Maruti ਦੀ ਸਸਤੀ ਹੈਚਬੈਕ ਦਾ ਨਵਾਂ ਵੇਰੀਐਂਟ ਲਾਂਚ, ਕੀਮਤ ਸਿਰਫ 5.65 ਲੱਖ, 25.19 Kmpl ਦੀ ਮਾਈਲੇਜ
ਵਾਲਟਜ਼ ਐਡੀਸ਼ਨ ਦਾ ਬਾਹਰੀ ਡਿਜ਼ਾਇਨ ਸਟੈਂਡਰਡ ਮਾਡਲ ਵਾਂਗ ਹੀ ਬਣਿਆ ਹੋਇਆ ਹੈ, ਪਰ ਇਸ ਵਿੱਚ ਕੁਝ ਵਾਧੂ ਸਹਾਇਕ ਉਪਕਰਣ ਹਨ ਜਿਵੇਂ ਕਿ ਫਰੰਟ ਫੌਗ ਲੈਂਪ, ਵ੍ਹੀਲ ਆਰਚ ਕਲੈਡਿੰਗ, ਬੰਪਰ ਪ੍ਰੋਟੈਕਟਰ, ਸਾਈਡ ਸਕਰਟ, ਬਾਡੀ ਸਾਈਡ ਮੋਲਡਿੰਗ, ਕ੍ਰੋਮ...
ਮਾਰੂਤੀ ਸੁਜ਼ੂਕੀ ਨੇ 20 ਸਤੰਬਰ ਨੂੰ ਭਾਰਤ ਵਿੱਚ ਆਪਣੀ ਪ੍ਰਸਿੱਧ ਐਂਟਰੀ-ਲੇਵਲ ਹੈਚਬੈਕ ਵੈਗਨਆਰ ਦਾ ਨਵਾਂ ਵਾਲਟਜ਼ ਐਡੀਸ਼ਨ ਲਾਂਚ ਕੀਤਾ ਹੈ। ਇਹ ਲਿਮਟਿਡ ਐਡੀਸ਼ਨ Lxi, Vxi ਅਤੇ Zxi ਵੇਰੀਐਂਟ ਵਿੱਚ ਉਪਲਬਧ ਹੋਵੇਗਾ, ਜਿਸ ਵਿੱਚ ਦੋ ਪੈਟਰੋਲ ਅਤੇ ਇੱਕ CNG ਇੰਜਣ ਵਿਕਲਪ ਦਿੱਤੇ ਗਏ ਹਨ। ਇਸ ਦੀ ਸ਼ੁਰੂਆਤੀ ਕੀਮਤ 5.65 ਲੱਖ ਰੁਪਏ (ਐਕਸ-ਸ਼ੋਰੂਮ, ਪੈਨ-ਇੰਡੀਆ) ਰੱਖੀ ਗਈ ਹੈ, ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਸਾਰੇ ਵੇਰੀਐਂਟਸ ਦੀਆਂ ਕੀਮਤਾਂ ਦਾ ਖੁਲਾਸਾ ਨਹੀਂ ਕੀਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਦਾ ਪੈਟਰੋਲ ਵਰਜ਼ਨ 25.19 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦੇਵੇਗਾ।
ਜਦੋਂ ਕਿ ਸਟੈਂਡਰਡ ਵੈਗਨਆਰ ਮਾਡਲ ਦੀ ਕੀਮਤ 5.54 ਲੱਖ ਰੁਪਏ ਤੋਂ 7.33 ਲੱਖ ਰੁਪਏ (ਐਕਸ-ਸ਼ੋਰੂਮ, ਪੈਨ-ਇੰਡੀਆ) ਦੇ ਵਿਚਕਾਰ ਹੈ। ਇਸ ਦਾ ਮੁਕਾਬਲਾ ਮਾਰਕੀਟ 'ਚ ਮੌਜੂਦ ਮਾਰੂਤੀ ਸੇਲੇਰੀਓ, ਟਾਟਾ ਟਿਆਗੋ ਅਤੇ ਸਿਟਰੋਇਨ ਸੀ3 ਵਰਗੀਆਂ ਕਾਰਾਂ ਨਾਲ ਹੋਵੇਗਾ।
ਬਾਹਰੀ ਦਿੱਖ ਅਤੇ ਰੰਗ ਵਿਕਲਪ
