ਭਾਰਤ ਨੂੰ ਇੰਝ ਨਹੀਂ ਕਹਿੰਦੇ ਮਹਾਨ ! ਦੇਸੀ ਸਪਾਈਡਰ ਮੈਨ ਦੀ ਵੀਡੀਓ ਵੇਖ ਸਭ ਹੈਰਾਨ

ਬਰਸਾਤ ਵਿੱਚ ਚਾਹ-ਪਕੌੜਿਆਂ ਦੀ ਤਲਬ ਲੱਗਣੀ ਤਾਂ ਲਾਜ਼ਮੀ ਹੈ, ਪਰ ਬਾਹਰ ਨਾਲੋਂ ਜ਼ਿਆਦਾ ਘਰ ਦੇ ਬਣੇ ਪਕੌੜਿਆਂ ਦਾ ਮਜ਼ਾ ਆਉਂਦਾ ਹੈ। ਇਹ ਇਸ ਲਈ ਹੈ ਕਿਉਂਕਿ ਲੋਕਾਂ ਨੂੰ ਅੰਦਾਜ਼ਾ ਹੁੰਦਾ ਹੈ ਕਿ ਇਸ ਸਮੇਂ ਗਲੀ ਤੇ ਨੁੱਕੜ ਚਿੱਕੜ ਨਾਲ ਭਰੀ ਹੋਵੇਗੀ।

Desi Spider Man

Trending: ਬਰਸਾਤ ਵਿੱਚ ਚਾਹ-ਪਕੌੜਿਆਂ ਦੀ ਤਲਬ ਲੱਗਣੀ ਤਾਂ ਲਾਜ਼ਮੀ ਹੈ, ਪਰ ਬਾਹਰ ਨਾਲੋਂ ਜ਼ਿਆਦਾ ਘਰ ਦੇ ਬਣੇ ਪਕੌੜਿਆਂ ਦਾ ਮਜ਼ਾ ਆਉਂਦਾ ਹੈ। ਇਹ ਇਸ ਲਈ ਹੈ ਕਿਉਂਕਿ ਲੋਕਾਂ ਨੂੰ ਅੰਦਾਜ਼ਾ ਹੁੰਦਾ ਹੈ ਕਿ ਇਸ ਸਮੇਂ ਗਲੀ ਤੇ ਨੁੱਕੜ ਚਿੱਕੜ (Muddy Road) ਨਾਲ ਭਰੀ ਹੋਵੇਗੀ। ਅਜਿਹੀ ਸਥਿਤੀ ਵਿੱਚ ਜਦੋਂ ਅਸੀਂ ਬਾਹਰ ਜਾਂਦੇ ਹਾਂ ਤਾਂ ਸਾਡੇ ਕਦਮ ਆਪਣੇ ਆਪ ਰੁਕ ਜਾਂਦੇ ਹਨ ਪਰ ਕੰਮ ਕਦੇ ਵੀ ਕਿਸੇ ਦੇ ਰੋਕਣ ਨਾਲ ਨਹੀਂ ਰੁਕਦਾ, ਚਾਹੇ ਸੜਕ 'ਤੇ ਕਿੰਨਾ ਵੀ ਚਿੱਕੜ ਤੇ ਪਾਣੀ ਭਰਿਆ ਹੋਵੇ!

ਇਨ੍ਹੀਂ ਦਿਨੀਂ ਇੱਕ ਬੱਚੇ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਜੋ ਚਿੱਕੜ ਨਾਲ ਭਰੀ ਗਲੀ 'ਚ ਸਾਈਕਲ 'ਤੇ ਕੁਝ ਸਾਮਾਨ ਲੈ ਕੇ ਜਾ ਰਿਹਾ ਹੈ। ਯਕੀਨ ਕਰੋ, ਜੇਕਰ ਤੁਸੀਂ ਜਾਂ ਮੈਂ ਉੱਥੇ ਹੁੰਦੇ ਤਾਂ ਯਕੀਨਨ ਸਾਈਕਲ ਨਾਲ ਫਿਸਲ ਜਾਂਦੇ, ਪਰ ਇਸ ਬੱਚੇ ਨੇ ਜੋ ਕੀਤਾ ਉਹ ਦੇਖ ਕੇ ਹਰ ਕੋਈ ਦੰਗ ਰਹਿ ਗਿਆ।

