ਵਿਆਹੁਤਾ ਗਰਲਫ੍ਰੈਂਡ ਨੇ ਕੀਤੀ ਅਜਿਹੀ ਡਿਮਾਂਡ, ਸੁੰਨਸਾਨ ਜੰਗਲ 'ਚ ਲੈ ਗਿਆ ਬੁਆਏਫ੍ਰੈਂਡ, ਫਿਰ ਕਰ 'ਤਾ ਇਹ ਕਾਂਡ
Girlfriend Murder : ਪ੍ਰੇਮੀ ਪਹਿਲਾਂ ਆਪਣੀ ਪ੍ਰੇਮਿਕਾ ਨੂੰ ਮਸੰਜੌਰ ਡੈਮ ਦੇਖਣ ਦੇ ਬਹਾਨੇ ਨਾਲ ਲੈ ਗਿਆ। ਫਿਰ ਉਸ ਨੇ ਨੇੜਲੇ ਜੰਗਲ ਵਿਚ ਆਪਣੀ ਪ੍ਰੇਮਿਕਾ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ, ਫਿਰ ....
ਪਿਆਰ ਵਿੱਚ ਪ੍ਰੇਮੀ ਇਕੱਠੇ ਜਿਉਣ ਮਰਨ ਦੀ ਸਹੁੰ ਖਾਂਦੇ ਹਨ। ਪਰ ਝਾਰਖੰਡ ਦੇ ਦੁਮਕਾ 'ਚ ਪ੍ਰੇਮੀ ਨੇ ਆਪਣੀ ਹੀ ਪ੍ਰੇਮਿਕਾ ਦਾ ਕਤਲ ਕਰ ਦਿੱਤਾ। ਉਹ ਵੀ ਸਿਰਫ਼ ਇਸ ਲਈ ਕਿਉਂਕਿ ਉਹ ਉਸ ਨਾਲ ਵਿਆਹ ਕਰਨਾ ਚਾਹੁੰਦੀ ਸੀ। ਪ੍ਰੇਮੀ ਪਹਿਲਾਂ ਆਪਣੀ ਪ੍ਰੇਮਿਕਾ ਨੂੰ ਮਸੰਜੌਰ ਡੈਮ ਦੇਖਣ ਦੇ ਬਹਾਨੇ ਨਾਲ ਲੈ ਗਿਆ। ਫਿਰ ਉਸ ਨੇ ਨੇੜਲੇ ਜੰਗਲ ਵਿਚ ਆਪਣੀ ਪ੍ਰੇਮਿਕਾ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ, ਉਸ 'ਤੇ ਪੈਟਰੋਲ ਪਾ ਕੇ ਲਾਸ਼ ਨੂੰ ਸਾੜ ਦਿੱਤਾ। ਸਾਰੀ ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੁਲਜ਼ਮ ਪ੍ਰੇਮੀ ਪਵਨ ਚੌਧਰੀ ਮੌਕੇ ਤੋਂ ਫਰਾਰ ਹੋ ਗਿਆ। ਪਰ ਪੁਲਸ ਨੇ ਉਸਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਸ਼ੁੱਕਰਵਾਰ ਨੂੰ ਮਸੰਜੌਰ ਥਾਣਾ ਖੇਤਰ ਦੇ ਅਧੀਨ ਆਉਂਦੇ ਪਿੰਡ ਜੀਤਪੁਰ ਨੇੜੇ ਇਕ ਔਰਤ ਦੀ ਅੱਧ ਸੜੀ ਹੋਈ ਲਾਸ਼ ਮਿਲਣ ਨਾਲ ਹੜਕੰਪ ਮਚ ਗਿਆ। ਜਦੋਂ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ ਗਈ ਤਾਂ ਲਾਸ਼ ਦੀ ਪਛਾਣ ਹੋ ਗਈ। ਮ੍ਰਿਤਕਾ ਦਾ ਨਾਂ ਫੂਲ ਕੁਮਾਰੀ ਸੀ। ਉਹ ਸ਼ਾਦੀਸ਼ੁਦਾ ਸੀ ਅਤੇ ਦੇਵਘਰ ਜ਼ਿਲ੍ਹੇ ਦੇ ਪਿੰਡ ਚੱਕਮਾ ਦੀ ਰਹਿਣ ਵਾਲੀ ਸੀ। ਫੂਲ ਕੁਮਾਰੀ ਦਾ ਵਿਆਹ ਕਰੀਬ 6 ਸਾਲ ਪਹਿਲਾਂ ਦੁਮਕਾ ਦੇ ਰਸਿਕਪੁਰ ਦੇ ਮੱਛੀ ਵੇਚਣ ਵਾਲੇ ਪ੍ਰਕਾਸ਼ ਕਾਪੜੀ ਨਾਲ ਹੋਇਆ ਸੀ। ਦੋਵਾਂ ਦੀ ਇੱਕ ਬੇਟੀ ਵੀ ਹੈ।
