ਸੋਨੇ ਦੀ ਤਸਕਰੀ ਲਈ ਵਰਤੇ ਜਾ ਰਹੇ ਨਵੇਂ ਢੰਗ, ਜਾਣ ਹੋ ਜਾਓਗੇ ਹੈਰਾਨ

ਸੋਨਾ ਤਸਕਰੀ ਦੇ ਨਵੇਂ ਤਰੀਕਿਆਂ ਦਾ ਖੁਲਾਸਾ ਏਅਰ ਕਸਟਮ ਕਰ ਰਹੀ ਹੈ। ਕੋਈ ਸੈਂਡਲ ਵਿੱਚ ਸੋਨਾ ਲਿਆ ਰਿਹਾ ਹੈ ਤੇ ਕੋਈ ਸੋਨਾ ਇੰਝ ਲੁਕਾ ਕੇ ਲਿਆ ਰਿਹਾ ਹੈ ਕਿ ਤਸਕਰਾਂ ਨੂੰ ਫੜਣਾ ਹੀ ਮੁਸ਼ਕਲ ਹੁੰਦਾ ਹੈ।

ਸੰਕੇਤਕ ਤਸਵੀਰ

ਨਵੀਂ ਦਿੱਲੀ: ਏਅਰ ਇੰਟੈਲੀਜੈਂਸ ਯੂਨਿਟ (ਏਅਰ ਕਸਟਮ) ਲਗਾਤਾਰ ਸੋਨਾ ਤਸਕਰਾਂ ਨੂੰ ਏਅਰਪੋਰਟ 'ਤੇ ਇਨਪੁਟਸ ਦੇ ਅਧਾਰ 'ਤੇ ਸਪੈਸ਼ਲ ਚੈਕਿੰਗ ਦੌਰਾਨ ਫੜ ਰਹੀ ਹੈ। ਬੁੱਧਵਾਰ ਨੂੰ ਚੇਨਈ ਹਵਾਈ ਅੱਡੇ 'ਤੇ 1 ਕਿਲੋ 19 ਗ੍ਰਾਮ ਸੋਨੇ ਦੇ ਬਿਸਕੁੱਟ ਨਾਲ 2 ਵਿਅਕਤੀਆਂ ਨੇ ਫੜਿਆ, ਜਿਸ ਦੀ ਕੀਮਤ ਲਗਪਗ 60 ਲੱਖ ਸੀ। ਬੁੱਧਵਾਰ ਨੂੰ ਇੰਟੈਲੀਜੈਂਸ ਨੂੰ ਇਨਪੁੱਟ ਮਿਲੀ ਕਿ ਇੱਕ ਵਿਅਕਤੀ ਇੰਡੀਗੋ ਦੀ ਉਡਾਣ ਵਿੱਚ ਦੁਬਈ ਤੋਂ ਸੋਨਾ ਤਸਕਰੀ ਕਰ ਰਿਹਾ ਹੈ। ਉਡਾਣ ਨੂੰ ਵਿਸ਼ੇਸ਼ ਚੈਕਿੰਗ ਲਈ ਰੋਕਿਆ ਗਿਆ। ਤਲਾਸ਼ੀ ਦੌਰਾਨ ਜਹਾਜ਼ ਦੀ ਸੀਟ ਵਿੱਚ ਫੈਬਰਿਕ ਦਾ ਇੱਕ ਖਾਸ ਤੌਰ ‘ਤੇ ਤਿਆਰ ਕੀਤਾ ਗਿਆ ਥੈਲਾ ਬਣਾਇਆ ਗਿਆ ਸੀ ਤੇ ਇਸ ਨੂੰ ਸੀਟ ਦੇ ਇੱਕ ਪਾਈਪ ਵਿੱਚ ਇਸ ਤਰ੍ਹਾਂ ਫਿਟ ਕੀਤਾ ਗਿਆ ਸੀ ਕਿ ਕਿਸੇ ਲਈ ਵੀ ਇਸ ਨੂੰ ਫੜਣਾ ਆਸਾਨ ਨਹੀਂ ਸੀ।