ਵਾਇਰਲ ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਗਲੀ 'ਚ ਪਾਣੀ ਅਤੇ ਚਿੱਕੜ ਨਜ਼ਰ ਆ ਰਿਹਾ ਹੈ। ਬੱਚੇ ਕੋਲ ਆਪਣੀ ਸਾਈਕਲ ਹੈ, ਜਿਸ ਦੇ ਪਿੱਛੇ ਕੁਝ ਚੀਜ਼ਾਂ ਰੱਖੀਆਂ ਹੋਈਆਂ ਹਨ, ਚਿੱਕੜ ਭਰੀ ਸੜਕ ਦੇਖ ਕੇ ਬੱਚਾ ਬਿਲਕੁਲ ਵੀ ਨਹੀਂ ਘਬਰਾਉਂਦਾ, ਸਗੋਂ ਆਪਣੇ ਸਾਈਕਲ ਦੀ ਮਦਦ ਨਾਲ ਕੰਧ 'ਤੇ ਚੜ੍ਹ ਕੇ ਚਿੱਕੜ ਵਾਲਾ ਰਸਤਾ ਬੜੀ ਆਸਾਨੀ ਨਾਲ ਪਾਰ ਕਰਦਾ ਹੈ।

15 ਸੈਕਿੰਡ ਦੀ ਇਸ ਵੀਡੀਓ ਨੂੰ ਆਈਪੀਐਸ ਅਧਿਕਾਰੀ ਸਵਾਤੀ ਲਾਕੜਾ ਨੇ ਆਪਣੇ ਟਵਿਟਰ 'ਤੇ ਸ਼ੇਅਰ ਕੀਤਾ ਹੈ। ਜਿਸ ਨੂੰ ਖ਼ਬਰ ਲਿਖੇ ਜਾਣ ਤੱਕ 42 ਹਜ਼ਾਰ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ, ਇਸ ਦੇ ਨਾਲ ਹੀ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕ ਇਸ 'ਤੇ ਆਪਣੇ ਪ੍ਰਤੀਕਰਮ ਦਰਜ ਕਰ ਰਹੇ ਹਨ।

ਜਦੋਂ ਲੋਕਾਂ ਨੇ ਇਸ ਬੱਚੇ ਦੇ ਟੈਲੇਂਟ ਨੂੰ ਦੇਖਿਆ ਤਾਂ ਉਨ੍ਹਾਂ ਨੂੰ ਕਾਫੀ ਪਸੰਦ ਆਇਆ। ਕਈ ਯੂਜ਼ਰਸ ਨੇ ਕਮੈਂਟ ਸੈਕਸ਼ਨ 'ਚ ਲਿਖਿਆ, 'ਜਿੱਥੇ ਚਾਅ, ਉੱਥੇ ਰਾਹ...! ਵੀਡੀਓ 'ਤੇ ਟਿੱਪਣੀ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ, 'ਇਹ ਬੱਚਾ ਫਿਜ਼ਿਕਸ ਦਾ ਪ੍ਰੋਫੈਸਰ ਹੈ।' ਉਸੇ ਸਮੇਂ, ਇੱਕ ਹੋਰ ਉਪਭੋਗਤਾ ਨੇ ਲੜਕੇ ਨੂੰ ਪਿੰਡ ਦਾ ਸਪਾਈਡਰ-ਮੈਨ ਦੱਸਿਆ। ਇਸ ਤੋਂ ਇਲਾਵਾ ਹੋਰ ਵੀ ਕਈ ਲੋਕਾਂ ਨੇ ਇਸ 'ਤੇ ਆਪਣੀ ਰਾਏ ਦਿੱਤੀ ਹੈ।

Caption this! pic.twitter.com/hk4htXsk73

— Swati Lakra (@SwatiLakra_IPS) March 23, 2022