ਹੁਣ ਚਰਚਾ 'ਚ Audi ChaiWala', ਸੜਕ 'ਤੇ ਔਡੀ ਕਾਰ 'ਚ ਚਾਹ ਵੇਚ ਰਹੇ 2 ਸ਼ਖਸ

Audi Chaiwala Viral Video : ਜਿੱਥੇ ਮੌਸਮ ਦਾ ਤਾਪਮਾਨ ਲਗਾਤਾਰ ਵੱਧਦਾ ਜਾ ਰਿਹਾ ਹੈ ਅਤੇ ਗਰਮੀ ਦਿਨੋ-ਦਿਨ ਵੱਧ ਰਹੀ ਹੈ। ਦੂਜੇ ਪਾਸੇ ਚਾਹ ਨੂੰ ਲੈ ਕੇ ਲੋਕਾਂ ਦਾ ਪਿਆਰ ਰੁਕਦਾ ਦਿਖਾਈ ਨਹੀਂ ਦੇ ਰਿਹਾ। ਅਸੀਂ ਦੇਖਦੇ ਹਾਂ ਕਿ ਦੇਸ਼ ਦੇ ਕੋਨੇ-ਕੋਨੇ ਵਿਚ ਚਾਹ ਦੀਆਂ

Audi ChaiWala'

Audi Chaiwala Viral Video : ਜਿੱਥੇ ਮੌਸਮ ਦਾ ਤਾਪਮਾਨ ਲਗਾਤਾਰ ਵੱਧਦਾ ਜਾ ਰਿਹਾ ਹੈ ਅਤੇ ਗਰਮੀ ਦਿਨੋ-ਦਿਨ ਵੱਧ ਰਹੀ ਹੈ। ਦੂਜੇ ਪਾਸੇ ਚਾਹ ਨੂੰ ਲੈ ਕੇ ਲੋਕਾਂ ਦਾ ਪਿਆਰ ਰੁਕਦਾ ਦਿਖਾਈ ਨਹੀਂ ਦੇ ਰਿਹਾ। ਅਸੀਂ ਦੇਖਦੇ ਹਾਂ ਕਿ ਦੇਸ਼ ਦੇ ਕੋਨੇ-ਕੋਨੇ ਵਿਚ ਚਾਹ ਦੀਆਂ ਸੈਂਕੜੇ ਦੁਕਾਨਾਂ ਲੱਗੀਆਂ ਹੋਈਆਂ ਹਨ। ਹਾਲ ਹੀ 'ਚ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਇਕ ਵਿਅਕਤੀ ਦੀ ਚਾਹ ਦੀ ਦੁਕਾਨ ਦੇਖ ਕੇ ਯੂਜ਼ਰਸ ਹੈਰਾਨ ਰਹਿ ਗਏ ਹਨ।

 

ਆਮ ਤੌਰ 'ਤੇ ਜਿੱਥੇ ਜ਼ਿਆਦਾਤਰ ਲੋਕ ਸੜਕ ਦੇ ਕਿਨਾਰੇ ਰੇਹੜੀ 'ਤੇ ਚਾਹ ਦੀ ਸਟਾਲ ਲਗਾਉਂਦੇ ਨਜ਼ਰ ਆਉਂਦੇ ਹਨ। ਦੂਜੇ ਪਾਸੇ ਇਹ ਸ਼ਖਸ ਚਾਹ ਵੇਚਣ ਲਈ ਲਗਜ਼ਰੀ ਕਾਰ ਔਡੀ ਦਾ ਇਸਤੇਮਾਲ ਕਰਦੇ ਦਿਖਾਈ ਦੇ ਰਹੇਹਨ। ਜਿਸ ਕਾਰਨ ਇਹ ਸ਼ਖਸ ਹਰ ਕਿਸੇ ਦਾ ਧਿਆਨ ਆਪਣੇ ਵੱਲ ਖਿੱਚ ਰਹੇ ਹਨ ਅਤੇ ਇਸ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿਸ ਨੂੰ ਯੂਜ਼ਰਸ ਲਗਾਤਾਰ ਸ਼ੇਅਰ ਕਰਦੇ ਅਤੇ ਫਨੀ ਰਿਐਕਸ਼ਨ ਦਿੰਦੇ ਨਜ਼ਰ ਆ ਰਹੇ ਹਨ।

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sach Kadwa Hai (@sachkadwahai)

