ਮਹਿੰਗੇ ਪੈਟਰੋਲ-ਡੀਜ਼ਲ ਦੀ ਛੁੱਟੀ! ਹੁਣ ਹਾਈਡ੍ਰੋਜਨ ਨਾਲ ਭੱਜਣੀਆਂ ਕਾਰਾਂ, Renault ਜਲਦ ਲਾਂਚ ਕਰੇਗੀ ਪਹਿਲੀ ਹਾਈਡ੍ਰੋਜਨ ਕਾਰ
ਦੁਨੀਆ ਦੀਆਂ ਵੱਡੀਆਂ ਕੰਪਨੀਆਂ, ਟੋਇਟਾ, ਹੁੰਡਈ ਤੇ ਨਿਕੋਲਾ ਵਰਗੀਆਂ ਕੰਪਨੀਆਂ ਇਸ ਫਿਊਲ ਸੇਲ ਤੋਂ ਚੱਲਣ ਵਾਲੀਆਂ ਗੱਡੀਆਂ ਬਣਾ ਰਹੀਆਂ ਹਨ। ਇਸ ਦੇ ਨਾਲ ਹੀ ਕਈ ਸਟਾਰਟ-ਅੱਪ ਕੰਪਨੀਆਂ ਵੀ ਇਸ ਕੰਮ ਨਾਲ ਜੁੜ ਗਈਆਂ ਹਨ।
ਨਵੀਂ ਦਿੱਲੀ: ਆਟੋਮੋਬਾਈਲ ਕੰਪਨੀਆਂ ਤਕਨਾਲੋਜੀ ਦੇ ਮਾਮਲੇ ਵਿੱਚ ਤੇਜ਼ੀ ਨਾਲ ਵਧ ਰਹੀਆਂ ਹਨ। ਪੈਟਰੋਲ, ਡੀਜ਼ਲ, ਸੀਐਨਜੀ ਤੇ ਐਲਪੀਜੀ ਤੋਂ ਬਾਅਦ ਇਹ ਸੈਮੀ ਹਾਈਬ੍ਰਿਡ ਤੇ ਪੂਰੀ ਤਰ੍ਹਾਂ ਹਾਈਬ੍ਰਿਡ ਵਾਹਨ ਬਣਾ ਕੇ ਲੋਕਾਂ ਨੂੰ ਆਕਰਸ਼ਿਤ ਕਰ ਰਹੇ ਹਨ। ਹੁਣ ਆਟੋਮੋਬਾਈਲ ਕੰਪਨੀਆਂ ਨੈਕਸਟ ਫਿਊਲ ਸੈੱਲ (ਹਾਈਡ੍ਰੋਜਨ ਪਾਵਰ ਫਿਊਲ) ਨਾਲ ਚੱਲਣ ਵਾਲੇ ਵਾਹਨਾਂ ਨੂੰ ਪੇਸ਼ ਕਰ ਰਹੀਆਂ ਹਨ।
ਦੁਨੀਆ ਦੀਆਂ ਵੱਡੀਆਂ ਕੰਪਨੀਆਂ, ਟੋਇਟਾ, ਹੁੰਡਈ ਤੇ ਨਿਕੋਲਾ ਵਰਗੀਆਂ ਕੰਪਨੀਆਂ ਇਸ ਫਿਊਲ ਸੇਲ ਤੋਂ ਚੱਲਣ ਵਾਲੀਆਂ ਗੱਡੀਆਂ ਬਣਾ ਰਹੀਆਂ ਹਨ। ਇਸ ਦੇ ਨਾਲ ਹੀ ਕਈ ਸਟਾਰਟ-ਅੱਪ ਕੰਪਨੀਆਂ ਵੀ ਇਸ ਕੰਮ ਨਾਲ ਜੁੜ ਗਈਆਂ ਹਨ। ਫਰਾਂਸ ਦੀ ਕਾਰ ਨਿਰਮਾਤਾ ਕੰਪਨੀ ਰੇਨੋ ਨੇ ਨਵੀਂ ਹਾਈਡ੍ਰੋਜਨ ਨਾਲ ਚੱਲਣ ਵਾਲੀ ਕਾਰ ਦੀ ਟੀਜ਼ਰ ਫੋਟੋ ਪੋਸਟ ਕੀਤੀ ਹੈ। Renault ਇਸ ਕਾਰ ਨੂੰ ਬਹੁਤ ਜਲਦ ਪੇਸ਼ ਕਰ ਸਕਦੀ ਹੈ।
