Car Export to Japan: ਜਾਪਾਨ 'ਚ ਵਿਕਣਗੀਆਂ Made In India ਕਾਰਾਂ, ਪੀਯੂਸ਼ ਗੋਇਲ ਨੇ ਕਿਹਾ- ਬਦਲ ਰਿਹਾ ਹੈ ਸਮਾਂ !
Made In India Cars Exported to Japan: ਮੇਡ ਇਨ ਇੰਡੀਆ ਉਤਪਾਦ ਹੁਣ ਵਿਦੇਸ਼ੀ ਬਾਜ਼ਾਰ ਵਿੱਚ ਧਮਾਲ ਮਚਾਉਣ ਜਾ ਰਹੇ ਹਨ। ਗੁਜਰਾਤ ਦੀ ਬੰਦਰਗਾਹ ਤੋਂ 1600 ਤੋਂ ਵੱਧ SUV ਜਪਾਨ ਨੂੰ ਨਿਰਯਾਤ ਕੀਤੀਆਂ ਜਾ ਰਹੀਆਂ ਹਨ।
Made In India Cars: ਭਾਰਤ ਸਰਕਾਰ ਦੇ ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਮਾਰੂਤੀ ਸੁਜ਼ੂਕੀ ਨਾਲ ਸਬੰਧਤ ਇੱਕ ਪੋਸਟ ਸ਼ੇਅਰ ਕੀਤੀ ਹੈ। ਇਸ ਪੋਸਟ ਵਿੱਚ ਪੀਯੂਸ਼ ਗੋਇਲ ਨੇ ਮਾਰੂਤੀ ਸੁਜ਼ੂਕੀ ਦੇ ਭਾਰਤ ਵਿੱਚ ਬਣੇ ਉਤਪਾਦਾਂ ਦੀ ਤਾਰੀਫ਼ ਕੀਤੀ ਹੈ। ਮਾਰੂਤੀ ਸੁਜ਼ੂਕੀ 1600 ਤੋਂ ਜ਼ਿਆਦਾ ਮਾਡਲਾਂ ਦੀ ਬਰਾਮਦ ਕਰਨ ਜਾ ਰਹੀ ਹੈ।
ਮਾਰੂਤੀ ਸੁਜ਼ੂਕੀ ਇੱਕ ਜਾਪਾਨੀ ਵਾਹਨ ਨਿਰਮਾਤਾ ਕੰਪਨੀ ਹੈ। ਦਰਅਸਲ, ਇਹ ਪਹਿਲੀ ਵਾਰ ਹੋ ਰਿਹਾ ਹੈ ਜਦੋਂ ਮਾਰੂਤੀ ਸੁਜ਼ੂਕੀ ਭਾਰਤ ਵਿੱਚ ਬਣੇ ਵਾਹਨਾਂ ਨੂੰ ਆਪਣੇ ਦੇਸ਼ ਜਾਪਾਨ ਵਿੱਚ ਨਿਰਯਾਤ ਕਰ ਰਹੀ ਹੈ। ਮਾਰੂਤੀ ਸੁਜ਼ੂਕੀ ਨੇ ਭਾਰਤ ਵਿੱਚ 1600 ਤੋਂ ਵੱਧ SUVs ਦਾ ਨਿਰਮਾਣ ਕੀਤਾ ਹੈ ਤੇ ਹੁਣ ਇਹਨਾਂ ਵਾਹਨਾਂ ਨੂੰ ਕਵਰ ਕਰਨ ਤੇ ਨਿਰਯਾਤ ਕਰਨ ਦੀ ਤਿਆਰੀ ਵੀ ਕੀਤੀ ਗਈ ਹੈ।
ਪੀਯੂਸ਼ ਗੋਇਲ ਨੇ ਐਕਸਪੋਰਟ ਲਈ ਤਿਆਰ ਵਾਹਨਾਂ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਹਨ। ਇਸ ਪੋਸਟ ਦੇ ਨਾਲ ਕੈਬਨਿਟ ਮੰਤਰੀ ਨੇ ਲਿਖਿਆ ਹੈ ਕਿ ਇਹ ਮਾਣ ਵਾਲੀ ਗੱਲ ਹੈ। ਇਹ ਪਹਿਲੀ ਵਾਰ ਹੋ ਰਿਹਾ ਹੈ ਕਿ 1600 ਤੋਂ ਵੱਧ ਮੇਡ ਇਨ ਇੰਡੀਆ SUV ਜਪਾਨ ਨੂੰ ਨਿਰਯਾਤ ਕੀਤੀਆਂ ਜਾ ਰਹੀਆਂ ਹਨ।
View this post on Instagram
ਭਾਰਤ ਸਰਕਾਰ ਦੀ ਤਾਰੀਫ਼ ਕਰਦਿਆਂ ਪੀਯੂਸ਼ ਗੋਇਲ ਨੇ ਕਿਹਾ ਕਿ ਮੋਦੀ ਸਰਕਾਰ ਨੇ ਪਿਛਲੇ ਇੱਕ ਦਹਾਕੇ ਵਿੱਚ ਕਈ ਅਜਿਹੀਆਂ ਨੀਤੀਆਂ ਲਿਆਂਦੀਆਂ ਹਨ ਜਿਨ੍ਹਾਂ ਨੇ ਦੇਸ਼ ਦੇ ਨਿਰਮਾਣ ਉਦਯੋਗ ਨੂੰ ਹੁਲਾਰਾ ਦਿੱਤਾ ਹੈ। ਦੇਸ਼ ਵਿੱਚ ਵਿਸ਼ਵ ਪੱਧਰੀ ਗੁਣਵੱਤਾ ਵਾਲੇ ਉਤਪਾਦਾਂ ਦਾ ਨਿਰਮਾਣ ਕਰਨ ਤੋਂ ਇਲਾਵਾ, ਇਸ ਨੇ ਬ੍ਰਾਂਡ ਇੰਡੀਆ ਦਾ ਨਾਮ ਬਣਾਉਣ ਵਿੱਚ ਵੀ ਮਦਦ ਕੀਤੀ ਹੈ।
ਮਾਰੂਤੀ ਸੁਜ਼ੂਕੀ ਇੰਡੀਆ ਆਪਣੇ ਫਰੋਂਕਸ ਮਾਡਲ ਨੂੰ ਭਾਰਤ ਤੋਂ ਜਾਪਾਨ ਨੂੰ ਨਿਰਯਾਤ ਕਰ ਰਹੀ ਹੈ। ਇਹ ਵਾਹਨ ਗੁਜਰਾਤ ਦੇ ਪੀਪਾਵਾ ਬੰਦਰਗਾਹ ਤੋਂ ਜਾਪਾਨ ਭੇਜੇ ਜਾ ਰਹੇ ਹਨ। ਸਾਲ 2016 'ਚ ਕੰਪਨੀ ਨੇ ਬਲੇਨੋ ਨੂੰ ਐਕਸਪੋਰਟ ਕੀਤਾ ਸੀ। ਬਲੇਨੋ ਤੋਂ ਬਾਅਦ ਫਰੰਟੈਕਸ ਹੁਣ ਕੰਪਨੀ ਦਾ ਦੂਜਾ ਮਾਡਲ ਹੈ, ਜਿਸ ਨੂੰ ਐਕਸਪੋਰਟ ਕੀਤਾ ਜਾ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
