ਟਾਟਾ ਨੈਕਸਨ ਬਣੀ ਦੇਸ਼ 'ਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੀ ਇਲੈਕਟ੍ਰਿਕ ਕਾਰ, ਵੇਖੋ ਇਸ ਤੋਂ ਬਾਅਦ ਕਿਸ ਨੇ ਮਾਰੀ ਬਾਜ਼ੀ

ਅਗਸਤ ਮਹੀਨੇ ਵਿੱਚ ਟਾਟਾ ਨੈਕਸਨ ਦੀਆਂ 296 ਯੂਨਿਟ ਵੇਚੀਆਂ ਗਈਆਂ। ਇਸ ਦੇ ਨਾਲ ਹੀ ਜੁਲਾਈ ਵਿੱਚ ਇਸ ਕਾਰ ਦੀਆਂ 286 ਇਕਾਈਆਂ ਵਿਕੀਆਂ। ਐਮਜੀ ਮੋਟਰ ਦਾ ਐਮਜੀ ਜ਼ੈਡਐਸ ਈਵੀ ਇਸ ਸੂਚੀ ਵਿੱਚ ਦੂਜੇ ਨੰਬਰ 'ਤੇ ਹੈ।

ਨਵੀਂ ਦਿੱਲੀ: ਪੈਟਰੋਲ ਤੇ ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਦੇ ਮੱਦੇਨਜ਼ਰ ਦੇਸ਼ ਵਿੱਚ ਹੁਣ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਵਧਦੀ ਜਾ ਰਹੀ ਹੈ। ਇਸ ਮੰਗ ਦੇ ਮੱਦੇਨਜ਼ਰ ਕਾਰ ਕੰਪਨੀਆਂ ਨਵੀਆਂ ਇਲੈਕਟ੍ਰਿਕ ਕਾਰਾਂ ਨੂੰ ਬਾਜ਼ਾਰ ਵਿੱਚ ਲਿਆ ਰਹੀਆਂ ਹਨ। ਇਸ ਸਭ ਦੇ ਵਿਚਾਲੇ ਟਾਟਾ ਨੇ ਭਾਰਤੀ ਬਾਜ਼ਾਰ ਵਿੱਚ ਨੈਕਸਨ ਇਲੈਕਟ੍ਰਿਕ ਕਾਰ ਵੀ ਲਾਂਚ ਕੀਤੀ ਜਿਸ ਨੂੰ ਲੋਕਾਂ ਦਾ ਬਹੁਤ ਪਿਆਰ ਮਿਲ ਰਿਹਾ ਹੈ। ਅਗਸਤ ਮਹੀਨੇ ਵਿੱਚ ਇਹ ਕਾਰ ਭਾਰਤ ਵਿੱਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੀ ਇਲੈਕਟ੍ਰਿਕ ਕਾਰ ਬਣ ਗਈ ਹੈ। ਸਭ ਤੋਂ ਵਧੀਆ ਵੇਚਣ ਵਾਲੀ ਕਾਰ ਬਣੀ: ਟਾਟਾ ਨੈਕਸਨ ਭਾਰਤ ਵਿਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੀ ਇਲੈਕਟ੍ਰਿਕ ਐਸਯੂਵੀ ਰਹੀ। ਪਿਛਲੇ ਮਹੀਨੇ ਇਸ ਕਾਰ ਦੇ 296 ਯੂਨਿਟ ਵਿਕ ਚੁੱਕੇ ਹਨ। ਇਸ ਦੇ ਨਾਲ ਹੀ ਜੁਲਾਈ ਵਿੱਚ ਇਸ ਕਾਰ ਦੀਆਂ 286 ਇਕਾਈਆਂ ਵਿਕੀਆਂ। ਟਾਟਾ ਦੀ ਇਸ ਕਾਰ ਤੋਂ ਬਾਅਦ ਐਮਜੀ ਜ਼ੈਡਐਸ ਈਵੀ ਭਾਰਤ ਵਿੱਚ ਦੂਜੀ ਸਭ ਤੋਂ ਜ਼ਿਆਦਾ ਵਿਕਣ ਵਾਲੀ ਇਲੈਕਟ੍ਰਿਕ ਕਾਰ ਬਣ ਗਈ। ਦੱਸ ਦਈਏ ਕਿ ਅਗਸਤ ਵਿੱਚ ਐਮਜੀ ਦੀ ਕਾਰ ਨੇ 119 ਯੂਨਿਟ ਵੇਚੀਆਂ ਤੇ ਜੁਲਾਈ ਵਿੱਚ ਇਸ ਕਾਰ ਦੀਆਂ 85 ਇਕਾਈਆਂ ਵਿਕੀਆਂ। ਇਸ ਦੇ ਨਾਲ ਹੀ ਹੁੰਡਈ ਕੋਨਾ ਇਲੈਕਟ੍ਰਿਕ ਕਾਰਾਂ ਦੀ ਵਿਕਰੀ ਦੀ ਇਸ ਸੂਚੀ ਵਿੱਚ ਤੀਜੇ ਸਥਾਨ 'ਤੇ ਹੈ। ਇਸ ਕਾਰ ਦੇ ਸਿਰਫ 26 ਯੂਨਿਟ ਹੀ ਅਗਸਤ ਵਿੱਚ ਵੇਚੇ ਗਏ। ਉਧਰ, ਕੋਨਾ ਦੀਆਂ ਸਿਰਫ 25 ਯੂਨਿਟ ਇਸ ਸਾਲ ਜੁਲਾਈ ਵਿੱਚ ਵਿਕੀਆਂ। ਇਨ੍ਹਾਂ ਤੋਂ ਇਲਾਵਾ ਟਾਟਾ ਦਾ ਟਾਈਗੋਰ ਇਸ ਸੂਚੀ ਵਿੱਚ ਚੌਥੇ ਨੰਬਰ 'ਤੇ ਰਹੀ। ਟਾਈਗੋਰ ਦੀ ਸਿਰਫ 9 ਯੂਨਿਟ ਹੀ ਅਗਸਤ ਵਿੱਚ ਵੇਚੀਆਂ ਗਈਆਂ। ਜੁਲਾਈ ਦੀ ਗੱਲ ਕਰੀਏ ਤਾਂ ਟਾਈਗੋਰ ਦੀਆਂ 24 ਯੂਨਿਟ ਜੁਲਾਈ ਵਿੱਚ ਵੇਚੀਆਂ ਗਈਆਂ। ਉਧਰ, ਵਰਟੀਗੋ ਇਸ ਸੂਚੀ ਵਿੱਚ ਪੰਜਵੇਂ ਨੰਬਰ 'ਤੇ ਰਹੀ, ਜਿਸ ਦੀ ਅਗਸਤ 'ਚ ਇੱਕ ਵੀ ਯੂਨਿਟ ਨਹੀਂ ਵਿੱਕੀ ਪਰ ਜੁਲਾਈ ਵਿੱਚ ਇਸ ਕਾਰ ਦੀਆਂ 6 ਯੂਨਿਟ ਵੇਚਿਆ ਗਿਆ ਸੀ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904