ਅੱਜ ਕੱਲ੍ਹ ਚਾਹ ਵੇਚਣਾ ਬਹੁਤ ਸਾਰੇ ਲੋਕਾਂ ਲਈ ਇੱਕ ਵਿਕਲਪਿਕ ਕਰੀਅਰ ਵਿਕਲਪ ਬਣ ਰਿਹਾ ਹੈ। MBA ਚਾਏਵਾਲਾ, B.Tech ਚਾਏਵਾਲਾ ਅਤੇ ਕ੍ਰਿਪਟੋਕਰੰਸੀ ਨੂੰ ਸਵੀਕਾਰ ਕਰਨ ਵਾਲੇ ਚਾਏਵਾਲਾ ਤੋਂ ਬਾਅਦ ਹੁਣ ਮੁੰਬਈ ਦਾ ਔਡੀ ਚਾਏਵਾਲਾ ਇਨ੍ਹੀਂ ਦਿਨੀਂ ਸੁਰਖੀਆਂ ਵਿੱਚ ਹੈ। ਜੋ ਹਰ ਰੋਜ਼ ਮੁੰਬਈ ਦੇ ਲੋਖੰਡਵਾਲਾ ਬੈਕਰੋਡ 'ਤੇ ਆਪਣੀ ਔਡੀ ਕਾਰ 'ਤੇ ਚਾਹ ਦੀ ਦੁਕਾਨ ਲਗਾਉਂਦੇ ਨਜ਼ਰ ਆਉਂਦਾ ਹੈ। ਜਾਣਕਾਰੀ ਅਨੁਸਾਰ ਇਸ ਸਟਾਲ ਦੀ ਸ਼ੁਰੂਆਤ ਅਮਿਤ ਕਸ਼ਯਪ ਅਤੇ ਮੰਨੂ ਸ਼ਰਮਾ ਨੇ ਕੀਤੀ ਸੀ, ਜੋ ਆਨ ਡਰਾਈਵ ਟੀ ਦੇ ਨਾਮ ਨਾਲ ਆਪਣੀ ਦੁਕਾਨ ਚਲਾ ਰਹੇ ਹਨ।

 

ਫਿਲਹਾਲ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਦੇ ਨਾਲ ਹੀ ਆਨ ਡਰਾਈਵ ਟੀ ਦਾ ਆਪਣਾ ਇੰਸਟਾਗ੍ਰਾਮ ਪੇਜ ਹੈ। ਜਿੱਥੇ ਅਮਿਤ ਕਸ਼ਯਪ ਅਤੇ ਮੰਨੂ ਸ਼ਰਮਾ ਆਪਣੇ ਗਾਹਕਾਂ ਵਿਚਕਾਰ ਰੋਜ਼ਾਨਾ ਅਪਡੇਟਸ ਸ਼ੇਅਰ ਕਰਦੇ ਨਜ਼ਰ ਆ ਰਹੇ ਹਨ। ਵਾਇਰਲ ਹੋ ਰਹੀ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ 8 ਹਜ਼ਾਰ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ ਅਤੇ ਇਕ ਲੱਖ 50 ਹਜ਼ਾਰ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਵੀਡੀਓ ਨੂੰ ਦੇਖ ਕੇ ਯੂਜ਼ਰਸ ਲਗਾਤਾਰ ਆਪਣੀ ਪ੍ਰਤੀਕਿਰਿਆ ਦਿੰਦੇ ਨਜ਼ਰ ਆ ਰਹੇ ਹਨ। ਇਕ ਯੂਜ਼ਰ ਨੇ ਕਮੈਂਟ ਕਰਦੇ ਹੋਏ ਲਿਖਿਆ, ‘ਚਾਹ ਵੇਚ ਕੇ ਔਡੀ ਖਰੀਦੀ ਹੈ ਜਾਂ ਔਡੀ ਖਰੀਦੀ ਹੈ ਇਸ ਲਈ ਚਾਹ ਵੇਚਣੀ ਪਈ।’ ਇਕ ਹੋਰ ਯੂਜ਼ਰ ਨੇ ਕਮੈਂਟ ਕਰਦੇ ਹੋਏ ਲਿਖਿਆ, ‘ਜਦੋਂ ਤੁਸੀਂ ਆਪਣੇ ਅਮੀਰ ਪਿਤਾ ਦੇ ਪੈਸੇ ਨਾਲ ਔਡੀ ਖਰੀਦਦੇ ਹੋ , ਫਿਰ ਤੁਹਾਡੇ ਪਿਤਾ ਤੁਹਾਨੂੰ EMI ਅਤੇ ਪੈਟਰੋਲ ਦੇ ਪੈਸੇ ਨਾ ਦੇਣ।