5-Door Thar ਨੂੰ ਮਹਿੰਦਰਾ ਨੇ ਦਿੱਤਾ 'Thar Roxx' ਨਾਂ, 15 ਅਗਸਤ ਨੂੰ ਹੋਵੇਗੀ ਲਾਂਚ, VIDEO ਆਈ ਸਾਹਮਣੇ
Thar Roxx: ਰਿਲੀਜ਼ ਹੋਏ ਟੀਜ਼ਰ 'ਚ ਦੇਖਿਆ ਜਾ ਸਕਦਾ ਹੈ ਕਿ ਇਸ 'ਚ 3-ਡੋਰ ਥਾਰ ਦੇ ਮੁਕਾਬਲੇ ਕਈ ਵੱਡੇ ਡਿਜ਼ਾਈਨ ਅਪਡੇਟ ਦਿੱਤੇ ਗਏ ਹਨ।
Mahindra & Mahindra ਨੇ ਅਧਿਕਾਰਤ ਤੌਰ 'ਤੇ ਪੁਸ਼ਟੀ ਕੀਤੀ ਹੈ ਕਿ ਥਾਰ ਦੇ 5-ਦਰਵਾਜ਼ੇ ਵਾਲੇ ਸੰਸਕਰਣ ਨੂੰ ਥਾਰ ਰੌਕਸ (Thar Roxx) ਕਿਹਾ ਜਾਵੇਗਾ। ਘਰੇਲੂ ਨਿਰਮਾਤਾ ਦੁਆਰਾ ਸ਼ੇਅਰ ਕੀਤੇ ਗਏ ਨਵੇਂ ਟੀਜ਼ਰ ਵਿੱਚ ਆਉਣ ਵਾਲੀ 5-ਡੋਰ SUV ਦੀ ਪਹਿਲੀ ਝਲਕ ਵੀ ਦੇਖੀ ਗਈ ਹੈ।
Launch Date ਦੀ ਕੀਤੀ ਗਈ ਪੁਸ਼ਟੀ
ਕੰਪਨੀ ਨੇ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਹੈ ਕਿ ਮਹਿੰਦਰਾ ਥਾਰ ਰੌਕਸ 15 ਅਗਸਤ 2024 ਨੂੰ ਭਾਰਤੀ ਬਾਜ਼ਾਰ ਵਿਚ ਐਂਟਰੀ ਕਰਨ ਜਾ ਰਹੀ ਹੈ। ਜਿਵੇਂ ਕਿ ਇਹ ਪਹਿਲਾਂ ਹੀ ਖਬਰਾਂ ਵਿੱਚ ਸੀ ਕਿ ਮਹਿੰਦਰਾ ਸੁਤੰਤਰਤਾ ਦਿਵਸ 'ਤੇ ਥਾਰ ਰੌਕਸ ਪੇਸ਼ ਕਰੇਗੀ, ਕੰਪਨੀ ਨੇ ਪਹਿਲਾਂ ਵਾਲੀ ਥਾਰ ਨਾਲ ਵੀ ਅਜਿਹਾ ਹੀ ਕੀਤਾ ਸੀ ।
ਡਿਜ਼ਾਈਨ ਅਤੇ ਮਾਪ
ਰਿਲੀਜ਼ ਹੋਏ ਟੀਜ਼ਰ 'ਚ ਦੇਖਿਆ ਜਾ ਸਕਦਾ ਹੈ ਕਿ ਇਸ 'ਚ 3-ਡੋਰ ਥਾਰ ਦੇ ਮੁਕਾਬਲੇ ਕਈ ਵੱਡੇ ਡਿਜ਼ਾਈਨ ਅਪਡੇਟ ਦਿੱਤੇ ਗਏ ਹਨ। ਕਾਰ ਦੇ ਅਗਲੇ ਹਿੱਸੇ ਵਿੱਚ ਸਰਕੂਲਰ LED ਹੈੱਡਲੈਂਪਸ ਅਤੇ ਏਕੀਕ੍ਰਿਤ LED ਡੇ-ਟਾਈਮ ਰਨਿੰਗ ਲਾਈਟਾਂ ਦੇ ਨਾਲ ਇੱਕ ਅਪਡੇਟ ਕੀਤਾ ਗ੍ਰਿਲ ਸੈਕਸ਼ਨ ਸ਼ਾਮਲ ਹੈ।
ਦੂਜੇ ਪਾਸੇ, ਤੁਸੀਂ ਨਵੇਂ ਡਿਜ਼ਾਈਨ ਦੇ ਅਲਾਏ ਵ੍ਹੀਲ, ਪਿਛਲੇ ਫੈਂਡਰ ਦੇ ਬਿਲਕੁਲ ਉੱਪਰ 4×4 ਬੈਜਿੰਗ, ਕਾਲੇ ਰੰਗ ਵਿੱਚ ਵ੍ਹੀਲ ਆਰਚ ਕਲੈਡਿੰਗ ਅਤੇ ਸੀ-ਆਕਾਰ ਦੇ LED ਟੇਲ ਲੈਂਪ ਦੇਖ ਸਕਦੇ ਹੋ। ਮਹਿੰਦਰਾ ਥਾਰ ਰੌਕਸ ਦਾ ਵ੍ਹੀਲਬੇਸ ਮੌਜੂਦਾ ਥਾਰ ਨਾਲੋਂ ਲੰਬਾ ਹੋਵੇਗਾ ਅਤੇ ਇਸ ਦੀ ਸਮੁੱਚੀ ਸ਼ੇਪ ਵੀ ਭਾਰੀ ਹੋਣ ਵਾਲੀ ਹੈ। ਵਧੀਆ ਬੂਟ ਸਪੇਸ ਦੇ ਨਾਲ ਇਸ ਦੇ ਪਿਛਲੇ ਦਰਵਾਜ਼ੇ ਵੀ ਵੱਡੇ ਬਣਾਏ ਜਾਣਗੇ।
ਇੰਟੀਰੀਅਰ ਅਤੇ ਫ਼ੀਚਰ
ਤਸਵੀਰਾਂ 'ਚ ਦੇਖਿਆ ਜਾ ਸਕਦਾ ਹੈ ਕਿ ਮਹਿੰਦਰਾ ਥਾਰ ਰੌਕਸ 'ਚ ਪਹਿਲਾਂ ਵਾਲੀ ਥਾਰ ਦੀ ਧੱਕ ਨੂੰ ਬਰਕਰਾਰ ਰੱਖਿਆ ਗਿਆ ਹੈ। 5-ਦਰਵਾਜ਼ੇ ਵਾਲੀ ਮਹਿੰਦਰਾ ਥਾਰ ਇੱਕ ਡਿਊਲ ਪੈਨ ਸਨਰੂਫ ਅਤੇ ਇੱਕ ਨਵੀਂ ਇੰਟੀਰੀਅਰ ਥੀਮ ਦੇ ਨਾਲ ਆਵੇਗੀ, ਜਿਸ ਵਿੱਚ 10.25-ਇੰਚ ਫਲੋਟਿੰਗ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ ਅਤੇ ਇੱਕ ਆਲ-ਡਿਜੀਟਲ ਇੰਸਟਰੂਮੈਂਟ ਕੰਸੋਲ ਸਮੇਤ ਕਈ ਹੋਰ ਪ੍ਰੀਮੀਅਮ ਵਿਸ਼ੇਸ਼ਤਾਵਾਂ ਸ਼ਾਮਲ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
