Viral Video: ਟ੍ਰੇਨ ਦੇ ਇੰਜਣ 'ਤੇ ਚੜ੍ਹ ਕੇ ਨੌਜਵਾਨ ਨੇ ਹਾਈ ਟੈਂਸ਼ਨ ਦੀ ਤਾਰ ਨਾਲ ਲਿਆ ਪੰਗਾ, ਹੋ ਗਿਆ ਧਮਾਕਾ, ਹੁਣ ਹਾਲਤ ਨਾਜ਼ੁਕ
Shocking Viral Video: ਵੀਡੀਓ 'ਚ ਇੱਕ ਨੌਜਵਾਨ ਪਹਿਲਾਂ ਟਰੇਨ ਦੇ ਇੰਜਣ 'ਤੇ ਚੜ੍ਹ ਕੇ ਹੰਗਾਮਾ ਕਰਦਾ ਨਜ਼ਰ ਆ ਰਿਹਾ ਹੈ ਅਤੇ ਫਿਰ ਅਚਾਨਕ ਹਾਈ ਟੈਂਸ਼ਨ ਤਾਰ ਨੂੰ ਛੂਹ ਲੈਂਦਾ ਹੈ।
Shocking Viral Video: ਉੱਤਰ ਪ੍ਰਦੇਸ਼ ਦੇ ਬਹਿਰਾਇਚ 'ਚ ਹੋਏ ਇੱਕ ਵੱਡੇ ਹਾਦਸੇ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਇਆ ਹੈ। ਜਿਸ ਨੂੰ ਦੇਖ ਕੇ ਹਜ਼ਾਰਾਂ ਲੋਕਾਂ ਦੇ ਦਿਲ ਦਹਿਲ ਗਏ ਹਨ। ਵੀਡੀਓ 'ਚ ਇੱਕ ਨੌਜਵਾਨ ਪਹਿਲਾਂ ਟਰੇਨ ਦੇ ਇੰਜਣ 'ਤੇ ਚੜ੍ਹ ਕੇ ਹੰਗਾਮਾ ਕਰਦਾ ਨਜ਼ਰ ਆ ਰਿਹਾ ਹੈ ਅਤੇ ਫਿਰ ਅਚਾਨਕ ਹਾਈ ਟੈਂਸ਼ਨ ਤਾਰ ਨੂੰ ਛੂਹ ਲੈਂਦਾ ਹੈ। ਜਿਸ ਤੋਂ ਬਾਅਦ ਜ਼ੋਰਦਾਰ ਧਮਾਕਾ ਹੋਣ ਤੋਂ ਬਾਅਦ ਨੌਜਵਾਨ ਟਰੇਨ ਦੀ ਛੱਤ ਤੋਂ ਡਿੱਗਦਾ ਨਜ਼ਰ ਆ ਰਿਹਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਨੌਜਵਾਨ ਨੂੰ ਇਲਾਜ ਲਈ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ।
ਅਸਲ 'ਚ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਇੱਕ ਵਿਅਕਤੀ ਟਰੇਨ ਦੇ ਇੰਜਣ ਦੀ ਛੱਤ 'ਤੇ ਖੜ੍ਹਾ ਦੇਖਿਆ ਜਾ ਸਕਦਾ ਹੈ। ਜਿਸ ਦੌਰਾਨ ਲੋਕ ਉਸ ਨੂੰ ਟਰੇਨ ਦੇ ਇੰਜਣ ਦੀ ਛੱਤ ਤੋਂ ਹੇਠਾਂ ਉਤਰਨ ਲਈ ਮਨਾਉਂਦੇ ਹੋਏ ਆਵਾਜ਼ ਦਿੰਦੇ ਨਜ਼ਰ ਆ ਰਹੇ ਹਨ। ਜਿਸ ਤੋਂ ਬਾਅਦ ਨੌਜਵਾਨ ਟਰੇਨ ਦੇ ਉੱਪਰੋਂ ਲੰਘ ਰਹੀ ਹਾਈ ਟੈਂਸ਼ਨ ਤਾਰ ਨੂੰ ਛੂਹ ਲੈਂਦਾ ਹੈ ਅਤੇ ਦੇਖਦੇ ਹੀ ਦੇਖਦੇ ਜ਼ੋਰਦਾਰ ਧਮਾਕਾ ਹੋ ਜਾਂਦਾ ਹੈ ਤੇ ਉਹ ਅੱਗ ਦੇ ਗੋਲੇ 'ਚ ਬਦਲ ਜਾਂਦਾ ਹੈ। ਧਮਾਕੇ ਕਾਰਨ ਉਹ ਬੁਰੀ ਤਰ੍ਹਾਂ ਝੁਲਸ ਗਿਆ। ਜਾਣਕਾਰੀ ਮੁਤਾਬਕ ਉਸ ਨੂੰ ਬਿਹਤਰ ਇਲਾਜ ਲਈ ਲਖਨਊ ਰੈਫਰ ਕਰ ਦਿੱਤਾ ਗਿਆ ਹੈ।
