ਦਿਵਾਲੀ 'ਤੇ 2 ਲੱਖ ਰੁਪਏ ਸਸਤੀ ਮਿਲ ਰਹੀ TaTa Nexon, ਜਾਣੋ ਬਾਕੀਆਂ ਕਾਰਾਂ ਕਿੰਨੀਆਂ ਹੋਈਆਂ ਸਸਤੀਆਂ
Tata Nexon Rivals: ਟਾਟਾ ਨੈਕਸਨ ਕੰਪੈਕਟ SUV ਸੈਗਮੈਂਟ ਵਿੱਚ ਕਈ ਪ੍ਰਸਿੱਧ ਮਾਡਲਾਂ ਨਾਲ ਮੁਕਾਬਲਾ ਕਰਦੀ ਹੈ, ਜਿਸ ਵਿੱਚ ਮਾਰੂਤੀ ਬ੍ਰੇਜ਼ਾ, ਹੁੰਡਈ ਵੈਨਿਊ, ਕੀਆ ਸੋਨੇਟ, ਮਹਿੰਦਰਾ XUV3XO ਅਤੇ ਨਿਸਾਨ ਮੈਗਨਾਈਟ ਸ਼ਾਮਲ ਹਨ।
ਇਸ ਦੀਵਾਲੀ ਦੇ ਸੀਜ਼ਨ ਵਿੱਚ ਟਾਟਾ ਮੋਟਰਜ਼ ਆਪਣੀ ਨੈਕਸਨ 'ਤੇ ਕੁੱਲ ₹2 ਲੱਖ ਤੱਕ ਦੀ ਛੋਟ ਦੇ ਰਹੀ ਹੈ। ਇਸ ਵਿੱਚ ₹1.55 ਲੱਖ (GST 2.0) ਦਾ ਟੈਕਸ ਬੈਨੀਫਿਟ ਅਤੇ ₹45,000 ਤੱਕ ਦੀਆਂ ਵਾਧੂ ਆਫਰਸ ਸ਼ਾਮਲ ਹਨ। ਦਰਅਸਲ, ਟਾਟਾ ਨੈਕਸਨ ਸਤੰਬਰ 2025 ਵਿੱਚ ਕੰਪਨੀ ਦੀ ਸਭ ਤੋਂ ਵੱਧ ਵਿਕਣ ਵਾਲੀ SUV ਸੀ, ਜਿਸਨੇ ਟਾਟਾ ਮੋਟਰਜ਼ ਨੂੰ ਰਿਕਾਰਡ ਮੰਥਲੀ ਸੇਲਸ ਹਾਸਲ ਕਰਨ ਵਿੱਚ ਮਦਦ ਕੀਤੀ।
ਟਾਟਾ ਨੈਕਸਨ ਕਈ ਇੰਜਣ ਅਤੇ ਟ੍ਰਾਂਸਮਿਸ਼ਨ ਆਪਸ਼ਨਸ ਦੇ ਨਾਲ ਮਿਲਦਾ ਹੈ। ਵੇਰੀਐਂਟ ਨੂੰ 'ਸਮਾਰਟ', 'ਕ੍ਰੀਏਟਿਵ', ਅਤੇ 'Fearless' ਵਰਗੇ ਨਵੇਂ ਲੇਬਲਾਂ ਨਾਲ ਪੇਸ਼ ਕੀਤੇ ਗਿਆ ਹੈ। ਹਰੇਕ ਵੇਰੀਐਂਟ ਫੀਚਰਸ ਅਤੇ ਤਕਨਾਲੌਜੀ ਦੇ ਮਾਮਲੇ ਵਿੱਚ ਵੱਖਰਾ ਹੈ। ਇਹ ਵੇਰੀਐਂਟ ਪੈਟਰੋਲ-5MT ਅਤੇ CNG-6MT ਇੰਜਣ ਵਿਕਲਪਾਂ ਵਿੱਚ ਮਿਲਦਾ ਹੈ। ਇਹ ਛੇ ਏਅਰਬੈਗ, ਇਲੈਕਟ੍ਰਾਨਿਕ ਸਟੈਬਿਲਿਟੀ ਪ੍ਰੋਗਰਾਮ (ESP), ISOFIX, ਹਿੱਲ-ਹੋਲਡ ਅਸਿਸਟ, LED DRL, 16-ਇੰਚ ਸਟੀਲ ਵ੍ਹੀਲ, ਇੱਕ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, ਅਤੇ ਮਲਟੀ-ਡਰਾਈਵ ਮੋਡ (ਈਕੋ, ਸਿਟੀ, ਸਪੋਰਟਸ) ਵਰਗੀਆਂ ਬੁਨਿਆਦੀ ਪਰ ਜ਼ਰੂਰੀ ਫੀਚਰਸ ਦੇ ਨਾਲ ਆਉਂਦਾ ਹੈ।
