Toyota Innova Hycross ਹੋ ਗਈ ਮਹਿੰਗੀ, ਹੁਣ ਕਾਰ ਖ਼ਰੀਦਣ ਲਈ ਤੁਹਾਨੂੰ ਖ਼ਰਚ ਕਰਨੇ ਪੈਣਗੇ ਇੰਨੇ ਲੱਖ ਰੁਪਏ, ਜਾਣੋ ਕੀ ਹੋਇਆ ਰੇਟ ?
Toyota Innova Hycross Price Hike: Toyota Innova Hycross ਦੀ ਕੀਮਤ ਵਿੱਚ ਬੰਪਰ ਵਾਧਾ ਹੋਇਆ ਹੈ। ਇਸ ਮਸ਼ਹੂਰ ਦੀ ਕੀਮਤ ਕਈ ਹਜ਼ਾਰ ਰੁਪਏ ਵਧ ਗਈ ਹੈ। ਕਾਰ ਦੇ ਬੇਸ ਮਾਡਲ ਦੀ ਕੀਮਤ 'ਚ 17 ਹਜ਼ਾਰ ਰੁਪਏ ਦਾ ਵਾਧਾ ਹੋਇਆ ਹੈ।
Toyota Innova Hycross : Toyota Innova Hycross ਇੱਕ MPV ਹੈ। ਕੰਪਨੀ ਨੇ ਇਸ ਕਾਰ ਦੀ ਕੀਮਤ ਵਧਾ ਦਿੱਤੀ ਹੈ। ਇਨੋਵਾ ਹਾਈਕ੍ਰਾਸ ਦੀ ਕੀਮਤ 'ਚ 36 ਹਜ਼ਾਰ ਰੁਪਏ ਤੱਕ ਦਾ ਵਾਧਾ ਹੋਇਆ ਹੈ। ਕਾਰ ਦੀ ਕੀਮਤ 'ਚ ਵਾਧੇ ਤੋਂ ਬਾਅਦ ਇਸ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 19.94 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 31.34 ਲੱਖ ਰੁਪਏ ਹੋ ਗਈ ਹੈ।
Innova ਦੀ ਕੀਮਤ ਵਿੱਚ ਵਾਧਾ
ਟੋਇਟਾ ਇਨੋਵਾ ਹਾਈਕ੍ਰਾਸ ਛੇ ਟ੍ਰਿਮਸ ਦੇ ਨਾਲ ਬਾਜ਼ਾਰ ਵਿੱਚ ਉਪਲਬਧ ਹੈ। ਇਸ ਕਾਰ ਦੇ GX, GX(O), VX, VX(O), ZX ਅਤੇ ZX(O) ਵੇਰੀਐਂਟ ਭਾਰਤੀ ਬਾਜ਼ਾਰ 'ਚ ਸ਼ਾਮਲ ਕੀਤੇ ਗਏ ਹਨ। ਇਸ ਦੇ ਐਂਟਰੀ ਲੈਵਲ ਵੇਰੀਐਂਟ GX ਅਤੇ GX(O) ਦੀ ਕੀਮਤ 'ਚ 17 ਹਜ਼ਾਰ ਰੁਪਏ ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਇਸ ਕਾਰ ਦੇ ਮਿਡ ਵੇਰੀਐਂਟ VX ਅਤੇ VX(O) ਦੀ ਕੀਮਤ 'ਚ 35 ਹਜ਼ਾਰ ਰੁਪਏ ਦਾ ਵਾਧਾ ਹੋਇਆ ਹੈ। ਇਨੋਵਾ ਦੇ ਟਾਪ ਮਾਡਲ ZX ਅਤੇ ZX(O) ਦੀ ਕੀਮਤ 'ਚ 36 ਹਜ਼ਾਰ ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ।
ਕਿੰਨੇ ਸਮੇਂ 'ਚ ਮਿਲਦੀ ਹੈ Innova ?