ਮੁੰਬਈ LTT ਐਕਸਪ੍ਰੈਸ 'ਚ ਵੱਡਾ ਹਾਦਸਾ
ਇਸ ਹਾਦਸੇ ਦੇ ਭਿਆਨਕ ਦ੍ਰਿਸ਼ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿਸਦੇ ਨਾਲ ਜਾਣਕਾਰੀ ਦਿੱਤੀ ਗਈ ਹੈ ਕਿ ਇਹ ਘਟਨਾ ਬਹਿਰਾਇਚ ਤੋਂ ਗੋਰਖਪੁਰ ਜਾ ਰਹੀ ਮੁੰਬਈ ਐਲਟੀਟੀ ਐਕਸਪ੍ਰੈਸ (ਲੋਕਮਾਨਿਆ ਤਿਲਕ ਟਰਮੀਨਲ) ਵਿੱਚ ਵਾਪਰੀ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਟਰੇਨ ਬਹਿਰਾਇਚ ਦੇ ਜਰਵਾਲ ਰੋਡ ਰੇਲਵੇ ਸਟੇਸ਼ਨ ਨੂੰ ਪਾਰ ਕਰਨ ਤੋਂ ਬਾਅਦ ਲਾਲ ਸਿਗਨਲ 'ਤੇ ਰੁਕੀ ਸੀ।
ਵੀਡੀਓ ਦੇਖ ਕੇ ਯੂਜ਼ਰਸ ਡਰ ਗਏ
ਜਾਣਕਾਰੀ ਮੁਤਾਬਕ ਟਰੇਨ 'ਚ ਸਫਰ ਕਰ ਰਿਹਾ ਇੱਕ ਨੌਜਵਾਨ ਤੇਜ਼ ਰਫਤਾਰ ਨਾਲ ਹੇਠਾਂ ਉਤਰਿਆ ਅਤੇ ਟਰੇਨ ਦੇ ਇੰਜਣ 'ਤੇ ਚੜ੍ਹ ਗਿਆ। ਇਸ ਦੌਰਾਨ ਉਸ ਨੂੰ ਅਜਿਹਾ ਕਰਦੇ ਦੇਖ ਉੱਥੇ ਮੌਜੂਦ ਕਈ ਲੋਕਾਂ ਨੇ ਉਸ ਨੂੰ ਅਜਿਹਾ ਕਰਨ ਤੋਂ ਰੋਕਿਆ। ਵੀਡੀਓ 'ਚ ਦੇਖ ਸਕਦੇ ਹੋ ਲੋਕ ਉਸ ਨੂੰ ਟਰੇਨ ਦੇ ਇੰਜਣ ਤੋਂ ਹੇਠਾਂ ਉਤਰਨ ਲਈ ਲਗਾਤਾਰ ਆਵਾਜ਼ਾਂ ਮਾਰ ਰਹੇ ਹਨ। ਫਿਲਹਾਲ ਗੰਭੀਰ ਰੂਪ ਨਾਲ ਝੁਲਸੇ ਨੌਜਵਾਨ ਨੂੰ ਬਿਹਤਰ ਇਲਾਜ ਲਈ ਲਖਨਊ ਰੈਫਰ ਕਰ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈ ਵੀਡੀਓ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੈ।
#बहराइच से गोरखपुर जा रही मुंबई एल टी टी एक्सप्रेस रेड सिग्नल पर रुकी ट्रेन के इंजन पर चढ़े युवक ने छुआ इलेक्ट्रिक हाई टेंशन वायर,
— Narendra Singh (@NarendraNeer007) April 5, 2023
धमाके के साथ बुरी तरह झुलसा.
हालत गंभीर होने पर बहराइच मेडिकल कालेज किया गया रेफर... pic.twitter.com/HrDOfzWbsw
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
