World Largest Santa Claus: ਰੇਤ ਤੇ ਪਿਆਜ਼ ਨਾਲ ਬਣਿਆ ਦੁਨੀਆ ਦਾ ਸਭ ਤੋਂ ਵੱਡਾ ਸੈਂਟਾ ਕਲਾਜ਼, ਸੁਦਰਸ਼ਨ ਪਟਨਾਇਕ ਨੇ ਕ੍ਰਿਸਮਸ 'ਤੇ ਰਿਕਾਰਡ ਬਣਾ ਕੇ ਦਿੱਤਾ ਇਹ ਸੰਦੇਸ਼
Merry Christmas: ਕ੍ਰਿਸਮਸ ਦੇ ਮੌਕੇ 'ਤੇ ਰੇਤ ਕਲਾਕਾਰ ਸੁਦਰਸ਼ਨ ਪਟਨਾਇਕ ਨੇ ਬਲੂ ਫਲੈਗ ਬੀਚ 'ਤੇ ਰੇਤ ਅਤੇ ਪਿਆਜ਼ ਦੀ ਮਦਦ ਨਾਲ ਸਾਂਤਾ ਕਲਾਜ਼ ਬਣਾਇਆ ਹੈ। ਨਿਵੇਕਲੇ ਅੰਦਾਜ਼ 'ਚ ਵਿਸ਼ਵ ਰਿਕਾਰਡ ਬਣਾ ਕੇ ਉਨ੍ਹਾਂ ਨੇ ਦੇਸ਼ ਅਤੇ ਦੁਨੀਆ ਦੇ...
World Largest Santa Claus: ਵਿਸ਼ਵ ਪ੍ਰਸਿੱਧ ਰੇਤ ਕਲਾਕਾਰ ਸੁਦਰਸ਼ਨ ਪਟਨਾਇਕ ਨੇ ਕ੍ਰਿਸਮਸ ਦੇ ਮੌਕੇ 'ਤੇ ਬਲੂ ਫਲੈਗ ਬੀਚ 'ਤੇ ਦੁਨੀਆ ਦਾ ਸਭ ਤੋਂ ਵੱਡਾ ਸੈਂਟਾ ਕਲਾਜ਼ ਬਣਾਇਆ ਹੈ। ਖਾਸ ਗੱਲ ਇਹ ਹੈ ਕਿ ਉਨ੍ਹਾਂ ਨੇ ਰੇਤ ਅਤੇ ਪਿਆਜ਼ ਦੀ ਮਦਦ ਨਾਲ ਸਾਂਤਾ ਕਲਾਜ਼ ਬਣਾਇਆ ਹੈ, ਜਿਸ ਨੂੰ ਦੇਖਣ ਲਈ ਪੁਰੀ ਦੇ ਬੀਚ 'ਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਰਹੀ ਹੈ। ਨਿਵੇਕਲੇ ਅੰਦਾਜ਼ 'ਚ ਵਿਸ਼ਵ ਰਿਕਾਰਡ ਬਣਾ ਕੇ ਉਨ੍ਹਾਂ ਨੇ ਦੇਸ਼ ਅਤੇ ਦੁਨੀਆ ਦੇ ਲੋਕਾਂ ਨੂੰ ਇੱਕ ਖੂਬਸੂਰਤ ਸੰਦੇਸ਼ ਵੀ ਦਿੱਤਾ ਹੈ।
ਰੇਤ ਕਲਾਕਾਰ ਸੁਦਰਸ਼ਨ ਪਟਨਾਇਕ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸ ਵਿਸ਼ਾਲ ਮੂਰਤੀ ਨੂੰ ਬਣਾਉਣ ਵਿੱਚ ਦੋ ਟਨ ਪਿਆਜ਼ ਦੀ ਵਰਤੋਂ ਕੀਤੀ ਹੈ। ਵਾਇਰਲ ਹੋ ਰਹੀ ਤਸਵੀਰ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਬਲੂ ਫਲੈਗ ਬੀਚ 'ਤੇ 100 ਫੁੱਟ ਲੰਬਾ, 20 ਫੁੱਟ ਉੱਚਾ ਅਤੇ 40 ਫੁੱਟ ਚੌੜਾ ਸੈਂਟਾ ਕਲਾਜ਼ ਬਣਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਰੁੱਖ ਲਗਾ ਕੇ ਧਰਤੀ ਨੂੰ ਹਰਿਆ-ਭਰਿਆ ਰੱਖਣ ਦਾ ਸੰਦੇਸ਼ ਦਿੱਤਾ। ਸੁਦਰਸ਼ਨ ਪਟਨਾਇਕ ਨੇ ਇਹ ਵੀ ਕਿਹਾ ਕਿ, ਹਰ ਸਾਲ ਕ੍ਰਿਸਮਿਸ ਦੇ ਦੌਰਾਨ, ਉਹ ਪੁਰੀ ਦੇ ਬਲੂ ਫਲੈਗ ਬੀਚ 'ਤੇ ਕੁਝ ਵੱਖਰੀਆਂ ਅਤੇ ਵਿਲੱਖਣ ਮੂਰਤੀਆਂ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਨ।
ਇਹ ਵੀ ਪੜ੍ਹੋ: Viral Video: ਚੰਦ 'ਤੇ ਜ਼ਮੀਨ ਖੋਦਦੇ ਹੋਏ ਨਜ਼ਰ ਆਇਆ ਕੁੱਤਾ! ਵੀਡੀਓ ਦੇਖਣ ਤੋਂ ਬਾਅਦ ਲੋਕਾਂ ਨੇ ਕਿਹਾ....
ਸੁਦਰਸ਼ਨ ਪਟਨਾਇਕ ਨੇ ਦੱਸਿਆ ਕਿ ਰੇਤ ਅਤੇ ਪਿਆਜ਼ ਨਾਲ ਬਣੀ ਸਾਂਤਾ ਕਲਾਜ਼ ਦੀ ਇਸ ਮੂਰਤੀ ਨੂੰ ਬਣਾਉਣ 'ਚ ਉਨ੍ਹਾਂ ਨੂੰ ਕਰੀਬ 8 ਘੰਟੇ ਦਾ ਸਮਾਂ ਲੱਗਾ। ਤੁਹਾਡੀ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਵਰਲਡ ਰਿਕਾਰਡ ਬੁੱਕ ਆਫ ਇੰਡੀਆ ਦੀ ਮੁੱਖ ਸੰਪਾਦਕ ਸੁਸ਼ਮਾ ਨਾਰਵੇਕਰ ਅਤੇ ਜੱਜ ਸੰਜੇ ਨਾਰਵੇਕਰ ਨੇ ਇਸ ਵਿਸ਼ਵ ਰਿਕਾਰਡ ਦਾ ਐਲਾਨ ਕੀਤਾ ਹੈ। ਇਸ ਨਵੇਂ ਵਿਸ਼ਵ ਰਿਕਾਰਡ ਲਈ ਉਨ੍ਹਾਂ ਨੇ ਸੁਦਰਸ਼ਨ ਪਟਨਾਇਕ ਨੂੰ ਸਰਟੀਫਿਕੇਟ ਦੇ ਨਾਲ ਮੈਡਲ ਨਾਲ ਸਨਮਾਨਿਤ ਕੀਤਾ। ਇਸ 'ਤੇ ਸੁਦਰਸ਼ਨ ਪਟਨਾਇਕ ਦਾ ਕਹਿਣਾ ਹੈ ਕਿ ਇਹ ਮਾਣ ਅਤੇ ਸਨਮਾਨ ਦੀ ਗੱਲ ਹੈ ਕਿ ਇਸ ਸਾਲ ਦੀ ਕਲਾਕਾਰੀ ਨੂੰ ਵਿਸ਼ਵ ਰਿਕਾਰਡ 'ਚ ਰੱਖਿਆ ਗਿਆ ਹੈ।
ਇਹ ਵੀ ਪੜ੍ਹੋ: Apps Installing: ਮੋਬਾਈਲ 'ਚ ਐਪਸ ਇੰਸਟਾਲ ਕਰਦੇ ਸਮੇਂ ਨਾ ਕਰੋ ਇਹ 3 ਗਲਤੀਆਂ, ਪੈ ਸਕਦਾ ਪਛਤਾਉਣਾ, ਜਾਣੋ ਕਿਵੇਂ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
