Tata Nexon vs Maruti Brezza? ਕਿਹੜੀ ਗੱਡੀ ਖਰੀਦਣੀ ਰਹੇਗੀ ਵਧੀਆ? ਇੱਥੇ ਜਾਣੋ ਪੂਰੀ ਜਾਣਕਾਰੀ
Tata Nexon vs Maruti Brezza: ਮਾਰੂਤੀ ਬ੍ਰੀਜ਼ਾ ਚੰਗੀ ਮਾਈਲੇਜ ਲਈ ਜਾਣੀ ਜਾਂਦੀ ਹੈ, ਜਦੋਂ ਕਿ ਟਾਟਾ ਨੈਕਸਨ ਨੂੰ ਮਜਬੂਤੀ ਅਤੇ ਸੇਫਟੀ ਦੇ ਮਾਮਲੇ ਵਿੱਚ ਬਹੁਤ ਵਧੀਆ ਮੰਨਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਕਾਰਾਂ ਦੇ ਬਾਰੇ ਵਿੱਚ
ਮਾਰੂਤੀ ਬ੍ਰੀਜ਼ਾ ਨੂੰ ਪਿਛਲੇ ਮਹੀਨੇ 6 ਏਅਰਬੈਗਸ ਸਟੈਂਡਰਡ ਸੇਫਟੀ ਦੇ ਨਾਲ ਅਪਡੇਟ ਕੀਤਾ ਗਿਆ ਸੀ। ਇਸ ਲਈ ਹੁਣ ਤੁਹਾਨੂੰ ਇਸ ਦੇ ਬੇਸ ਵੇਰੀਐਂਟ ਵਿੱਚ ਵੀ ਪੂਰੀ ਸੇਫਟੀ ਮਿਲਣ ਵਾਲੀ ਹੈ। ਜੇਕਰ ਅਸੀਂ ਭਾਰਤੀ ਬਾਜ਼ਾਰ ਵਿੱਚ ਮਾਰੂਤੀ ਸੁਜ਼ੂਕੀ ਬ੍ਰੀਜ਼ਾ ਦੇ ਮੁਕਾਬਲੇ ਦੀ ਗੱਲ ਕਰੀਏ ਤਾਂ ਇਸ ਦਾ ਸਿੱਧਾ ਮੁਕਾਬਲਾ Tata Nexon ਦੇ ਨਾਲ ਹੈ।
ਮਾਰੂਤੀ ਬ੍ਰੀਜ਼ਾ ਬਿਹਤਰ ਮਾਈਲੇਜ ਲਈ ਜਾਣੀ ਜਾਂਦੀ ਹੈ, ਜਦੋਂ ਕਿ ਟਾਟਾ ਨੈਕਸਨ ਨੂੰ ਮਜਬੂਤੀ ਅਤੇ ਸੇਫਟੀ ਦੇ ਮਾਮਲੇ ਵਿੱਚ ਬਹੁਤ ਵਧੀਆ ਮੰਨਿਆ ਜਾਂਦਾ ਹੈ। ਇਹ ਦੋਵੇਂ ਗੱਡੀਆਂ 10 ਲੱਖ ਰੁਪਏ ਦੀ ਰੇਂਜ ਵਿੱਚ ਆਉਂਦੀਆਂ ਹਨ। ਜੇਕਰ ਤੁਸੀਂ ਇਨ੍ਹਾਂ ਦੋਵਾਂ ਕਾਰਾਂ ਵਿੱਚੋਂ ਇੱਕ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇੱਥੇ ਅਸੀਂ ਤੁਹਾਨੂੰ ਦੋਵਾਂ ਕਾਰਾਂ ਦੀ ਸੇਫਟੀ, ਪਰਫਾਰਮੈਂਸ ਅਤੇ ਮਾਈਲੇਜ ਦੇ ਬਾਰੇ ਵਿੱਚ ਦੱਸਣ ਜਾ ਰਹੇ ਹਾਂ।
Tata Nexon ਅਤੇ Maruti Brezza ਦੀ ਕੀਮਤ
ਟਾਟਾ ਨੈਕਸਨ ਦੀ ਐਕਸ-ਸ਼ੋਰੂਮ ਕੀਮਤ 7.99 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 15.60 ਲੱਖ ਰੁਪਏ ਤੱਕ ਜਾਂਦੀ ਹੈ। ਮਾਰੂਤੀ ਬ੍ਰੀਜ਼ਾ ਦੀ ਐਕਸ-ਸ਼ੋਰੂਮ ਕੀਮਤ 8.69 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਇਸਦੇ ਟਾਪ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 16.26 ਲੱਖ ਰੁਪਏ ਤੱਕ ਜਾਂਦੀ ਹੈ। ਟਾਟਾ ਨੈਕਸਨ ਨੂੰ ਗਲੋਬਲ NCAP ਤੋਂ ਕਰੈਸ਼ ਟੈਸਟਾਂ ਵਿੱਚ 5-ਸਟਾਰ ਸੇਫਟੀ ਰੇਟਿੰਗ ਮਿਲੀ ਹੈ। ਮਾਰੂਤੀ ਬ੍ਰੀਜ਼ਾ ਦੀ 4-ਸਟਾਰ ਸੇਫਟੀ ਰੇਟਿੰਗ ਹੈ। ਟਾਟਾ ਨੈਕਸਨ ਦਾ ਬੂਟ ਸਪੇਸ 382 ਲੀਟਰ ਹੈ। ਬ੍ਰੀਜ਼ਾ ਦਾ ਬੂਟ ਸਪੇਸ 328 ਲੀਟਰ ਹੈ।
ਟਾਟਾ ਨੈਕਸਨ ਹਾਈਬ੍ਰਿਡ ਕਾਰ ਨਹੀਂ ਹੈ। ਪਰ ਇਹ ਕਾਰ ਪੈਟਰੋਲ, ਡੀਜ਼ਲ ਅਤੇ CNG ਪਾਵਰਟ੍ਰੇਨਾਂ ਦੇ ਆਪਸ਼ਨ ਦੇ ਨਾਲ ਆਉਂਦੀ ਹੈ। ਇਸ ਟਾਟਾ ਕਾਰ ਵਿੱਚ 1.2-ਲੀਟਰ ਟਰਬੋਚਾਰਜਡ ਰੇਵੋਟ੍ਰੋਨ ਇੰਜਣ ਹੈ। ਇਹ ਇੰਜਣ 5,500 rpm 'ਤੇ 88.2 PS ਪਾਵਰ ਦਿੰਦਾ ਹੈ ਅਤੇ 1,750 ਤੋਂ 4,000 rpm 'ਤੇ 170 Nm ਟਾਰਕ ਜਨਰੇਟ ਕਰਦਾ ਹੈ। ਟਾਟਾ ਨੈਕਸਨ 17 ਤੋਂ 24 kmpl ਦੀ ਮਾਈਲੇਜ ਦਿੰਦਾ ਹੈ।
ਮਾਰੂਤੀ ਬ੍ਰੀਜ਼ਾ ਇੱਕ ਹਾਈਬ੍ਰਿਡ ਕਾਰ ਹੈ। ਇਹ ਕਾਰ K15 C ਪੈਟਰੋਲ + CNG (ਬਾਈ-ਫਿਊਲ) ਇੰਜਣ ਦੇ ਨਾਲ ਆਉਂਦੀ ਹੈ, ਇਸ ਲਈ ਇਸ ਨੂੰ ਪੈਟਰੋਲ ਅਤੇ CNG ਦੋਵਾਂ ਮੋਡਾਂ ਵਿੱਚ ਚਲਾਇਆ ਜਾ ਸਕਦਾ ਹੈ। ਇਸ ਕਾਰ ਦਾ ਇੰਜਣ ਪੈਟਰੋਲ ਮੋਡ ਵਿੱਚ 6,000 rpm 'ਤੇ 100.6 PS ਪਾਵਰ ਅਤੇ 4,400 rpm 'ਤੇ 136 Nm ਟਾਰਕ ਪੈਦਾ ਕਰਦਾ ਹੈ। CNG ਮੋਡ ਵਿੱਚ, ਇਹ ਕਾਰ 5,500 rpm 'ਤੇ 87.8 PS ਪਾਵਰ ਅਤੇ 4,200 rpm 'ਤੇ 121.5 Nm ਟਾਰਕ ਪੈਦਾ ਕਰਦੀ ਹੈ। ਇਹ ਮਾਰੂਤੀ ਕਾਰ 25.51 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਦੀ ਮਾਈਲੇਜ ਦਿੰਦੀ ਹੈ।
Before You Go
Stubble Burning ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਨੇ ਜਾਰੀ ਕੀਤੀ ਹਦਾਇਤ | Paddy
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
