Pig Kidney Transplant: ਸੂਅਰ ਦੀ ਕਿਡਨੀ ਹੁਣ ਮਨੁੱਖਾਂ ਲਈ ਉਪਯੋਗੀ, ਅਮਰੀਕਾ ਵਿੱਚ ਹੋਇਆ ਸਫਲ ਕਿਡਨੀ ਟ੍ਰਾਂਸਪਲਾਂਟ
ਸੂਅਰ ਦੇ ਸੈੱਲਾਂ 'ਚ ਮੌਜੂਦ ਸ਼ੂਗਰ ਮਨੁੱਖੀ ਸਰੀਰ ਵਲੋਂ ਸਵੀਕਾਰ ਨਹੀਂ ਕੀਤਾ ਜਾਂਦਾ। ਇਸੇ ਕਰਕੇ ਪਹਿਲਾਂ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਅਸਫਲ ਗਈਆਂ ਸੀ, ਇਸ ਲਈ ਇਸ ਵਾਰ ਡਾਕਟਰਾਂ ਨੇ ਵਿਸ਼ੇਸ਼ ਸੋਧੇ ਹੋਏ ਜੀਨਾਂ ਦੇ ਨਾਲ ਸੂਅਰਾਂ ਦੀ ਵਰਤੋਂ ਕੀਤੀ।
ਵਾਸ਼ਿੰਗਟਨ: ਦੁਨੀਆ ਵਿੱਚ ਪਹਿਲੀ ਵਾਰ ਅਮਰੀਕਾ ਵਿੱਚ ਸੂਅਰ ਦੀ ਕਿਡਨੀ ਨੂੰ ਮਨੁੱਖੀ ਸਰੀਰ ਵਿੱਚ ਟ੍ਰਾਂਸਪਲਾਂਟ ਕੀਤਾ ਗਿਆ। ਇਹ ਕਾਰਨਾਮਾ ਨਿਊਯਾਰਕ ਸਿਟੀ ਦੇ ਐਨਵਾਈਯੂ ਲੈਂਗੋਨ ਹੈਲਥ ਮੈਡੀਕਲ ਸੈਂਟਰ ਦੇ ਸਰਜਨਾਂ ਵਲੋਂ ਕੀਤਾ ਗਿਆ। ਵੱਡੀ ਗੱਲ ਇਹ ਹੈ ਕਿ ਸੂਅਰ ਦੀ ਕਿਡਨੀ ਵੀ ਮਨੁੱਖੀ ਸਰੀਰ ਵਿੱਚ ਸਫਲਤਾਪੂਰਵਕ ਕੰਮ ਕਰ ਰਹੀ ਹੈ। ਇਸ ਸਫਲ ਟ੍ਰਾਂਸਪਲਾਂਟ ਦੇ ਨਾਲ, ਆਉਣ ਵਾਲੇ ਦਿਨਾਂ ਵਿੱਚ ਮਨੁੱਖੀ ਅੰਗਾਂ ਦੀ ਕਮੀ ਨੂੰ ਦੂਰ ਕੀਤਾ ਜਾ ਸਕਦਾ ਹੈ। ਅੰਗਾਂ ਦੀ ਕਮੀ ਨੂੰ ਦੂਰ ਕਰਨ ਲਈ, ਸੂਅਰਾਂ 'ਤੇ ਲੰਮੇ ਸਮੇਂ ਤੋਂ ਖੋਜ ਕੀਤੀ ਜਾ ਰਹੀ ਸੀ।
ਸੂਅਰ ਦੇ ਸੈੱਲਾਂ ਵਿੱਚ ਮੌਜੂਦ ਸ਼ੂਗਰ ਮਨੁੱਖੀ ਸਰੀਰ ਵਲੋਂ ਸਵੀਕਾਰ ਨਹੀਂ ਕੀਤੀ ਜਾਂਦੀ। ਇਸ ਕਰਕੇ, ਪਹਿਲਾਂ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਅਸਫਲ ਹੋ ਗਈਆਂ ਸੀ, ਇਸ ਲਈ ਇਸ ਵਾਰ ਡਾਕਟਰਾਂ ਨੇ ਵਿਸ਼ੇਸ਼ ਸੋਧੇ ਹੋਏ ਜੀਨਾਂ ਦੇ ਨਾਲ ਸੂਅਰਾਂ ਦੀ ਵਰਤੋਂ ਕੀਤੀ। ਇਸ ਵਿੱਚ ਸੂਅਰ ਦੇ ਸੈੱਲ ਵਿੱਚ ਮੌਜੂਦ ਸ਼ੂਗਰ ਨੂੰ ਖਤਮ ਕਰਨ ਅਤੇ ਇਮਿਊਨ ਸਿਸਟਮ ਦੇ ਹਮਲੇ ਤੋਂ ਬਚਣ ਲਈ ਕੁਝ ਜੈਨੇਟਿਕ ਬਦਲਾਅ ਕੀਤੇ ਗਏ ਸੀ।
