Fortuner ਦੀ ਕੀਮਤ ‘ਚ ਖਰੀਦੋ BMW ਦੀਆਂ ਆਹ ਲਗਜ਼ਰੀ ਕਾਰਾਂ, ਫੀਚਰਸ ਅਤੇ ਡਿਜ਼ਾਈਨ ਦੇਖ ਕੇ ਰਹਿ ਜਾਓਗੇ ਹੈਰਾਨ
BMW Cars In India: ਕੁਝ BMW ਕਾਰਾਂ ਭਾਰਤ ਵਿੱਚ ਹੀ ਅਸੈਂਬਲ ਕੀਤੀਆਂ ਜਾਂਦੀਆਂ ਹਨ, ਜਦੋਂ ਕਿ ਕੁਝ ਪੂਰੀ ਤਰ੍ਹਾਂ ਇਮਪੋਰਟ ਕੀਤੀਆਂ ਜਾਂਦੀਆਂ ਹਨ। BMW X1 ਦੀ ਸ਼ੁਰੂਆਤੀ ਕੀਮਤ 50 ਲੱਖ ਰੁਪਏ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ
BMW Cars In India: ਜੇਕਰ ਤੁਸੀਂ 45 ਲੱਖ ਰੁਪਏ ਤੋਂ ਲੈਕੇ 65 ਲੱਖ ਰੁਪਏ ਦੇ ਬਜਟ ਵਿੱਚ ਇੱਕ ਆਲੀਸ਼ਾਨ, ਪ੍ਰੀਮੀਅਮ ਅਤੇ ਦਮਦਾਰ ਕਾਰ ਖਰੀਦਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਆਪਣੇ ਆਪ ਨੂੰ ਸਿਰਫ਼ ਟੋਇਟਾ ਫਾਰਚੂਨਰ ਤੱਕ ਸੀਮਤ ਰੱਖਣ ਦੀ ਲੋੜ ਨਹੀਂ ਹੈ। ਇਸ ਬਜਟ ਵਿੱਚ, ਤੁਸੀਂ ਜਰਮਨ ਲਗਜ਼ਰੀ ਕਾਰ ਨਿਰਮਾਤਾ BMW ਦੀ ਕਈ ਸ਼ਾਨਦਾਰ ਕਾਰਾਂ ਖਰੀਦ ਸਕਦੇ ਹੋ।
ਦਰਅਸਲ, BMW ਭਾਰਤ ਵਿੱਚ ਕੁੱਲ 22 ਮਾਡਲ ਪੇਸ਼ ਕਰਦਾ ਹੈ, ਜਿਨ੍ਹਾਂ ਵਿੱਚੋਂ ਕੁਝ ਦੀ ਕੀਮਤ ਫਾਰਚੂਨਰ ਦੀ ਸ਼ੁਰੂਆਤੀ ਕੀਮਤ ਤੋਂ ਵੀ ਘੱਟ ਹੈ। ਆਓ ਅਸੀਂ ਤੁਹਾਨੂੰ ਫਾਰਚੂਨਰ ਦੇ ਬਜਟ ਵਿੱਚ BMW ਦੀਆਂ 4 ਟਾਪ ਦੀਆਂ SUV ਕਾਰਾਂ ਬਾਰੇ ਦੱਸਦੇ ਹਾਂ।
ਫਾਰਚੂਨਰ ਦੇ ਬਜਟ ਵਿੱਚ BMW ਦੀਆਂ ਟਾਪ ਕਾਰਾਂ
