Watch Video: ਡਰਾਈਵਰ ਨੇ ਖ਼ਤਰਾਨਾਕ ਪਹਾੜੀ 'ਤੇ ਲਿਆ ਯੂ-ਟਰਨ, ਖਾਈ 'ਚ ਡਿੱਗਦੇ-ਡਿੱਗਦੇ ਬਚੀ ਕਾਰ
ਕਲਿੱਪ ਨੂੰ ਇੰਸਟਾਗ੍ਰਾਮ ਤੇ ਟਵਿੱਟਰ 'ਤੇ ਵਿਆਪਕ ਤੌਰ 'ਤੇ ਸਾਂਝਾ ਕੀਤਾ ਗਿਆ ਸੀ ਪਰ ਜਦੋਂ ਤੁਸੀਂ ਵੀਡੀਓ ਨੂੰ ਧਿਆਨ ਨਾਲ ਦੇਖਦੇ ਹੋ ਤਾਂ ਇਕ ਵੱਖਰੀ ਕਹਾਣੀ ਸਾਹਮਣੇ ਆਉਂਦੀ ਹੈ।
Watch Video: ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਇਕ ਡਰਾਈਵਰ ਆਪਣੀ ਜਾਨ ਨੂੰ ਖਤਰੇ 'ਚ ਪਾ ਕੇ ਇਕ ਖਤਰਨਾਕ ਪਹਾੜੀ ਸੜਕ 'ਤੇ ਫਿਲਮੀ ਸਟਾਈਲ ਦਾ ਯੂ-ਟਰਨ ਲੈ ਰਿਹਾ ਹੈ। ਵੀਡੀਓ 'ਚ ਇਕ ਨੀਲੇ ਰੰਗ ਦੀ ਕਾਰ ਸੜਕ 'ਤੇ ਹੌਲੀ-ਹੌਲੀ ਚਲਦੀ ਦਿਖਾਈ ਦੇ ਰਹੀ ਹੈ ਤੇ ਡਰਾਈਵਰ ਨੂੰ ਚੱਟਾਨ ਦੀ ਸਾਈਡ 'ਤੇ ਅਜਿਹਾ ਯੂ-ਟਰਨ ਲੈਂਦੇ ਦੇਖ ਲੋਕ ਹੈਰਾਨ ਰਹਿ ਗਏ। ਵੀਡੀਓ 'ਚ ਕੁਝ ਥਾਵਾਂ 'ਤੇ ਅਜਿਹਾ ਲੱਗ ਰਿਹਾ ਸੀ ਕਿ ਕਾਰ ਖਾਈ 'ਚ ਡਿੱਗਣ ਵਾਲੀ ਸੀ ਪਰ ਡਰਾਈਵਰ ਬਿਨਾਂ ਕਿਸੇ ਮੁਸ਼ਕਲ ਦੇ ਯੂ-ਟਰਨ ਲੈ ਕੇ ਅੱਗੇ ਵਧਣ 'ਚ ਕਾਮਯਾਬ ਰਿਹਾ।
ਇਹ ਵੀਡੀਓ ਇਕ ਵਾਰ ਫਿਰ ਤੋਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਤੋਂ ਬਾਅਦ ਇਸ ਵੀਡੀਓ ਨੇ ਸੋਸ਼ਲ ਮੀਡੀਆ 'ਤੇ ਖਲਬਲੀ ਮਚਾ ਦਿੱਤੀ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੈ। ਵੀਡੀਓ ਨੂੰ ਟਵਿੱਟਰ 'ਤੇ ਹੁਣ ਤਕ 1.4 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਇਸ ਨੂੰ ਇੰਸਟਾਗ੍ਰਾਮ 'ਤੇ ਵੀ ਲੱਖਾਂ ਵਿਊਜ਼ ਮਿਲ ਚੁੱਕੇ ਹਨ। ਸੋਸ਼ਲ ਮੀਡੀਆ ਉਪਭੋਗਤਾ ਉਸਦੀ ਪ੍ਰਤਿਭਾ ਲਈ ਡਰਾਈਵਰ ਦੀ ਪ੍ਰਸ਼ੰਸਾ ਕਰਨਾ ਬੰਦ ਨਹੀਂ ਕਰ ਸਕਦੇ ਹਨ, ਕਈਆਂ ਨੇ ਚੱਟਾਨ ਦੇ ਪਾਸੇ ਯੂਟਰਨ ਲੈਣ ਦੀ ਉਸਦੀ ਹਿੰਮਤ ਲਈ ਉਸਦੀ ਪ੍ਰਸ਼ੰਸਾ ਕੀਤੀ ਹੈ।
Whoooaaaaa ! https://t.co/cvyjzZF0I4
— Raveena Tandon (@TandonRaveena) January 23, 2022
ਕਲਿੱਪ ਨੂੰ ਇੰਸਟਾਗ੍ਰਾਮ ਤੇ ਟਵਿੱਟਰ 'ਤੇ ਵਿਆਪਕ ਤੌਰ 'ਤੇ ਸਾਂਝਾ ਕੀਤਾ ਗਿਆ ਸੀ ਪਰ ਜਦੋਂ ਤੁਸੀਂ ਵੀਡੀਓ ਨੂੰ ਧਿਆਨ ਨਾਲ ਦੇਖਦੇ ਹੋ ਤਾਂ ਇਕ ਵੱਖਰੀ ਕਹਾਣੀ ਸਾਹਮਣੇ ਆਉਂਦੀ ਹੈ। ਇਹ ਵੀਡੀਓ ਸਭ ਤੋਂ ਪਹਿਲਾਂ ਪਿਛਲੇ ਸਾਲ ਦਸੰਬਰ ਵਿੱਚ ਡਰਾਈਵਿੰਗਸਕਿਲ ਨਾਮ ਦੇ ਇੱਕ ਯੂਟਿਊਬ ਚੈਨਲ ਦੁਆਰਾ ਸ਼ੇਅਰ ਕੀਤਾ ਗਿਆ ਸੀ। ਵੀਡੀਓ ਤੋਂ ਪਤਾ ਚੱਲਦਾ ਹੈ ਕਿ ਇਹ ਕਾਰ ਚਲਾ ਰਿਹਾ ਕੋਈ ਆਮ ਡਰਾਈਵਰ ਨਹੀਂ ਸੀ ਸਗੋਂ ਇਕ ਮਾਹਰ ਸੀ ਜੋ ਬਹੁਤ ਤੰਗ ਸੜਕ 'ਤੇ ਯੂ-ਟਰਨ ਲੈ ਰਿਹਾ ਸੀ।
ਨਾਲ ਹੀ ਜਦੋਂ ਕਿਸੇ ਹੋਰ ਕੋਣ ਤੋਂ ਦੇਖਿਆ ਜਾਂਦਾ ਹੈ, ਤਾਂ ਇਹ ਸਪੱਸ਼ਟ ਤੌਰ 'ਤੇ ਦਿਖਾਈ ਦਿੰਦਾ ਹੈ ਕਿ ਡਰਾਈਵਰ ਕਦੇ ਵੀ ਚੱਟਾਨ ਦੇ ਕਿਨਾਰੇ 'ਤੇ ਨਹੀਂ ਸੀ। ਇਸਦੇ ਹੇਠਾਂ ਇੱਕ ਹੋਰ ਸੜਕ ਸੀ ਜਿਸ ਨੂੰ ਕੈਮਰੇ ਦੇ ਐਂਗਲ ਦੁਆਰਾ ਧਿਆਨ ਨਾਲ ਲੁਕਾਇਆ ਗਿਆ ਸੀ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
