ਕਿੰਨੇ ਦਾ ਹੈ Mahindra Thar Roxx ਦੇ ਹਰੇਕ ਵੇਰੀਐਂਟ, ਕੰਪਨੀ ਨੇ ਕੀਤਾ ਕੀਮਤਾਂ ਦਾ ਐਲਾਨ
Mahindra Thar : ਤੁਹਾਨੂੰ ਦੱਸ ਦੇਈਏ ਕਿ ਮਹਿੰਦਰਾ ਥਾਰ 'ਚ 4x4 ਸਪੈਸੀਫਿਕੇਸ਼ਨ ਸਿਰਫ ਡੀਜ਼ਲ ਵੇਰੀਐਂਟ 'ਚ ਦਿੱਤਾ ਗਿਆ ਹੈ। 4x4 ਦਾ ਮਤਲਬ ਹੈ ਕਿ ਕਾਰ ਦੇ ਸਾਰੇ ਪਹੀਆਂ 'ਤੇ ਪਾਵਰ ਡਿਲੀਵਰ ਕੀਤੀ ਜਾ ਰਹੀ ਹੈ ਤੇ ...
ਮਹਿੰਦਰਾ ਨੇ ਹਾਲ ਹੀ ਵਿੱਚ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਨਵੀਂ 5-ਦਰਵਾਜ਼ੇ ਵਾਲੀ SUV Thar Roxx ਨੂੰ ਲਾਂਚ ਕੀਤਾ ਹੈ, ਜਿਸਦੀ ਆਫ-ਰੋਡਿੰਗ ਦੇ ਸ਼ੌਕੀਨਾਂ ਵਿੱਚ ਬਹੁਤ ਚਰਚਾ ਹੈ। ਇਹ SUV ਖਾਸ ਤੌਰ 'ਤੇ ਉਨ੍ਹਾਂ ਲਈ ਹੈ ਜੋ ਐਡਵੈਂਚਰ ਅਤੇ ਪਾਵਰਫੁੱਲ ਗੱਡੀਆਂ ਨੂੰ ਪਸੰਦ ਕਰਦੇ ਹਨ। ਹੁਣ ਕੰਪਨੀ ਨੇ ਆਪਣੇ ਸਾਰੇ ਵੇਰੀਐਂਟਸ ਦੀਆਂ ਕੀਮਤਾਂ ਵੀ ਜਾਰੀ ਕਰ ਦਿੱਤੀਆਂ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਮਹਿੰਦਰਾ ਥਾਰ 'ਚ 4x4 ਸਪੈਸੀਫਿਕੇਸ਼ਨ ਸਿਰਫ ਡੀਜ਼ਲ ਵੇਰੀਐਂਟ 'ਚ ਦਿੱਤਾ ਗਿਆ ਹੈ। 4x4 ਦਾ ਮਤਲਬ ਹੈ ਕਿ ਕਾਰ ਦੇ ਸਾਰੇ ਪਹੀਆਂ 'ਤੇ ਪਾਵਰ ਡਿਲੀਵਰ ਕੀਤੀ ਜਾ ਰਹੀ ਹੈ ਅਤੇ ਅੱਗੇ ਜਾਣ ਲਈ ਇਹ ਅਗਲੇ 2 ਪਹੀਆਂ 'ਤੇ ਨਿਰਭਰ ਨਹੀਂ ਹੈ। ਸਾਰੇ 4 ਪਹੀਆਂ 'ਤੇ ਪਾਵਰ ਪਹੁੰਚਣ ਨਾਲ, ਕਾਰ ਆਫ-ਰੋਡਿੰਗ ਲਈ ਕਾਫੀ ਢੁਕਵੀਂ ਬਣ ਜਾਂਦੀ ਹੈ।
ਐਕਸ-ਸ਼ੋਰੂਮ ਕੀਮਤਾਂ ਕੀ ਹਨ?