BMW 2 Series Gran Coupé ਦੀ ਸ਼ੁਰੂਆਤੀ ਐਕਸ-ਸ਼ੋਅਰੂਮ ਕੀਮਤ 44.40 ਲੱਖ ਰੁਪਏ ਹੈ। ਇਹ ਕਾਰ ਪੈਟਰੋਲ ਅਤੇ ਡੀਜ਼ਲ ਦੋਵਾਂ ਇੰਜਣ ਵਿਕਲਪਾਂ ਦੇ ਨਾਲ ਮਿਲਦੀ ਹੈ। ਇਸ ਦੀ ਬਾਡੀ ਸਟਾਈਲ ਕੂਪੇ ਹੈ ਅਤੇ ਇਸ ਵਿੱਚ ਸਪੋਰਟੀ ਲੁੱਕ, ਸ਼ਾਨਦਾਰ ਪਰਫਾਰਮੈਂਸ ਅਤੇ ਪ੍ਰੀਮੀਅਮ ਇੰਟੀਰੀਅਰ ਵਰਗੀਆਂ ਖੂਬੀਆਂ ਮਿਲਦੀਆਂ ਹਨ। ਇਸ ਕਾਰ ਨੂੰ ਖਾਸ ਕਰਕੇ ਨੌਜਵਾਨ ਅਤੇ ਸ਼ਹਿਰੀ ਗਾਹਰ ਖਰੀਦਦੇ ਹਨ।
BMW X1
BMW X1 ਇੱਕ ਕਾਮਪੈਕਟ SUV ਹੈ ਜਿਸਦੀ ਸ਼ੁਰੂਆਤੀ ਕੀਮਤ 50.80 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ। ਇਹ ਵੀ ਪੈਟਰੋਲ ਅਤੇ ਡੀਜ਼ਲ ਇੰਜਣ ਦੋਵਾਂ ਵਿਕਲਪਾਂ ਵਿੱਚ ਉਪਲਬਧ ਹੈ। ਇਸ ਵਿੱਚ ਵੱਡੀ ਬੂਟ ਸਪੇਸ, ADAS ਸੇਫਟੀ ਫੀਚਰਸ ਅਤੇ ਪੈਨੋਰਾਮਿਕ ਸਨਰੂਫ ਵਰਗੀਆਂ ਪ੍ਰੀਮੀਅਮ ਵਿਸ਼ੇਸ਼ਤਾਵਾਂ ਹਨ। ਇਹ ਕਾਰ ਉਨ੍ਹਾਂ ਲਈ ਇੱਕ ਵਧੀਆ ਆਪਸ਼ਨ ਹੈ ਜੋ SUV ਦੀ ਮਜਬੂਤੀ ਅਤੇ BMW ਦੀ ਲਗਜ਼ਰੀ ਦਾ ਕਾਮਬੀਨੇਸ਼ਨ ਚਾਹੁੰਦੇ ਹਨ।
BMW 3 Series Sedan
BMW 3 Series Sedan ਦੀ ਸ਼ੁਰੂਆਤੀ ਕੀਮਤ 62.00 ਲੱਖ ਰੁਪਏ ਹੈ। ਇਹ ਇੱਕ ਪਰਫਾਰਮੈਂਸ-ਆਰੀਐਂਟਿਡ ਸੇਡਾਨ ਹੈ ਜੋ ਪੈਟਰੋਲ ਅਤੇ ਡੀਜ਼ਲ ਦੋਵਾਂ ਰੂਪਾਂ ਵਿੱਚ ਆਉਂਦੀ ਹੈ। ਇਸ ਕਾਰ ਦਾ ਡਿਜ਼ਾਈਨ ਡਰਾਈਵਰ-ਫੋਕਸਡ ਕੈਬਿਨ, ਸਮਾਰਟ ਕਨੈਕਟੀਵਿਟੀ ਅਤੇ ਬਿਹਤਰੀਨ ਪਰਫਾਰਮੈਂਸ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। ਇਹ ਉਨ੍ਹਾਂ ਲਈ ਆਦਰਸ਼ ਹੈ ਜੋ ਸਪੋਰਟੀ ਰਾਈਡ ਦੇ ਨਾਲ ਪ੍ਰੀਮੀਅਮ ਫੀਲ ਚਾਹੁੰਦੇ ਹਨ।
BMW 3 Series Gran Limousine