ਸਰਜਨਾਂ ਨੇ ਖੁਲਾਸਾ ਕੀਤਾ ਕਿ ਜਿਸ ਮਰੀਜ਼ ਵਿੱਚ ਇਹ ਕਿਡਨੀ ਟ੍ਰਾਂਸਪਲਾਂਟ ਕੀਤਾ ਗਿਆ ਸੀ ਉਹ ਦਿਮਾਗੀ ਤੌਰ 'ਤੇ ਮਰਿਆ ਹੋਇਆ ਮਰੀਜ਼ ਸੀ। ਉਸ ਦੀ ਕਿਡਨੀ ਲਗਪਗ ਫੇਲ੍ਹ ਹੋ ਚੁੱਕੀ ਸੀ। ਮਰੀਜ਼ ਨੂੰ ਲਾਈਫ ਸਪੋਰਟ ਸਿਸਟਮ ਤੋਂ ਹਟਾਉਣ ਲਈ ਉਸਦੇ ਪਰਿਵਾਰ ਤੋਂ ਉਚਿਤ ਪ੍ਰਵਾਨਗੀ ਲਈ ਗਈ ਸੀ। ਟੀਮ ਨੇ ਸੂਅਰ ਕਿਡਨੀ ਨੂੰ ਦੋ ਤੋਂ ਤਿੰਨ ਦਿਨਾਂ ਦੀ ਨਿਗਰਾਨੀ ਵਿੱਚ ਮਰੀਜ਼ ਦੇ ਸਰੀਰ ਦੇ ਬਾਹਰ ਇੱਕ ਵੱਡੀ ਧਮਣੀ ਨਾਲ ਜੋੜਿਆ, ਜਿਸ ਨਾਲ ਇਸ ਨੂੰ ਖੂਨ ਅਤੇ ਆਕਸੀਜਨ ਮਿਲਦੀ ਰਹੇ।
ਹੈਰਾਨੀ ਦੀ ਗੱਲ ਹੈ ਕਿ ਕਿਡਨੀ ਨੇ ਬਗੈਰ ਰਿਜੇਕਸ਼ਨ ਕੀਤੇ ਕੂੜੇ ਨੂੰ ਫਿਲਟਰ ਕੀਤਾ ਅਤੇ ਪਿਸ਼ਾਬ ਦਾ ਪ੍ਰੋਡਕਸ਼ਨ ਕੀਤਾ। ਇਸ ਟ੍ਰਾਂਸਪਲਾਂਟ ਦੇ ਹੈੱਡ ਸਰਜਨ ਡਾ: ਰੌਬਰਟ ਮੌਂਟਗੋਮੇਰੀ ਨੇ ਕਿਹਾ ਕਿ ਟ੍ਰਾਂਸਪਲਾਂਟਡ ਕਿਡਨੀ ਦੇ ਕੰਮਕਾਜ ਨਾਲ ਜੁੜੇ ਸਾਰੇ ਟੈਸਟ ਦੇ ਨਤੀਜੇ ਬਹੁਤ ਸਧਾਰਨ ਦਿਖਾਈ ਦਿੰਦੇ ਹਨ। ਇਸ ਕਿਡਨੀ ਨੇ ਮਰੀਜ਼ ਦੇ ਸਰੀਰ ਵਿੱਚ ਓਨੀ ਹੀ ਮਾਤਰਾ ਵਿੱਚ ਪਿਸ਼ਾਬ ਬਣਾਇਆ ਜਿੰਨਾ ਅਸੀਂ ਮਨੁੱਖੀ ਕਿਡਨੀ ਤੋਂ ਆਸ ਕਰ ਸਕਦੇ ਹਾਂ। ਅਜਿਹੀ ਸਥਿਤੀ ਵਿੱਚ ਸਾਨੂੰ ਸਰੀਰ ਤੋਂ ਇਸ ਨੂੰ ਰੱਦ ਕਰਨ ਦੇ ਕੋਈ ਸੰਕੇਤ ਨਹੀਂ ਮਿਲੇ ਹਨ।
ਇਹ ਵੀ ਪੜ੍ਹੋ: Worlds Biggest Pumpkin: ਕਿਸਾਨ ਨੇ ਕੀਤਾ ਕਮਾਲ,ਖੇਤ ਵਿੱਚ ਉਗਾਇਆ 'ਵਿਸ਼ਵ ਦਾ ਸਭ ਤੋਂ ਵੱਡਾ ਕੱਦੂ', ਭਾਰ 10 ਕੁਇੰਟਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
