Viral News: 12ਵੀਂ 'ਚ ਘੱਟ ਨੰਬਰ ਆਉਣ 'ਤੇ ਮਕਾਨ ਮਾਲਕ ਨੇ ਕਿਰਾਏ 'ਤੇ ਰੂਮ ਦੇਣ ਤੋਂ ਕੀਤਾ ਇਨਕਾਰ, ਚੈਟ ਹੋਈ ਵਾਇਰਲ
Viral News: ਇੱਕ ਮਕਾਨ ਮਾਲਕ ਨੇ ਇਕ ਆਦਮੀ ਨੂੰ ਕਿਰਾਏ 'ਤੇ ਮਕਾਨ ਦੇਣ ਤੋਂ ਇਨਕਾਰ ਕਰ ਦਿੱਤਾ ਕਿਉਂਕਿ ਉਸ ਨੇ 12ਵੀਂ ਜਮਾਤ ਵਿਚ ਸਿਰਫ 75 ਫੀਸਦੀ ਅੰਕ ਪ੍ਰਾਪਤ ਕੀਤੇ ਸਨ।
Viral News: ਸੋਸ਼ਲ ਮੀਡੀਆ ਉੱਤੇ ਰੋਜ਼ਾਨਾ ਕੁਝ ਨਾ ਕੁਝ ਵਾਇਰਲ ਹੁੰਦਾ ਰਹਿੰਦਾ ਹੈ। ਪਰ ਕਈ ਵਾਰ ਅਜੀਬੋ ਗਰੀਬ ਜਿਹੇ ਮਾਮਲੇ ਸੁਣਨ ਨੂੰ ਮਿਲਦੇ ਨੇ ਤੇ ਸੋਸ਼ਲ ਮੀਡੀਆ ਉੱਤੇ ਖੂਬ ਟਰੈਂਡ ਵੀ ਕਰਦੇ ਨੇ। ਇੱਕ ਸਮਾਂ ਸੀ ਜਦੋਂ ਨੌਕਰੀ ਲੱਭਣਾ ਆਪਣੇ ਆਪ ਵਿੱਚ ਇੱਕ ਚੁਣੌਤੀ ਤੋਂ ਘੱਟ ਨਹੀਂ ਸੀ। ਹਾਲਾਂਕਿ ਇਹ ਅੱਜ ਵੀ ਸੱਚ ਹੈ, ਅੱਜਕੱਲ੍ਹ ਨੌਕਰੀ ਲੱਭਣ ਨਾਲੋਂ ਕਿਰਾਏ ਲਈ ਘਰ ਲੱਭਣਾ ਵਧੇਰੇ ਮੁਸ਼ਕਲ ਹੋ ਗਿਆ ਹੈ। ਮੁੰਬਈ ਅਤੇ ਬੈਂਗਲੁਰੂ ਵਰਗੇ ਸ਼ਹਿਰਾਂ 'ਚ ਨੌਜਵਾਨਾਂ ਨੂੰ ਘਰ ਲੱਭਣ ਲਈ ਕਾਫੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
12ਵੀਂ ਵਿੱਚ ਨੰਬਰ ਘੱਟ ਹੋਣ ਕਰਕੇ ਮਕਾਨ ਦੇਣ ਤੋਂ ਕੀਤਾ ਇਨਕਾਰ
ਸੋਸ਼ਲ ਮੀਡੀਆ 'ਤੇ ਇੱਕ ਚੈਟ ਵਾਇਰਲ ਹੋ ਰਹੀ ਹੈ, ਜਿਸ ਵਿਚ ਮਕਾਨ ਮਾਲਕ ਨੇ ਇੱਕ ਵਿਅਕਤੀ ਨੂੰ ਕਿਰਾਏ 'ਤੇ ਮਕਾਨ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਕਿਰਾਏ 'ਤੇ ਮਕਾਨ ਨਾ ਦੇਣ ਦਾ ਕਾਰਨ ਉਸ ਵਿਅਕਤੀ ਦੇ 12ਵੀਂ 'ਚ ਘੱਟ ਅੰਕ ਪ੍ਰਾਪਤ ਕਰਨਾ ਦੱਸਿਆ ਗਿਆ ਹੈ। ਇਨ੍ਹਾਂ ਚੈਟਾਂ ਦੀ ਪੁਸ਼ਟੀ ਨਹੀਂ ਹੋਈ ਹੈ ਪਰ ਇੰਟਰਨੈੱਟ 'ਤੇ ਇਸ ਦੀ ਕਾਫੀ ਚਰਚਾ ਹੋ ਰਹੀ ਹੈ।
ਅਜੀਬੋ-ਗਰੀਬ ਘਟਨਾ ਚਰਚਾ ਵਿੱਚ ਹੈ
ਇਨ੍ਹੀਂ ਦਿਨੀਂ ਇਕ ਅਜੀਬੋ-ਗਰੀਬ ਘਟਨਾ ਚਰਚਾ ਵਿਚ ਹੈ, ਜਿਸ ਵਿੱਚ ਇਕ ਕਿਰਾਏਦਾਰ ਦੀ ਅਜੀਬ ਸਮੱਸਿਆ ਬਾਰੇ ਇੱਕ ਪੋਸਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਸ਼ੁਭ ਨਾਮ ਦੇ ਇੱਕ ਉਪਭੋਗਤਾ ਦੁਆਰਾ ਪੋਸਟ ਕੀਤੇ ਗਏ ਟਵੀਟ ਵਿੱਚ ਕਿਹਾ ਗਿਆ ਹੈ ਕਿ ਇੱਕ ਮਕਾਨ ਮਾਲਕ ਨੇ 12ਵੀਂ ਜਮਾਤ ਵਿੱਚ ਮਾੜੇ ਅੰਕਾਂ ਕਾਰਨ ਬੈਂਗਲੁਰੂ ਵਿੱਚ ਮੇਰੇ "ਚਚੇਰੇ ਭਰਾ" ਨੂੰ ਮਕਾਨ ਕਿਰਾਏ 'ਤੇ ਦੇਣ ਤੋਂ ਇਨਕਾਰ ਕਰ ਦਿੱਤਾ।