ਵਾਲਟਜ਼ ਐਡੀਸ਼ਨ ਦਾ ਬਾਹਰੀ ਡਿਜ਼ਾਇਨ ਸਟੈਂਡਰਡ ਮਾਡਲ ਵਾਂਗ ਹੀ ਬਣਿਆ ਹੋਇਆ ਹੈ, ਪਰ ਇਸ ਵਿੱਚ ਕੁਝ ਵਾਧੂ ਸਹਾਇਕ ਉਪਕਰਣ ਹਨ ਜਿਵੇਂ ਕਿ ਫਰੰਟ ਫੌਗ ਲੈਂਪ, ਵ੍ਹੀਲ ਆਰਚ ਕਲੈਡਿੰਗ, ਬੰਪਰ ਪ੍ਰੋਟੈਕਟਰ, ਸਾਈਡ ਸਕਰਟ, ਬਾਡੀ ਸਾਈਡ ਮੋਲਡਿੰਗ, ਕ੍ਰੋਮ ਗ੍ਰਿਲ ਇਨਸਰਟ ਅਤੇ ਡੋਰ ਵਿਜ਼ਰ। ਕਾਰ 'ਚ 7 ਸਿੰਗਲ ਅਤੇ 2 ਡਿਊਲ ਟੋਨ ਕਲਰ ਆਪਸ਼ਨ ਦਿੱਤੇ ਗਏ ਹਨ। ZXI+ ਵੇਰੀਐਂਟ ਵਿੱਚ ਅਲਾਏ ਵ੍ਹੀਲ ਉਪਲਬਧ ਹਨ, ਜਦੋਂ ਕਿ ਸਟੀਲ ਵ੍ਹੀਲ ਦੂਜੇ ਵੇਰੀਐਂਟ ਵਿੱਚ ਦਿੱਤੇ ਗਏ ਹਨ।
ਅੰਦਰੂਨੀ ਅਤੇ ਨਵੀਆਂ ਵਿਸ਼ੇਸ਼ਤਾਵਾਂ
ਵਾਲਟਜ਼ ਐਡੀਸ਼ਨ ਦੇ ਅੰਦਰੂਨੀ ਹਿੱਸੇ ਵਿੱਚ ਕੁਝ ਕਾਸਮੈਟਿਕ ਬਦਲਾਅ ਕੀਤੇ ਗਏ ਹਨ, ਜਿਸ ਵਿੱਚ ਨਵੇਂ ਸੀਟ ਕਵਰ, ਨੀਲੇ ਫਲੋਰ ਮੈਟ, ਸਟੀਅਰਿੰਗ ਵ੍ਹੀਲ ਕਵਰ ਅਤੇ ਡੋਰ ਸਿਲ ਗਾਰਡ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਸਮਾਰਟਫੋਨ ਚਾਰਜਿੰਗ ਲਈ ਦੋ ਪੋਰਟ ਫਾਸਟ ਚਾਰਜਰ ਅਤੇ ਟਿਸ਼ੂ ਬਾਕਸ ਵਰਗੇ ਫੀਚਰਸ ਨੂੰ ਵੀ ਜੋੜਿਆ ਗਿਆ ਹੈ। ਇਹ ਬਦਲਾਅ ਖਾਸ ਤੌਰ 'ਤੇ VXi ਅਤੇ ZXi ਵੇਰੀਐਂਟ 'ਚ ਕੀਤੇ ਗਏ ਹਨ। ਇਸ ਐਡੀਸ਼ਨ 'ਚ ਕੁਝ ਨਵੇਂ ਫੀਚਰਸ ਵੀ ਦਿੱਤੇ ਗਏ ਹਨ, ਜਿਵੇਂ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਰਿਵਰਸ ਪਾਰਕਿੰਗ ਕੈਮਰਾ ਅਤੇ ਮਲਟੀ-ਸਪੀਕਰ ਸਾਊਂਡ ਸਿਸਟਮ। ਜਦਕਿ ਬਾਕੀ ਫੀਚਰ ਸਟੈਂਡਰਡ ਮਾਡਲ ਵਾਂਗ ਹੀ ਹਨ।
ਇੰਜਣ ਅਤੇ ਮਾਈਲੇਜ
ਕਾਰ ਦੋ ਇੰਜਣ ਵਿਕਲਪਾਂ ਦੇ ਨਾਲ ਪੇਸ਼ ਕੀਤੀ ਗਈ ਹੈ: 1.2-ਲੀਟਰ K12N ਪੈਟਰੋਲ ਇੰਜਣ, ਜੋ 89.73PS ਦੀ ਪਾਵਰ ਅਤੇ 113Nm ਦਾ ਟਾਰਕ, ਅਤੇ 1-ਲੀਟਰ K10C ਪੈਟਰੋਲ ਇੰਜਣ, ਜੋ 66.62PS ਦੀ ਪਾਵਰ ਅਤੇ 89Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਦੋਵੇਂ ਇੰਜਣ 5-ਸਪੀਡ ਮੈਨੂਅਲ ਅਤੇ 5-ਸਪੀਡ AMT ਗਿਅਰਬਾਕਸ ਵਿਕਲਪਾਂ ਦੇ ਨਾਲ ਆਉਂਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
