ਕੁੱਤੇ ਦੇ ਜਨਮ ਦਿਨ 'ਤੇ ਮਾਲਕ ਨੇ ਚੌਰਾਹੇ 'ਤੇ ਲਗਾ ਦਿੱਤਾ ਹੋਰਡਿੰਗ,  ਨਾਲ ਦੋਸਤਾਂ ਦੇ ਨਾਂ ਦੇਖ ਕੇ ਨਹੀਂ ਰੋਕ ਸਕੋਗੇ ਹਾਸਾ  

ਮੱਧ ਪ੍ਰਦੇਸ਼ ਦੇ ਬੈਤੂਲ 'ਚ ਮਨਾਇਆ ਗਿਆ ਕੁੱਤੇ ਦਾ ਜਨਮ ਦਿਨ ਖ਼ੂਬ ਚਰਚਾ 'ਚ ਹੈ। ਕੁੱਤੇ ਨੂੰ ਫੁੱਲਾਂ ਦੇ ਹਾਰ ਪਹਿਨਾਏ ਗਏ ਅਤੇ ਇਸ ਦੇ ਹੋਰਡਿੰਗ ਵੀ ਲਗਾਏ ਗਏ। ਇਸ ਤੋਂ ਇਲਾਵਾ ਕੁੱਤਿਆਂ ਦੇ ਸਾਥੀਆਂ ਦੀਆਂ ਤਸਵੀਰਾਂ ਵੀ ਚਿਪਕਾਈਆਂ ਗਈਆਂ ਹਨ

Dog birthday

ਮੱਧ ਪ੍ਰਦੇਸ਼ : ਮੱਧ ਪ੍ਰਦੇਸ਼ ਦੇ ਬੈਤੂਲ 'ਚ ਮਨਾਇਆ ਗਿਆ ਕੁੱਤੇ ਦਾ ਜਨਮ ਦਿਨ ਖ਼ੂਬ ਚਰਚਾ 'ਚ ਹੈ। ਕੁੱਤੇ ਨੂੰ ਫੁੱਲਾਂ ਦੇ ਹਾਰ ਪਹਿਨਾਏ ਗਏ ਅਤੇ ਇਸ ਦੇ ਹੋਰਡਿੰਗ ਵੀ ਲਗਾਏ ਗਏ। ਇਸ ਤੋਂ ਇਲਾਵਾ ਕੁੱਤਿਆਂ ਦੇ ਸਾਥੀਆਂ ਦੀਆਂ ਤਸਵੀਰਾਂ ਵੀ ਚਿਪਕਾਈਆਂ ਗਈਆਂ ਹਨ ਪਰ ਕੁੱਤੇ ਦੇ ਸਾਥੀਆਂ ਦੇ ਨਾਂ ਮਜ਼ਾਕ ਦਾ ਕਾਰਨ ਬਣ ਗਏ ਹਨ। ਬੈਤੂਲ ਜ਼ਿਲੇ ਦੇ ਮੁਲਤਾਈ ਕਸਬੇ 'ਚ 'ਫਤਿਹਦਾਰ' ਨਾਂ ਦੇ ਕੁੱਤੇ ਦਾ ਜਨਮ ਦਿਨ ਉਸ ਦੇ ਮਾਲਕ ਨੇ ਧੂਮ-ਧਾਮ ਨਾਲ ਮਨਾਇਆ। ਇਸ ਦੀ ਸੋਸ਼ਲ ਮੀਡੀਆ 'ਤੇ ਖੂਬ ਚਰਚਾ ਹੋ ਰਹੀ ਹੈ।

 

ਵਫ਼ਾਦਾਰ' ਨਾਂ ਦੇ ਕੁੱਤੇ ਦਾ ਜਨਮ ਦਿਨ ਬੜੀ ਧੂਮ-ਧਾਮ ਨਾਲ ਮਨਾਇਆ ਗਿਆ

ਕੁੱਤੇ ਦੇ ਸਾਥੀਆਂ ਦੀਆਂ ਫੋਟੋਆਂ ਦੇ ਨਾਲ ਉਨ੍ਹਾਂ ਦੇ ਨਾਂ ਵੀ ਦਰਜ ਹਨ। ਇਸ ਵਫ਼ਾਦਾਰ ਕੁੱਤਿਆਂ ਦੇ ਸਾਥੀਆਂ ਦੇ ਨਾਂ ਦਲਬਦਲੂ , ਧੋਖੇਬਾਜ਼, ਸ਼ਰਾਰਤੀ, ਖੁਜਲੀ , ਪਛਾਣੋ ਕੌਣ, ਛੜਾ, ਝਾਂਕੀਬਾਜ਼, ਫੈਂਕੋਲਾਲ ਅਤੇ ਮੌਕਾ ਪ੍ਰਸਤ ਜਿਹੇ ਨਾਂਅ ਹਨ। ਇਹ ਨਾਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਲੋਕ ਇਸ ਨੂੰ ਸਿਆਸੀ ਚਾਲਬਾਜ਼ੀ 'ਤੇ ਵਿਅੰਗ ਕਰਾਰ ਦੇ ਰਹੇ ਹਨ।

