ਚਲਾਉਣ 'ਚ ਆਏਗਾ ਸਿਰਫ 3.5 ਰੁਪਏ ਤੱਕ ਦਾ ਖਰਚਾ, ਕੰਪਨੀ ਨੇ ਇਸ ਇਲੈਕਟ੍ਰਿਕ ਕਾਰ 'ਚ ਦਿੱਤੇ ਗਜ਼ਬ ਫੀਚਰਸ

MG Windsor EV: MG Motor India ਨੇ ਭਾਰਤ ਵਿੱਚ ਆਪਣੀ ਤੀਜੀ ਇਲੈਕਟ੍ਰਿਕ ਕਾਰ, Windsor EV ਨੂੰ ਲਾਂਚ ਕੀਤਾ ਹੈ। ਇਸ MG ਕਾਰ ਦੀ ਬੁਕਿੰਗ 3 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ ਜਦਕਿ ਡਿਲੀਵਰੀ 12 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ।

Source : https://www.mgmotor.co.in

Source : Source : https://www.mgmotor.co.in

MG Windsor EV: ਹਾਲ ਹੀ ਵਿੱਚ MG Motor India ਨੇ ਭਾਰਤ ਵਿੱਚ ਆਪਣੀ ਤੀਜੀ ਇਲੈਕਟ੍ਰਿਕ ਕਾਰ, Windsor EV ਨੂੰ ਲਾਂਚ ਕੀਤਾ ਹੈ।  ਇਸ ਕਾਰ ਦੀ ਸ਼ੁਰੂਆਤੀ ਕੀਮਤ 9.99 ਲੱਖ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ, ਜਿਸ ਦਾ ਚਾਰਜ 3 ਰੁਪਏ 50 ਪੈਸੇ ਪ੍ਰਤੀ ਕਿਲੋਮੀਟਰ ਹੋਵੇਗਾ। ਇਸ MG ਕਾਰ ਦੀ ਬੁਕਿੰਗ 3 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ ਜਦਕਿ ਡਿਲੀਵਰੀ 12 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ।

MG ਵਿੰਡਸਰ ਵਿੱਚ ਤੁਹਾਨੂੰ ਚਾਰ ਰੰਗ ਵਿਕਲਪ ਅਤੇ ਇੱਕ ਪਾਵਰਟ੍ਰੇਨ ਸੰਰਚਨਾ ਮਿਲਦੀ ਹੈ। ਇਸ ਦੇ ਨਾਲ ਹੀ ਇਹ 3 ਟ੍ਰਿਮ ਲੈਵਲ 'ਚ ਉਪਲੱਬਧ ਹੈ। ਆਓ ਜਾਣਦੇ ਹਾਂ ਕਾਰ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ। ਕਾਰ ਦੇ ਬਾਹਰੀ ਹਿੱਸੇ ਦੀ ਗੱਲ ਕਰੀਏ ਤਾਂ ਤੁਹਾਨੂੰ ਵਿੰਡਸਰ ਵਿੱਚ ਸਿਗਨੇਚਰ ਕਾਊਲ, ਹੈੱਡਲੈਂਪਸ ਵਰਗੇ ਡਿਜ਼ਾਈਨ ਤੱਤ ਮਿਲਣਗੇ।

ਇਸ ਤੋਂ ਇਲਾਵਾ ਕਾਰ 'ਚ 18 ਇੰਚ ਦੇ ਅਲਾਏ ਵ੍ਹੀਲ ਅਤੇ ਪੌਪ ਆਊਟ ਡੋਰ ਹੈਂਡਲ ਮਿਲਣਗੇ। ਜੇਕਰ ਅਸੀਂ ਕਾਰ ਦੇ ਇੰਟੀਰੀਅਰ 'ਤੇ ਨਜ਼ਰ ਮਾਰੀਏ ਤਾਂ ਇਸ ਦਾ ਕੈਬਿਨ ਕਾਫੀ ਆਲੀਸ਼ਾਨ ਹੈ, ਜਿਸ 'ਚ ਸੀਟਾਂ ਨੂੰ Quilted pattern ਦਿੱਤਾ ਗਿਆ ਹੈ।

