(Source: ECI | ABP NEWS)
ਹੈਰਾਨੀਜਨਕ! ਹਸਪਤਾਲ ਤੋਂ ਚੋਰੀ ਹੋਇਆ ਬੱਚਾ ਆਖਰ 16 ਸਾਲ ਬਾਅਦ ਇਸ ਤਕਨੀਕ ਨਾਲ ਮਾਂ-ਬਾਪ ਨੇ ਖੋਜਿਆ
Parents Discovered Child After 16 Years: ਇਨਸਾਨ ਦਾ ਬੱਚਾ ਹੋਵੇ ਜਾਂ ਜਾਨਵਰ, ਦੋਵੇਂ ਉਸ ਨੂੰ ਬਹੁਤ ਪਿਆਰ ਕਰਦੇ ਹਨ। ਉਹ ਉਨ੍ਹਾਂ ਲਈ ਕਿਸੇ ਵੀ ਹੱਦ ਤੱਕ ਜਾ ਸਕਦੇ ਹਨ।
Parents Discovered Child After 16 Years: ਇਨਸਾਨ ਦਾ ਬੱਚਾ ਹੋਵੇ ਜਾਂ ਜਾਨਵਰ, ਦੋਵੇਂ ਉਸ ਨੂੰ ਬਹੁਤ ਪਿਆਰ ਕਰਦੇ ਹਨ। ਉਹ ਉਨ੍ਹਾਂ ਲਈ ਕਿਸੇ ਵੀ ਹੱਦ ਤੱਕ ਜਾ ਸਕਦੇ ਹਨ। ਬੱਚੇ ਹੀ ਮਾਪਿਆਂ ਲਈ ਸਭ ਕੁਝ ਹੁੰਦੇ ਹਨ। ਉਹ ਉਨ੍ਹਾਂ ਨੂੰ ਮੁਸੀਬਤ ਵਿੱਚ ਨਹੀਂ ਦੇਖ ਸਕਦੇ। ਮਾਮੂਲੀ ਜਿਹੀ ਤਕਲੀਫ਼ ਆਉਂਦਿਆਂ ਹੀ ਮਾਪੇ ਘਬਰਾ ਜਾਂਦੇ ਹਨ।
ਸਾਲ 2005 'ਚ ਮੈਕਸੀਕੋ ਦੇ ਰਹਿਣ ਵਾਲੇ ਯਾਸਿਰ ਮੇਕੀਆਸ (Yasir Macias) ਅਤੇ ਰੋਜ਼ਾਲੀਆ ਲੋਪੇਜ਼ ਨਾਲ ਜੋ ਹੋਇਆ, ਉਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਦਰਅਸਲ, ਸਾਲ 2005 ਵਿੱਚ ਉਨ੍ਹਾਂ ਦੇ ਇੱਕ ਬੱਚਾ ਹੋਇਆ ਸੀ। ਦੋਵੇਂ ਬੱਚੇ ਨੂੰ ਲੈ ਕੇ ਬਹੁਤ ਖੁਸ਼ ਸਨ। ਪਰ 15 ਦਸੰਬਰ 2005 ਨੂੰ ਉਸ ਦਾ ਬੱਚਾ ਹਸਪਤਾਲ ਵਿੱਚੋਂ ਹੀ ਚੋਰੀ ਹੋ ਗਿਆ ਜੋ ਹੁਣ 16 ਸਾਲ ਬਾਅਦ ਮਿਲਿਆ ਹੈ।
15 ਦਸੰਬਰ 2005 ਦੀ ਰਾਤ ਨੂੰ, ਲੋਪੇਜ਼ ਨੂੰ ਆਈਐਮਐਸਐਸ ਹਸਪਤਾਲ ਜਨਰਲ ਰੀਜਨਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਬੱਚੇ ਦੇ ਜਨਮ ਤੋਂ ਬਾਅਦ ਉਸ ਨੂੰ ਕੁਝ ਦਿਨ ਹਸਪਤਾਲ 'ਚ ਰੱਖਿਆ ਗਿਆ ਸੀ ਪਰ ਉਸ ਨੂੰ ਕੀ ਪਤਾ ਸੀ ਕਿ ਹਸਪਤਾਲ ਵਿਚ ਉਸ ਨਾਲ ਅਜਿਹੀ ਘਟਨਾ ਵਾਪਰੇਗੀ, ਜਿਸ ਦਾ ਉਹ ਸਾਰੀ ਉਮਰ ਦੁਖ ਮਨਾਏਗੀ। ਦਰਅਸਲ, ਉਸ ਰਾਤ ਇਕ ਔਰਤ ਫਰਜ਼ੀ ਨਰਸ ਬਣ ਕੇ ਹਸਪਤਾਲ ਆਈ ਅਤੇ ਲੋਪੇਜ਼ ਤੋਂ ਬੱਚੇ ਨੂੰ ਲੈ ਕੇ ਉਸ ਨੂੰ ਆਰਾਮ ਕਰਨ ਲਈ ਕਿਹਾ। ਫਿਰ ਇਹ ਆਖਰੀ ਵਾਰ ਸੀ ਜਦੋਂ ਜੋੜੇ ਨੇ ਆਪਣੇ ਬੱਚੇ ਨੂੰ ਦੇਖਿਆ।
