Mahindra New Electric SUV: ਪੂਰੇ ਚਾਰਜ 'ਤੇ 600km ਰੇਂਜ! ਮਹਿੰਦਰਾ ਦੀਆਂ 2 ਸਭ ਤੋਂ ਅਡਵਾਂਸ ਇਲੈਕਟ੍ਰਿਕ ਕਾਰਾਂ ਬਾਜ਼ਾਰ 'ਚ ਕਰਨਗੀਆਂ ਧਮਾਕਾ
Mahindra New Electric SUV: ਭਾਰਤ 'ਚ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਲਗਾਤਾਰ ਵਧ ਰਹੀ ਹੈ, ਜਿਸ ਕਾਰਨ ਹੁਣ ਕਾਰ ਕੰਪਨੀਆਂ ਨੇ ਵੀ ਨਵੇਂ ਮਾਡਲ ਬਾਜ਼ਾਰ 'ਚ ਪੇਸ਼ ਕਰਨੇ ਸ਼ੁਰੂ ਕਰ ਦਿੱਤੇ ਹਨ। ਹਰ ਬਜਟ ਅਤੇ ਲੋੜ ਨੂੰ ਧਿਆਨ ਵਿੱਚ
Mahindra New Electric SUV: ਭਾਰਤ 'ਚ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਲਗਾਤਾਰ ਵਧ ਰਹੀ ਹੈ, ਜਿਸ ਕਾਰਨ ਹੁਣ ਕਾਰ ਕੰਪਨੀਆਂ ਨੇ ਵੀ ਨਵੇਂ ਮਾਡਲ ਬਾਜ਼ਾਰ 'ਚ ਪੇਸ਼ ਕਰਨੇ ਸ਼ੁਰੂ ਕਰ ਦਿੱਤੇ ਹਨ। ਹਰ ਬਜਟ ਅਤੇ ਲੋੜ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਨਵੇਂ ਮਾਡਲ ਬਾਜ਼ਾਰ ਵਿੱਚ ਆ ਰਹੇ ਹਨ। ਦੇਸ਼ ਦੀ ਪ੍ਰਮੁੱਖ ਆਟੋਮੋਬਾਈਲ ਨਿਰਮਾਤਾ ਕੰਪਨੀ ਮਹਿੰਦਰਾ ਹੁਣ ਆਪਣੀਆਂ ਦੋ ਨਵੀਆਂ SUV ਲਾਂਚ ਕਰਨ ਜਾ ਰਹੀ ਹੈ। ਇਨ੍ਹਾਂ ਦੋਵਾਂ ਗੱਡੀਆਂ ਨੂੰ ਲੈ ਕੇ ਕਾਫੀ ਸਮੇਂ ਤੋਂ ਚਰਚਾ ਚੱਲ ਰਹੀ ਹੈ। ਆਓ ਜਾਣਦੇ ਹਾਂ ਕਿ ਇਹ ਨਵੇਂ ਮਾਡਲ ਕਿਹੜੀ ਰੇਂਜ ਅਤੇ ਫੀਚਰਸ ਦੇ ਨਾਲ ਆ ਰਹੇ ਹਨ ਅਤੇ ਇਨ੍ਹਾਂ ਦੀ ਕੀਮਤ ਕੀ ਹੋਵੇਗੀ।
ਦੋ ਨਵੀਆਂ SUV ਦੀ ਐਂਟਰੀ
ਮਹਿੰਦਰਾ ਅੱਜ ਭਾਰਤ 'ਚ ਦੋ ਨਵੀਆਂ ਇਲੈਕਟ੍ਰਿਕ SUV ਲਾਂਚ ਕਰਨ ਜਾ ਰਹੀ ਹੈ। ਇਹਨਾਂ ਦੋ SUVs ਦੇ ਨਾਮ ਹਨ XEV 9e ਅਤੇ BE 6e ਜਿਹਨਾਂ ਨੂੰ ਅਧਿਕਾਰਤ ਤੌਰ 'ਤੇ ਲਾਂਚ ਕੀਤਾ ਜਾਵੇਗਾ, ਕੰਪਨੀ ਇਹਨਾਂ ਦੋਨਾਂ SUV ਵਿੱਚ ਬਹੁਤ ਸਾਰੇ ਸ਼ਾਨਦਾਰ ਫੀਚਰਸ ਪੇਸ਼ ਕਰ ਰਹੀ ਹੈ ਅਤੇ ਜੋ ਕਿ ਪਹਿਲਾਂ ਸੈਗਮੈਂਟ ਵੀ ਹੋਣਗੇ। ਜਾਣਕਾਰੀ ਮੁਤਾਬਕ ਇਨ੍ਹਾਂ ਦੋਵਾਂ SUV ਦਾ ਡਿਜ਼ਾਈਨ ਵੀ ਕਾਫੀ ਫਿਊਚਰਿਸਟਿਕ ਹੋਣ ਵਾਲਾ ਹੈ। ਜਿਸ ਵਿੱਚ LED ਲਾਈਟਾਂ, LED DRL, ਫਲੱਸ਼ ਡੋਰ ਹੈਂਡਲ, ਅਲੌਏ ਵ੍ਹੀਲਜ਼, ਇਲੂਮੀਨੇਟਿਡ ਲੋਗੋ, ਐਂਬੀਐਂਟ ਲਾਈਟਿੰਗ, ਪ੍ਰੀਮੀਅਮ ਇੰਟੀਰੀਅਰ, ਪੈਨੋਰਾਮਿਕ ਸਨਰੂਫ, ਐਂਡਰਾਇਡ ਆਟੋ, ਐਪਲ ਕਾਰ ਪਲੇ, 10.25 ਇੰਚ ਇੰਫੋਟੇਨਮੈਂਟ ਸਿਸਟਮ ਵਰਗੇ ਫੀਚਰਸ ਮਿਲਣ ਦੀ ਪੂਰੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਇਨ੍ਹਾਂ ਦੋਵਾਂ ਵਾਹਨਾਂ 'ਚ 6 ਏਅਰਬੈਗ, ਐਂਟੀ ਲਾਕ ਬ੍ਰੇਕਿੰਗ, ABS, EBD, ਹਿੱਲ ਅਸਿਸਟ, ADAS, ਰਿਵਰਸ ਪਾਰਕਿੰਗ ਕੈਮਰਾ ਵਰਗੇ ਕਈ ਸੁਰੱਖਿਆ ਫੀਚਰਸ ਦਿੱਤੇ ਜਾਣਗੇ।
ਬੈਟਰੀ ਅਤੇ ਰੇਂਜ
ਮਹਿੰਦਰਾ ਨੇ ਇਹ ਦੋਵੇਂ ਗੱਡੀਆਂ INGLO ਪਲੇਟਫਾਰਮ 'ਤੇ ਬਣਾਈਆਂ ਹਨ। ਜਿਸ ਦੇ ਨਾਲ ਹਾਈ ਡੈਨਸਿਟੀ ਬੈਟਰੀ ਤਕਨੀਕ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਜਿਸ ਕਾਰਨ SUV ਦੀ ਰਾਈਡ ਅਤੇ ਹੈਂਡਲਿੰਗ ਬਿਹਤਰ ਹੋ ਜਾਂਦੀ ਹੈ। ਇਨ੍ਹਾਂ ਦੋਵਾਂ 'ਚ 59 kWh ਅਤੇ 79 kWh ਦੀ ਬੈਟਰੀ ਸਮਰੱਥਾ ਦਾ ਵਿਕਲਪ ਦਿੱਤਾ ਜਾਵੇਗਾ। ਜਿਸ ਨੂੰ ਫਾਸਟ ਚਾਰਜਿੰਗ ਦੀ ਸਹੂਲਤ ਨਾਲ ਲਿਆਂਦਾ ਜਾਵੇਗਾ। 175 ਕਿਲੋਵਾਟ ਸਮਰੱਥਾ ਵਾਲੇ ਚਾਰਜਰ ਨਾਲ, ਇਹਨਾਂ ਨੂੰ ਸਿਰਫ਼ 20 ਮਿੰਟਾਂ ਵਿੱਚ 20 ਤੋਂ 80% ਤੱਕ ਆਸਾਨੀ ਨਾਲ ਚਾਰਜ ਕੀਤਾ ਜਾ ਸਕਦਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਫੁੱਲ ਚਾਰਜ 'ਤੇ 600 ਕਿਲੋਮੀਟਰ ਤੱਕ ਦੀ ਰੇਂਜ ਹਾਸਲ ਕੀਤੀ ਜਾ ਸਕਦੀ ਹੈ।
ਕਿੰਨੀ ਹੋਏਗੀ ਕੀਮਤ
ਲਾਂਚਿੰਗ ਤੋਂ ਪਹਿਲਾਂ ਇਨ੍ਹਾਂ ਦੋਵਾਂ SUV ਦੀ ਕੀਮਤ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ। ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇੱਕ SUV ਨੂੰ 15 ਲੱਖ ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਪੇਸ਼ ਕੀਤਾ ਜਾ ਸਕਦਾ ਹੈ। ਜਦੋਂ ਕਿ ਦੂਜੀ SUV ਦੀ ਕੀਮਤ ਲਗਭਗ 20 ਲੱਖ ਰੁਪਏ ਐਕਸ-ਸ਼ੋਰੂਮ ਕੀਮਤ ਹੋ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
