ਖਾਣਾ ਖਾਓ, ਪੈਸਾ ਕਮਾਓ! ਇਹ ਕੰਪਨੀਆਂ ਰੋਟੀ ਖਾਣ ਦੀ ਦਿੰਦੀਆਂ ਨੌਕਰੀ, ਮਿਲਦੀ ਮੋਟੀ ਤਨਖ਼ਾਹ
ਜੇਕਰ ਤੁਸੀਂ ਖਾਣ-ਪੀਣ ਦੇ ਸ਼ੌਕੀਨ ਹੋ ਤਾਂ ਇਹ ਨੌਕਰੀ ਤੁਹਾਡੇ ਲਈ ਫਾਇਦੇਮੰਦ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਉਹ ਕਿਹੜੀ ਜਗ੍ਹਾ ਹੈ ਜਿੱਥੇ ਤੁਹਾਨੂੰ ਬਰਗਰ ਖਾਣ ਦਾ ਕੰਮ ਮਿਲਦਾ ਹੈ।
Eat food, earn money! : ਅੱਜ ਕੱਲ੍ਹ ਹਰ ਕੋਈ ਚੰਗਾ ਕੰਮ ਕਰਨਾ ਚਾਹੁੰਦਾ ਹੈ। ਇਸ ਦੇ ਲਈ ਲੋਕ ਕਈ ਤਰ੍ਹਾਂ ਦੇ ਮੁਕਾਬਲਿਆਂ (competition) ਦੀ ਤਿਆਰੀ ਵੀ ਕਰਦੇ ਹਨ ਪਰ ਜੇਕਰ ਕੋਈ ਤੁਹਾਨੂੰ ਕਹੇ ਕਿ ਤੁਹਾਨੂੰ ਨੌਕਰੀ ਹਾਸਲ ਕਰਨ ਲਈ ਜ਼ਿਆਦਾ ਮਿਹਨਤ ਨਹੀਂ ਕਰਨੀ ਪੈਣੀ ਅਤੇ ਤੁਹਾਨੂੰ ਚੰਗੀ ਨੌਕਰੀ ਮਿਲੇਗੀ, ਤਾਂ ਕੀ ਤੁਸੀਂ ਵਿਸ਼ਵਾਸ ਕਰੋਗੇ? ਅੱਜ ਅਸੀਂ ਤੁਹਾਨੂੰ 'ਅਜਬ ਗਜਬ' 'ਚ ਅਜਿਹੀ ਨੌਕਰੀ ਬਾਰੇ ਦੱਸ ਰਹੇ ਹਾਂ, ਜਿਸ 'ਤੇ ਯਕੀਨ ਕਰਨਾ ਥੋੜ੍ਹਾ ਮੁਸ਼ਕਿਲ ਹੈ। ਜੇਕਰ ਤੁਸੀਂ ਖਾਣ-ਪੀਣ ਦੇ ਸ਼ੌਕੀਨ ਹੋ ਤਾਂ ਇਹ ਨੌਕਰੀ ਤੁਹਾਡੇ ਲਈ ਫਾਇਦੇਮੰਦ ਹੈ, ਜਿੱਥੇ ਤੁਹਾਡਾ ਸ਼ੌਕ ਨਾ ਸਿਰਫ਼ ਪੂਰਾ ਹੋਵੇਗਾ, ਸਗੋਂ ਤੁਸੀਂ ਕਮਾਈ ਵੀ ਕਰੋਗੇ।
ਜੀ ਹਾਂ, ਦੁਨੀਆ ਵਿੱਚ ਇੱਕ ਅਜਿਹੀ ਜਗ੍ਹਾ ਹੈ ਜਿੱਥੇ ਬਰਗਰ ਖਾਣ ਦੀ ਨੌਕਰੀ ਮਿਲਦੀ ਹੈ। ਕੀ ਤੁਸੀਂ ਪੜ੍ਹ ਕੇ ਹੈਰਾਨ ਹੋ? ਜੇਕਰ ਤੁਸੀਂ ਵੀ ਖਾਣ ਦੇ ਸ਼ੌਕੀਨ ਹੋ, ਤਾਂ ਤੁਸੀਂ ਇਸ ਤਰ੍ਹਾਂ ਦੀ ਨੌਕਰੀ ਲਈ ਅਪਲਾਈ ਕਰ ਸਕਦੇ ਹੋ। ਦੱਸ ਦੇਈਏ ਕਿ ਇਹ ਅਜੀਬ ਕੰਮ ਕਰਨ ਲਈ ਤੁਹਾਨੂੰ ਭਾਰਤ ਤੋਂ ਬਾਹਰ ਜਾਣਾ ਪਵੇਗਾ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਉਹ ਕਿਹੜੀ ਜਗ੍ਹਾ ਹੈ ਜਿੱਥੇ ਤੁਹਾਨੂੰ ਬਰਗਰ ਖਾਣ ਦਾ ਕੰਮ ਮਿਲਦਾ ਹੈ।