ਪਰ ਕਹਿੰਦੇ ਹਨ ਜੋ ਕਿਸਮਤ ਵਿੱਚ ਹੁੰਦਾ ਹੈ, ਉਹੀ ਮਿਲਦਾ ਹੈ। ਜੋੜੇ ਨੂੰ 16 ਸਾਲ ਬਾਅਦ ਆਪਣੇ ਬੱਚੇ ਨੂੰ ਮਿਲਣ ਦਾ ਮੌਕਾ ਮਿਲਿਆ। ਪਰ ਬੱਚੇ ਨੂੰ ਲੱਭਣਾ ਆਸਾਨ ਨਹੀਂ ਸੀ। ਉਸ ਨੇ ਬੱਚੇ ਨੂੰ ਲੱਭਣ ਲਈ ਪ੍ਰਫੈਸ਼ਨਲਜ਼ ਦੀ ਮਦਦ ਲਈ। ਪਿਛਲੇ ਸਾਲ ਸਤੰਬਰ 2021 ਵਿੱਚ, ਜੈਲਿਸਕੋ ਇੰਸਟੀਚਿਊਟ ਆਫ਼ ਫੋਰੈਂਸਿਕ ਸਾਇੰਸਿਜ਼ ਨੇ ਬੱਚੇ ਦੀ ਇੱਕ ਪੁਰਾਣੀ ਫੋਟੋ ਤੋਂ ਚਿਹਰੇ ਦੇ ਡੂੰਘਾਈ ਨਾਲ ਵਿਸ਼ਲੇਸ਼ਣ ਦੀ ਵਰਤੋਂ ਕੀਤੀ ਤੇ ਅੰਦਾਜ਼ਾ ਲਗਾਇਆ ਕਿ 16 ਸਾਲ ਬਾਅਦ ਬੱਚਾ ਕਿਹੋ ਜਿਹਾ ਦਿਖਾਈ ਦੇਵੇਗਾ।
ਇਸ ਟੈਸਟ ਨੇ ਕੰਮ ਕੀਤਾ ਅਤੇ ਟੀਮ ਨੇ ਬੱਚੇ ਦੀ ਤਸਵੀਰ ਤਿਆਰ ਕੀਤੀ। ਬੱਚੇ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ। 1-2 ਮਹੀਨੇ ਬਾਅਦ ਜਾਂਚ ਟੀਮ ਨੂੰ ਤਸਵੀਰ ਨਾਲ ਮਿਲਦਾ ਜੁਲਦਾ ਨੌਜਵਾਨ ਮਿਲਿਆ। ਟੀਮ ਨੇ ਉਸ ਦਾ ਤੇ ਜੋੜੇ ਦਾ ਡੀਐਨਏ ਮੈਚ ਕੀਤਾ। ਦੋਵਾਂ ਦਾ ਡੀਐਨਏ 99.9 ਫੀਸਦੀ ਮੇਲ ਖਾਂਦਾ ਸੀ।
ਡੀਐਨਏ ਮੈਚ ਤੋਂ ਬਾਅਦ, ਇਹ ਸਬੂਤ ਬਣ ਗਿਆ ਕਿ ਉਹ ਕਿਸ਼ੋਰ ਔਰਤ ਦਾ ਪੁੱਤਰ ਹੈ। ਇਸ ਟੈਸਟ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਹਾਲਾਂਕਿ ਜਾਂਚਕਰਤਾ ਮਹਿਲਾ ਚੋਰ ਦੀ ਤਲਾਸ਼ ਕਰ ਰਹੇ ਹਨ। ਇਸ ਮਾਮਲੇ ਵਿੱਚ ਹੁਣ ਤੱਕ ਕੋਈ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ।
ਇਹ ਵੀ ਪੜ੍ਹੋ: WhatsApp 'ਤੇ Block ਹੋਣ ਮਗਰੋਂ ਵੀ ਇਸ ਤਰ੍ਹਾਂ ਭੇਜੋ ਮੈਸੇਜ, ਜਾਣੋ Secret ਟ੍ਰਿਕ ਬਾਰੇ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
