Israel: ਕੌਣ ਸੀ ਇਜ਼ਰਾਇਲ? ਜਿਸ ਦੇ ਨਾਂ 'ਤੇ ਯਹੂਦੀਆਂ ਨੇ ਵਸਾ ਲਿਆ ਆਪਣਾ ਦੇਸ਼
Hamas Israel War: ਹਮਾਸ ਨਾਲ ਜੰਗ ਨੂੰ ਲੈ ਕੇ ਇਜ਼ਰਾਈਲ ਇਕ ਵਾਰ ਫਿਰ ਸੁਰਖੀਆਂ 'ਚ ਹਨ। ਇਜ਼ਰਾਈਲ ਦੇ ਬਣਨ ਅਤੇ 1 ਕਰੋੜ ਤੋਂ ਘੱਟ ਆਬਾਦੀ ਵਾਲੇ ਇਸ ਦੇਸ਼ ਦੇ ਲੋਕਾਂ ਦਾ ਇਤਿਹਾਸ ਕਾਫੀ ਦਿਲਚਸਪ ਹੈ।
Hamas Israel War: ਇਜ਼ਰਾਈਲ ਪਿਛਲੇ ਕਈ ਦਿਨਾਂ ਤੋਂ ਦੁਨੀਆ ਭਰ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਕੱਟੜਪੰਥੀ ਸੰਗਠਨ ਹਮਾਸ ਦੇ ਲੜਾਕਿਆਂ ਨੇ ਕਰੀਬ 14 ਦਿਨ ਪਹਿਲਾਂ ਇਜ਼ਰਾਈਲ 'ਤੇ ਅਚਾਨਕ ਮਿਜ਼ਾਈਲਾਂ ਦਾ ਨਾਲ ਹਮਲਾ ਕਰ ਦਿੱਤਾ, ਜਿਸ ਤੋਂ ਬਾਅਦ ਇਜ਼ਰਾਈਲ ਨੇ ਜੰਗ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਸੰਘਰਸ਼ 'ਚ ਹੁਣ ਤੱਕ ਕਰੀਬ 5 ਹਜ਼ਾਰ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਇਜ਼ਰਾਈਲ ਇੱਕ ਯਹੂਦੀਆਂ ਦਾ ਦੇਸ਼ ਹੈ, ਜਿਸ ਦੇ ਵਸਣ ਤੋਂ ਬਾਅਦ ਹੀ ਵਿਵਾਦ ਸ਼ੁਰੂ ਹੋ ਗਿਆ ਸੀ ਅਤੇ ਹੁਣ ਤੱਕ ਕਈ ਯੁੱਧ ਹੋ ਚੁੱਕੇ ਹਨ। ਚਾਰੇ ਪਾਸੇ ਵਸੇ ਹੋਏ ਮੁਸਲਿਮ ਦੇਸ਼ ਇਜ਼ਰਾਈਲ ਦੇ ਕੱਟੜ ਦੁਸ਼ਮਣ ਹਨ। ਅਜਿਹੇ 'ਚ ਕੀ ਤੁਸੀਂ ਜਾਣਦੇ ਹੋ ਕਿ ਯਹੂਦੀਆਂ ਨੇ ਆਪਣੇ ਦੇਸ਼ ਦਾ ਨਾਂ ਇਜ਼ਰਾਈਲ ਕਿਉਂ ਰੱਖਿਆ?
ਇਦਾਂ ਰੱਖਿਆ ਗਿਆ ਇਜ਼ਰਾਈਲ ਦਾ ਨਾਮ
ਦਰਅਸਲ ਇਜ਼ਰਾਈਲ ਦਾ ਨਾਮ ਇੱਕ ਪੈਗੰਬਰ ਦੇ ਨਾਮ ਉੱਤੇ ਰੱਖਿਆ ਗਿਆ ਹੈ। ਜਿਸ ਨੂੰ ਯਹੂਦੀ ਲੋਕ ਆਪਣਾ ਰੱਬ ਮੰਨਦੇ ਹਨ। ਮੰਨਿਆ ਜਾਂਦਾ ਹੈ ਕਿ ਯਹੂਦੀ ਧਰਮ ਦੀ ਸ਼ੁਰੂਆਤ ਪੈਗੰਬਰ ਹਜ਼ਰਤ ਇਬਰਾਹਿਮ ਤੋਂ ਹੋਈ ਸੀ। ਜਿਨ੍ਹਾਂ ਦੇ ਇੱਕ ਵੰਸ਼ ਦਾ ਨਾਮ ਇਜ਼ਰਾਈਲ ਸੀ, ਇਨ੍ਹਾਂ ਦੇ ਨਾਂਅ ‘ਤੇ ਹੀ ਯਹੂਦੀਆਂ ਨੇ ਆਪਣੇ ਦੇਸ਼ ਦਾ ਨਾਮ ਇਜ਼ਰਾਈਲ ਰੱਖਿਆ। ਉਨ੍ਹਾਂ ਦਾ ਨਾਂਅ ਯਾਕੂਬ ਵੀ ਸੀ।
