ਇਹ ਹੈ ਦੁਨੀਆ ਦੀ ਸਭ ਤੋਂ ਮਹਿੰਗੀ ਨੇਲ ਪਾਲਿਸ਼... 1.5 ਕਰੋੜ ਤੋਂ ਵੱਧ ਹੈ ਇਸ ਦੀ ਕੀਮਤ
ਦੁਨੀਆ ਦੀ ਸਭ ਤੋਂ ਮਹਿੰਗੀ ਨੇਲ ਪਾਲਿਸ਼ ਦਾ ਨਾਂ ਐਜ਼ਚਰ (Azature) ਹੈ। ਇਸ ਨੂੰ ਲਾਸ ਏਂਜਲਸ ਦੇ ਡਿਜ਼ਾਈਨਰ Azature Pogosian ਨੇ ਬਣਾਇਆ ਹੈ। ਇਹ ਡਿਜ਼ਾਈਨਰ ਆਪਣੀਆਂ ਲਗਜ਼ਰੀ ਚੀਜ਼ਾਂ ਲਈ ਪੂਰੀ ਦੁਨੀਆ 'ਚ ਮਸ਼ਹੂਰ ਹੈ।
ਤੁਸੀਂ ਆਪਣੀ ਜ਼ਿੰਦਗੀ 'ਚ ਇੱਕ ਤੋਂ ਵੱਧ ਕੇ ਇੱਕ ਮਹਿੰਗੀਆਂ ਚੀਜ਼ਾਂ ਦੇਖੀਆਂ ਹੋਣਗੀਆਂ। ਇਸ ਦੁਨੀਆ 'ਚ ਤੁਸੀਂ ਮਹਿੰਗੀਆਂ ਕਾਰਾਂ, ਮਹਿੰਗੇ ਫਰਨੀਚਰ ਅਤੇ ਅਮੀਰਾਂ ਲਈ ਬਣੀਆਂ ਮਹਿੰਗੀਆਂ-ਮਹਿੰਗੀਆਂ ਘੜੀਆਂ ਬਾਰੇ ਤਾਂ ਬਹੁਤ ਸੁਣਿਆ ਹੋਵੇਗਾ ਪਰ ਕੀ ਤੁਸੀਂ ਕਦੇ ਅਜਿਹੀ ਮਹਿੰਗੀ ਨੇਲ ਪਾਲਿਸ਼ ਬਾਰੇ ਸੁਣਿਆ ਹੈ ਜਿਸ ਦੀ 1 ਬੋਤਲ ਦੀ ਕੀਮਤ 'ਚ ਘੱਟੋ-ਘੱਟ 4 ਆਡੀ ਕਾਰਾਂ ਆ ਜਾਣ। ਆਓ ਅੱਜ ਤੁਹਾਨੂੰ ਇਸ ਲੇਖ 'ਚ ਦੁਨੀਆ ਦੀ ਸਭ ਤੋਂ ਮਹਿੰਗੀ ਨੇਲ ਪਾਲਿਸ਼ ਬਾਰੇ ਦੱਸਦੇ ਹਾਂ, ਜਿਸ ਦੀ ਕੀਮਤ 1 ਕਰੋੜ ਤੋਂ ਜ਼ਿਆਦਾ ਹੈ।
ਕੀ ਨਾਂ ਹੈ ਇਸ ਨੇਲ ਪਾਲਿਸ਼ ਦਾ?
ਦੁਨੀਆ ਦੀ ਸਭ ਤੋਂ ਮਹਿੰਗੀ ਨੇਲ ਪਾਲਿਸ਼ ਦਾ ਨਾਂ ਐਜ਼ਚਰ (Azature) ਹੈ। ਇਸ ਨੂੰ ਲਾਸ ਏਂਜਲਸ ਦੇ ਡਿਜ਼ਾਈਨਰ Azature Pogosian ਨੇ ਬਣਾਇਆ ਹੈ। ਇਹ ਡਿਜ਼ਾਈਨਰ ਆਪਣੀਆਂ ਲਗਜ਼ਰੀ ਚੀਜ਼ਾਂ ਲਈ ਪੂਰੀ ਦੁਨੀਆ 'ਚ ਮਸ਼ਹੂਰ ਹੈ। ਪਰ ਇਸ ਵੱਲੋਂ ਬਣਾਈ ਗਈ ਕਾਲੇ ਰੰਗ ਦੀ ਨੇਲ ਪਾਲਿਸ਼ ਪੂਰੀ ਦੁਨੀਆ ਦੀ ਸਭ ਤੋਂ ਮਹਿੰਗੀ ਨੇਲ ਪਾਲਿਸ਼ ਹੈ। ਇਸ ਨੂੰ ਖਰੀਦਣ ਤੋਂ ਪਹਿਲਾਂ ਸੌ ਵਾਰ ਜਾਂ ਹਜ਼ਾਰ ਵਾਰ ਸੋਚਣਾ ਪੈਂਦਾ ਹੈ। ਇਸ ਦੀ ਕੀਮਤ ਇੰਨੀ ਜ਼ਿਆਦਾ ਹੈ ਕਿ ਤੁਸੀਂ ਦਿੱਲੀ ਵਰਗੇ ਸ਼ਹਿਰ 'ਚ ਆਲੀਸ਼ਾਨ ਬੰਗਲਾ ਖਰੀਦ ਸਕਦੇ ਹੋ।
ਕਿੰਨੀ ਹੈ ਇਸ ਨੇਲ ਪਾਲਿਸ਼ ਦੀ ਕੀਮਤ?