ਵਿਆਹ ਲਈ ਪਾ ਰਹੀ ਸੀ ਦਬਾਅ
ਵਿਆਹੁਤਾ ਹੋਣ ਦੇ ਬਾਵਜੂਦ ਔਰਤ ਦੇ ਆਪਣੇ ਪੇਕੇ ਘਰ ਮੋਹਨਪੁਰ ਵਾਸੀ ਪਵਨ ਚੌਧਰੀ ਨਾਮਕ ਨੌਜਵਾਨ ਨਾਲ ਪ੍ਰੇਮ ਸਬੰਧ ਸਨ। ਦੋਵੇਂ ਅਕਸਰ ਲੁਕ-ਛਿਪ ਕੇ ਮਿਲਦੇ ਰਹਿੰਦੇ ਸਨ। ਥੋੜ੍ਹੇ ਸਮੇਂ ਵਿਚ ਹੀ ਉਨ੍ਹਾਂ ਦਾ ਪਿਆਰ ਖਿੜ ਗਿਆ। ਫਿਰ ਕੀ ਹੋਇਆ, ਫੂਲ ਕੁਮਾਰੀ ਨੇ ਆਪਣੇ ਪ੍ਰੇਮੀ ਪਵਨ ਚੌਧਰੀ 'ਤੇ ਵਿਆਹ ਲਈ ਦਬਾਅ ਬਣਾਉਣਾ ਸ਼ੁਰੂ ਕਰ ਦਿੱਤਾ। ਪਰ ਪਵਨ ਉਸ ਨਾਲ ਵਿਆਹ ਨਹੀਂ ਕਰਨਾ ਚਾਹੁੰਦਾ ਸੀ। ਪ੍ਰੇਮੀ ਪਵਨ ਨੇ ਆਪਣੀ ਵਿਆਹੁਤਾ ਪ੍ਰੇਮਿਕਾ ਨੂੰ ਆਪਣੀ ਜ਼ਿੰਦਗੀ ਤੋਂ ਹਟਾਉਣ ਦੀ ਯੋਜਨਾ ਬਣਾਈ ਜੋ ਉਸ ਦੇ ਗਲੇ ਦਾ ਕੰਡਾ ਬਣ ਰਹੀ ਸੀ।
ਕਤਲ ਕਰਨ ਤੋਂ ਬਾਅਦ ਫਰਾਰ ਹੋ ਗਿਆ
ਪਵਨ ਨੇ ਫੂਲ ਕੁਮਾਰੀ ਨੂੰ ਕਿਹਾ ਕਿ ਅੱਜ ਇਕੱਠੇ ਸੈਰ ਕਰਨ ਚੱਲੀਏ। ਫੂਲ ਕੁਮਾਰੀ ਉਸ ਨਾਲ ਜਾਣ ਲਈ ਤਿਆਰ ਹੋ ਗਈ। ਪਵਨ ਉਸ ਨੂੰ ਮਸੰਜੌਰ ਡੈਮ ਵੱਲ ਲੈ ਗਿਆ। ਫਿਰ ਉਸ ਦਾ ਪਹਿਲਾਂ ਇਕ ਸੁੰਨਸਾਨ ਜੰਗਲ ਵਿਚ ਕਤਲ ਕਰ ਦਿੱਤਾ ਗਿਆ। ਇਸ ਤੋਂ ਬਾਅਦ ਸਬੂਤਾਂ ਨੂੰ ਨਸ਼ਟ ਕਰਨ ਲਈ ਉਸ ਦੀ ਲਾਸ਼ ਨੂੰ ਸਾੜ ਦਿੱਤਾ ਅਤੇ ਖੁਦ ਫਰਾਰ ਹੋ ਗਿਆ। ਪਰ ਪੁਲਸ ਨੇ ਇਸ ਕਤਲ ਦਾ ਭੇਤ ਸੁਲਝਾ ਲਿਆ। ਮੁਲਜ਼ਮ ਪਵਨ ਹੁਣ ਪੁਲਸ ਦੀ ਹਿਰਾਸਤ ਵਿੱਚ ਹੈ। ਉਸ ਖਿਲਾਫ ਅਗਲੇਰੀ ਕਾਰਵਾਈ ਜਾਰੀ ਹੈ।
Before You Go
Asim Munir & ISI Killed Imran Khan?:ਸਾਬਕਾ PM ਇਮਰਾਨ ਖਾਨ ਦੀ ਹੱਤਿਆ?ਕਿੱਥੇ ਰੱਖੀ ਲਾਸ਼ ਖੁੱਲ੍ਹੇਗਾ ਵੱਡਾ ਰਾਜ਼!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
