ਚੂਹਿਆਂ ਦੇ ਸਿਰਾਂ ਦਾ ਪਿਆ ਮੁੱਲ, ਚੂਹੇ ਮਾਰੋ ਪੈਸੇ ਕਮਾਓ

ਜਕਾਰਤਾ ਦੇ ਡਿਪਟੀ ਗਵਰਨਰ ਜੇਰਾਟ ਸੈਫੁੱਲ ਹਦਾਇਤ ਨੇ ਕਿਹਾ ਕਿ ਇੱਥੇ ਕਾਫ਼ੀ ਚੂਹੇ ਹਨ। ਉਨ੍ਹਾਂ ਵਿੱਚੋਂ ਕੁਝ ਕਾਫ਼ੀ ਵੱਡੇ ਹਨ। ਡਿਪਟੀ ਗਵਰਨਰ ਨੇ ਹੀ ਹਾਲ ਵਿੱਚ ਇਸ ਯੋਜਨਾ ਦਾ ਐਲਾਨ ਕੀਤਾ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਇੱਕ ਵੱਡੇ ਚੂਹੇ ਨਾਲ ਸਾਹਮਣਾ ਹੋਣ ਮਗਰੋਂ ਉਨ੍ਹਾਂ ਨੂੰ ਇਹ ਅਭਿਆਨ ਚਲਾਉਣ ਦਾ ਖ਼ਿਆਲ ਆਇਆ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੁਝ ਚੂਹੇ ਇੰਨੇ ਵੱਡੇ ਹਨ ਕਿ ਬਿੱਲੀਆਂ ਵੀ ਉਨ੍ਹਾਂ ਨੂੰ ਸ਼ਿਕਾਰ ਬਣਾਉਣ ਤੋਂ ਕਤਰਾਉਂਦੀਆਂ ਹਨ।

ਲੋਕਾਂ ਨੂੰ ਇਹ ਚੂਹੇ ਫੜ ਕੇ ਸਥਾਨਕ ਅਧਿਕਾਰੀਆਂ ਨੂੰ ਦੇਣੇ ਪੈਣਗੇ। ਉਹ ਲੋਕਾਂ ਨੂੰ ਪੈਸੇ ਚੁਕਾਉਣ ਮਗਰੋਂ ਇਨ੍ਹਾਂ ਚੂਹਿਆਂ ਨੂੰ ਜਕਾਰਤਾ ਦੀ ਸਾਫ਼-ਸਫ਼ਾਈ ਨਾਲ ਜੁੜੀ ਏਜੰਸੀ ਨੂੰ ਦਫ਼ਨਾਉਣ ਲਈ ਸੌਂਪ ਦੇਣਗੇ ਤਾਂ ਕਿ ਬਿਮਾਰੀਆਂ ਨਾ ਫੈਲਣ। ਜਰਕਾਤਾ ਗੰਦਗੀ ਦੀ ਵਜ੍ਹਾ ਨਾਲ ਚੂਹਿਆਂ ਦਾ ਸ਼ਹਿਰ ਬਣ ਗਿਆ ਹੈ। ਇੱਥੇ ਕੂੜੇ ਦੇ ਢੇਰ ਤੇ ਝੁੱਗੀਆਂ ਦੇ ਆਸਪਾਸ ਚੂਹੇ ਦਿੱਖਣਾ ਆਮ ਗੱਲ ਹੈ।