Tata Motors Gujarat: ਟਾਟਾ ਮੋਟਰਜ਼ ਨੇ ਰਚਿਆ ਇਤਿਹਾਸ, ਗੁਜਰਾਤ ਨਿਰਮਾਣ ਯੂਨਿਟ ਨੇ ਬਣਾਈਆਂ 10 ਲੱਖ ਕਾਰਾਂ
Tata Motors Gujarat: ਕਾਰ ਬਣਾਉਣ ਵਾਲੀ ਕੰਪਨੀ ਟਾਟਾ ਮੋਟਰਜ਼ ਨੇ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ। ਕੰਪਨੀ ਦੇ ਗੁਜਰਾਤ ਵਿੱਚ ਸਾਨੰਦ ਪਲਾਂਟ ਨੇ 14 ਸਾਲਾਂ ਵਿੱਚ 10 ਲੱਖ ਕਾਰਾਂ ਦਾ ਨਿਰਮਾਣ ਕੀਤਾ ਹੈ।
Tata Motors Gujarat: ਟਾਟਾ ਮੋਟਰਜ਼ ਨੇ ਇੱਕ ਨਵਾਂ ਮੀਲ ਪੱਥਰ ਛੂਹ ਲਿਆ ਹੈ। ਗੁਜਰਾਤ ਵਿੱਚ ਟਾਟਾ ਮੋਟਰਜ਼ ਦੀ ਸਾਨੰਦ ਨਿਰਮਾਣ ਇਕਾਈ ਨੇ 10 ਲੱਖ ਕਾਰਾਂ ਦੇ ਨਿਰਮਾਣ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਟਾਟਾ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਪਲਾਂਟ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਇਹ ਜਾਣਕਾਰੀ ਦਿੱਤੀ। ਕੰਪਨੀ ਨੇ ਕਿਹਾ ਕਿ ਇਸ ਪਲਾਂਟ 'ਤੇ Tiago, Tiago AMT, Tiago.ev, Tiago iCNG, Tigor, Tigor AMT, Tigor EV, Tigor iCNG ਅਤੇ XPRES-T EV ਦਾ ਨਿਰਮਾਣ ਕੀਤਾ ਜਾਂਦਾ ਹੈ।
ਟਾਟਾ ਦਾ ਸਾਨੰਦ ਪਲਾਂਟ
ਟਾਟਾ ਨੇ ਆਪਣਾ ਸਾਨੰਦ ਪਲਾਂਟ 2010 ਵਿੱਚ ਸਥਾਪਿਤ ਕੀਤਾ ਸੀ। ਇਹ ਟਾਟਾ ਦੁਆਰਾ ਸਥਾਪਿਤ ਕੀਤੇ ਗਏ ਸਭ ਤੋਂ ਨਵੇਂ ਪਲਾਂਟਾਂ ਵਿੱਚੋਂ ਇੱਕ ਹੈ, ਜੋ ਕਿ 1100 ਏਕੜ ਵਿੱਚ ਫੈਲਿਆ ਹੋਇਆ ਹੈ। ਇਸ ਪਲਾਂਟ ਲਈ 6000 ਤੋਂ ਵੱਧ ਲੋਕ ਕੰਮ ਕਰਦੇ ਹਨ, ਜੋ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਇਸ ਨਾਲ ਜੁੜੇ ਹੋਏ ਹਨ। ਹੁਣ ਟਾਟਾ ਨੇ ਇਸ ਪਲਾਂਟ ਤੋਂ ਆਪਣਾ 10 ਲੱਖਵਾਂ ਵਾਹਨ ਤਿਆਰ ਕੀਤਾ ਹੈ।