ਮਹਿੰਦਰਾ ਥਾਰ ਰੌਕਸ MX5 MT - ₹18.79 ਲੱਖ
ਮਹਿੰਦਰਾ ਥਾਰ ਰੌਕਸ AX5L AT - ₹20.99 ਲੱਖ
ਮਹਿੰਦਰਾ ਥਾਰ ਰੌਕਸ AX7L MT - ₹20.99 ਲੱਖ
ਮਹਿੰਦਰਾ ਥਾਰ ਰੌਕਸ AX7L AT - ₹22.49 ਲੱਖ
ਕਾਰ ਸਪੇਸੀਫਿਕੇਸ਼ਨ
ਥਾਰ ਰੌਕਸ ਦਾ 4x4 ਮਾਡਲ 2.2-ਲੀਟਰ ਡੀਜ਼ਲ ਇੰਜਣ ਨਾਲ ਆਉਂਦਾ ਹੈ, ਜੋ 175 hp ਦੀ ਪਾਵਰ ਅਤੇ 370 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਹ 6-ਸਪੀਡ ਮੈਨੂਅਲ ਅਤੇ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦੋਵਾਂ ਵਿਕਲਪਾਂ ਵਿੱਚ ਪੇਸ਼ ਕੀਤਾ ਗਿਆ ਹੈ। ਇਸ ਵਾਹਨ ਵਿੱਚ ਮਹਿੰਦਰਾ ਦੇ 4XPLOR ਸਿਸਟਮ, ਇਲੈਕਟ੍ਰਾਨਿਕ ਲਾਕਿੰਗ ਡਿਫਰੈਂਸ਼ੀਅਲ ਅਤੇ "ਸਮਾਰਟ ਕ੍ਰੌਲ" ਵਰਗੀਆਂ ਵਿਸ਼ੇਸ਼ਤਾਵਾਂ ਪ੍ਰਦਾਨ ਕੀਤੀਆਂ ਗਈਆਂ ਹਨ, ਜੋ ਕਿ ਸਭ ਤੋਂ ਔਖੇ ਇਲਾਕਿਆਂ ਵਿੱਚ ਬਿਹਤਰ ਕੰਟਰੋਲ ਅਤੇ ਪ੍ਰਦਰਸ਼ਨ ਨੂੰ ਯਕੀਨੀ ਬਣਾਉਂਦੀਆਂ ਹਨ। ਇਸ ਤੋਂ ਇਲਾਵਾ ਇਸ 'ਚ ਤਿੰਨ ਤਰ੍ਹਾਂ ਦੇ ਟੈਰੇਨ ਮੋਡ (ਬਰਫ, ਰੇਤ ਅਤੇ ਚਿੱਕੜ) ਦਿੱਤੇ ਗਏ ਹਨ, ਜੋ ਇਸ ਨੂੰ ਵੱਖ-ਵੱਖ ਸਥਿਤੀਆਂ 'ਚ ਪ੍ਰਭਾਵਸ਼ਾਲੀ ਬਣਾਉਂਦੇ ਹਨ।
ਇਨ੍ਹਾਂ ਨਾਲ ਹੈ ਮੁਕਾਬਲਾ
ਇਹ ਗੱਡੀ ਫੋਰਸ ਗੋਰਖਾ ਅਤੇ ਮਾਰੂਤੀ ਜਿਮਨੀ ਵਰਗੀਆਂ SUV ਨਾਲ ਮੁਕਾਬਲਾ ਕਰਦੀ ਹੈ। ਇਸਦਾ ਡਿਜ਼ਾਈਨ ਅਤੇ ਵਿਸ਼ੇਸ਼ਤਾਵਾਂ ਇਸਨੂੰ ਨਾ ਸਿਰਫ਼ ਇੱਕ ਸਮਰੱਥ ਆਫ-ਰੋਡਰ ਬਣਾਉਂਦੀਆਂ ਹਨ, ਸਗੋਂ ਇੱਕ ਪ੍ਰੀਮੀਅਮ SUV ਦਾ ਅਨੁਭਵ ਵੀ ਪ੍ਰਦਾਨ ਕਰਦੀਆਂ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
