Ola Electric Scooter Launch: ਖਤਮ ਹੋਈ ਉਡੀਕ! ਭਾਰਚ ‘ਚ ਇਸ ਦਿਨ ਲਾਂਚ ਹੋਵੇਗਾ ਇਲੈਕਟ੍ਰਿਕ ਸਕੂਟਰ
ਬਾਰੇ ਚਰਚਾ ਭਾਰਤੀ ਆਟੋ ਬਾਜ਼ਾਰ ਵਿੱਚ ਪੂਰੇ ਜ਼ੋਰ 'ਤੇ ਹੈ। ਹਰ ਕੋਈ ਇਸ ਦੀ ਲਾਂਚ ਤਰੀਕ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਸੀ, ਜੋ ਹੁਣ ਖਤਮ ਹੋ ਗਈ ਹੈ। ਇਸ ਆਜ਼ਾਦੀ ਦਿਹਾੜੇ ਮੌਕੇ 'ਤੇ ਓਲਾ ਦਾ ਇਲੈਕਟ੍ਰਿਕ ਸਕੂਟਰ ਲਾਂਚ ਕੀਤਾ ਜਾਵੇਗਾ।
Ola Electric Scooter ਬਾਰੇ ਚਰਚਾ ਭਾਰਤੀ ਆਟੋ ਬਾਜ਼ਾਰ ਵਿੱਚ ਪੂਰੇ ਜ਼ੋਰ 'ਤੇ ਹੈ। ਹਰ ਕੋਈ ਇਸ ਦੀ ਲਾਂਚ ਤਰੀਕ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਸੀ, ਜੋ ਹੁਣ ਖਤਮ ਹੋ ਗਈ ਹੈ। ਇਸ ਆਜ਼ਾਦੀ ਦਿਹਾੜੇ ਮੌਕੇ 'ਤੇ ਓਲਾ ਦਾ ਇਲੈਕਟ੍ਰਿਕ ਸਕੂਟਰ ਲਾਂਚ ਕੀਤਾ ਜਾਵੇਗਾ। ਓਲਾ ਸਕੂਟਰ ਲਈ, ਕੰਪਨੀ ਸਿੱਧੀ ਖਪਤਕਾਰ ਵਿਕਰੀ ਮਾਡਲ ਦੀ ਵਰਤੋਂ ਕਰੇਗੀ, ਯਾਨੀ ਇਹ ਸਿੱਧਾ ਗਾਹਕ ਦੇ ਘਰ ਪਹੁੰਚਾਇਆ ਜਾਵੇਗਾ।
15 ਅਗਸਤ ਨੂੰ ਲਾਂਚ ਹੋਵੇਗਾ
ਓਲਾ ਦੇ ਸੀਈਓ ਭਾਵੀਸ਼ ਅਗਰਵਾਲ ਨੇ ਟਵੀਟ ਕਰਕੇ ਇਸ ਸਕੂਟਰ ਦੀ ਲਾਂਚ ਡੇਟ ਬਾਰੇ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਟਵੀਟ ਕਰਕੇ ਕਿਹਾ, "ਉਨ੍ਹਾਂ ਸਾਰਿਆਂ ਦਾ ਧੰਨਵਾਦ ਜਿਨ੍ਹਾਂ ਨੇ ਸਾਡਾ ਸਕੂਟਰ ਬੁੱਕ ਕੀਤਾ ਹੈ। 15 ਅਗਸਤ ਨੂੰ ਓਲਾ ਇਲੈਕਟ੍ਰਿਕ ਦੇ ਇਵੈਂਟ ਲਾਂਚ ਦੀ ਯੋਜਨਾ ਬਣਾ ਰਹੇ ਹਾਂ। ਉਤਪਾਦ ਨਾਲ ਜੁੜੀ ਹੋਰ ਜਾਣਕਾਰੀ ਜਲਦੀ ਸਾਂਝੀ ਕੀਤੀ ਜਾਵੇਗੀ।"
ਸਕੂਟਰ ਦੀ ਹੋਮ ਡਿਲੀਵਰੀ ਹੋਵੇਗੀ
Ola ਆਪਣੇ ਈ-ਸਕੂਟਰਾਂ ਦੀ ਹੋਮ ਡਿਲੀਵਰੀ ਦੇਵੇਗੀ, ਯਾਨੀ ਕੰਪਨੀ ਇਸਨੂੰ ਸਿੱਧਾ ਖਰੀਦਦਾਰਾਂ ਦੇ ਘਰ ਪਹੁੰਚਾਏਗੀ। ਓਲਾ ਡਾਇਰੈਕਟ-ਟੂ-ਕੰਜਿਊਮਰ ਵਿਕਰੀ ਮਾਡਲ ਦੀ ਵਰਤੋਂ ਕਰੇਗਾ, ਇਸ ਲਈ ਸਮੁੱਚੀ ਖਰੀਦ ਪ੍ਰਕਿਰਿਆ ਨਿਰਮਾਤਾ ਤੇ ਖਰੀਦਦਾਰ ਦੇ ਵਿਚਕਾਰ ਹੋਵੇਗੀ, ਜਿਸ ਨਾਲ ਓਲਾ ਦੀ ਰਵਾਇਤੀ ਡੀਲਰਸ਼ਿਪ ਨੈਟਵਰਕ ਸਥਾਪਤ ਕਰਨ ਦੀ ਜ਼ਰੂਰਤ ਖਤਮ ਹੋ ਜਾਵੇਗੀ।
