Viral News: ਪੜ੍ਹਾਈ ਲਈ ਮਾਪਿਆਂ ਨੇ ਲਗਾਈ ਟਿਊਸ਼ਨ, ਰੋਂਦਾ ਹੋਇਆ ਮੁੰਡਾ ਪਹੁੰਚਿਆ ਥਾਣੇ, ਕਿਹਾ…
Weird News: ਲੜਕਾ ਆਪਣੇ ਮਾਤਾ-ਪਿਤਾ ਅਤੇ ਟਿਊਟਰ ਦੇ ਪੜ੍ਹਾਈ ਦੇ ਦਬਾਅ ਤੋਂ ਇੰਨਾ ਪਰੇਸ਼ਾਨ ਹੋ ਗਿਆ ਕਿ ਉਹ ਸਿੱਧਾ ਥਾਣੇ ਗਿਆ। ਉੱਥੇ ਪਹੁੰਚ ਕੇ ਉਸ ਨੇ ਅਜਿਹੀਆਂ ਗੱਲਾਂ ਦੱਸੀਆਂ ਕਿ ਪੁਲਿਸ ਅਧਿਕਾਰੀ ਖੁਦ ਹੀ ਉਸ ਦੇ ਹੰਝੂ ਪੂੰਝਣ ਲੱਗਾ।
Viral News: ਆਮ ਤੌਰ 'ਤੇ ਦੇਖਿਆ ਗਿਆ ਹੈ ਕਿ ਮਾਪੇ ਆਪਣੇ ਬੱਚਿਆਂ ਨੂੰ ਨਿਵੇਸ਼ ਵਜੋਂ ਦੇਖਣਾ ਸ਼ੁਰੂ ਕਰ ਦਿੰਦੇ ਹਨ। ਉਹ ਉਨ੍ਹਾਂ 'ਤੇ ਸਮਾਂ ਅਤੇ ਪੈਸਾ ਖਰਚ ਕਰਦੇ ਹਨ ਅਤੇ ਉਸੇ ਤਰ੍ਹਾਂ ਰਿਟਰਨ ਦੀ ਉਮੀਦ ਕਰਦੇ ਹਨ। ਕਈ ਵਾਰ ਮਾਪਿਆਂ ਦੀ ਵਾਧੂ ਚਿੰਤਾ ਬੱਚਿਆਂ ਲਈ ਮੁਸੀਬਤ ਬਣ ਜਾਂਦੀ ਹੈ। ਉਹ ਉਨ੍ਹਾਂ ਦੀ ਤੰਦਰੁਸਤੀ ਦੀ ਕਾਮਨਾ ਕਰਦੇ ਹਨ ਪਰ ਉਨ੍ਹਾਂ ਨੂੰ ਸਮਝ ਨਹੀਂ ਆਉਂਦੀ ਕਿ ਬੱਚਾ ਕਦੋਂ ਉਨ੍ਹਾਂ ਦੇ ਵਿਵਹਾਰ ਤੋਂ ਦੁਖੀ ਹੋਣ ਲੱਗਦਾ ਹੈ। ਅੱਜ ਅਸੀਂ ਤੁਹਾਨੂੰ ਅਜਿਹੀ ਹੀ ਇੱਕ ਘਟਨਾ ਬਾਰੇ ਦੱਸਾਂਗੇ।
ਇਹ ਖ਼ਬਰ ਗੁਆਂਢੀ ਦੇਸ਼ ਚੀਨ ਦੀ ਹੈ। ਹੁਬੇਈ ਸੂਬੇ 'ਚ ਰਹਿਣ ਵਾਲਾ ਇੱਕ ਲੜਕਾ ਆਪਣੇ ਮਾਤਾ-ਪਿਤਾ ਅਤੇ ਟਿਊਟਰ ਦੇ ਪੜ੍ਹਾਈ ਦੇ ਦਬਾਅ ਤੋਂ ਇੰਨਾ ਪਰੇਸ਼ਾਨ ਹੋ ਗਿਆ ਕਿ ਉਹ ਸਿੱਧਾ ਪੁਲਿਸ ਸਟੇਸ਼ਨ ਗਿਆ। ਉੱਥੇ ਪਹੁੰਚ ਕੇ ਉਸ ਨੇ ਅਜਿਹੀਆਂ ਗੱਲਾਂ ਦੱਸੀਆਂ ਕਿ ਪੁਲਿਸ ਅਧਿਕਾਰੀ ਖੁਦ ਹੀ ਉਸ ਦੇ ਹੰਝੂ ਪੂੰਝਣ ਲੱਗਾ। ਮੁੰਡੇ ਦੀ ਕਹਾਣੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ ਅਤੇ ਜਿਸ ਨੇ ਵੀ ਇਸ ਨੂੰ ਦੇਖਿਆ ਜਾਂ ਸੁਣਿਆ ਹੈ, ਉਹ ਇਸ ਬਾਰੇ ਗੱਲ ਕਰ ਰਹੇ ਹਨ।
ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਖਬਰ ਮੁਤਾਬਕ ਲੜਕਾ ਕਿਸ਼ੋਰ ਹੈ ਅਤੇ ਉਹ ਸ਼ਿਯਾਂਗਯਾਂਗ ਦੇ ਪੁਲਿਸ ਸਟੇਸ਼ਨ ਪਹੁੰਚਿਆ ਸੀ। ਉਸਨੇ ਪੁਲਿਸ ਨੂੰ ਦੱਸਿਆ ਕਿ ਉਸਦੇ ਮਾਤਾ-ਪਿਤਾ ਨੇ ਉਸਨੂੰ ਸਕੂਲ ਤੋਂ ਬਾਅਦ ਟਿਊਸ਼ਨ ਕਰਵਾਉਣ ਦਾ ਇੰਤਜ਼ਾਮ ਕੀਤਾ ਸੀ ਅਤੇ ਉਨ੍ਹਾਂ ਨੇ ਉਸਨੂੰ ਇਸ ਵਿੱਚ ਹਾਜ਼ਰ ਹੋਣ ਲਈ ਦਬਾਅ ਪਾਇਆ ਸੀ। ਉਸ ਨੇ ਸ਼ਿਕਾਇਤ ਕੀਤੀ ਹੈ ਕਿ ਉਸ ਦਾ ਵੀਕੈਂਡ ਵੀ ਹੋਮਵਰਕ ਅਤੇ ਟਿਊਸ਼ਨ ਦਾ ਕਮੰ ਕਰਨ ਵਿੱਚ ਹੀ ਲੰਘ ਜਾਂਦਾ ਹੈ ਅਤੇ ਇਸ ਕਾਰਨ ਉਹ ਕਾਫੀ ਤਣਾਅ ਵਿੱਚ ਹੈ। ਲੜਕਾ ਸਕੂਲ ਦੀ ਵਰਦੀ ਵਿੱਚ ਥਾਣੇ ਪਹੁੰਚਿਆ ਅਤੇ ਉੱਥੇ ਰੋਣ ਲੱਗਾ ਅਤੇ ਅਧਿਕਾਰੀਆਂ ਨੇ ਉਸ ਦੇ ਹੰਝੂ ਪੂੰਝਣ ਲਈ ਉਸ ਨੂੰ ਟਿਸ਼ੂ ਦਿੱਤੇ। ਇੰਨਾ ਹੀ ਨਹੀਂ ਬੱਚੇ ਨੇ ਇਹ ਵੀ ਦੱਸਿਆ ਕਿ ਉਹ ਪੜ੍ਹਾਈ ਵਿੱਚ ਚੰਗਾ ਹੈ ਅਤੇ ਚੰਗੇ ਨੰਬਰ ਲੈ ਰਿਹਾ ਹੈ, ਫਿਰ ਵੀ ਉਸ ਦੇ ਮਾਤਾ-ਪਿਤਾ ਚਾਹੁੰਦੇ ਹਨ ਕਿ ਉਹ ਹੋਰ ਵੀ ਵਧੀਆ ਕਰੇ।
ਇਹ ਵੀ ਪੜ੍ਹੋ: Viral News: ਸਭ ਤੋਂ ਵੱਧ ਪਾਬੰਦੀਆਂ ਵਾਲਾ ਦੇਸ਼, ਜਿਸ ਦੇ ਵਿਰੁੱਧ ਨੇ ਬਹੁਤੇ ਦੇਸ਼
ਮੁੰਡੇ ਦੀ ਕਹਾਣੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਪੁਲਿਸ ਨਾਲ ਗੱਲਬਾਤ ਦੌਰਾਨ ਅਧਿਕਾਰੀਆਂ ਨੇ ਉਸਨੂੰ ਸਮਝਾਇਆ ਕਿ ਉਹ ਉਸਦੀ ਮਦਦ ਕਰ ਸਕਦੇ ਹਨ। ਉਹ ਉਸਦਾ ਗਣਿਤ ਦਾ ਹੋਮਵਰਕ ਕਰਵਾ ਸਕਦੇ ਹਨ ਅਤੇ ਉਹ ਇਸ ਬਾਰੇ ਆਪਣੇ ਮਾਪਿਆਂ ਨਾਲ ਵੀ ਗੱਲ ਕਰ ਸਕਦਾ ਹੈ। ਬੱਚਾ ਇਸ ਗੱਲ ਨੂੰ ਮੰਨ ਗਿਆ। ਉਸ ਦੀ ਹਾਲਤ ਦੇਖ ਕੇ ਹਰ ਕਿਸੇ ਨੇ ਮੁੰਡੇ ਪ੍ਰਤੀ ਹਮਦਰਦੀ ਪ੍ਰਗਟਾਈ। ਹਾਲਾਂਕਿ ਕੁਝ ਲੋਕਾਂ ਨੇ ਇਹ ਵੀ ਕਿਹਾ ਕਿ ਜੇਕਰ ਉਹ ਮਿਹਨਤ ਨਹੀਂ ਕਰੇਗਾ ਤਾਂ ਉਸ ਦਾ ਭਵਿੱਖ ਉਜਵਲ ਨਹੀਂ ਹੋਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਚੀਨ ਵਿੱਚ ਸਿੱਖਿਆ ਦਾ ਪੱਧਰ ਬਹੁਤ ਉੱਚਾ ਹੈ ਅਤੇ ਬੱਚੇ ਅਕਸਰ ਇਸ ਤੋਂ ਦੂਰ ਭੱਜਦੇ ਹਨ।
ਇਹ ਵੀ ਪੜ੍ਹੋ: Viral News: ਇਹ ਸਭ ਤੋਂ ਅਨੋਖੀ ਭਾਰਤ-ਚੀਨ ਸਰਹੱਦ, ਬੰਬਾਰੀ ਨਹੀਂ ਖੇਤੀ ਕਰਦੇ ਨੇ ਫੌਜੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