ਜੀ ਹਾਂ, ਬਹੁਤ ਜਲਦ ਕਾਰ ਨਿਰਮਾਤਾ ਕੰਪਨੀ Renault ਹਾਈਡ੍ਰੋਜਨ ਨਾਲ ਚੱਲਣ ਵਾਲੀ ਕਾਰ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਨੇ ਇਸ ਨਵੀਂ ਕੰਸੈਪਟ ਕਾਰ ਦੀ ਫੋਟੋ ਵੀ ਪੋਸਟ ਕੀਤੀ ਹੈ। ਕਾਰ ਨਿਰਮਾਤਾ ਇਸ ਕਾਰ ਨੂੰ ਮਈ 2022 'ਚ ਪੇਸ਼ ਕਰ ਸਕਦਾ ਹੈ। ਕਾਰਬਨ ਨਿਕਾਸ ਨੂੰ ਘਟਾਉਣ ਦੀ ਦਿਸ਼ਾ ਵਿੱਚ ਇਹ ਇੱਕ ਬਹੁਤ ਵਧੀਆ ਕੰਮ ਹੈ। ਇਹ ਕੰਸੈਪਟ ਕਾਰ ਹਾਈਡ੍ਰੋਜਨ ਕਾਰਾਂ ਵਿੱਚ ਰੇਨੋ ਦੀ ਪਹਿਲੀ ਪਰੀਖਿਆ ਹੈ।
ਪੈਟਰੋਲੀਅਮ ਆਧਾਰਤ ਕਾਰਾਂ ਬੰਦ ਹੋ ਜਾਣਗੀਆਂ
Renault ਨੇ ਹਾਈਡ੍ਰੋਜਨ ਆਧਾਰਿਤ ਵਾਹਨਾਂ 'ਚ ਧਮਾਲ ਕਰਨ ਦੇ ਆਪਣੇ ਇਰਾਦੇ ਦਾ ਖੁਲਾਸਾ ਕੀਤਾ ਹੈ। ਆਪਣੀ ਨਵੀਂ ਯੋਜਨਾ ਦੇ ਹਿੱਸੇ ਵਜੋਂ, Renault ਦਾ ਉਦੇਸ਼ ਪੈਟਰੋਲ ਜਾਂ ਡੀਜ਼ਲ 'ਤੇ ਚੱਲਣ ਵਾਲੇ ICE ਮਾਡਲਾਂ ਦੀ ਗਿਣਤੀ ਨੂੰ ਘਟਾਉਣਾ ਹੈ।
ਆਉਣ ਵਾਲੀ ਹਾਈਡ੍ਰੋਜਨ ਕਾਰ ਦਾ ਟੀਜ਼ਰ ਜਾਰੀ ਕਰਦੇ ਹੋਏ, ਰੇਨੋ ਨੇ ਕਿਹਾ ਕਿ ਇਹ ਵਿਲੱਖਣ ਹਾਈਡ੍ਰੋਜਨ-ਸੰਚਾਲਿਤ ਵਾਹਨ ਰੇਨੌਲਟ ਗਰੁੱਪ ਅਤੇ ਰੇਨੋ ਬ੍ਰਾਂਡ ਦੀ ਡੀਕਾਰਬੋਨਾਈਜ਼ੇਸ਼ਨ ਵੱਲ ਯਾਤਰਾ ਦੇ ਨਾਲ-ਨਾਲ ਸਰਕੂਲਰ ਅਰਥਵਿਵਸਥਾ ਤੇ ਰੀਸਾਈਕਲ ਤੇ ਰੀਸਾਈਕਲ ਕੀਤੇ ਜਾਣ ਵਾਲੇ ਪਦਾਰਥਾਂ ਦੀ ਵਰਤੋਂ ਵਿੱਚ ਉਨ੍ਹਾਂ ਦੀ ਤਰੱਕੀ ਨੂੰ ਦਰਸਾਉਂਦਾ ਹੈ।
ਇਲੈਕਟ੍ਰਿਕ ਕਾਰਾਂ ਲਾਂਚ ਕਰਨ ਦੀ ਯੋਜਨਾ
ਹਾਈਡ੍ਰੋਜਨ ਕਾਰਾਂ ਤੋਂ ਇਲਾਵਾ ਕੰਪਨੀ ਦਾ ਇਕ ਹੋਰ ਪਲਾਨ ਹੈ। Renault 2035 ਤੱਕ ICE ਵਾਹਨਾਂ ਨੂੰ ਪੜਾਅਵਾਰ ਖਤਮ ਕਰਨ ਦੀ EU ਦੀ ਰਣਨੀਤੀ ਦੇ ਅਨੁਸਾਰ, 2030 ਤੱਕ ਆਪਣੀ ਪੂਰੀ ਲਾਈਨਅੱਪ ਨੂੰ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਵਿੱਚ ਬਦਲਣ ਦੀ ਯੋਜਨਾ ਬਣਾ ਰਿਹਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