ਜਾਣਕਾਰੀ ਮੁਤਾਬਕ ਬਰਤਾਨੀਆ ਦੀ ਬਰਡਜ਼ ਆਈ ਨਾਂ ਦੀ ਕੰਪਨੀ ਇਹ ਨੌਕਰੀ ਦਿੰਦੀ ਹੈ। ਇੰਨਾ ਹੀ ਨਹੀਂ ਕੰਪਨੀ ਵੱਲੋਂ ਇਸ ਦੇ ਲਈ ਇਸ਼ਤਿਹਾਰ ਵੀ ਜਾਰੀ ਕੀਤਾ ਜਾਂਦਾ ਹੈ। ਦਰਅਸਲ, ਇਹ ਕੰਪਨੀ ਚਿਕਨ ਡਿਪਰਸ ਨਾਮ ਦਾ ਉਤਪਾਦ ਬਣਾਉਂਦੀ ਹੈ। ਇਸ ਉਤਪਾਦ ਦੀ ਜਾਂਚ ਕਰਨ ਲਈ ਲੋਕਾਂ ਨੂੰ ਰੱਖਿਆ ਜਾਂਦਾ ਹੈ ਤਾਂ ਜੋ ਤਿਆਰ ਉਤਪਾਦ ਵਿੱਚ ਕੋਈ ਨੁਕਸ ਜਾਂ ਸਮੱਸਿਆ ਹੋਵੇ ਤਾਂ ਉਸ ਨੂੰ ਦੂਰ ਕੀਤਾ ਜਾ ਸਕੇ। ਇਸ ਕਮੀ ਨੂੰ ਦਰਸਾਉਣਾ ਇਸ ਨੌਕਰੀ ਵਿੱਚ ਮੌਜੂਦ ਵਿਅਕਤੀ ਦਾ ਕੰਮ ਹੈ, ਜਿਸ ਲਈ ਕੰਪਨੀ ਮੋਟੀ ਤਨਖਾਹ ਵੀ ਦਿੰਦੀ ਹੈ। ਇਹ ਕੰਮ ਸਿਰਫ਼ ਉਹੀ ਲੋਕ ਕਰ ਸਕਦੇ ਹਨ, ਜਿਨ੍ਹਾਂ ਨੂੰ ਚਿਕਨ ਖਾਣ ਤੋਂ ਪਰਹੇਜ਼ ਨਹੀਂ ਹੁੰਦਾ।
ਇਸ ਤੋਂ ਇਲਾਵਾ ਬ੍ਰਿਟੇਨ 'ਚ ਇੱਕ ਹੋਰ ਫੂਡ ਕੰਪਨੀ ਹੈ, ਜੋ ਲੋਕਾਂ ਨੂੰ ਬਰਗਰ ਖਾਣ ਲਈ ਰੱਖਦੀ ਹੈ। ਇਸ ਕੰਪਨੀ ਦਾ ਉਦੇਸ਼ ਇਹ ਵੀ ਹੈ ਕਿ ਬਰਗਰ 'ਚ ਕਿਸੇ ਤਰ੍ਹਾਂ ਦੀ ਕਮੀ ਨਹੀਂ ਹੋਣੀ ਚਾਹੀਦੀ। ਜਦੋਂ ਬਰਗਰ ਗਾਹਕ ਤੱਕ ਪਹੁੰਚਦਾ ਹੈ, ਤਾਂ ਉਹ ਖੁਸ਼ ਹੋਣਾ ਚਾਹੀਦਾ ਹੈ, ਇਸ ਲਈ ਇਹ ਫੂਡ ਕੰਪਨੀ ਲੋਕਾਂ ਨੂੰ ਵੱਖਰੇ ਤੌਰ ਉਤੇ ਨੌਕਰੀ 'ਤੇ ਰੱਖਦੀ ਹੈ। ਇਹ ਕਰਮਚਾਰੀ ਬਰਗਰਾਂ ਦੀ ਜਾਂਚ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਦੱਸਦੇ ਹਨ ਕਿ ਕੀ ਕੋਈ ਕਮੀ ਹੈ। ਤਾਂ ਕਿ ਗਾਹਕ ਤੱਕ ਪਹੁੰਚਣ ਤੋਂ ਪਹਿਲਾਂ ਹੀ ਇਸ ਨੂੰ ਹਟਾ ਦਿੱਤਾ ਜਾਵੇ।
ਸਭ ਤੋਂ ਵਧੀਆ ਗੱਲ ਇਹ ਹੈ ਕਿ ਇਸ ਤਰ੍ਹਾਂ ਦੀ ਨੌਕਰੀ ਕਰਨ ਵਾਲੇ ਲੋਕਾਂ ਨੂੰ ਆਕਰਸ਼ਕ ਤਨਖਾਹ ਵੀ ਮਿਲਦੀ ਹੈ। ਜਾਣਕਾਰੀ ਮੁਤਾਬਕ ਇਸ ਤਰ੍ਹਾਂ ਦੀ ਨੌਕਰੀ ਲਈ 78,000 ਅਮਰੀਕੀ ਡਾਲਰ ਤੱਕ ਦੀ ਕਮਾਈ ਕੀਤੀ ਜਾ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