ਪੋਸਟ ਵਾਇਰਲ ਹੋ ਰਹੀ ਹੈ
ਆਨਲਾਈਨ ਸ਼ੇਅਰ ਕੀਤੇ ਗਏ ਸਕ੍ਰੀਨਸ਼ੌਟਸ ਵਿੱਚ ਕਿਰਾਏਦਾਰ ਕਿਸੇ ਬਰੋਕਰ ਨਾਲ ਗੱਲਬਾਤ ਕਰਦੇ ਹੋਏ ਦਿਖਾਇਆ ਗਿਆ ਹੈ, ਜਿਸ ਨੇ ਨਾ ਸਿਰਫ਼ ਉਸਦੇ ਲਿੰਕਡਇਨ ਜਾਂ ਟਵਿੱਟਰ ਪ੍ਰੋਫਾਈਲ ਦੀ ਮੰਗ ਕੀਤੀ ਸੀ, ਸਗੋਂ ਉਸਦੀ ਕੰਪਨੀ ਵਿੱਚ ਸ਼ਾਮਲ ਹੋਣ ਦਾ ਸਰਟੀਫਿਕੇਟ, 10ਵੀਂ ਅਤੇ 12ਵੀਂ ਦੀ ਮਾਰਕਸ਼ੀਟ, ਅਤੇ ਆਧਾਰ ਜਾਂ ਪੈਨ ਕਾਰਡ ਵਰਗੇ ਕੁਝ 'ਹੋਰ' ਦਸਤਾਵੇਜ਼ ਵੀ ਮੰਗੇ ਸਨ ਅਤੇ ਹੱਦ ਉਦੋਂ ਹੋ ਗਈ ਜਦੋਂ ਮਾਲਕ ਨੂੰ ਖੁਦ ਕਿਰਾਏਦਾਰ ਬਾਰੇ 150-300 ਸ਼ਬਦ ਲਿਖਣ ਲਈ ਕਿਹਾ ਗਿਆ।
ਹਾਲਾਂਕਿ, ਜਲਦੀ ਹੀ ਮਕਾਨ ਮਾਲਕ ਨੇ ਉਨ੍ਹਾਂ ਨੂੰ ਮਕਾਨ ਦੇਣ ਤੋਂ ਇਨਕਾਰ ਕਰ ਦਿੱਤਾ, ਬਰੋਕਰ ਨੇ ਜਵਾਬ ਦਿੱਤਾ, "ਮਾਫ ਕਰਨਾ, ਪਰ ਉਨ੍ਹਾਂ ਨੇ ਤੁਹਾਡੀ ਪ੍ਰੋਫਾਈਲ ਨੂੰ ਰੱਦ ਕਰ ਦਿੱਤਾ ਕਿਉਂਕਿ ਤੁਹਾਡੇ ਕੋਲ 12ਵੀਂ ਜਮਾਤ ਵਿੱਚ 75% ਅੰਕ ਹਨ ਅਤੇ ਮਾਲਕ ਘੱਟੋ ਘੱਟ 90% ਦੀ ਉਮੀਦ ਕਰ ਰਿਹਾ ਹੈ।"
ਸੋਸ਼ਲ ਮੀਡੀਆ ਯੂਜ਼ਰਸ ਇਸ ਚੈਟ ਨੂੰ ਦੇਖ ਕੇ ਕਾਫੀ ਹੈਰਾਨ ਹਨ ਅਤੇ ਕਮੈਂਟ ਸੈਕਸ਼ਨ 'ਚ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, 'ਪਾਪਾ ਠੀਕ ਕਹਿੰਦੇ ਸਨ-ਪੜ੍ਹੋ ਅਤੇ ਲਿਖੋ, ਤਾਂ ਹੀ ਤੁਸੀਂ ਘਰ ਬਣਾ ਸਕੋਗੇ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ''ਇਸ ਦੇ ਮੁਤਾਬਕ ਮੈਂ ਬੇਰੁਜ਼ਗਾਰ ਹੋ ਜਾਵਾਂਗਾ। ਅਗਲਾ ਸਮੈਸਟਰ ਬੈਂਗਲੁਰੂ ਵਿੱਚ ਘਰ ਦੀ ਭਾਲ ਵਿੱਚ ਬਿਤਾਇਆ ਜਾਵੇਗਾ। ਇੱਕ ਹੋਰ ਯੂਜ਼ਰ ਨੇ ਦੱਸਿਆ ਕਿ ਅਗਲੇ ਸਮੈਸਟਰ 'ਚ ਘਰ ਦੀ ਭਾਲ ਕਰਨ ਲਈ ਐਂਟਰੈਂਸ ਟੈਸਟ ਦੇਣਾ ਹੋਵੇਗਾ।
"Marks don't decide your future, but it definitely decides whether you get a flat in banglore or not" pic.twitter.com/L0a9Sjms6d
— Shubh (@kadaipaneeeer) April 27, 2023
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