ਬਲੈਕ ਕਲਰ ਕਿੱਸ ਨੇਲ ਪੋਲਿਸ਼ ਦੀ ਕੀਮਤ ਕਰੀਬ 2.50 ਲੱਖ ਅਮਰੀਕੀ ਡਾਲਰ ਹੈ। ਮਤਲਬ ਜੇਕਰ ਇਸ ਨੂੰ ਭਾਰਤੀ ਰੁਪਏ 'ਚ ਬਦਲਿਆ ਜਾਵੇ ਤਾਂ ਇਹ ਲਗਭਗ 1 ਕਰੋੜ 90 ਲੱਖ ਰੁਪਏ ਬਣ ਜਾਵੇਗਾ। ਇਹ ਕਾਲੇ ਰੰਗ ਦੀ ਨੇਲ ਪਾਲਿਸ਼ ਦੀ ਬੋਤਲ ਦੂਰੋਂ ਤਾਂ ਤੁਹਾਨੂੰ ਬਹੁਤ ਸਾਧਾਰਨ ਲੱਗੇਗੀ। ਹਾਲਾਂਕਿ ਇਹ ਕਿਸੇ ਵੀ ਤਰ੍ਹਾਂ ਆਮ ਨਹੀਂ ਹੈ, ਕਿਉਂਕਿ ਇਸ ਦੇ ਅੰਦਰ ਹੀਰਿਆਂ ਦਾ ਖਜ਼ਾਨਾ ਛੁਪਿਆ ਹੋਇਆ ਹੈ।
ਇੰਨੀ ਮਹਿੰਗੀ ਕਿਉਂ ਹੈ ਇਹ ਨੇਲ ਪਾਲਿਸ਼?
ਇਸ ਨੇਲ ਪਾਲਿਸ਼ ਦੀ ਜ਼ਿਆਦਾ ਕੀਮਤ ਦੇ ਪਿੱਛੇ ਦਾ ਰਾਜ਼ ਦੱਸਦੇ ਹੋਏ ਬਲੈਕ ਡਾਇਮੰਡ ਕਿੰਗ ਦੇ ਨਾਂ ਨਾਲ ਮਸ਼ਹੂਰ ਐਜ਼ਚਰ ਦਾ ਕਹਿਣਾ ਹੈ ਕਿ ਉਸ ਨੇ ਇਸ ਨੇਲ ਪੇਂਟ ਨੂੰ ਬਣਾਉਣ ਲਈ 267 ਕੈਰੇਟ ਦੇ ਕਾਲੇ ਹੀਰੇ ਜੜੇ ਹਨ। ਇਹੀ ਕਾਰਨ ਹੈ ਕਿ ਅੱਜ ਇਸ ਕਾਲੇ ਰੰਗ ਦੀ ਨੇਲ ਪਾਲਿਸ਼ ਦੀ ਕੀਮਤ ਕਰੋੜਾਂ 'ਚ ਹੈ। ਇਸ ਦੇ ਨਾਲ ਹੀ ਇਸ ਕਾਲੀ ਨੇਲ ਪਾਲਿਸ਼ ਦੀ ਇੱਕ ਸ਼ੀਸ਼ੀ ਬਣਾਉਣ 'ਚ 14.7 ਮਿਲੀਲਿਟਰ Ritzy ਡਿਜ਼ਾਈਨ ਦੀ ਵਰਤੋਂ ਕੀਤੀ ਗਈ ਹੈ, ਜਿਸ ਦੀ ਕੀਮਤ 1 ਕਰੋੜ 59 ਲੱਖ 83 ਹਜ਼ਾਰ 750 ਰੁਪਏ ਹੈ।
ਕਿੰਨੇ ਲੋਕਾਂ ਨੇ ਇਸ ਨੂੰ ਖਰੀਦਿਆ?
ਮੀਡੀਆ 'ਚ ਛਪੀ ਖਬਰ ਮੁਤਾਬਕ ਪੂਰੀ ਦੁਨੀਆ 'ਚ ਹੁਣ ਤੱਕ ਸਿਰਫ਼ 25 ਲੋਕ ਹੀ ਇਸ ਨੇਲ ਪਾਲਿਸ਼ ਨੂੰ ਖਰੀਦ ਸਕੇ ਹਨ। ਜ਼ਾਹਿਰ ਹੈ ਕਿ ਦੇਸ਼ ਦੇ ਸਭ ਤੋਂ ਅਮੀਰ ਘਰਾਣਿਆਂ ਦੀਆਂ ਨੂੰਹਾਂ ਵੀ ਇੰਨੀ ਮਹਿੰਗੀ ਨੇਲ ਪਾਲਿਸ਼ ਖਰੀਦਣ ਤੋਂ ਪਹਿਲਾਂ ਸੌ ਵਾਰ ਸੋਚਦੀਆਂ ਹੋਣਗੀਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