ਟਾਟਾ ਨੈਕਸਨ 'ਤੇ ਮਿਲਣ ਵਾਲਾ ਡਿਸਕਾਊਂਟ ਵੇਰੀਐਂਟ ਅਤੇ ਸ਼ਹਿਰ ਦੇ ਆਧਾਰ 'ਤੇ ਵੱਖ-ਵੱਖ ਹੋ ਸਕਦੀਾ ਹੈ। ਗਾਹਕਾਂ ਨੂੰ ₹1.55 ਲੱਖ ਤੱਕ ਦੇ GST 2.0 ਟੈਕਸ ਕਟੌਤੀ ਲਾਭ ਮਿਲ ਰਹੇ ਹਨ। ਇਸ ਤੋਂ ਇਲਾਵਾ, ਨਕਦ ਛੋਟ, ਐਕਸਚੇਂਜ ਬੋਨਸ ਅਤੇ ਕਾਰਪੋਰੇਟ ਸਕੀਮਾਂ ਸਮੇਤ ₹45,000 ਤੱਕ ਦੇ ਵਾਧੂ ਆਫਰ ਵੀ ਸ਼ਾਮਲ ਹਨ। ਇਸਦਾ ਮਤਲਬ ਹੈ ਕਿ ਗਾਹਕ ਕੁੱਲ ₹2 ਲੱਖ ਤੱਕ ਦਾ ਲਾਭ ਪ੍ਰਾਪਤ ਕਰ ਸਕਦੇ ਹਨ। ਕੰਪਨੀ ਦੀ ਸਲਾਹ ਹੈ ਕਿ ਗਾਹਕ ਖਰੀਦਣ ਤੋਂ ਪਹਿਲਾਂ ਆਪਣੇ ਨਜ਼ਦੀਕੀ ਟਾਟਾ ਡੀਲਰਸ਼ਿਪ ਨਾਲ ਸਲਾਹ-ਮਸ਼ਵਰਾ ਕਰਨ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਉਨ੍ਹਾਂ ਨੂੰ ਪੂਰਾ ਲਾਭ ਪ੍ਰਾਪਤ ਹੋਵੇ।
ਟਾਟਾ ਨੈਕਸਨ ਕੰਪੈਕਟ SUV ਸੈਗਮੈਂਟ ਵਿੱਚ ਕਈ ਪ੍ਰਸਿੱਧ ਮਾਡਲਾਂ ਨਾਲ ਮੁਕਾਬਲਾ ਕਰਦੀ ਹੈ, ਜਿਨ੍ਹਾਂ ਵਿੱਚ ਮਾਰੂਤੀ ਸੁਜ਼ੂਕੀ ਬ੍ਰੇਜ਼ਾ, ਹੁੰਡਈ ਵੈਨਿਊ, ਕੀਆ ਸੋਨੇਟ, ਮਹਿੰਦਰਾ XUV3XO, ਨਿਸਾਨ ਮੈਗਨਾਈਟ, ਅਤੇ ਮਾਰੂਤੀ ਸੁਜ਼ੂਕੀ ਵਿਟਾਰਾ ਬ੍ਰੇਜ਼ਾ ਸ਼ਾਮਲ ਹਨ। ਇਹ ਸਾਰੀਆਂ SUV ਡਿਜ਼ਾਈਨ, ਫੀਚਰਸ ਅਤੇ ਇੰਜਣ ਪਰਫਾਰਮੈਂਸ ਦੇ ਮਾਮਲੇ ਵਿੱਚ ਤਕੜਾ ਮੁਕਾਬਲਾ ਹੈ। ਖਾਸ ਗੱਲ ਇਹ ਹੈ ਕਿ ਇਹਨਾਂ ਵਾਹਨਾਂ ਨੂੰ GST ਕਟੌਤੀ ਦਾ ਵੀ ਫਾਇਦਾ ਹੁੰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
