Best Electric Bike: ਪੈਟਰੋਲ-ਡੀਜ਼ਲ ਦਾ ਝੰਜਟ ਖਤਮ! ਲੋਕ ਨੂੰ ਖੂਬ ਪਸੰਦ ਆ ਰਹੀ ਇਹ Electric Bike
ਕਾਰਾਂ ਦੇ ਨਾਲ-ਨਾਲ ਦੋ ਪਹੀਆ ਵਾਹਨ ਵੀ ਇਲੈਕਟ੍ਰਿਕ ਵਾਹਨਾਂ ਦੇ ਬਾਜ਼ਾਰ ਵਿੱਚ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਹੇ ਹਨ। ਸਕੂਟਰਾਂ ਤੋਂ ਇਲਾਵਾ ਹੁਣ ਕਈ ਬਾਈਕ ਵੀ ਬਾਜ਼ਾਰ 'ਚ ਆ ਰਹੀਆਂ ਹਨ।
Best Electric Bike: ਕਾਰਾਂ ਦੇ ਨਾਲ-ਨਾਲ ਦੋ ਪਹੀਆ ਵਾਹਨ ਵੀ ਇਲੈਕਟ੍ਰਿਕ ਵਾਹਨਾਂ ਦੇ ਬਾਜ਼ਾਰ ਵਿੱਚ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਹੇ ਹਨ। ਸਕੂਟਰਾਂ ਤੋਂ ਇਲਾਵਾ ਹੁਣ ਕਈ ਬਾਈਕ ਵੀ ਬਾਜ਼ਾਰ 'ਚ ਆ ਰਹੀਆਂ ਹਨ। ਜੇਕਰ ਇਲੈਕਟ੍ਰਿਕ ਬਾਈਕ ਬਾਜ਼ਾਰ ਦੀ ਗੱਲ ਕਰੀਏ ਤਾਂ ਇਕ ਬਾਈਕ ਨੂੰ ਲੋਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ ਤੇ ਇਸ ਨੂੰ ਚੰਗਾ ਰਿਸਪਾਂਸ ਮਿਲ ਰਿਹਾ ਹੈ।
ਇਹ ਖਾਸ ਬਾਈਕ Joy E-Bike ਹੈ ਤੇ ਇਸ 'ਚ ਕਈ ਖਾਸ ਫੀਚਰਸ ਹਨ। ਇਸ ਦੀ ਨਿਰਮਾਤਾ ਕੰਪਨੀ Wardwizard Innovations & Mobility Limited ਦਾਅਵਾ ਕਰਦੀ ਹੈ ਕਿ ਕੰਪਨੀ ਨੇ ਅਕਤੂਬਰ 2021 ਵਿੱਚ ਸਾਲਾਨਾ ਅਧਾਰ 'ਤੇ ਵਿਕਰੀ ਵਿੱਚ 502% ਵਾਧਾ ਦਰਜ ਕੀਤਾ ਹੈ। ਆਓ ਜਾਣਦੇ ਹਾਂ ਇਸ ਬਾਈਕ 'ਚ ਕੀ ਖਾਸ ਹੈ।
Wardwizard Innovations & Mobility Limited ਭਾਰਤ ਵਿੱਚ Joy ਈ-ਬਾਈਕ ਬ੍ਰਾਂਡ ਦੇ ਤਹਿਤ ਆਪਣੇ ਇਲੈਕਟ੍ਰਿਕ ਸਕੂਟਰ ਅਤੇ ਈ-ਬਾਈਕ ਵੇਚਦੀ ਹੈ। ਕੰਪਨੀ ਨੇ ਹਾਲ ਹੀ 'ਚ ਦੂਜੀ ਤਿਮਾਹੀ ਦੇ ਨਤੀਜਿਆਂ ਦਾ ਐਲਾਨ ਕੀਤਾ ਹੈ। ਇਸ ਵਿੱਚ ਕੰਪਨੀ ਨੇ ਕਿਹਾ ਕਿ ਅਕਤੂਬਰ 2021 