ਨੌਕਰੀ ਛੱਡ ਖੇਤੀ ਕੀਤੀ: 27 ਸਾਲਾ ਮੁਟਿਆਰ ਨੇ ਪਾਈ ਕਹਿੰਦੇ-ਕਹਾਉਂਦੇ ਕਿਸਾਨਾਂ ਨੂੰ ਮਾਤ

ਖੇਤਾਂ 'ਚ ਹੀ ਬਣ ਜਾਂਦਾ ਹੈ ਲੜਕੀਆਂ ਦਾ ਕਲਾਸਰੂਮ- ਸ਼ਾਮ ਪੰਜ ਵਜੇ ਖੇਤ ਵਿੱਚ ਕੰਮ ਬੰਦ ਹੋ ਜਾਂਦਾ ਹੈ। ਇਸ ਮਗਰੋਂ ਇੱਥੇ ਵੱਲਰੀ ਦੀ ਕਲਾਸ ਲੱਗਦੀ ਹੈ। ਪਿੰਡ ਦੀਆਂ 40 ਲੜਕੀਆਂ ਨੂੰ ਵੱਲਰੀ ਰੋਜ ਦੋ ਘੰਟੇ ਅੰਗਰੇਜ਼ੀ ਤੇ ਕੰਪਿਊਟਰ ਪੜ੍ਹਾਉਂਦੀ ਹੈ ਤਾਂ ਕਿ ਪਿੰਡ ਦੀਆਂ ਲੜਕੀਆਂ ਸੇਲਫ ਡਿਪੈਡੇਂਟ ਬਣ ਸਕਣ। ਖੇਤ ਵਿੱਚ ਕੰਮ ਕਰਨ ਵਾਲੇ ਕਿਸਾਨਾਂ ਲਈ ਵਰਕਸ਼ਾਪ ਦਾ ਵੀ ਪ੍ਰਬੰਧ ਕਰਦੀ ਹੈ, ਜਿਸ ਵਿੱਚ ਉਨ੍ਹਾਂ ਨੂੰ ਖੇਤੀ ਦੇ ਨਵੇਂ ਤਰੀਕੇ ਦੇ ਬਾਰੇ ਵਿੱਚ ਦੱਸਿਆ ਜਾਂਦਾ ਹੈ। ਕਿਸਾਨਾਂ ਦੇ ਫੀਡਬੈਕ ਵੀ ਲਏ ਜਾਂਦੇ ਹਨ।

ਰਾਏਪੁਰ: ਖੇਤੀ ਖੇਤਰ ਵਿੱਚ ਇੱਕ ਔਰਤ ਨੇ ਸਫਲ ਕਿਸਾਨਾਂ ਨੂੰ ਵੀ ਮਾਤ ਪਾ ਦਿੱਤੀ ਹੈ। ਇਸ 27 ਸਾਲ ਦੀ ਮਹਿਲਾ ਕਿਸਾਨ ਵੱਲਰੀ ਚੰਦਰਾਕਰ ਦੀ ਕਾਮਯਾਬੀ ਦੇ ਡੰਕੇ ਵਿਦੇਸ਼ਾਂ ਵਿੱਚ ਵੱਜ ਰਹੇ ਹਨ। ਰਾਏਪੁਰ ਤੋਂ ਕਰੀਬ 88 ਕਿ.ਮੀ. ਦੂਰ ਬਾਗਬਾਹਰਾ ਦੇ ਸਿੱਰੀ ਪਿੰਡ ਦੀ ਰਹਿਣ ਵਾਲੀ ਇਹ ਔਰਤ 27 ਏਕੜ ਦੇ ਫ਼ਾਰਮ ਹਾਊਸ ਵਿੱਚ ਸਬਜ਼ੀਆਂ ਉਗਾਉਣ, ਟਰੈਕਟਰ ਚਲਾ ਕੇ ਖੇਤ ਕਰਨ ਤੇ ਮੰਡੀ ਤੱਕ ਸਬਜ਼ੀਆਂ ਪਹੁੰਚਾਉਣ ਦਾ ਕੰਮ ਕਰਦੀ ਹੈ। ਖਾਸ ਗੱਲ ਹੈ ਕਿ ਉਸ ਕੋਲ ਖੇਤੀ ਦੀ ਕੋਈ ਪੁਸ਼ਤੈਨੀ ਤਜਰਬਾ ਨਹੀਂ ਬਲਕਿ ਉਹ ਕੰਪਿਊਟਰ ਸਾਇੰਸ 'ਚ ਐਮਟੈਕ ਹੈ। ਉਹ ਨੌਕਰੀ ਛੱਡਕੇ ਹੁਣ ਖੇਤੀ ਕਰਨ ਲੱਗੀ ਤੇ ਸਫਲਤਾ ਹਾਸਲ ਕੀਤੀ। ਆਓ ਜਾਣਦੇ ਹਾਂ ਉਸ ਦੀ ਸਫਲਤਾ ਦੀ ਕਹਾਣੀ।