ਸੜਕ 'ਤੇ ਡਿੱਗੀ ਚਾਂਦੀ ਹੀ ਚਾਂਦੀ, ਰਾਹਗੀਰਾਂ 'ਚ ਮਚੀ ਲੁੱਟ, ਮੁੱਠੀਆਂ ਭਰ-ਭਰ ਲੈ ਗਏ ਲੋਕ
ਸੜਕ 'ਤੇ 1 ਰੁਪਏ ਦਾ ਸਿੱਕਾ ਦਿੱਖ ਜਾਵੇ, ਤਾਂ ਇਹ ਤੁਹਾਨੂੰ ਇੱਕ ਵੱਖਰੀ ਖੁਸ਼ੀ ਦਾ ਅਹਿਸਾਸ ਦਿੰਦਾ ਹੈ। ਪਰ ਮੁਰਸ਼ਿਦਾਬਾਦ ਵਿੱਚ ਲੋਕਾਂ ਦੀ ਚਾਂਦੀ ਹੋ ਗਈ। ਵੀਡੀਓ 'ਚ ਸਥਾਨਕ ਲੋਕ ਚਾਂਦੀ ਲੁੱਟਦੇ ਨਜ਼ਰ ਆ ਰਹੇ ਹਨ।
ਬਰਸਾਤ ਦਾ ਮੌਸਮ ਚੱਲ ਰਿਹਾ ਹੈ। ਇਸ ਦੌਰਾਨ, ਜੇਕਰ ਅਸਮਾਨ ਤੋਂ ਪਾਣੀ ਦੀ ਬਜਾਏ ਸੋਨਾ ਅਤੇ ਚਾਂਦੀ ਦੀ ਵਰਖਾ ਸ਼ੁਰੂ ਹੋ ਜਾਵੇ ਤਾਂ ਕੀ ਹੋਵੇਗਾ? ਤੁਸੀਂ ਕਹੋਗੇ ਕਿ ਅਜਿਹਾ ਸਿਰਫ ਫਿਲਮਾਂ ਅਤੇ ਸੁਪਨਿਆਂ ਵਿੱਚ ਹੀ ਹੋ ਸਕਦਾ ਹੈ। ਪਰ ਨਹੀਂ, ਇਹ ਸੱਚਮੁੱਚ ਹੋਇਆ ਹੈ। ਮੁਰਸ਼ਿਦਾਬਾਦ ਦੇ ਜਲੰਗੀ ਦੀਆਂ ਸੜਕਾਂ 'ਤੇ ਲੋਕਾਂ ਦੀ ਮੌਜ ਹੋ ਗਈ। ਕੋਈ ਨਹੀਂ ਜਾਣਦਾ ਕਿ ਚਾਂਦੀ ਕਿੱਥੋਂ ਆਈ ਹੈ। ਜਿਸ ਨੇ ਵੀ ਇਹ ਨਜ਼ਾਰਾ ਦੇਖਿਆ ਉਹ ਹੈਰਾਨ ਰਹਿ ਗਿਆ।
ਅਸਮਾਨ ਤੋਂ ਡਿੱਗੀ ਚਾਂਦੀ !
ਮਾਮਲਾ ਮੁਰਸ਼ਿਦਾਬਾਦ ਦੇ ਜਲੰਗੀ ਦਾ ਹੈ। ਇੱਥੇ ਸਥਾਨਕ ਲੋਕਾਂ ਨੇ ਅਚਾਨਕ ਸੜਕ 'ਤੇ ਚਾਂਦੀ ਦੇ ਦਾਣੇ ਦੇਖੇ। ਫਿਰ ਕੀ ਰਹਿ ਗਿਆ। ਜਿਵੇਂ ਹੀ ਲੋਕਾਂ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਹ ਉਤਸ਼ਾਹਿਤ ਹੋ ਗਏ। ਚਾਂਦੀ ਇਕੱਠੀ ਕਰਨ ਦਾ ਮੁਕਾਬਲਾ ਸ਼ੁਰੂ ਹੋ ਗਿਆ। ਛੋਟੇ ਤੋਂ ਲੈ ਕੇ ਬੁੱਢੇ ਤੱਕ ਹਰ ਕੋਈ ਚਾਂਦੀ ਹੀ ਲੁੱਟ ਰਿਹਾ ਸੀ। ਲੋਕਾਂ ਦਾ ਕਹਿਣਾ ਹੈ ਕਿ ਅਸਮਾਨ ਤੋਂ ਚਾਂਦੀ ਦੀ ਵਰਖਾ ਹੋਈ ਹੈ।
ਸੱਚ ਆਖ਼ਰ ਕੀ ਹੈ?
ਸੂਤਰਾਂ ਅਨੁਸਾਰ ਸਰਹੱਦੀ ਖੇਤਰਾਂ ਵਿੱਚ ਸਰਹੱਦ ਪਾਰ ਤੋਂ ਚਾਂਦੀ ਦੇ ਦਾਨੀਆਂ ਦੀ ਤਸਕਰੀ ਕੀਤੀ ਜਾਂਦੀ ਹੈ। ਕੋਈ ਤਸਕਰ ਚਾਂਦੀ ਦੇ ਦਾਣੇ ਲੈਕੇ ਜਾ ਰਿਹਾ ਸੀ ਤਾਂ ਉਹ ਸੜਕ 'ਤੇ ਖਿੱਲਰ ਗਏ । ਜਿਵੇਂ ਹੀ ਆਮ ਲੋਕਾਂ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਹ ਖੁਸ਼ੀ ਨਾਲ ਝੂਮ ਉੱਠੇ ਅਤੇ ਚਾਂਦੀ ਲੁੱਟਣ ਲੱਗੇ।
ਵੀਡੀਓ ਵਿੱਚ ਕੈਦ ਹੋ ਗਿਆ ਇਹ ਸਾਰਾ ਦ੍ਰਿਸ਼
ਇਸ ਖਬਰ 'ਤੇ ਯਕੀਨ ਕਰਨਾ ਥੋੜ੍ਹਾ ਮੁਸ਼ਕਿਲ ਹੈ। ਪਰ ਜੇਕਰ ਵੀਡੀਓ 'ਚ ਦੇਖਿਆ ਜਾਵੇ ਤਾਂ ਲੋਕਾਂ ਦੇ ਹੱਥਾਂ 'ਚ ਛੋਟੇ ਮੋਤੀ ਸਾਫ ਨਜ਼ਰ ਆ ਰਹੇ ਹਨ। ਇਹ ਪਹਿਲੀ ਵਾਰ ਨਹੀਂ ਹੈ। ਅਜਿਹੇ ਅਜੀਬੋ-ਗਰੀਬ ਵੀਡੀਓ ਸਮੇਂ-ਸਮੇਂ 'ਤੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਕੁਝ ਸਮਾਂ ਪਹਿਲਾਂ ਝਾਰਖੰਡ ਤੋਂ ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਸੀ। ਮੰਨਿਆ ਜਾਂਦਾ ਹੈ ਕਿ ਉੱਥੋਂ ਦੇ ਲੋਕ ਨਦੀ ਵਿੱਚੋਂ ਸੋਨੇ ਦੇ ਛੋਟੇ-ਛੋਟੇ ਦਾਣੇ ਛਾਨਦੇ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