BMW 3 Series Gran Limousine ਵੀ 62.00 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੀ ਸ਼ੁਰੂਆਤੀ ਕੀਮਤ 'ਤੇ ਉਪਲਬਧ ਹੈ। ਇਹ ਇੱਕ ਲੰਬੀ ਵ੍ਹੀਲਬੇਸ ਸੇਡਾਨ ਹੈ ਜੋ ਪੈਟਰੋਲ ਅਤੇ ਡੀਜ਼ਲ ਦੋਵਾਂ ਇੰਜਣ ਵਿਕਲਪਾਂ ਦੇ ਨਾਲ ਉਪਲਬਧ ਹੈ। ਇਸ ਵਿੱਚ ਐਕਸਟ੍ਰਾ ਲੈਗ ਸਪੇਸ, ਸ਼ਾਨਦਾਰ ਰੀਅਰ ਸੀਟ ਕੰਫਰਟ ਅਤੇ ਪ੍ਰੀਮੀਅਮ ਇੰਟੀਰੀਅਰ ਫਿਨਿਸ਼ ਹੈ। ਭਾਵੇਂ ਇਹ ਇੱਕ ਰਵਾਇਤੀ ਲਿਮੋਜ਼ਿਨ ਜਿੰਨੀ ਲੰਬੀ ਨਹੀਂ ਹੈ, ਪਰ ਇਸਦੀ ਰਾਈਡ ਕੁਆਲਿਟੀ ਕਿਸੇ ਵੀ ਲਗਜ਼ਰੀ ਸੇਡਾਨ ਤੋਂ ਘੱਟ ਨਹੀਂ ਹੈ।
ਕੀ ਹੈ ਵੱਡਾ ਫਰਕ?
ਜਦੋਂ ਕਿ Toyota Fortuner ਇੱਕ ਵੱਡੀ ਅਤੇ ਮਜ਼ਬੂਤ ਬਾਡੀ-ਆਨ-ਫ੍ਰੇਮ SUV ਹੈ, BMW ਕਾਰਾਂ ਆਪਣੇ ਪ੍ਰੀਮੀਅਮ ਸਟਾਈਲਿੰਗ, ਐਡਵਾਂਸ ਤਕਨਾਲੌਜੀ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਡਰਾਈਵ ਲਈ ਜਾਣੀਆਂ ਜਾਂਦੀਆਂ ਹਨ। ਫਾਰਚੂਨਰ ਦਾ ਸਭ ਤੋਂ ਵੱਡਾ ਫਾਇਦਾ ਇਸਦੀ ਮਜ਼ਬੂਤੀ ਅਤੇ ਆਫ-ਰੋਡਿੰਗ ਸਮਰੱਥਾ ਹੈ, ਜੋ ਕਿ ਮੁਸ਼ਕਲ ਸੜਕਾਂ ਅਤੇ ਲੰਬੀਆਂ ਯਾਤਰਾਵਾਂ ਲਈ ਬਿਹਤਰ ਹੈ। ਇਸ ਦੇ ਨਾਲ ਹੀ, BMW ਕਾਰਾਂ ਸ਼ਹਿਰ ਦੀਆਂ ਸੜਕਾਂ 'ਤੇ ਸਮੂਦ ਰਾਈਡਿੰਗ, ਤੇਜ਼ ਰਫਤਾਰ, ਹਾਈ ਕਲਾਸ ਲੁੱਕ ਅਤੇ ਬ੍ਰਾਂਡ ਵੈਲਿਊ ਦਿੰਦੀ ਹੈ। ਜੇਕਰ ਤੁਸੀਂ ਜ਼ਿਆਦਾਤਰ ਸ਼ਹਿਰ ਵਿੱਚ ਗੱਡੀ ਚਲਾਉਂਦੇ ਹੋ ਤਾਂ ਤੁਹਾਨੂੰ ਲਗਜ਼ਰੀ, ਤਕਨਾਲੋਜੀ ਅਤੇ ਪ੍ਰੀਮੀਅਮ ਸਟੇਟਸ ਨੂੰ ਤਰਜੀਹ ਦੇਣੀ ਚਾਹੀਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