ਸਾਨੰਦ ਪਲਾਂਟ ਨੇ 68 ਪਿੰਡ ਗੋਦ ਲਏ
ਸਾਨੰਦ ਪਲਾਂਟ ਦੇ ਤਹਿਤ ਟਾਟਾ ਨੇ ਸਾਨੰਦ, ਬਾਵਲਾ ਅਤੇ ਵਿਰੰਗਮ ਦੇ ਆਲੇ-ਦੁਆਲੇ ਦੇ 68 ਪਿੰਡਾਂ ਨੂੰ ਗੋਦ ਲਿਆ ਸੀ। ਟਾਟਾ ਮੋਟਰਜ਼ ਪੈਸੇਂਜਰ ਵਹੀਕਲਜ਼ ਅਤੇ ਟਾਟਾ ਪੈਸੇਂਜਰ ਇਲੈਕਟ੍ਰਿਕ ਮੋਬਿਲਿਟੀ ਦੇ ਮੈਨੇਜਿੰਗ ਡਾਇਰੈਕਟਰ ਸ਼ੈਲੇਸ਼ ਚੰਦਰਾ ਨੇ ਇਸ ਸਫਲਤਾ 'ਤੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਮੈਨੇਜਿੰਗ ਡਾਇਰੈਕਟਰ ਨੇ ਕਿਹਾ ਕਿ ਉਹ ਸਾਨੰਦ ਪਲਾਂਟ ਤੋਂ 10 ਲੱਖਵੀਂ ਕਾਰ ਨੂੰ ਹਰੀ ਝੰਡੀ ਦਿਖਾ ਕੇ ਬਹੁਤ ਮਾਣ ਮਹਿਸੂਸ ਕਰ ਰਹੇ ਹਨ। ਇਹ ਸਫ਼ਲਤਾ ਦੱਸਦੀ ਹੈ ਕਿ ਅਸੀਂ ਭਾਰਤ ਵਿੱਚ ਬਾਜ਼ਾਰ ਦੀਆਂ ਲੋੜਾਂ ਨੂੰ ਸਮਝ ਕੇ ਵਿਕਾਸ ਕਰ ਰਹੇ ਹਾਂ।
'ਸਫ਼ਰ ਅੱਗੇ ਵੀ ਜਾਰੀ ਰਹੇਗਾ'
ਮੈਨੇਜਿੰਗ ਡਾਇਰੈਕਟਰ ਸ਼ੈਲੇਸ਼ ਚੰਦਰਾ ਨੇ ਕਿਹਾ, ਇਹ ਸਫਲਤਾ ਦਰਸਾਉਂਦੀ ਹੈ ਕਿ ਅਸੀਂ ਕਿੰਨਾ ਵੱਡਾ ਟੀਚਾ ਰੱਖਿਆ ਸੀ ਅਤੇ ਕੰਪਨੀ ਨੇ ਲੋਕਾਂ ਨਾਲ ਕੀਤੇ ਵਾਅਦੇ ਵੀ ਪੂਰੇ ਕੀਤੇ ਹਨ। ਸਾਡੀ ਮਿਹਨਤ ਸਦਕਾ ਸਾਡੇ ਉਤਪਾਦਾਂ ਨੂੰ ਮਾਨਤਾ ਮਿਲ ਰਹੀ ਹੈ। ਨਾਲ ਹੀ, ਇਸ ਮੀਲ ਪੱਥਰ 'ਤੇ ਪਹੁੰਚਣਾ ਦਰਸਾਉਂਦਾ ਹੈ ਕਿ ਲੋਕ ਸਾਡੇ ਉਤਪਾਦਾਂ ਨੂੰ ਲਗਾਤਾਰ ਪਸੰਦ ਕਰ ਰਹੇ ਹਨ। ਸਾਨੂੰ ਭਰੋਸਾ ਹੈ ਕਿ ਅਸੀਂ ਇਸ ਗਤੀ ਨੂੰ ਬਰਕਰਾਰ ਰੱਖਾਂਗੇ ਅਤੇ ਲੋਕਾਂ ਨੂੰ ਸੁਰੱਖਿਅਤ, ਸਮਾਰਟ ਅਤੇ ਈਕੋ-ਅਨੁਕੂਲ ਵਾਹਨ ਪ੍ਰਦਾਨ ਕਰਨਾ ਜਾਰੀ ਰੱਖਾਂਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