ਇਹ ਵੀ ਪੜ੍ਹੋ: Indian Railway: ਰੇਲ ਪਟੜੀਆਂ ਨੂੰ ਜੰਗਾਲ ਕਿਉਂ ਨਹੀਂ ਲੱਗਦਾ? ਜਾਣੋ ਅਸਲ ਕਾਰਨ
ਯਹੂਦਾ ਤੋਂ ਬਣਿਆ ਯਹੂਦੀ
ਮੰਨਿਆ ਜਾਂਦਾ ਹੈ ਕਿ ਇਜ਼ਰਾਈਲ ਦੇ 12 ਪੁੱਤਰ ਸਨ, ਜਿਨ੍ਹਾਂ ਤੋਂ 12 ਵੱਖ-ਵੱਖ ਕਬੀਲਿਆਂ ਦਾ ਨਿਰਮਾਣ ਹੋਇਆ। ਇਨ੍ਹਾਂ ਵਿੱਚੋਂ ਸਭ ਤੋਂ ਪ੍ਰਮੁੱਖ ਪੁੱਤਰ ਦਾ ਨਾਂਅ ਯਹੂਦਾ ਸੀ, ਜਿਸ ਨੂੰ ਜੁਡਾਹ ਵੀ ਕਿਹਾ ਜਾਂਦਾ ਸੀ। ਇਸ ਤੋਂ ਬਾਅਦ, ਇਨ੍ਹਾਂ ਨੂੰ ਮੰਨਣ ਵਾਲੇ ਲੋਕਾਂ ਨੂੰ ਯਹੂਦੀ ਕਹਿਣਾ ਸ਼ੁਰੂ ਕਰ ਦਿੱਤਾ। ਇਸ ਦੇ ਨਾਲ ਹੀ ਇਨ੍ਹਾਂ ਨੂੰ ਅੰਗਰੇਜ਼ੀ ਵਿੱਚ ਜਿਊਡਿਸ਼ ਕਿਹਾ ਜਾਂਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਯਹੂਦੀ, ਈਸਾਈ ਅਤੇ ਮੁਸਲਮਾਨ ਹਜ਼ਰਤ ਇਬਰਾਹਿਮ ਨੂੰ ਆਪਣਾ ਸਭ ਤੋਂ ਵੱਡਾ ਪੈਗੰਬਰ ਜਾਂ ਰੱਬ ਮੰਨਦੇ ਹਨ।
ਇਸ ਤੋਂ ਬਾਅਦ ਯਹੂਦੀ ਹਜ਼ਰਤ ਮੂਸਾ ਨੂੰ ਆਪਣਾ ਆਖਰੀ ਪੈਗੰਬਰ ਮੰਨਦੇ ਹਨ। ਮੂਸਾ ਨੂੰ ਯਹੂਦੀਆਂ ਦਾ ਕਾਨੂੰਨ ਦੇਣ ਵਾਲਾ ਦੱਸਿਆ ਜਾਂਦਾ ਹੈ। ਉਨ੍ਹਾਂ ਨੇ ਪਹਿਲਾਂ ਤੋਂ ਮੌਜੂਦ ਪਰੰਪਰਾ ਨੂੰ ਸਥਾਪਿਤ ਕੀਤਾ ਅਤੇ ਇਸਨੂੰ ਇੱਕ ਧਰਮ ਦੇ ਰੂਪ ਵਿੱਚ ਲੋਕਾਂ ਸਾਹਮਣੇ ਪੇਸ਼ ਕੀਤਾ। ਇਸੇ ਤਰ੍ਹਾਂ ਯਹੂਦੀ ਦੁਨੀਆਂ ਭਰ ਵਿੱਚ ਵਸਣੇ ਸ਼ੁਰੂ ਹੋ ਗਏ ਅਤੇ ਆਪਣੇ ਧਰਮ ਨੂੰ ਅੱਗੇ ਵਧਾਉਣ ਲਈ ਕੰਮ ਕਰਨ ਲੱਗ ਗਏ। ਹਾਲਾਂਕਿ, ਯਹੂਦੀ ਧਰਮ ਪਰਿਵਰਤਨ ਵਿੱਚ ਵਿਸ਼ਵਾਸ ਨਹੀਂ ਰੱਖਦੇ, ਜਿਸ ਕਾਰਨ ਉਨ੍ਹਾਂ ਦੀ ਆਬਾਦੀ ਬਹੁਤ ਘੱਟ ਹੈ।
ਇਹ ਵੀ ਪੜ੍ਹੋ: Jews Holocaust: ਯਹੂਦੀਆਂ ਨਾਲ ਨਫ਼ਰਤ ਕਿਉਂ ਕਰਦਾ ਸੀ ਹਿਟਲਰ ? 60 ਲੱਖ ਲੋਕਾਂ ਦਾ ਕੀਤਾ ਸੀ ਕਤਲੇਆਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