 

ਲੋਕ ਇਸ ਨੂੰ ਰਾਜਨੀਤੀ ਨਾਲ ਜੋੜ ਕੇ ਦੇਖ ਰਹੇ ਹਨ

ਕੁੱਤੇ ਦੇ ਜਨਮ ਦਿਨ ਅਤੇ ਇਸ ਦੇ ਹੋਰਡਿੰਗਜ਼ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ ਕਿਉਂਕਿ ਕੁੱਤੇ ਦੇ ਸਾਥੀਆਂ ਦੇ ਨਾਂ ਅਜਿਹੇ ਹਨ, ਜੋ ਸਿਆਸਤ ਦੇ ਗਲਿਆਰਿਆਂ ਵਿੱਚ ਆਮ ਸੁਣਨ ਨੂੰ ਮਿਲਦੇ ਹਨ। ਇਸ ਦੇ ਨਾਲ ਹੀ ਬਰਥਡੇ ਡੌਗੀ ਦਾ ਮਾਲਕ ਨੈਂਚੂ ਅਗਰਵਾਲ ਆਪਣੇ ਪਾਲਤੂ ਕੁੱਤੇ ਦੇ ਜਨਮ ਦਿਨ 'ਤੇ ਲਗਾਏ ਗਏ ਇਸ ਨੂੰ ਆਮ ਹੋਰਡਿੰਗ ਦੱਸ ਰਿਹਾ ਹੈ, ਜਦਕਿ ਲੋਕ ਇਸ ਨੂੰ ਰਾਜਨੀਤੀ ਨਾਲ ਜੋੜ ਕੇ ਦੇਖ ਰਹੇ ਹਨ।

 

 

ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਭਾਵੇਂ ਕੁੱਤੇ ਦੇ ਜਨਮ ਦਿਨ 'ਤੇ ਜਸ਼ਨ ਮਨਾਇਆ ਗਿਆ। ਹੋਰਡਿੰਗਜ਼ ਲਗਾਏ ਗਏ ਹਨ ਪਰ ਇਹ ਉਸੇ ਤਰ੍ਹਾਂ ਹੈ ਜਿਵੇਂ ਨੇਤਾਵਾਂ ਦੇ ਸਵਾਗਤ ਅਤੇ ਆਉਣ ਲਈ ਲਗਾਏ ਜਾਂਦੇ ਹਨ। ਕੁੱਤਿਆਂ ਦੇ ਸਿਰ 'ਤੇ ਫੁੱਲਾਂ ਦੇ ਹਾਰ ਪਾਏ ਹੋਏ ਹਨ ਅਤੇ ਉਸ ਦੇ ਸਾਥੀ ਵੀ ਉਸ ਦੇ ਨਾਲ ਖੜ੍ਹੇ ਹਨ। ਇਹ ਸਿਆਸਤਦਾਨਾਂ ਦੀ ਚਾਪਲੂਸੀ ਕਰਨ ਵਾਲਿਆਂ 'ਤੇ ਤੰਜ ਹੈ। ਇਸ ਕੁੱਤੇ ਦੀ ਤਸਵੀਰ 'ਚ ਉਸ ਦੇ ਸਾਥੀ ਵੀ ਉਸੇ ਤਰ੍ਹਾਂ ਨਜ਼ਰ ਆ ਰਹੇ ਹਨ, ਜਿਸ ਤਰ੍ਹਾਂ ਉਹ ਨੇਤਾਵਾਂ ਦਾ ਸਵਾਗਤ ਵਿੱਚ ਆਏ ਹੋਣ।

ਇਹ ਵੀ ਪੜ੍ਹੋ : Bihar Factory boiler blast : ਮੁਜ਼ੱਫਰਪੁਰ ਦੀ ਨੂਡਲਜ਼ ਫੈਕਟਰੀ ਦਾ ਫਟਿਆ ਬੁਆਇਲਰ , 7 ਲੋਕਾਂ ਦੀ ਮੌਤ, ਅੱਧੀ ਦਰਜਨ ਤੋਂ ਵੱਧ ਦੀ ਹਾਲਤ ਗੰਭੀਰ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :

https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id81111490