ਇਹ ਵਿਸ਼ੇਸ਼ਤਾਵਾਂ ਮਿਲ ਸਕਦੀਆਂ
ਓਲਾ ਇਲੈਕਟ੍ਰਿਕ ਨੇ ਦਾਅਵਾ ਕੀਤਾ ਹੈ ਕਿ ਸਕੂਟਰ ਵਿੱਚ ਵੱਡਾ ਬੂਟ ਸਪੇਸ ਵੀ ਮਿਲੇਗਾ। ਇਸ ਤੋਂ ਇਲਾਵਾ ਨਵੇਂ ਸਕੂਟਰ ਨੂੰ ਕੀ-ਰਹਿਤ (ਬਗੈਰ ਚਾਬੀ) ਅਨੁਭਵ ਲਈ ਐਪ-ਅਧਾਰਤ ਕੁੰਜੀ ਮਿਲੇਗੀ ਅਤੇ ਸਮਾਰਟਫੋਨ ਕਨੈਕਟੀਵਿਟੀ ਦੇ ਨਾਲ ਲਿਆਂਦਾ ਜਾਵੇਗਾ। ਓਲਾ ਨੇ ਦਾਅਵਾ ਕੀਤਾ ਹੈ ਕਿ ਇਲੈਕਟ੍ਰਿਕ ਸਕੂਟਰ ਐਰਗੋਨੋਮਿਕ ਸੀਟਿੰਗ ਦੇ ਨਾਲ ਆਵੇਗਾ।
ਇਨ੍ਹਾਂ ਰੰਗਾਂ ਵਿੱਚ ਉਪਲਬਧ ਹੋਵੇਗਾ
ਭਾਵੀਸ਼ ਅਗਰਵਾਲ ਦੇ ਅਨੁਸਾਰ, ਗ੍ਰਾਹਕ ਇਸ ਸਕੂਟਰ ਨੂੰ ਪੇਸਟਲ ਰੈਡ, ਪੇਸਟਲ ਯੈਲੋ, ਪੇਸਟਲ ਬਲੂ, ਮੈਟਲਿਕ ਸਿਲਵਰ, ਮੈਟਲਿਕ ਗੋਲਡ, ਮੈਟਲਿਕ ਪਿੰਕ, ਮੈਟ ਬਲੈਕ, ਮੈਟ ਬਲੂ, ਮੈਟ ਗ੍ਰੇ ਰੰਗ ਦੇ ਵਿਕਲਪਾਂ ਦੇ ਨਾਲ ਖਰੀਦ ਸਕਣਗੇ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਆਪਣੇ ਟਵੀਟ ਵਿੱਚ ਕਿਹਾ ਸੀ ਕਿ 'ਭਾਰਤ ਦੀ ਇਲੈਕਟ੍ਰਿਕ ਵਾਹਨ ਕ੍ਰਾਂਤੀ ਦੀ ਇੱਕ ਮਹਾਨ ਸ਼ੁਰੂਆਤ। 100,000+ ਕ੍ਰਾਂਤੀਕਾਰੀਆਂ ਦਾ ਬਹੁਤ ਧੰਨਵਾਦ ਜਿਨ੍ਹਾਂ ਨੇ ਸਾਡੇ ਨਾਲ ਜੁੜ ਕੇ ਆਪਣੇ ਸਕੂਟਰ ਬੁੱਕ ਕੀਤੇ।'
Bajaj Chetak ਨਾਲ ਹੋਵੇਗਾ ਮੁਕਾਬਲਾ
Ola Electric Scooter ਦਾ ਭਾਰਤ ਵਿੱਚ ਬਜਾਜ ਚੇਤਕ ਨਾਲ ਮੁਕਾਬਲਾ ਕਰੇਗਾ। ਇਹ ਸਕੂਟਰ ਬਾਜ਼ਾਰ ਵਿੱਚ ਦੋ ਰੂਪਾਂ ਵਿੱਚ ਉਪਲਬਧ ਹੈ। ਇਸ ਦੀ ਕੀਮਤ 1 ਲੱਖ ਰੁਪਏ ਰੱਖੀ ਗਈ ਹੈ। ਇਸ ਸਕੂਟਰ ਵਿੱਚ 3 kWh ਸਮਰੱਥਾ ਵਾਲੇ ਬੈਟਰੀ ਪੈਕ ਦੀ ਵਰਤੋਂ ਕੀਤੀ ਗਈ ਹੈ। ਇਹ ਇਲੈਕਟ੍ਰਿਕ ਮੋਟਰ 5.36 bhp ਦੀ ਪਾਵਰ ਤੇ 16 Nm ਦਾ ਟਾਰਕ ਜਨਰੇਟ ਕਰਦੀ ਹੈ। ਪੂਰੇ ਚਾਰਜ ਤੋਂ ਬਾਅਦ, ਇਹ ਸਕੂਟਰ ਈਕੋ ਮੋਡ ਵਿੱਚ 95 ਕਿਲੋਮੀਟਰ ਅਤੇ ਸਪੋਰਟ ਮੋਡ ਵਿੱਚ 85 ਕਿਲੋਮੀਟਰ ਦੀ ਰੇਂਜ ਦਿੰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