ਜਦੋਂ ਉਹ ਥੈਲਾ ਸੀਟ ਤੋਂ ਹਟਾ ਦਿੱਤਾ ਗਿਆ ਤਾਂ 6 ਸੋਨੇ ਦੇ ਬਿਸਕੁਟ ਜਿਨ੍ਹਾਂ ਚੋਂ ਸੋਨਾ ਲਗਪਗ 1 ਕਿਲੋ ਸੀ, ਇਹ 24 ਕੈਰਟ ਸ਼ੁੱਧ ਸੋਨਾ ਸੀ। ਇਸ ਸੋਨੇ ਦੀ ਕੀਮਤ 50 ਲੱਖ ਰੁਪਏ ਸੀ।

ਇਸੇ ਤਰ੍ਹਾਂ ਏਅਰ ਕਸਟਮ ਨੇ 30 ਸਾਲਾ ਵਿਵੇਕ ਮਨੋਕਰਨ ਨੂੰ ਚੇਨਈ ਏਅਰਪੋਰਟ ‘ਤੇ ਇੱਕ ਸ਼ੱਕੀ ਸਥਿਤੀ ‘ਚ ਫੜ ਲਿਆ। ਵਿਵੇਕ ਨੇ ਸੈਂਡਲ ਪਾਈ ਹੋਈ ਸੀ, ਜਿਸ 'ਤੇ ਅਧਿਕਾਰੀਆਂ ਨੂੰ ਸ਼ੱਕ ਹੋਇਆ ਕਿ ਉਸ ਵਿਚ ਸੋਨਾ ਲੁਕਾ ਕੇ ਲੈ ਆ ਰਿਹਾ ਸੀ। ਸ਼ੱਕ ਦਾ ਕਾਰਨ ਮਜ਼ਬੂਤ ਸੀ ਕਿਉਂਕਿ ਕੁਝ ਦਿਨ ਪਹਿਲਾਂ ਚੱਪਲਾਂ ਵਿੱਚ ਸੋਨਾ ਲੁੱਕਾ ਕੇ ਲਿਆਉਂਦੇ ਹੋਏ ਫੜਿਆ ਗਿਆ ਸੀ। ਵਿਵੇਕ ਦੁਬਈ ਦੀ ਫਲਾਈਟ 'ਤੇ ਵੀ ਏਅਰਪੋਰਟ 'ਤੇ ਉਤਰਿਆ ਸੀ। ਵਿਵੇਕ ਨੂੰ ਰੋਕਣ ਤੋਂ ਬਾਅਦ ਸੈਂਡਲ ਦੀ ਤਲਾਸ਼ੀ ਕੀਤੀ ਗਈ ਤਾਂ ਅਧਿਕਾਰੀ ਵੀ ਹੈਰਾਨ ਰਹਿ ਗਏ। ਸੈਂਡਲ ਦੀਆਂ ਸਟ੍ਰੈਪਸ ਵਿਚ ਸੈਲੋ ਟੇਪ ਨਾਲ ਚਿਪਕ ਕੇ ਸੋਨੇ ਨੂੰ ਛੋਟੇ ਟੁਕੜਿਆਂ ਵਿਚ ਛੁਪਿਆ ਹੋਇਆ ਸੀ। ਤਲਾਸ਼ੀ ਦੌਰਾਨ 4 ਸੋਨੇ ਦੇ ਬਿਸਕੁਟ ਮਿਲੇ। ਬਰਾਮਦ ਹੋਏ ਸੋਨੇ ਦੀ ਕੀਮਤ ਕਰੀਬ 10 ਲੱਖ ਰੁਪਏ ਹੈ। ਵਿਵੇਕ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਅਤੇ ਸੋਨਾ ਜ਼ਬਤ ਕੀਤਾ ਗਿਆ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904