ਇਹ ਫੀਚਰ ਐਮਜੀ ਵਿੰਡਸਰ ਕਾਰ ਵਿੱਚ ਉਪਲਬਧ 

ਕਾਰ 'ਚ ਤੁਹਾਨੂੰ ਇੰਫੋਟੇਨਮੈਂਟ ਸਿਸਟਮ ਲਈ 15.6 ਇੰਚ ਦੀ ਡਿਸਪਲੇ ਦਿੱਤੀ ਗਈ ਹੈ। ਇਹ ਕਾਮੇਟ 'ਤੇ ਪਾਏ ਗਏ ਉਸੇ OS 'ਤੇ ਚੱਲਦਾ ਹੈ। ਇਸ ਤੋਂ ਇਲਾਵਾ ਕਾਰ 'ਚ USB ਚਾਰਜਿੰਗ ਪੋਰਟ, ਰੀਅਰ AC ਵੈਂਟ, ਕੱਪ ਹੋਲਡਰ ਅਤੇ ਸੈਂਟਰ ਆਰਮਰੈਸਟ ਦਿੱਤਾ ਗਿਆ ਹੈ। 

ਪਾਵਰਟ੍ਰੇਨ ਅਤੇ ਸੁਰੱਖਿਆ ਵਿਸ਼ੇਸ਼ਤਾਵਾਂ

MG Windsor EV ਨੂੰ 38 kWh ਬੈਟਰੀ ਪੈਕ ਵਿਕਲਪ ਦੇ ਨਾਲ ਲਾਂਚ ਕੀਤਾ ਗਿਆ ਹੈ। ਕੰਪਨੀ ਵੱਲੋਂ ਕਾਰ ਦੀ ਰੇਂਜ 331 ਕਿਲੋਮੀਟਰ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ। ਟਾਪ ਸਪੈੱਕ ਵੇਰੀਐਂਟ 'ਚ ਕੰਪਨੀ ਵਾਇਰਲੈੱਸ ਫੋਨ ਮਿਰਰਿੰਗ, ਵਾਇਰਲੈੱਸ ਚਾਰਜਿੰਗ, 360 ਡਿਗਰੀ ਕੈਮਰਾ, ਰੀਅਰ ਏਸੀ ਵੈਂਟ ਦੇ ਨਾਲ ਕਲਾਈਮੇਟ ਕੰਟਰੋਲ, ਕਨੈਕਟਡ ਕਾਰ ਟੈਕਨਾਲੋਜੀ, ਰੀਕਲਾਈਨਿੰਗ ਰੀਅਰ ਸੀਟ, ਪੈਨੋਰਾਮਿਕ ਸਨਰੂਫ ਵਰਗੀਆਂ ਵਿਸ਼ੇਸ਼ਤਾਵਾਂ ਪੇਸ਼ ਕਰਦੀ ਹੈ।

MG Windsor EV ਸੁਰੱਖਿਆ ਦੇ ਲਿਹਾਜ਼ ਨਾਲ ਸ਼ਾਨਦਾਰ ਸਾਬਤ ਹੋਣ ਵਾਲੀ ਹੈ। ਇਸ ਕਾਰ 'ਚ 4 ਏਅਰਬੈਗ, EBD ਦੇ ਨਾਲ ABS, ਇਲੈਕਟ੍ਰਾਨਿਕ ਸਟੇਬਿਲਟੀ ਕੰਟਰੋਲ ਅਤੇ ਹੋਰ ਕਈ ਸ਼ਾਨਦਾਰ ਫੀਚਰਸ ਹਨ। ਜਾਣਕਾਰੀ ਮੁਤਾਬਕ ਇਸ ਦਾ ਸਿੱਧਾ ਮੁਕਾਬਲਾ Tata Nexon, MG ZS EV ਅਤੇ Tata Curve EV, ਮਹਿੰਦਰਾ XUV400 ਵਰਗੀਆਂ ਕਾਰਾਂ ਨਾਲ ਹੋਣ ਜਾ ਰਿਹਾ ਹੈ।