ਵਿੱਚ 2885 ਇਲੈਕਟ੍ਰਿਕ ਬਾਈਕਸ ਵੇਚੀਆਂ ਗਈਆਂ ਸਨ, ਜਦੋਂਕਿ ਪਿਛਲੇ ਸਾਲ ਕੰਪਨੀ ਨੇ ਸਿਰਫ 474 ਯੂਨਿਟ ਵੇਚੇ ਸਨ। ਕੰਪਨੀ ਨੇ ਪਿਛਲੇ ਸਾਲ ਦੇ ਮੁਕਾਬਲੇ ਲਗਭਗ 502 ਫੀਸਦੀ ਵਾਧਾ ਦਰਜ ਕੀਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਤਿਉਹਾਰੀ ਸੀਜ਼ਨ 'ਚ ਸਾਨੂੰ ਸਾਡੇ ਹਰ ਬੁਕਿੰਗ ਸੈਂਟਰ 'ਤੇ ਬਹੁਤ ਸਾਰੇ ਆਰਡਰ ਮਿਲ ਰਹੇ ਹਨ।
ਇਸ ਬਾਈਕ 'ਚ ਕੀ ਖਾਸ ਹੈ
ਜੇਕਰ ਇਸ ਬਾਈਕ ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ 'ਚ 250W ਮੋਟਰ ਪਾਵਰ ਦਿੱਤੀ ਗਈ ਹੈ ਅਤੇ ਇਹ DC ਬਰੱਸ਼ ਰਹਿਤ ਹੈ। ਜੇਕਰ ਚਾਰਜਿੰਗ ਦੀ ਗੱਲ ਕਰੀਏ ਤਾਂ ਇਹ ਬਾਈਕ 4 ਤੋਂ ਸਾਢੇ 4 ਘੰਟੇ 'ਚ ਪੂਰੀ ਤਰ੍ਹਾਂ ਚਾਰਜ ਹੋ ਜਾਂਦੀ ਹੈ। ਇਸ ਦੀ ਅਧਿਕਤਮ ਸਪੀਡ 25kmph ਹੈ। ਇਸ ਦੇ ਨਾਲ ਹੀ ਇਸ ਦੀ ਬੈਟਰੀ ਸਮਰੱਥਾ 72V 23AH ਹੈ। ਸਿੰਗਲ ਚਾਰਜ 'ਤੇ ਇਹ ਬਾਈਕ 75 ਕਿਲੋਮੀਟਰ ਤੱਕ ਦੀ ਰੇਂਜ ਦਿੰਦੀ ਹੈ। ਇਸ ਬਾਈਕ ਦੀ ਕੀਮਤ ਕਰੀਬ 1,56,000 ਰੁਪਏ ਹੈ।
ਇਨ੍ਹਾਂ ਨਾਲ ਮੁਕਾਬਲਾ
ਜੇਕਰ ਇਲੈਕਟ੍ਰਿਕ ਸੈਗਮੈਂਟ 'ਚ ਇਸ ਰੇਂਜ 'ਚ ਦੂਜੀਆਂ ਕੰਪਨੀਆਂ ਦੀਆਂ ਬਾਈਕਸ ਦੀ ਗੱਲ ਕਰੀਏ ਤਾਂ ਇਹ ਬਾਈਕ Odyssey ਇਲੈਕਟ੍ਰਿਕ Evokis ਨਾਲ ਮੁਕਾਬਲਾ ਕਰਦੀ ਹੈ। ਦੂਜੇ ਪਾਸੇ, ਜੇਕਰ ਤੁਸੀਂ ਇਸ ਰੇਂਜ 'ਚ ਸਕੂਟਰ 'ਤੇ ਜਾਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਸਿੰਪਲ-1 ਅਤੇ Ather 450X ਨੂੰ ਟਰਾਈ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ:
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
