Hyundai i20 2020 ਨੂੰ ਟੱਕਰ ਦੇਣ ਲਈ Tata ਦਾ Altroz XM+ ਵੇਰੀਐਂਟ ਲਾਂਚ, ਜਾਣੋ ਕੀਮਤ ਤੇ ਫ਼ੀਚਰ 

ਟਾਟਾ ਮੋਟਰਜ਼ ਨੇ ਸ਼ਨੀਵਾਰ ਨੂੰ ਭਾਰਤ ਵਿੱਚ ਆਪਣੇ ਨਵੇਂ ਅਲਟ੍ਰੋਜ ਦੇ ਐਕਸਐਮ + ਵੇਰੀਐਂਟ ਨੂੰ ਲਾਂਚ ਕੀਤਾ। ਇਸ 'ਚ ਗਾਹਕਾਂ ਨੂੰ 7 ਇੰਚ ਦੀ ਇੰਫੋਟੇਨਮੈਂਟ ਸਕਰੀਨ ਮਿਲੇਗੀ। ਭਾਰਤੀ ਬਾਜ਼ਾਰ 'ਚ ਇਸ ਦੀ ਐਕਸ ਸ਼ੋਅਰੂਮ ਕੀਮਤ 6.6 ਲੱਖ ਰੁਪਏ ਹੈ।

ਟਾਟਾ ਮੋਟਰਜ਼ ਨੇ ਸ਼ਨੀਵਾਰ ਨੂੰ ਭਾਰਤ ਵਿੱਚ ਆਪਣੇ ਨਵੇਂ ਅਲਟ੍ਰੋਜ ਦੇ ਐਕਸਐਮ + ਵੇਰੀਐਂਟ ਨੂੰ ਲਾਂਚ ਕੀਤਾ। ਇਸ 'ਚ ਗਾਹਕਾਂ ਨੂੰ 7 ਇੰਚ ਦੀ ਇੰਫੋਟੇਨਮੈਂਟ ਸਕਰੀਨ ਮਿਲੇਗੀ। ਭਾਰਤੀ ਬਾਜ਼ਾਰ 'ਚ ਇਸ ਦੀ ਐਕਸ ਸ਼ੋਅਰੂਮ ਕੀਮਤ 6.6 ਲੱਖ ਰੁਪਏ ਹੈ। ਇਸ ਨਵੇਂ ਵੇਰੀਐਂਟ ਦੇ ਕੈਬਿਨ 'ਚ ਕਈ ਨਵੇਂ ਫੀਚਰਸ ਦਿੱਤੇ ਗਏ ਹਨ। ਇਹ ਮੰਨਿਆ ਜਾ ਰਿਹਾ ਹੈ ਕਿ ਹਾਲ ਹੀ ਵਿੱਚ ਲਾਂਚ ਕੀਤੀ ਗਈ ਹੁੰਡਈ ਆਈ 20 2020 ਦੇ ਮੱਦੇਨਜ਼ਰ, ਕੰਪਨੀ ਨੇ ਇਸ ਨੂੰ ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਕੀਤਾ ਹੈ।

ਟਾਟਾ ਅਲਟ੍ਰੋਜ਼ ਐਕਸਐਮ + ਵੇਰੀਐਂਟ ਨੂੰ ਸਿਰਫ ਪੈਟਰੋਲ ਮਾੱਡਲਾਂ ਵਿੱਚ ਲਾਂਚ ਕੀਤਾ ਗਿਆ ਹੈ। ਇਸ ਦੀ 7 ਇੰਚ ਦੀ ਸਕ੍ਰੀਨ ਐਪਲ ਕਾਰਪਲੇ ਅਤੇ ਐਂਡਰਾਇਡ ਆਟੋ ਨੂੰ ਸਪੋਰਟ ਕਰਦੀ ਹੈ।

ਇਸ ਦੇ ਸਟੀਅਰਿੰਗ-ਮਾਉਂਟ ਕੰਟਰੋਲ ਇੱਕ ਵਧੀਆ ਸਵਾਰੀ ਦਾ ਤਜਰਬਾ ਪ੍ਰਦਾਨ ਕਰਦੇ ਹਨ। ਇਹ R16 ਵ੍ਹੀਲਸ ਦੇ ਨਾਲ ਸਟਾਈਲਜ਼ਡ ਵ੍ਹੀਲ ਕਵਰ, ਰਿਮੋਟ ਫੋਲਡੇਬਲ ਕੀ ਅਤੇ ਵੌਇਸ-ਕਮਾਂਡ ਰਿਕੋਗਨਿਸ਼ਨ ਵਰਗੇ ਬਹੁਤ ਸਾਰੇ ਵਧੀਆ ਫੀਚਰਸ ਦਿੱਤੇ ਗਏ ਹਨ।

ਇਸ ਦੇ ਪੈਟਰੋਲ ਟ੍ਰਿਮ 'ਚ ਪਾਵਰ ਲਈ 1.2 ਲੀਟਰ ਦਾ ਰੇਵੋਟਰਨ ਇੰਜਣ ਦਿੱਤਾ ਗਿਆ ਹੈ। ਇਸਦਾ 1199 ਸੀਸੀ ਥ੍ਰੀ-ਸਿਲੰਡਰ ਇੰਜਣ 6000 ਆਰਪੀਐਮ 'ਤੇ 86 ਪੀਐਸ ਦੀ ਵੱਧ ਤੋਂ ਵੱਧ ਪਾਵਰ ਅਤੇ 3300 ਆਰਪੀਐਮ 'ਤੇ 113 ਐੱਨਐੱਮ ਦਾ ਪੀਕ ਟਾਰਕ ਪੈਦਾ ਕਰਦਾ ਹੈ। ਇਸ ਦਾ ਇੰਜਣ 5 ਸਪੀਡ ਮੈਨੂਅਲ ਟ੍ਰਾਂਸਮਿਸ਼ਨ ਨਾਲ ਲੈਸ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