ਮੀਡੀਆ ਰਿਪੋਰਟਾਂ ਮੁਤਾਬਕ, ਇਨੋਵਾ ਹਾਈਕ੍ਰਾਸ ਦਾ ਵੇਟਿੰਗ ਪੀਰੀਅਡ ਵੀ ਘੱਟ ਗਿਆ ਹੈ। ਇਸ ਗੱਡੀ ਦੇ ਪੈਟਰੋਲ ਵੇਰੀਐਂਟ ਲਈ ਤੁਹਾਨੂੰ 45 ਤੋਂ 60 ਦਿਨਾਂ ਤੱਕ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ। ਜੇ ਤੁਸੀਂ ਅੱਜ ਇਸ ਦੇ ਟਾਪ ਵੇਰੀਐਂਟ ਲਈ ਬੁੱਕ ਕਰਦੇ ਹੋ, ਤਾਂ ਤੁਹਾਨੂੰ ਛੇ ਮਹੀਨਿਆਂ ਬਾਅਦ ਇਸ ਗੱਡੀ ਦੀਆਂ ਚਾਬੀਆਂ ਮਿਲ ਜਾਣਗੀਆਂ। ਜਦੋਂ ਕਿ ਪੈਟਰੋਲ ਹਾਈਬ੍ਰਿਡ ਵੇਰੀਐਂਟ ਲਈ ਤੁਹਾਨੂੰ 45 ਦਿਨਾਂ ਤੱਕ ਇੰਤਜ਼ਾਰ ਕਰਨਾ ਹੋਵੇਗਾ। ਪਿਛਲੇ ਮਹੀਨੇ ਤੱਕ ਇਸ ਗੱਡੀ ਦਾ ਵੇਟਿੰਗ ਪੀਰੀਅਡ ਅੱਠ ਮਹੀਨਿਆਂ ਤੱਕ ਪਹੁੰਚ ਗਿਆ ਸੀ।
Innova Hycross ਦੀ ਪਾਵਰ
Toyota Innova Highcross 2.0-ਲੀਟਰ ਪੈਟਰੋਲ ਇੰਜਣ ਨਾਲ ਲੈਸ ਹੈ। ਵਾਹਨ 'ਚ ਲਗਾਇਆ ਗਿਆ ਇਹ ਇੰਜਣ 172 hp ਦੀ ਪਾਵਰ ਦਿੰਦਾ ਹੈ। ਇਸ ਇੰਜਣ ਦੇ ਨਾਲ ਆਟੋਮੈਟਿਕ ਗਿਅਰ ਬਾਕਸ ਵੀ ਲਗਾਇਆ ਗਿਆ ਹੈ। ਇਨੋਵਾ 'ਚ ਮਜ਼ਬੂਤ ਹਾਈਬ੍ਰਿਡ ਤਕਨੀਕ ਵਾਲਾ 2.0 ਲੀਟਰ ਪੈਟਰੋਲ ਇੰਜਣ ਦਾ ਵਿਕਲਪ ਵੀ ਹੈ, ਜੋ 184 hp ਦੀ ਪਾਵਰ ਦਿੰਦਾ ਹੈ।
ਇਨੋਵਾ 7-ਸੀਟਰ ਅਤੇ 8-ਸੀਟਰ ਸੰਰਚਨਾਵਾਂ ਦੇ ਨਾਲ ਆਉਂਦੀ ਹੈ। ਸੁਰੱਖਿਆ ਲਈ ਇਹ ਵਾਹਨ 6 SRS ਏਅਰਬੈਗਸ ਨਾਲ ਵੀ ਲੈਸ ਹੈ। ਇਹ ਕਾਰ ਸੱਤ ਰੰਗਾਂ ਦੇ ਵਿਕਲਪਾਂ ਦੇ ਨਾਲ ਬਾਜ਼ਾਰ ਵਿੱਚ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
