰ ਦੀ ਸਲਾਹ ‘ਤੇ 1.26 ਲੱਖ ਰੁਪਏ ਦੀ ਵਜ਼ਨ ਵਧਾਉਣ ਵਾਲੀਆਂ ਗੋਲੀਆਂ ਖਰੀਦ ਲਈਆਂ। ਇਸ ਤੋਂ ਬਾਅਦ ਜੋ ਹੋਇਆ ਉਹ ਪੂਰੀ ਦੁਨੀਆ ਨੇ ਦੇਖਿਆ। ਹਾਲਾਤ ਇੰਨੇ ਗੰਭੀਰ ਹੋ ਗਏ ਕਿ ਉਸਨੂੰ ਹਸਪਤਾਲ ਵਿੱਚ ਦਾਖ਼ਲ ਕਰਵਾਉਣਾ ਪਿਆ।
ਲੋਕਾਂ ਦੇ ਤਾਨਿਆਂ ਕਾਰਨ ਵੱਡੀ ਗਲਤੀ
ਸੋਸ਼ਲ ਮੀਡੀਆ ‘ਤੇ ਇਹ ਮਾਮਲਾ ਇਨ੍ਹੀਂ ਦਿਨੀਂ ਕਾਫੀ ਵਾਇਰਲ ਹੈ। ਚੀਨ ਦੇ ਇਕ ਟਰੱਕ ਡਰਾਈਵਰ ਨੇ ਆਪਣੇ ਪਤਲੇਪਨ ਅਤੇ ਲੋਕਾਂ ਦੇ ਤਾਨਿਆਂ ਤੋਂ ਤੰਗ ਆ ਕੇ ਇਕ ਫਿਟਨੈੱਸ ਇਨਫਲੂਐਂਸਰ ਦੀ ਸਲਾਹ ਮੰਨੀ ਅਤੇ 1.26 ਲੱਖ ਰੁਪਏ ਦੇ ਵਜ਼ਨ ਵਧਾਉਣ ਵਾਲੇ ਸਪਲੀਮੈਂਟ ਖਰੀਦ ਲਏ। ਸ਼ੁਰੂ ਵਿੱਚ ਉਸਨੂੰ ਕੋਈ ਖਾਸ ਦਿੱਕਤ ਨਹੀਂ ਹੋਈ, ਪਰ ਜਿਵੇਂ-ਜਿਵੇਂ ਉਹ ਇਹ ਗੋਲੀਆਂ ਖਾਂਦਾ ਗਿਆ, ਉਸਦੇ ਸਰੀਰ ਵਿੱਚ ਗੈਸ ਦੀ ਸਮੱਸਿਆ ਵਧਣ ਲੱਗੀ। ਗੈਸ ਇੰਨੀ ਵੱਧ ਗਈ ਕਿ ਉਸਦਾ ਸਰੀਰ ਗੁਬਾਰੇ ਵਾਂਗ ਫੁੱਲ ਗਿਆ। ਉਸਨੂੰ ਹਰ ਰੋਜ਼ ਉਲਟੀ ਹੋਣ ਲੱਗੀ।
ਹਸਪਤਾਲ ਵਿੱਚ ਦਾਖ਼ਲ ਕਰਵਾਉਣਾ ਪਿਆ
ਜਦੋਂ ਹਾਲਤ ਹੋਰ ਖਰਾਬ ਹੋਈ ਤਾਂ ਉਸਨੇ ਡਾਕਟਰ ਨੂੰ ਦਿਖਾਇਆ। ਡਾਕਟਰਾਂ ਨੇ ਉਸਦੀ ਗੰਭੀਰ ਹਾਲਤ ਦੇਖਦੇ ਹੋਏ ਉਸਨੂੰ ਹਸਪਤਾਲ ਵਿੱਚ ਭਰਤੀ ਕਰਨ ਦੀ ਸਲਾਹ ਦਿੱਤੀ। ਇਲਾਜ ਦੌਰਾਨ ਉਸਨੂੰ ਕਾਫੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਅਤੇ ਵਜ਼ਨ ਵਧਣ ਦੀ ਬਜਾਏ ਉਸਦਾ ਸਾਢੇ 6 ਕਿਲੋ ਵਜ਼ਨ ਘਟ ਗਿਆ। ਇਸ ਵਿਅਕਤੀ ਦਾ ਨਾਮ ਲਿਉ ਹੈ ਅਤੇ ਇਹ ਘਟਨਾ ਚੀਨ ਦੇ ਸ਼ੰਘਾਈ ਸ਼ਹਿਰ ਦੀ ਦੱਸੀ ਜਾ ਰਹੀ ਹੈ। ਲਿਉ ਪੇਸ਼ੇ ਤੋਂ ਇਕ ਟਰੱਕ ਡਰਾਈਵਰ ਹੈ। ਹੁਣ ਸੋਸ਼ਲ ਮੀਡੀਆ ਯੂਜ਼ਰ ਇਸ ‘ਤੇ ਵੱਖ-ਵੱਖ ਪ੍ਰਤੀਕਿਰਿਆ ਦੇ ਰਹੇ ਹਨ।
ਯੂਜ਼ਰ ਕਹਿੰਦੇ ਹਨ: ਕਦੇ ਵੀ ਰੀਲਾਂ ‘ਤੇ ਭਰੋਸਾ ਨਾ ਕਰੋ
ਸੋਸ਼ਲ ਮੀਡੀਆ ‘ਤੇ ਜਿਵੇਂ ਹੀ ਇਹ ਮਾਮਲਾ ਵਾਇਰਲ ਹੋਇਆ, ਲੋਕਾਂ ਨੇ ਕਈ ਤਰ੍ਹਾਂ ਦੇ ਰਿਐਕਸ਼ਨ ਦੇਣੇ ਸ਼ੁਰੂ ਕਰ ਦਿੱਤੇ। ਇਕ ਯੂਜ਼ਰ ਨੇ ਲਿਖਿਆ— “ਇਹ ਤਾਂ ਲੈਣੇ ਦੇ ਦੇਣ ਪੈ ਗਏ।” ਇਕ ਹੋਰ ਨੇ ਲਿਖਿਆ— “ਇਸ ਲਈ ਰੀਲਾਂ ‘ਤੇ ਆ ਕੇ ਕਿਸੇ ਦੀ ਬੇਤੁਕੀ ਗੱਲ ‘ਤੇ ਤੁਰੰਤ ਵਿਸ਼ਵਾਸ ਨਹੀਂ ਕਰਨਾ ਚਾਹੀਦਾ।” ਇਕ ਹੋਰ ਯੂਜ਼ਰ ਨੇ ਕਿਹਾ— “ਵਜ਼ਨ ਘਟਾਉਣਾ ਹੋਵੇ ਜਾਂ ਵਧਾਉਣਾ, ਘਰ ਦਾ ਸਧਾਰਣ ਖਾਣਾ ਹੀ ਸਭ ਤੋਂ ਵਧੀਆ ਹੈ।”
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
