ਰਾਤੋ-ਰਾਤ ਵਿਅਕਤੀ ਦੇ ਖਾਤੇ 'ਚ ਆਏ 3400 ਅਰਬ ਰੁਪਏ, ਬਣਿਆ ਦੁਨੀਆ ਦਾ 25ਵਾਂ ਸਭ ਤੋਂ ਅਮੀਰ ਵਿਅਕਤੀ, ਫਿਰ ਵਾਪਰਿਆ ਇਹ ਭਾਣਾ
ਅਮਰੀਕਾ ਦੇ ਲੁਈਸਿਆਨਾ (Louisiana, America) ਦੇ ਰਹਿਣ ਵਾਲੇ ਡੈਰੇਨ ਜੇਮਸ (Darren James) ਦੇ ਮੋਬਾਈਲ 'ਤੇ ਇੱਕ ਮੈਸੇਜ ਆਇਆ। ਉਸ ਮੈਸੇਜ 'ਚ ਲਿਖਿਆ ਸੀ ਕਿ ਉਸ ਦੇ ਅਕਾਊਂਟ 'ਚ 3400 ਅਰਬ ਰੁਪਏ ਜਮ੍ਹਾ ਹੋਏ ਹਨ।
Man Receive Billion Dollar in Bank Account : ਤੁਸੀਂ ਇਹ ਕਹਾਵਤ ਜ਼ਰੂਰ ਸੁਣੀ ਹੋਵੇਗੀ ਕਿ ਜਦੋਂ ਰੱਬ ਦਿੰਦਾ ਹੈ ਤਾਂ ਛੱਪਰ ਪਾੜ ਕੇ ਦਿੰਦਾ ਹੈ ਅਤੇ ਉਸੇ ਤਰ੍ਹਾਂ ਲੈ ਵੀ ਲੈਂਦਾ ਹੈ। ਅਜਿਹਾ ਹੀ ਕੁਝ ਅਮਰੀਕਾ ਦੇ ਇਕ ਵਿਅਕਤੀ ਨਾਲ ਹੋਇਆ। ਅਚਾਨਕ ਉਸ ਦੇ ਮੋਬਾਈਲ 'ਤੇ ਇੱਕ ਮੈਸੇਜ ਆਇਆ। ਜਦੋਂ ਉਸ ਨੇ ਉਹ ਮੈਸੇਜ ਦੇਖਿਆ ਤਾਂ ਉਸ ਦੇ ਹੋਸ਼ ਉੱਡ ਗਏ। ਦਰਅਸਲ, ਉਹ ਮੈਸੇਜ ਉਸ ਦੇ ਬੈਂਕ ਅਕਾਊਂਟ 'ਚ ਲਗਭਗ 3400 ਅਰਬ ਰੁਪਏ ਜਮ੍ਹਾ ਹੋਣ ਦਾ ਸੀ। ਇਸ ਲੈਣ-ਦੇਣ ਨਾਲ ਉਹ ਰਾਤੋਂ-ਰਾਤ ਕੁਝ ਪਲਾਂ ਲਈ ਦੁਨੀਆ ਦਾ 25ਵਾਂ ਸਭ ਤੋਂ ਅਮੀਰ ਵਿਅਕਤੀ ਬਣ ਗਿਆ। ਹਾਲਾਂਕਿ ਕੁਝ ਘੰਟਿਆਂ ਬਾਅਦ ਉਹ ਫਿਰ ਵਾਪਸ ਉੱਥੇ ਹੀ ਆ ਗਿਆ ਜਿੱਥੇ ਉਹ ਸੀ। ਆਓ ਤੁਹਾਨੂੰ ਪੂਰੇ ਮਾਮਲੇ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ।
ਇੰਨਾ ਪੈਸਾ ਦੇਖ ਕੇ ਸਾਰਾ ਪਰਿਵਾਰ ਰਹਿ ਗਿਆ ਹੈਰਾਨ
ਡੇਲੀ ਸਟਾਰ ਦੀ ਰਿਪੋਰਟ ਮੁਤਾਬਕ ਜੂਨ 2021 ਨੂੰ ਅਮਰੀਕਾ ਦੇ ਲੁਈਸਿਆਨਾ (Louisiana, America) ਦੇ ਰਹਿਣ ਵਾਲੇ ਡੈਰੇਨ ਜੇਮਸ (Darren James) ਦੇ ਮੋਬਾਈਲ 'ਤੇ ਇੱਕ ਮੈਸੇਜ ਆਇਆ। ਉਸ ਮੈਸੇਜ 'ਚ ਲਿਖਿਆ ਸੀ ਕਿ ਉਸ ਦੇ ਅਕਾਊਂਟ 'ਚ 3400 ਅਰਬ ਰੁਪਏ ਜਮ੍ਹਾ ਹੋਏ ਹਨ। ਮੈਸੇਜ ਪੜ੍ਹ ਕੇ ਪਹਿਲਾਂ ਤਾਂ ਉਸ ਨੂੰ ਯਕੀਨ ਨਹੀਂ ਆਇਆ। ਉਸ ਨੇ ਮੈਸੇਜ 2-3 ਵਾਰ ਪੜ੍ਹਿਆ। ਇਸ ਤੋਂ ਬਾਅਦ ਉਸ ਨੇ ਪਰਿਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਇਹ ਸੁਣ ਕੇ ਪਰਿਵਾਰਕ ਮੈਂਬਰ ਵੀ ਹੈਰਾਨ ਰਹਿ ਗਏ। ਅਕਾਊਂਟ 'ਚ ਇੰਨੇ ਪੈਸੇ ਆਉਣ ਤੋਂ ਬਾਅਦ ਉਹ ਸੋਚਣ ਲੱਗਾ ਕਿ ਇੰਨੇ ਪੈਸੇ ਬਾਰੇ ਪਤਾ ਲੱਗਣ 'ਤੇ ਅਧਿਕਾਰੀ ਉਸ ਦੇ ਘਰ ਜਾਂਚ ਲਈ ਆਉਣਗੇ ਅਤੇ ਹੋ ਸਕਦਾ ਹੈ ਕਿ ਉਹ ਫਸ ਜਾਵੇ। ਅਜਿਹੇ 'ਚ ਉਸ ਨੇ ਤੁਰੰਤ ਆਪਣੇ ਬੈਂਕ ਨੂੰ ਫੋਨ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ।
ਬੈਂਕ ਨੂੰ ਦਿੱਤੀ ਜਾਣਕਾਰੀ, ਬੈਂਕ ਨੇ 3 ਦਿਨਾਂ ਲਈ ਅਕਾਊਂਟ ਕੀਤਾ ਫ੍ਰੀਜ
ਡੈਰੇਨ ਨੇ ਮੀਡੀਆ ਨੂੰ ਦੱਸਿਆ ਕਿ ਪਰਿਵਾਰ ਨਹੀਂ ਚਾਹੁੰਦਾ ਸੀ ਕਿ ਮੈਂ ਕਿਸੇ ਨੂੰ ਸੂਚਿਤ ਕਰਾਂ, ਪਰ ਮੈਂ ਖੁਦ ਲੂਸੀਆਨਾ ਡਿਪਾਰਟਮੈਂਟ ਆਫ਼ ਪਬਲਿਕ ਸੇਫ਼ਟੀ 'ਚ ਪਹਿਲਾਂ ਲਾਅ ਇਨਫ਼ੋਰਸਮੈਂਟ ਅਫ਼ਸਰ ਦੇ ਅਹੁਦੇ 'ਤੇ ਤਾਇਨਾਤ ਸੀ ਅਤੇ ਹੁਣ ਰਿਅਲ ਅਸਟੇਟ ਏਜੰਟ ਹਾਂ ਤਾਂ ਇਸ ਗੱਲ ਦੀ ਜਾਣਕਾਰੀ ਸੀ ਕਿ ਇੰਨੇ ਪੈਸੇ ਗਲਤੀ ਨਾਲ ਹੀ ਆਏ ਹਨ। ਇਸ ਲਈ ਪਰਿਵਾਰਕ ਮੈਂਬਰਾਂ ਦੀ ਗੱਲ ਸੁਣੇ ਬਗੈਰ ਉਹ ਬੈਂਕ ਚਲਾ ਗਿਆ। ਸ਼ਿਕਾਇਤ ਮਿਲਣ ਤੋਂ ਬਾਅਦ ਬੈਂਕ ਨੇ ਉਸ ਦਾ ਅਕਾਊਂਟ ਬੰਦ ਕਰ ਦਿੱਤਾ। ਇਹ ਅਰਬਾਂ ਰੁਪਏ ਤਿੰਨ ਦਿਨਾਂ ਤੱਕ ਉਸ ਦੇ ਅਕਾਊਂਟ 'ਚ ਪਏ ਰਹੇ। ਜਦੋਂ ਤਿੰਨ ਦਿਨਾਂ ਬਾਅਦ ਅਕਾਊਂਟ ਖੁੱਲ੍ਹਿਆ ਤਾਂ ਪੈਸੇ ਵੀ ਉੱਡ ਚੁੱਕੇ ਸਨ। ਬੈਂਕ ਨੇ ਦੱਸਿਆ ਕਿ ਇਹ ਮੈਸੇਜ ਗਲਤੀ ਨਾਲ ਤੁਹਾਡੇ ਕੋਲ ਆ ਗਿਆ ਸੀ ਅਤੇ ਪੈਸੇ ਕਿਸੇ ਹੋਰ ਦੇ ਸਨ। ਜਿਸ ਦੇ ਪੈਸੇ ਸਨ, ਉਸ ਨੂੰ ਵਾਪਸ ਕਰ ਦਿੱਤੇ ਗਏ ਹਨ।
ਇੰਨਾ ਪੈਸਾ ਪਹਿਲਾਂ ਕਦੇ ਨਹੀਂ ਦੇਖਿਆ
ਉਸ ਦਾ ਕਹਿਣਾ ਹੈ ਕਿ ਕੁਝ ਪਲਾਂ ਲਈ ਮੇਰੀ ਅਤੇ ਪਰਿਵਾਰ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ। ਅਸੀਂ ਸਾਰੇ ਦੁਨੀਆ ਦੇ ਸਭ ਤੋਂ ਅਮੀਰ ਲੋਕਾਂ 'ਚ 25ਵੇਂ ਨੰਬਰ 'ਤੇ ਸੀ। ਅੱਜ ਤੱਕ ਮੈਂ ਇੱਕ ਵਾਰ 'ਚ ਇੰਨੇ ਪੈਸੇ ਕਦੇ ਨਹੀਂ ਦੇਖੇ ਸਨ। ਪਰ ਹੋਰ ਮੁਸੀਬਤ ਤੋਂ ਬਚਣ ਲਈ ਮੈਂ ਉਨ੍ਹਾਂ ਨੂੰ ਵਾਪਸ ਕਰਨਾ ਹੀ ਬਿਹਤਰ ਸਮਝਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
